تجمع امهاات 2007 خلونا نستفيد من بعض

[miss fabulosity]

ام حيدر بغينا استشاره معاليج امر
بنتى ابى اعدل نومتها ابيها تقعد على ال11 علشان تتريق بس ماتبى اتقوم تفحط تبى النومه ودى انى اعدل جدولها ابيها تتريق وبعدين رضعه الظهر وراها غدا وبعدين رضعه وبعدين عشا وراها رضعه الليل اشلوووووووووووووون

وبغين اعرف لى اى عمر اشربها عصير مخفف

 

[أم حيدر]

دلوعة حمني ::: هلا حبوبة .. كثري من الجيات

ناندوشيا ::: اهلين حبيبتي ... والله للحين طقة وطقة مع الحليب عالمزاج

Pink ::: أمس ذكرتج رحت حق لاند مارك السالمية ولا يايبين ماركة الصور اللي حطيتلج ياهم ونفسهم بالضبط لحقي وروحي اشتري قبل لا تخلص التنزيلات

 

[أم حيدر]

هلا وسومة حبيبتي

انا اقولج .. بالتدريج قللي ساعات نومها الظهر والعصر .. يعني اذا متعودة تنام العصر نص ساعة وحاولي تفززينها .. وجابليها لعبي معاها ولعوزيها وطلعي وياها بره شوية .. اول ايام بتتعبين على ما تعودينها بس بعدين بتتبرمج على هالروتين والساعة 9 تقريبا تسع ونص بتنام... اذا نامت هالحزة بتفز ما بين السبع لين 8 ا

اذا خلال الليل ما قامت تشرب حليبة .. خلي ريوقها الصبح حليبة وعقب ساعتين ونص عطيها سيريلاك ... ترى السيريلاك واااااااايد مهم ... رفيجتي بكندا تقول الاطباء هناك يقولون للام اجبااااري تعطين الطفل وجبة او وجبتين سيريلاك باليوم لان نسبة الكالسيوم فيه وايد عالية

وقت الغدا مابين 1-2 الظهر على حسب عمر بنيتج الله يحفظها سويلها غداها

بالنسبة لي عالمغرب او آخر العصر احاول اشربه حليب والوجبة الاخيرة سيريلاك او محلبة او توستة منقوعة بحليب

العصير- ولدي ما يرضى يشرب وايد بس اللي اعرفه عقب التسع شهور تقدرين تشربينها العصير بدون ما تخففينه.

وحاضرين للطيبين

 

[miss fabulosity]

تسلمين ام دورى وماقصرتى والله بس ماقلتيلى متى اوقف تخفيف العصير

 

[أم حيدر]

حياج الله

اقري الرد مرة ثانية عدلته

 

[pink]

أهلييييين بنات .. شلونكم ؟؟؟؟

أم حيدر .. يسلمووو على الصور و إن شالله ناوية أروح باجر سنتر بوينت و
مذركير أشوف شنو عندهم آخذ اللي ناقصني قبل ما أخلص الأربعين و أرد
البيت .. تدرين أمس طبقت سالفة إني أحطها على الأرض أو الكرسي و
ألاعبها بس الله لا يوريج البجي المو طبيعي قامت تبجي مدة طوييييلة يعني
زعلانة و صرت مجرمة في نظر أهلي ليش إني أخليها شوي تبجي قبل ما
أشيلها .. حدّي مكتئبة ما لي خلق شي بس قاعدة أفكر لي متى راح تظل جذي
يا نايمة هادية أو قاعدة مع بجي هستيري أحس اللي حواليني قاموا يطفرون
منها :eh_s(2):

دقيت اليوم على الصالون بحجز حق قص و صبغ عشان طلعتي من الاربعين ..
كنت أبي هالخميس بس ما حصَلت إلا يوم الاثنين عادي أرد البيت و تالي
عقب جم يوم أسوي النيو لوك ؟؟؟ مادري مو بالعة هالسالفة .. بحاول أ أجِل
ردتي إلين يوم الأثنين أحسن

 

[أم حيدر]

والله اذا ريلج يا بنك ينطر نطري لي يوم الاثنين وروحيله عقب

مالج شغل بأهلج - اذا رديتي البيت انتي عوديها على سالفة الأرض والصبر اوصيج بالصبر .. دووري امس قعد الساعة 4 الفجر يرقص بالسرير وانا بغيت ابجي من التعب

عااااااااااااااااااااااادي

 

[malak_alroo7]

بناات شلونكم كلكم كلكم و شلون بيبيااتكم الحلوين؟
pink
الله يعينج حبيبتي ميخالف تحملى شوي انا اذكر هالمرحله صج تلعوز بس يالله كله علشان عيون عيالنا يهون و هم وايد يتدلعون علينا يالبى قلبهم يكسرون خاطري

بس شوفي اذا تبجى و تصارخ يمكن الغازات ملعوزتها

ام حيدر صج ولدج شلونه مع الحليب؟؟ بعده ما يبيه؟

منوره.. مس تايجر ............ وينكم ؟

دلوعة حمنى يا هلا والله و غلا

 

[malak_alroo7]

وسوووووووووووووووومه
حبيبتى مشكوره و ما قصرتى
بس حبيت اسالج شلون الطريقه بالضبط؟
افوح الجزر و اكون مقطعته اول بعدين احطه بالخلاط صح,, اوكي لما احطه بالخلاط احط معاه شويه ماي و لا لا؟

 

[malak_alroo7]

مبرررررررررررررررررك التثبيت
اقوى شى احنا ههههههه

 

[miss fabulosity]

مشكوره ام دورى وماقصرتى ويسلم قلبه الى يرقصون الفير
ملاك الروح اى ابتدى بالجزر اول شى انا افوحه اول وبعدين اشيل القشر الى فوق اسهل الصراحه ظلى مع الجزر 3 ايام وبعدين ضيفى البطاط عليه هم ظلى 3ايام ولا ادخلين وايد اشياء مع بعض علشان الله لا يقول اذا صار فى حساسيه البيبى راح اتعرفين من شنو انا بنتى عندها حساسيه من الموز وقال الى الدكتور جربى فيها الموز بعد ال7

 

[Miss_Tiger79]

اول شي مبروك على التثبيت
وثاني شي مشكوره ام فروحه على السايت
وثالث شي اقولكم اني شارية من السرير الي حاطينة مكتوب عليه سرير الامان من جي سي بني بالانترنت والصراحه روووووووووووووووووووووووووووووووووووووووووووووعه وبنتي تظل نايمة فيه مده طويلة لانه يكون جنه يلم الياهل فيحس الياهل انه في احد شايلة وصدقوني وايد فادني حتي احطه داخل سريرها يعني سرير داخل سرير
وتوها بنتي الي قمت اخليها تنام بدونه لانها صارت طويلى عليه اشوية لانه ريلها تطق بالحافة الي لونها اصفر فتقعد من النوم بس ترى والله عن تجربة والله عجيب وانصح اي وحده اتييب حق عيالها ويتصفط عشان اذا بتاخذينة حق الزوارات يصير مثل الجنطة
وانا بجرب اشيل الحاجز الاصفر من جدام ريولها عشان تقدر تنام فيه
وشخباركم يا بنات وعساكم بخير

 

[pink]

صاجين بنات كل شي يبيله صبر .. إن شالله إذا رديت البيت الوضع
يتغير و تشوف إن الناس قلّوا و ما تتدلع .. (( أحلام اليقظة ))

أم حيدر الله يعينج حبيبتي على ولدج الطربان و خصوصا إنج تداومين و لا
بقطاع خاص بعد .. صج لج الجنة

Miss_Tiger79 .. مشكوووورة على النصيحة .. بس هالسرير ينفع حق
بنتي الحين ( شهر و شوي ) ؟؟؟؟

مبروووك بنات على تثبيت الموضوع .. وين منورة ؟؟؟ الظاهر واسطتها قوية :eh_s(6):

و باجي الأمهات غاطين و طبعا السبب معروووف .. الله يكون بعونكم و
عوناّ ..

 

[أم حيدر]

هلا ملاك - ولدي حبيبي الله يحفظه من كل عين ريال عود ياخذ قراراته بروحه - يعني اهو يقرر متي يبي حليب ومتى ما يبي لوووووول

 

[أم حيدر]

وسومة - شسويله شيبني مبجر الله يحفظه

بنك - اي والللللللله صدقتي لما شفته يضحك ويرقص حسيت بحجم المأساة اللي راح اواجهها بالدوام ثاني يوم ....

مبررررررررررررررررررررررررررروك التثبيت تعالوا نحتفل والكيكة علي تفضلوا

 

[lolo77]

السلالالالالالام عليكم
شخباركم بنات صج لكم وحشه
اول كنا بالحوامل والحين بالامهات
يحليلنا من امهات

كيكه :
الحمدلله على سلامتج : ها طلعتي من الاربعين
انا كانوا يقولولي من تطلعين من الاربعين تتعدل نومه بنتج وما صدقت
الحمدلله بنتي الحين ما تقعد بالليل الحمدلله ما اتأذيني
بس الاحظها تكون قاعده من الساعه 8 مساء وما تنام الا الساعه 12 او 12ونص ميخالف اكون انا قاعده هالحزة ومن عقبها الحمدلله نومه حلوه
مرات تقعد قبل على 5 اقعد ارضعها وتبي تقعد حضرتها اقعد معاها على ما يصير 7 تقريبا تبي ترد تنام وانا اودي اليهال الروضه وارجع اشوفها نايمه انام معاها وعلى هالحال
ومرات تغير شنسوي لازم نتكيف مع نومتها والله المعين

 

[lolo77]

اي صج الف مبروووووووك التثبيت
وبصراحه كان يبيله تثبيت

بنات عندي لكم سؤال
شنو الشامبو اللي تستخدمونه حق اعيالكم وشنو الصابونه
انا استخدم جونسون تغير مو مثل قبل وخصوصا الشامبوووو
وقالولي غيري الصابونه لانه بنتي صارلها مثل الحبوب صوب رقبتها
والحين استخدمت سيباميد الصابونه
بس ابي اخذ رايكم

 

[أم حيدر]

لولو - الله يعين ويعاون

انا صراحة تركت شامبو بيبي جونسون وقمت استعمل سيباميد اهو حق الشعر وحق الجسم وفي مطهر وغسول واااايد حلو تحطينه بماي البيبي وحتى انتي تقدرين تستعملينه كغسول للمنطقة الحساسة وهذي صورته : روووووووعه

 

[keeka]

مبروووووووووووك التثبيت يستاهل نحتفل يالله احنا وبيبياتنا
مشكوريين على النصايح انا قاعده احاول معاها بكل الطرق لما نوصل لحل ويا نومت الليل

 

[أم حيدر]

كيكة - انا حقدت على كل شخص قالي ماااااالج شغل الياهل عقب الاربعي تتعدل نومته

كيكة مالج علي حلفان يمكن عقب السابع يالله نوعا ما ثبتت نومتها ويتخلل ذلك ايام فيها حروب وملاحم تاريخية

الزبدة -كل ياهل تختلف طبيعته عن الثاني والله يعين ويعاون