تجمع امهاات 2007 خلونا نستفيد من بعض

[أم فرووحة]

وسومه تقصدين الموقع اللي على النت؟؟

لا وايد في اشياء غييييير الموقع كله فناتق و الكاتلوج كله فناتق بعد..مو كل شي منزلينه عالنت عشان يكون في نوع من التغيير و التجديد..

بس الأكيد ان الموقع و الكاتلوج ثقة 1000% انا امجربتهم اهم الاثنين و اذا طلبتي شي و ما وصلج .. فلوسج ترجعلج كاملين ماينقص منهم ولا فلس صديقتي صار معاها جذي كانت طالبه شي و على حظها خلصت الكمية و رجعولها فلوسها كامله..بس انا الحمدلله ولا مره صارت معاي كل ما اطلب شي يوصلني

 

[أم حيدر]

ام فروحة - مس تايقر - وسومة - ام غمازات - ملاك الروح -

مشكووووووووووورين وعسى الله يسمع منج يا مس تايقر وتروح - حتى الدكتور قالي انشالله تروح

 

[miss fabulosity]

ملاك الروح عدل الدكتور قالى ابتدى بالجزر اول واى استفسار انا موجوده

ام فروحه ممكن ماعليج امر اسم الموقع بلييز

 

[منورة الكويتية]

سلاماااات ام حيدر مايشوف شر وليدج

ام فرووحة ايي واخيرا فهمت شنو قصدكم خخخخ مو مني من اللعوزه الي عايشه فيها الدراسه والبيت ونوني حووووسه

 

[أم فرووحة]

من عيوني وسومه


www.dekkany.com


و قوليلي رايج..

اهني ابتلقين الرضاعات اللي تكلمت عنهم من قبل..



منوووور خخخخخخخخ و أخيرا حتى قبل لا انام قاعده افكر من اي موقع اقدر اطلعلج صورتهم شكوووووو

شفتي شنو يشغل تفكيري وقت النوم ههههه

هم افكر فيكم..^_^

و بعدين تعالي لا اتغيبين عنا وايد مايصير انتي صاحبة الموضوع لازم على طول مرتزه هههههه

 

[pink]

أهليييين أمهات .. شلووونكم ؟؟ و شلون الجهاد معاكم

أم فرووحة .. الموقع حده عجيب و فيه فناتك تشوق .. تسلمييين حبيبتي ..

أم حيدر .. سلامااات و ما يشوف شر دوري الصغير و إن شالله ما يحتاج
عملية و تروح اللحمية ..

منورة .. الله يعينج آنا ما عندي دوام و أحس متلعوزة و متدوده فما بالج
إنتي ما أقول إلا الله يقويج ..


بنات شسوي في بنتي صايرة حدها دلوعة و عسرة .. تقاوم النوم بشكل
عجيب يعني تنام ربع نص ساعة و تقوم .. غير إنها تعودت على الشيل
و التمشي فيها و ما تداني السدحة كلششش و حناااااانة و صايرة تبجي
سواء فيها عوار أو ما فيها .. جربت أحقرها بس اسم الله عليها بجيها
متواصل و يقطع القلب من النوع اللي تبجي من قلب و ترجف من البجي
بالله شسوي فيها يعني عمرها شهر و شوي و لاعبة فينا لعب .. قمنا نحط
بحلجها المصاصة و شرينا لها كرسي هزاز و ما بقى آدمي في بيت أهلي ما
شالها بس عشان تسكت .. إن شالله هالخميس أرد الشقة مادري شسوي وياها
و خصوصا ريلي دوامه شفتات ماراح يستحمل هالازعاج المو طبيعي

 

[أم حيدر]

صباح الخير يا بنااااااات

pink انا كان ولدي نفس بنتج شوفي شتسوين...

فرشيلها على الارض وحطيها .. يقولون اهل اول ان الأرض تهدي الياهل وتقوي عظامه ... مره على مره بتتعود ... بعدين ييبيلها كرسي بيبيات يتهزز هذا جم شكل .....ز خلي حق الحالات المستعصية

وفي شغلة ثانية يبتها من لاند مارك تشبه هالصورة بس انا اللي عندي فيها اربع نحلات يفترون فوق راسه

والياهل عالعموم ذكي .. يبجي لان يدري ان هذي الطريقة اللي يخلي فيها اللي حوالينه يستجيبون حق طلباته ... لا تعودينها عالشيل مرة على مرة بتتعود على نومة الأرض

 

[pink]

صباح الخير :eh_s(17):

يسلموووو حبيبتي أم حيدر على نصايحج و شكلي بجرب طريقتج اليوم و
أفرش لها و أحطها عالأرض و الله يستر .. بس استفسار أشيل عنها
المصاصة و اللا عادي أخليها؟؟؟ لأن بيني و بينج ما كنت حابة أعطيها
و ظليت شهر معاها بدونها بس من كثر بجيها و حنتها المتواصلة استخدمتها

 

[أم حيدر]

انا كنت مثلج يا بنك بس من كثر ماهو عصبي قالتلي خالة ريلي عطي المصاصة لما يبي ينام او لما يحن وايد لان المصاصة تهدي البيبي وتهدي من طبعه.. مع اني اكره المصاصة كره العمى بس شسوي .. بنفس الوقت الحين مع ان عمره حبيبي حول التسع شهور مو متعو عليها وايد بس حزة النوم أخلي يغفى واسحبها من حلجه .. والجنه تحت أقدام الأمهات

 

[lolo77]

صباح الخير امهات خباركم

بنك

انا بنتي جذيه وللحين واذا بجت صج بجيه تخرع جنه شي قارصها
وصرت هالايام مثل ما قالت ام حيدر اخليها على الارض
تقعد اشوي تناغي ومن تمل تبدي تبجي
ومن تبجي قعدت ارضعا انا عشان اسكتها
والحمدلله ماشيه الامور

 

[أم حيدر]

لولو..

الياهل حيال يعرف شلون ياخذ اللي يبيه .. مره بعد مره يتعود بس قوي قلبج

 

[lolo77]

صاجه ام حيدر
تدرين شنو بعد
ليش هذي بنيه عقب ولدين الابو من يسمعها تبجي قام لها
او قالنا يالله شيلوها ما ابيها تبجي
يعني لازم دلع في الموضوووع

 

[أمواج البحر]

صاجه ام حيدر

وترى ما في احد اذكى من الياهل

انتي شربيها رضعتها و غيري حفاظتها

وخليها بالكرسي الهزاز و اذا بجت لاااا تشيلينها حاولي تهدينها وناغيلها واهي بالكرسي

واذا على المصاصة عادي خليها على الاقل تهديها و تخليها لاهيه

انا والله هذي طريقتي بولدي افرش له على الارض او احطه بالكرسي الهزاز

تشوفينه يعصب علي اول شي بس احقره و اسوي نفسي ما اسمعه لما اسم الله عليه تعود

اهي ترتاح و انتي ترتاحين

 

[keeka]

اهلا بالامهات الحلويين اشلونكم انا رديت شقتي ومحتاسه حدي احس كلش ماعندي وقت ووقتي مو منظم.. لولو سوعاااال بالليل بنتج كل اشكثر تقوم عشان ترضع انا بالليل وايد اتعب معاها كل شوي تقوم وتبجي ماتبي الفراش تبي يمي بالسرير وانا اظل طول الليل رايحه وراده عليها وما انام انا قاعده افكر اعطيها صناعي رضعت الليل لان طول اليوم طبيعي جود تنام بالليل بس كاسره خاطري ومو هاين علي

 

[أم حيدر]

هلا كيكة ... عودا حميدا

حاولي تشفطيلها رضعتين حق الليل وسريرها لزقي بسريرج عشان لا تتعبين بالقومة والقعدة...

وانشالله تكبر وتصير عروسة حلوة

 

[miss fabulosity]

مشكوره يام فروحه وماقصرتى خوش ويب سايت الصراحه

 

[أم فرووحة]

اي والله صاجين بنات ماشاء الله عليهم اليهال اذكيه الله يحفظهم يا ربي

كيكه يالله الحمدلله طلعتي من مرحلة النفاس اصعب مرحله بالنسبه لي صراحه..

و لاتحاتين هالحوسه كلها جم يوم و ابتختفي ان شاء الله


وسوووووومه حاااااضرين للطيبين

شنو اعجبج اكثر شي؟

 

[nandoshia]

مرحبا ، اشلونكم وشخبار الحلوين الصغار صج الموضوع صار حلو وفيه تشويق الكل صار يبي يعرف اخبار الثاني تشكر منووووووووره صاحبه الفكره .
ام حيدر: بشري اشلون ولدج مع الحليب انشاالله اوكي رجع يشرب رضعته؟
كيكه : حمدلله عالسلامه ، وترا كلها جم يوم وبتلاحظين الفرق راح تتغير النومه مثل ماقالت ام فروحه فتره النفاس اصعب مرحله كونها البدايه وعلى ماتتعودين وتتأقلمين عالوضع الجديد بعدين يصير عادي وحتى البيبي تتعدل نومته واذا غازات عليج بالمرقدوش صج عجيب ويريح وااااايد.
م فروحه: مشكووووره عالسايت حلو بس مافيه وايد ماادري اذا بغيت الكاتالوج من وين احصله؟
وللجميع تحياتي

 

[دلوعة حمني]

مرحبا امهات اشلونكم؟

 

[miss fabulosity]

ام فروحه الصراحه وايد اشياء حلوه بس بنتى اكبرت عليها منها مهاد الفراشه والمصاصه الى لى طاحت على الارض تتسكر خخخخخخخ عجبتنى وايد بدال مااشيل الف مصاصه بس الحمدالله هدتها بعد معاناه