تجمع امهاات 2007 خلونا نستفيد من بعض

[Miss_Tiger79]

لا يا رفرف انا ما كنت معاج بس انا نفس دفعتج؟؟؟؟؟
اي والله صاجة رفرف مدام يبون ايشيلون اليهال خل يشيلونهم على الاقل يتعودون عليهم
والخدامة الي اتحب اتشيل الياهل ومتشفقة عليه اتكون حنونة اشوي عليه احسن من الي ما اتروحله الا اذا قلتيلها

بنات انا عندي خدامتين فلبينيه واندونيسية والاندونيسية بتسافر لانها صارلها 3 سنوات فشنو اييب بدالها لا اتقولولي فلبينيه لاني ما احب اييب خدامتين نفس الجنسية
عاد عيالس تعودو عليها وايد وحتى على الفلبينيه بس شسوي قتلها بتردين وقالت لاء عشان امها مره عيوز وخواتها راحو اشتغلو وماكو احد عندها (قتلكم قصت حياتي ويه الخدم) ههههه

 

[malak_alroo7]

مس تايقر
جنهم يمدحون النيباليه و السيلانيه
خنشوف البنات شقولون؟

 

[رفرف]

مس تايقر اذا تبينها حق تنظيف وطباخ وجذي الفلبينيات زينين وهم الأثيوبيات يمدحونهم ..
بس اذا بتخلينها تجابل ياهل لا يحوشج اخذي هندية او سيلانية أحن عاليهال ..
انا ماجربت الهنود بس يقولون حنونين ..
خداماتي القديمة واللي الحين عندي سيلانيات مسلمات والثنتين الحمدلله وااااايد حنونين عاليهال بسسسسسس بالتنظيف لج عليهم لازم تعيدين عليهم مرة ومرتين وبالنسبة لي ما عندي اي مانع دامهم يحبون بناتي وما يأذونهم ..

وانا افضل المسلمات لأنهم نوعا ما يخافون ربهم .. مع ان اللي فيها شر مو رادها شي بس انا ارتحت لهم ..

 

[Miss_Tiger79]

مشكوره رفرف وملاك الروح
وانا فكرت بعد بالهنديه
والسيلانيه مادري
بس انا الحمدلله ما اخلي اليهال عندهم الا عقب المغرب لانه الصبح حضانة والصغيره عند خالتي ولما ايي من الدوام يكونون بينامون ولما يقعدون يلعبون واخليهم وياهم وبس

والله كريم وانشالله اتييلي الخدامة الزينة الي اتريح بالي
بس رفرف يقولون اخذي مسيحيه ولا مسلمة مادري ليش

 

[رفرف]

والله المسلمات اللي جربتهم الحلو فيهم ان كله يسمون على الياهل ويذكرون الله انا بعد ماخلي الياهل عند الخدم بس مرات اضطر يعني بصلي والا بتسبح لازم بتمسكهم شوي ..
يمكن لنهم مشتغلين بالسعودية قبل ..

بس لا يغرج بعضهم مسلمات بالاسم بس ..
بسوالف الخدم التوفيق من الله مرات اتييج وحدة تتوفقين فيها لو شنو جنسيتها او ديانتها ومرات العكس ..

 

[Miss_Tiger79]

اي والله صاجة رفرف
تعالي رفرف سجلتي صبوية بالنادي الصيفي مال التكامل؟؟؟؟؟؟

وشخباركم بنات وينكم لا حس ولا خبر

 

[رفرف]

تايقر لا ما سجلتها شسالفته النادي بجم ومن متى لي متى ؟؟

انزين الابداع ما عندهم نادي صيفي السنة جنه صخة ؟

 

[lolo77]

مساء الخير
شخباركم
تصدقون عاد انا بعد خدامتي الاندونيسية الشهر الياي بتسافر صارلها 3 سنوات وهم ما ادري شنو اييب
ريلي يقولي خليج على الاندونيسيات انا ما احب الهنود والسيلانيات مع انهم يقولون احن على البيبي
؟؟

 

[رفرف]

وي سكتو من يبنا طاري الخدامات صارتلي سالفة ...

خدامتي صارلها عندي 6 شهور ومن يات مسكينة وهي ظروفها مو شي كل يومين صايرة عندهم سالفة وريلها كبير ومريض وووو المهم اليوم ياها خبر ان ريلها توفى مسكينة وبس تنخ وتبجي تكسر الخاطر قاعدة تحاتي عيالها تقول اخاف اروحلهم منو يصرف علينا لي رحت ؟
عاد قلتلها فكري وشوفي اذا بتسافرين يبا نسفرج واذا بتقعدين كيفج ..
بس حاطة ايدي على قلبي لا تقول بسافر الحين لأني عقب 3 اسابيع لازم اداوم ووين اخلي بنتي بدون خدامة ؟؟؟؟؟؟!!!! (انا كنت بخليها بيت اهلي مع خدامتها صج امي وابوي موجودين بس كبار مافيهم حيل على مجابل بيبي) ..
اهمه صج اسبوعين بس هم وهقة ...

الله يكتب اللي فيه الخير صج ضاق خلقيييي

 

[كيت كات]

رفرف حبيبتي الله يعييييينج ان شاء الله كل امورج تساهيل يارب
بنات ...ابي جواب ضروري ماعندي خبرررررررررررة كلش
حمود صارلي يومين فجاة يصرخ ويبجي ويتعصر وتكرمون يطلع هوى بالغصب والله اول مرة اشوف دموعه مسكين عنره شهرين وعشر ايام يطالعني ويبجي بحرررررررررررررقة ساعات يقوم من عز نومة ويبجي
عاد والله كان هاااادي حتى ما اذكر سمعته يبجي وايد حتى لو قام بس يطالع ويرد ينام
شسوي عفية ؟؟؟؟عطيته ماي غريب ........نقط بامبي اللي بالصيدلية......ينسون كراوية حبة حلوة........حتى ماي زهر حطيتله بمطارة الماي ....مساج كل شي وانا صارلي يومين ما انام خير شر
وديته الطبيب قال غازات انزين عيالكم جذي يبجون وايد ويطولون بالبجية حتى الرضعه مايبونها ..؟؟؟ طولت عليكم ادري بس شسوي محتاااارة

 

[Miss_Tiger79]

الله يعينج كيت كات ترى هذي الغازات قشره الله يشافي حمودي
وترى انا مرات بنتي لما اشوف ما ينفع وياها احطلها تحميلة جلسرين تكرمين اطلع الهوا والخروج مع بعض وعقب ترتاح بس لا تستخدمينها كل مره بس اذا حسيتي انه كل الي تسوينه مافاد
ورفرف الله يعينج على هالمشكلة بس انشالله ما اتسافر وتقعد معاج وتلاقي احد عند عيالها
وترى النادي الصيفي مال التكامل قالولي لازم اتسجلين ولدج لانهم يعلمونة الانجليزي التمهيدي مع انه ولدي ماشالله يعرف انجليزي بس قالتلي عشان يتقوى عدل بس ترى اهوه اكاديمي يعني بس دراسة مو لعب ومن نص 6 الى نص 7 ومن الساعه 9 لين الساعه 1
وانتي دششتي صبوية النادي اليفي مال الابداع السنة الي طافت ؟ وشنو عطوهم ؟


وبنات انا ولدي الوسطي توه بدى يغار من اخته بجنون وصار عسر حيل لانها بدت تضحك وتناغي اشوي فقام يغار والله يعينا

 

[znzn]

منوره كويتيه
الله يخليلج البيبى انشالله عندى حليب الاطفال اس 26 وايد زين وعندج حفاظات الاطفال انا استخدم حك ولدى من عمره يوم وللحين استخدمله حفاظات Libero بصراحه وايد مريح حك الطفل ما يسرب وبصراحه حتى عيال اخوى يستخدمونه

 

[رفرف]

كيت كات ايييه الغازات مشكلة أزلية شرايج ان بنتي ترضع طبيعي المفروض مافيها غازات او قليل كلش .. البنت بس تصرررررخ ولي يات ترضع ماتقدر تصرررررخ كسرت خاطري ..

بس جربي استعملي له ماي غريب مو الجاهز ..
لا اخذيه من المستوصف او المستشفى اهمه يسوونه بالصيدلية ويعبونه وترى بدون وصفة عادي ..
واستعمليه خلال اسبوع بس بعدين ما يأثر ومفعوله أحسن من الجاهز (دكتورتين اطفال من اهلنا قالولي هالحجي) وجربته الصراحة صج أحسن من الجاهز ..


تايقر ..
انا ما دخلتها الابداع لأن سافرنا وخذيناها معانا بس والله يمدحون ناديهم وانا افضله لأنها متعودة عالمكان ...
وانا بدخلها اي نادي صيفي مابيها تقعد بطالية بالعطلة نفس العام ملت وأذتني ...
بس حرام ادخلها التكامل اذا كله دراسة ابيها تلعب شوي ..
انزين ما قلتيلي جم اشتراكهم ؟

 

[أمواج البحر]

صباح الخير امهات جميعاً

رفرف ... انا دفعة 94 و تشعيبي علوم عيل الظاهر لي شفتج اكييييد بعرفج

والله يعينج على سالفة خدامتج والله حالة ... يمكن تقولج بقعد وما تسافر

لانهم وعليه عليهم فقارة و ما عندهم مصرف حتى حق اللقمه

كيت كات ... حبيبتي ان شاء الله ما عليها شر هذه الغازاااااااااات ياربي والله يكسرون الخاطر هاليهال

انتي عطيها ماي غريب و استمري على النقط مال الغازات اللي وصفه الدكتور

و على طووووول خليها متدفيه و ما تشوف شر ان شاء الله

 

[أم حيدر]

قوووووووووة

شلونكم يا أمهات وشخباركم ؟؟؟ لونق تايم نو سي

انا عمري 28 ربيعا

ابشركم حيدور صاير خطير على قولة أمواج البحر صاير مغاوير يوقف ويقط عمره .... عسى الله يحفظه ويحفظ بيبياتكم

 

[كيت كات]

رفرف حبيبتي وي رضاعة طبيعي وغازات .....؟؟صج مشكله مشكورة على النصيحة تصدقين يبت ماي غريب المستوصف احس فعلا احسن والله كريم
امواج البحر انا مرات ما ادفيه حبيب قلبي عبالي ريال مسكين
ام حيدر .......وناسه كبري .وين هالغيبة عسى المانع خير عاد والله فقدتج
ومبروووك على الجندي المغوااار عقبال مايصير ضابط ويضبط المشية

 

[أم حيدر]

لووووووووول هلا كيت كات ... شلونج حبيبتي ؟ عساج ما تفقدين غالي انشالله

ماكو كنت ماخذه اجازة الاربعاء لان كان عندي عزيمة الخميس وما دخلت النت خير شر

 

[lolo77]

السلالالالام عليكم

انا ارضع طبيعي والغازات ذابحه بنوتي اي ما ادري متى يكبرون عشان يرتاحووون والله يعينا

 

[كيت كات]

مس تايقر حبيبتي .........توني اشوف ردج بعد عمري انا اعطيه تحميله البلغم واخاااااااااااف
ان شاء الله تخف شوي شوي
ام حيدر ...اشوى ان جان الغياب عشان عزيمة

 

[كيت كات]

عليكم السلام لولو ...بنتج كبر ولدي بالضبط يمكن فرق 3 ايام ونااااسه