تجمع امهاات 2007 خلونا نستفيد من بعض

[أم حيدر]

كيكة - انا حقدت على كل شخص قالي ماااااالج شغل الياهل عقب الاربعي تتعدل نومته

كيكة مالج علي حلفان يمكن عقب السابع يالله نوعا ما ثبتت نومتها ويتخلل ذلك ايام فيها حروب وملاحم تاريخية

الزبدة -كل ياهل تختلف طبيعته عن الثاني والله يعين ويعاون

 

[pink]

صاجة حبيبتي أم حيدر على سالفة إن كل ياهل غير عن الثاني .. اسم الله
عليه ولد اختي حده هادي حتى بجوته على كحة و مسكين لا شاف بنوتي
تبجي قام يبجي معاها مخترع حتى قلت حق اختي لا تيبه وايد عشان لا يتأثر
بالعسرة اللي عندي .. الله يسامحج على هالكيكة ما لا داعي تغرينا ورانا
شحوم و لحوم لازم تنشال و إنتي تحرضينا على الفسق و الفجور :eh_s(6):

و lolo77 آنا بنوتي نفس بنوتج يمكن أكثر بالنسبة للحبوب أول شي بدا
برقبتها بعدين راح و طلع صوب خشمها وراح الحين تارس كل ويها و أذونها
و يبهتها و فروة راسها تكسر الخاطر صاير شكله جنه جدري و اللا حب شباب
و لما قلت حق د.عفاف الرومي قالت عادي و ورتني كتاب نفس حالتها و هم
لما وديتها المواساة قال الدكتور إن شي طبيعي إنه يروح و يرد يطلع بس
أحسها تشوهت ما فيها ملمس البيبيات الحلو

 

[منورة الكويتية]

واااااااااااااااااااااااااااااااااااااااااااو
الف الف مبرووووووووووك التثبيت
خخخ ييت ادور عالموضوع قلت معقوله راح ورى ولاا اشوفه مرتز باول الصفحه
يشكررررون المشرفات عالتثبيت ويعطيهم الف عافية والله
والي سألوا عني تسأل عنهم العافيه بس هالاسبوع كنت حدي متلعوزه عندي امتحاناات وحالة كلش ماكو وقت ادش بس قلت اليوم اربعا ادش اسلم عالامهات الاماميرررررررررر

بنات بسألكم متى تبدون توكلون الياهل بالرابع ولا الخامس؟

وانا اعطي نوني 120 مللي وقبل ماتنام اعطيها150 وماشاء الله تنام لمن ال6 بس سمعت البنات يقولون مايصير تعطينها كميه كل مره غير صج ولالا؟ لاني الحين رديت اعطيها بس 120 وصارت تقوووم عشان ارضعها يعني ماتنام متواصل شالحل.؟

 

[keeka]

صاجه ام حيدر كل ياهل يختلف عن الثاني لان عيالي اسم الله عليهم مو عسرين جذيه مع انهم صبيان بس البنات شكلهم يتدلعوون انا حدي احاتي الدوام مادري شلون بداوم كل ما اتذكر اكتأب

 

[منورة الكويتية]

وينكم بنات نمتوووو؟

 

[رفرف]

شلونكم بنات ؟؟
انا متابعة بس ابيت اهلي ماعندي كمبيوتر ..
اليوم مريت شقتي ابي جم شغلة وبرد عاد قلت اشبك اطل عليكم ...

تدرون انا تعذبت مع نومة الليل ..
مسوكة ماتناااااااااام ماتنااااااااام كثر ماقولكم ما تناااااااااام ..
اذا على نومة الليل عادي انا اسهر معاها انشالله اجابل التلفزيون بس اهيه تواصل الليل بالضحى يالله تنام عالظهر مافيني حيل !!
بدال لا اعدل نومتها اهيه قلبت نومتي ...
والغازات شي موووو طبيعي تصرخ من قمة راسها مع اني ارضعها ما اعطيها صناعي كلش واحافظ على اكلي حارمة روحي من اي شي يسبب غازات بس هم بطنها صاير طبل مادري شسوي معاها ..

والحجية ماتشرب ممية كللللش كلما بغيت اعطيها ماي او جاي اعشاب او اي شي ثاني تلوع جبدها من الممية وترجع وما تعرف تبلعه تمص تمص وبعدين تشرق فيه ..
اموووت على ما اعطيها تشرب نمرة ماي والله تاخذ يمكن نص ساعة اذا مو اكثر ..
انا مادري شبتسوي لي داومت !! شلون بترضع !!

بنات قظيتو اذون بناتكم والا ليلحين ؟
انا عندي موعد مع دكتورتي الاسبوع الياي يكون عمر مسوكة 35 يوم بوديها ..
ولو ان نفسي توزني اسوي مفاجأة حق اهلي وازرق الصيدلية الحين واخرم اذونها ...

اي وثالث شي تقعدون عيالكم بالشمس والا لا ؟
انا بنتي كلش ما طقتها الشمس شسوي الجو ما يساعد كله هوا ..
واحس ويها كله حبوووب مادري شمنه وانا حتى اللهوم موقفته ولا اعطيها اعشاب اللي تقولون حارة عليها مادري شمنه جذي ..

 

[malak_alroo7]

السلام عليكم
بنات شلونكم ان شاء الله تمااام

وسووومه مشكوره و ما قصرتي حبيبتي
بقوم بعد شوي و اسويه لها ان شاء الله يعجبها ..


ام حيدر
ياحلو الصبيان والله ..ربي يحفظه و يخليه لكم ان شاء الله..


منوره الكويتيه
هلااااااااااااااااااااااااااااااااااااا والله .. و انا اقول وينها ام نوره مختفيه!
المهم شلونج مع الامتحانات؟ الله يعينج و يعين الجميع ان شاءالله

بالنسبه حق سؤالج هممممم مادري والله انا بعد سامعه انه مو زين.. بس انتى تعطين نوره 26؟؟


رفرف
الله يعينج ,, كلنا في الهوا سوا لووول
نواارتي يوم تنام اوكي و تريحنى و 10 لاااااااااااااااااااااااااا

انا قرظت اذونها يمكن و هي شهرين مادري 3 ,, واي عورت قلبى لما صرخت فديتها
اقول وديها الحين اول لما تكمل الاربعين ان شاء الله كل ما تكون اصغر كل مايكون احسن لها

ام فروووحه وينج؟

 

[Miss_Tiger79]

هلا امهات
رفرف سلامت بنتج بس لازم اتعودينها على الاثنين واذا ما رضت لما اداومين شفطي الحليب وخليه بالثلاجة واذا ياعت يعطونها منه
وعلى الشمس انا بنتي طول الاربعين من يصير الضحا اخلي فراشها بالصالة الي عند الحوش عشان اطقها الشمس وامي تقعد يمها تشربلها قهوه

 

[miss fabulosity]

ياامهات لحقوا على بنتى صار لها يومين ماتشرب حليب الا مره وحده باليوم شنو الحل من بعد الساعه 6 المغرب صكت الحلج لى ثانى يوم الظهر ماادرى شسوى شنو الحل

 

[Miss_Tiger79]

وانا قضيت اذون بنتي لما صار عمرها اسبوعين امي ودتها بجت اشوي وسكتت

 

[Miss_Tiger79]

انزين بنات انا بنتي اسمالله عليها كملت 3 اشهر يصير احطلها بسكوت فيرليز بالحليب او اقدر اوكلها شي وشنو هالشي؟؟؟

 

[nandoshia]

اولا مبروك التثبيت وتستاهل صاحبه فكره الموضوع(منوووووره الكويتيه)
: سؤالي نفس مس تايقر ؟؟
هل ممكن اضيف بسكوت مع الرضعه والا بعد انطر على ال4 شهوووووور؟؟
سلااااااامي للجميع

 

[منورة الكويتية]

هلا وغلا بالامهاتت الحلوووات كلهم

ملاك الروح الحمدلله ماشي الحال بس هم حووسه ولوويه انطر بس متى اتيي العطله وارتاح ماني ماخذه صيفي بس خل ارتاح شوي واجابل هالبنية

مس تايقر ونندوووشه انا نفسكم نونو باجر بتتم ال3 اشهر ان شاء الله وامس خواتي وامي يقولونلي حطي لها اقل من ربع البسكووته قبل النوم مع الحليبه راح تشبعها وتناااام انا ان شاء الله بجرب اليوم واقولكم على النتايج


اييه امبيه بنات كل شيئ صسغر على نوني اسم الله عليهاا حتى وايد اشياء مالبستها حسافه والله ابي اشتري لها بجايم حلوووة وتكد

بصراحة مالوت لاند مارك كلش ملش مو شيئ يلووعوون الجبد بعد الغسيل

شكلي باخذ من مذركير ولاا ماركس اند سبنسر انتوا شرايكم؟

 

[nandoshia]

انا اذكر عطيت بنتي الفارليز تقريبا بنص الثالث بديت معاها اقل من ربع وكل اسبوع ازيد المقدار لين وصلت النص وظليت عليها لين بدت تاكل.
ف انشاالله بسوي جذيه مع اختها.
منووووره بالنسبه حق البجايم نفس الشي ملوت مذركير مو ذاك الزود عقب الغسيل جم مره تصير مو ذاك الزود بس افضل من سنتربوينت.
انا اخذ من آدمز ومذركير ومارك&سبنسر حلوين.

 

[رفرف]

بناااااات ترى مو زين تحطون لهم بسكوت مع الرضعة توهم صغار معدتهم ما تتحمل تثقلون عليها ..

اذا كملو 4 شهور ودشو بالخامس ممكن تبدون معاهم مع ان اغلب الدكاترة الحين يقولون من بعد الشهر الخامس يعني لي كملو 5 شهور ودشو بالسادس .. فانتو لا تستعيلون اصلا الحليب افيد حق الياهل بهالعمر ..


بنات عندي سؤال :
من متى تبدون تقعدون عيالكم بالكرسي ؟؟
في ناس يقولون لي قعديها بالكرسي وانا احسها صغيرة
امس ركبت كرسي مسك وبغيت اقعدها فيه بس حسيت ان سنادة الكرسي واقفه عليها مو منسدحة وايد اخاف يتعور ظهرها ..

 

[كيت كات]

شلونكم امهات شخباركم من زماااان عنكم
اعذروني انا وحمودي فلونزا وا عليه صغيرووووووون على النشله توه شهرين
مبروووك عالتثبيت والله الموضوع يستاهل
شسوي مع وليدي منشول ويعرق حيل
بنات شرايكم احط بمطارة الماي حلبة ؟ عادي ؟
وشسوي مع النشلة والعرق؟
وشكثر تسبحون عيالكم انا ودي كل يوم بس حمولتي يقولون لي مو كل يوم كل 3 او 4 ايام وامي تقول كل يوم وترك ياربي شسوي؟؟؟؟

 

[كيت كات]

رفرف حبيبتي انا لمن طلعت من المستشفى حطو حمودي بكرسي السيارة اخترعت قلت مو تو الناس بسم الله قالو لا اصلا هذا عادي للمواليد وعقب فترة شفت ولد ابوه شايله بالكرس عمره حوالي 15 يوم

 

[keeka]

عادي رفرف انا حطيت جنونة بالكار سيت من اول ما انولدت عادي لا تحاتين ظهرها ما عليها الا العافيه

 

[malak_alroo7]

السلام عليكم
شلونكم بنات ان شاء الله تمام
بالنسبه حق اكل اليهال خاصه فارليز و سيريلاك ما حصلت حق عمر 4 شهور كله 6 شهور في مركز سلطان .. بنات عمي يقولون لى يمكن علشان الدكاتره
يفضلون نوكل الياهل من الشهر السادس مادري عاد؟!؟!؟!

بنااات مانى عارفه شسوي ..
حليب بنتى 26 S
مكتوب على القوطي من عمر 2-3 اعتقد نعطيهم 120 مل
من 3-6 180 مل
الصراحه ماني عارفه شسوي ..
احسه وايد من 120 الى 180 مل مع 3 قفاش حليب
عادي اعطيها 150؟ اذا عادي شلون اعطيها قفشتين و نص مثلا؟

 

[malak_alroo7]

كيت كات هلا والله ..
ماتشوفون شر لا انتى و لا اوليدج ربي يحفظه ان شاء الله
نوارتي ما فجتها النشله فديت قلبها
ساعات تخف الحمدلله بس ترجع لها مره ثانيه واليوم شكلها زايده عندها بعد عمري تكسر خاطري
بالنسبه للسبوح تقريبا اسبح نوره كل يومين او 3 .. ودي اسبحها كل يوم بس ابي النشله تخف عنها شوي
و الحلبه يقولون عنها زينه ..انا ان شاء الله بشتري و بسويلها