تجمع امهاات 2007 خلونا نستفيد من بعض

[كيت كات]

اهلين ملاك الروح ...الله يسلمج انتي ونوارتج يارب
حبيبتي اللي فهمته ان بنتج عمرها 4 شهور
العاده يكتبون العمر والكميه على القفاش
يعني شلون من 120 الى 180 كلهم نفس كميه القفاش؟؟؟ غريبه

 

[malak_alroo7]

تسلمين كيت كات
لا 120 قفشتين و 180 3
بس اللي اقصده انه راح يكون وايد على نوره يعنى اليوم اعطيها 120 و فجاه باجر مثلا اعطيها 180 مل احس لو حاطين 150 مثلا شوي اهون
امبيه حدي نعسانه مادري شقاعده اقوول فهمتى اللي اقصده حبيبتي؟

 

[أم حيدر]

شلووووونكم كلكم .....

ملاك الروح - اذا حسيتي ان حليب بنتج اس 26 سوالها امساك على طول حولي حلى حليب ثاني - لان اس 26 نسبة الحديد عالية فيه لعب بحسبة وليدي لما كان صغير.

وسومة -لا تحاتين مثل ما تركت الحليب بترجعله بروحلها مارة علي هالحالة بنتج بتسنن صبري عليها والله يعينج

رفرف : نصيحتي لج من الحين مرة باليوم شفطي حليبج وعطيها ياه بالممية - ترى واااايد راح تتأذين لما تداومين وييبيلها مميات Event انشالله راح تاخذها تحصلينها بموذركير وبلاند مارك روعة وماتسرب هوا

محضر الاجتماع ::::::

1. بسكوت فارليز عطيته حق ولدي ابتداءامن 3 شهور بديت معاه ربع بسكوته والحمدلله مافي الا العافية - بس انا اقولكم في نوعين نوع مكتوب عليه original ونوع مكتوب عليه orange انتو ييبو الاوريجنال لانن الاورانج ما يذوب وبدلوا حلمة الممية حطو اللي بفتحتين او ثلاث- وبالنسبة للدكاترة اكيد بيقولون لاتعطون الياهل بسكةت بهالعمر يخافون.

2. بالنسبة لموضوع متى يقعد الياهل - اذا كان القعده بالكار سيت فكل كار سيت تكون فيه سفنجه اضافية حق المواليد - اللي عندي شاريته من مذر كير كان فيه جذي عشان تدعم ظهر الياهل
اما بالنسبة حق القعدة بالكرسي او الارض - لازم عقب الشهر الرابع عشان لايصير ضغط على آخر فقرات الظهر وبالتالي تشوه للعمود الفقري الله يحفظهم انشالله.

3. بالنسبة حق مقدار الرضعة اللي يشربها البيبي - احتياجات البيبي من الشبع والجوع تختلف بين وقت وثاني يعني ما يضر الطفل ابدا ابدا اذا شرب مرة 120 ومرة ما تشبعه ال120 فيشرب 150 - من تجربتي الشخصية احيان كثيرة اسوي الرضعة يترك نصها يكون شبعان واحيانا يشربها كاملة ويبي بعد فأسويله 30 او 60 - ومافيه الا العافية

4. موضوع البرد والنشله -قبل كل شي ادري ملابس الصيف حلوة وتشوق بس نصيحتي بعدوا عن النص جم لان كل مكان نروحله سواءا بيوت او مجمعات السنترال فيها يقص العظم قص خلكم على التيشيرتات اللي جمومهم طويلة ادفى حق البيبي. وبالليل لبسوهم تبان اللي فيه ريول احفظلهم من البرودة. واحلى تبانات ملوت مذركير كد ومد.

5. بالنسبة حق موضوع ان الحلبة تنحط بمطارة البيبي - نصيحتي لأ - لان البيبي ذكي واذا استنكر طعم الحلبة راح يترك الحليبة ويقطعها- الاحسن ان يشربها بروحها مع سكر نبات واذا رفض بالممية عطوا بقفشة استكانة .

ودمتم سالمييييييييييييييين ")

 

[lolo77]

صباح الخير يا امهااات

لاتستعيلون بان توكلون اعيالكم
ترى الحساسية والاكزيما اللي قاعدين نشوفها باليهال من الاكل
نطروا لمن يكملون 6 اشهر

وبالنسبه لحليب اس 26 اناا اشرب بنتي بس مره وحده باليوم
لاني ارضعها طبيعي بس ما ابيها تكره الميمية لي داومت بعد اربع اشهر
وترى كميه الحليب تعتمد على الياهل في ياهل ما يشبعه 120 وتلقين بنفس العمر ياهل يسووله 180انا لاحظت هالشي بنفسي

 

[lolo77]

اليوم موعد تطعيم بنتي كملت الشهرين
الله يستر

 

[كيت كات]

صباح الخيرات لولو77
الله يعينج هالله هالله بالكمادات الدافةوالادول الله يستر انا اخر الاسبوع
ام حيدر ماشاء الله عليج موسوووووووووعه مشكورة على هالمعلومة يعني عادي اعطيه حلبه بالرضاعه...
وبالنسبة للنشله والملابس والله صاجة من بديت البسه نص جم واهو منتكسه حالته ياقلبي عليه الله يشفيلياه

 

[كيت كات]

ملاك الروح اذا بنتج تشرب كمية 120 كلها عادي جربي ال180 حتى لو يبقى شوي تتعود بعدين

 

[أم حيدر]

كيت كات هلا وغلا - ضحكتيني على سالفة موسوعة - اي حبوبة عطيها حلبة بروحها مع سكر نبات ومخففة لأن طعمها ما ينجرع- وخلج عالجموم الطويلة احسن ترى حبايبي مناعتهم ضعيفة.

لولو - لا تحاتين التطعيم ماكو الا الخير انشالله -بس اوصيج اول ما ترجعين من الطبيب عقب ما تطعمينها على طووووول عطيها ربع قطارة تايلنول كل 5 ساعات عطيها ربع لمدة اول 15 ساعة وانشالله ما يصير صبح باجر الا وهي طيبة. والكمادات كل ساعتين بس ها مو بس تدفين الكمادة وتحطينها على ريلها لااااااااا فركي مكان الابرة بالكمادة عشان يمشي الدوا .

 

[Miss_Tiger79]

ملا الروح ترى لازم تعين بنتج مثل ما اهوه مكتوب على العلبة
اهوه صج اول الايام راح يبقى منه بس بعدين بتلاقينها تشربها كلها لانه المعده تتوسع اشوي اشوي وعادي هالشي
وكيت كات الله يشافي بنتج وما اتشوف شر
وعلى السبوح انا اسبح بنتي كل 3 ايام

 

[lolo77]

كيت كات
ام حيدر

ما قصرتوا
ويعطيكم العافيه

 

[Miss_Tiger79]

ومنوره والله بيجامات سنتر بيوينت وايد حلوين انا اخذ حق منى بنتي البيجامة الي صوب ريولها مبطلة لانها كله حرانة وشكلهم حلو
وانشالله بروح اشوف الي بماركس سبنسر يمدحونهم بعد

 

[منورة الكويتية]

قوووة امهات شلوونكم شخباررركم
انا نوارتي مادري شفيها اليوم ترضع شوي بعدين توخر الرضاعه ماتبيها مادري شقصتها

 

[malak_alroo7]

تسلمووووووون بنات كلكم على النصايح الحلوه ما قصرتوا

بنات في شغله وايد مضايقتنى .. الاهل وايد وايد يحنون على راسي علشان احدد شعر بنتي و انا ما احب انى احدده كلش كلش ياربي بنتى و انا كيفي ليش يتدخلون يعنى لو يقولون لى باسلوب حلو و مقنع ممكن افكر في الموضوع بس مو ايون و يفرضون رايهم غصب والله شئ يبط الجبد

اففففففف والله لاعت جبدي من حنتهم

يعنى وايد شفت يهال اهلهم يحلقون شعر بناتهم بموس و اذا طلع يحشونه ولا يحددونه و نفسه نفسه الشعر لا ثخن ولا شئ!!
و في ناس لا والله نفس حالتى ما قصوا شعر بناتهم و تعالوا شوفوهم ما شاء الله تبارك الرحمن اشزين شعرهم ناعم و ثخين

قرقت على راسكم وايد ادري بس حبيت افضفض مادري افظفظ هههههههههه عندي مشكله مع هالاحرف

 

[كيت كات]

ملاك الروح لا تتضايقين ولاتقصينه ولا شي انا كل خواتي ماقصو شعور عيالهم وفي منهم الطويل الثقيل والخفيف المقيرع خخخخخ وانا موناويه اقص شعر حمودي

 

[أم حيدر]

لوووووووووووول صباح الخير اليوم مشكلتكم فريدة من نوعها ولا شرايج ملاك الروح

ملاك - اخذي الامور بدبلوماسية ومثل ما وصتني خالة ريلي الله يطول بعمرها اي شي ما تقدرين عليه عند اهلج او عند حمولتج قطي براس ريلج وقولي ريلي ما يرضى

ولا انتي شرايج كتكات ؟

 

[أم حيدر]

منورة - طولي بالج عليها وبترجع حق حليبتها اليهال تييهم حالات

 

[كيت كات]

ام حيدر والله ضحكتيني ....
اصلا هذي الحجة اذا توهقت على طول تكون ردي
وييييييييييييي اثاريني مكشوفه وانا مادري خخخخخخخ

 

[كيت كات]

أمبيييييييييييه وانا لاهيه وحمودي يمي يبجي ويحن جان المح دميعاته عور قلبي .....منشول ويكح ويبجي بعد والله انا مو خوش ام شكله توهق فيني

 

[أم حيدر]

كيت كات - اول انطباع اخذته لما شفت صورة حمودي اللي تحت اسمج ان كتكوت مسكين
وبالعكس يا بخته انج امه

 

[كيت كات]

ام حيدر والله اهو فعلا مسيكين هادي وبحاله بس انا اللي اتحرش فيه حتى لمن مرض
طلعوه من المستشفى واهو متسبح وبرا هوا ومو مغطينيه وانا رحت وزدت الطين بله سبحته ورحت الافنيوس لمن يتله نشله صصصصصصصح