تجمع امهاات 2007 خلونا نستفيد من بعض

[أم فرووحة]

ههههه هلا والله منووووووووره اي والله و اخيرا اعتقتني لول

يله روحي طلي على قصة ولادتي كتبتها بقسم الحمل و الولاده قسمنا الحلو


اي والله على سالفة الخدامه لو اقولكم اول الايام شمسويه آآآآآآخ كل ما اتذكر ودي ازنطها..

مع ان طبعي حيل هادية و ما اعرف اصارخ لو شنو..

بعد ما خلصت الاربعين بجم يوم كنت قاعده مع فروح و فجأه جذي اقعدت تبجي بدون مقدمات قلت يمكن يوعانه قلت حق الخدامه سويلها حليب على ما ارضعها من صدري لان ما يكفيها الحليب اللي فيني..

المهم يت بسرعه يابتلي الرضاعه و راحت نامت الساعه 10 بالليل تنام على مزاجها...

المهم خذيت الرضاعه ولا شنو تتوقعووون لقيت فيها!!!!!













حليب مخلوط بصابون :\

شلون عرفت انه صابون..؟ لأن الرضاعات اللي استخدمها حدها عجيبه ما اطلع فقاقيع تعطيج الحليب صافي و اول مره اشوف الرضاعه من استخدمتها جذي فيها فقاعات..و لم بطلتها ولا ريحة الصابون حدها قوية..

يمكن لو رضاعه ثانية جان ما انتبهت و شربتها حليب و صابون!!:eh_s(1):




طبعا مت من الحره :eh_s(14): :eh_s(14): اناديها ماترد..و ما ابي اعصب او اسوي شي اطلعه باجر على بنتي مع ان صارلها عندي الحين سنتين و نص..

من كثر ما انا زينه معاها ماتبي تروح ديرتها !

بس والله قاعده ادور وحده حاليا و بسفرها


قريتوا موضوع اللي كاتبته وحده ابهالقسم بعنوان مصايب الخدم؟؟؟

وااااااااي صراحه القصه اتعور القلب امس قريتها و ماقدرت انام عدل والله


اي و ذكروني اقولكم عن الرضاعات اللي لازم كل ياهل تكون عنده عشان مايصير فيه غازات..:eh_s(15):

 

[رفرف]

كيكة دام ترضع طبيعي حتى لو فيها بوصفار يروح انشالله لا تحاتين وماعليها شر انشالله ....


ام فروحة من صجج حاطة صابووووووووون مع الحليب ؟؟
لا تخلوني اوسوس بروحي ماخلي الخدامة تجيس بنتي بس لي خلصت اجازتي مضطرة اداوم اسبوعين قبل لا تبدي عطلة الصيف فراح اخليها مع الخدامة ابيت اهلي طبعا وتحت عيونهم بس هم اخااااااف

 

[ShaYoMa]

قوه امهات اشلونكم حبيت اسالكم في احد سامع عن عن جل لسمه
(reparil-gel N) يحطونه بعد الابر ( مثل التطعيم) يخفف الالم وما يخلي مكانها وارم ؟!

 

[منورة الكويتية]

حسبي الله عليها ونعم الوكيل
قطيعه هالخدم يخرعووون
انا خدامتي يديدة ولوعت جبدها كل مايت تغسل الرضاعات على راسها
ما امن بصراحة
ومرات اسبعهم من وراها بعد الواحد ما يضمن
واخليها تغسل ايدها بصابون سائل ديتول قبل ماتغسلهم
والحليب انا الي اسوويه اهيا يالله تستوعب انها تغسلهم
الله يعيينج ياقلبي
شنسوووي المشكله نحتاجهمم
وانا الحين بروح اقرى قصه ودلاتج

 

[منورة الكويتية]

شيومه انا حماتي قالتلي عن مرهم من الصيدلية يخفف التوريم ورى التطعيمه بس ماعرف اسمه
على طاري ورمة التطعيم انا نوير بيصير لها اسبوعين ولمن الحين احس وحده من ريولها ماراح الورم

 

[keeka]

تسلموون على الردود واشوا انكم طمنتوني والله ودي اوديها الطبيب ليش ذاك اليوم لما يوني ناس كلمن قالي ويها مصوفر عاد اخترعت والحمدلله انا ارضعها طبيعي وابوها يقولي ما عليها الا العافيه ان شاء الله لا توسوسيين عاد اليوم كنت ناويه اوديها اقظ اذونها وهونت

 

[pink]

أهليييين بنات .. حبيت أنضم لكم بما أني من أمهات 2007

صارلي فترة طايحة على موضوع حبيبتي منورة الخطيييير

بس ما كان عندي الوقت الكافي عشان أشارك بس حبيبتي

و أختي أم غمازات شجعتني يعطيها العافية ..


بنتي الله يخليها لي مسكينة متأذية من الغازات و أدري إنه شر
لابد منه بس تكسر خاطري .. أتمنى الأيام تمر و تخف عليها
هالغازات عشان تنام عدل مو بنص أو ربع ساعة لأن هالنومة
تخليها دوم مستعسرة و تبجي .. الله يشفيها و يهديها ..

 

[منورة الكويتية]

كيكة الله يطمنج على وليدج بالعافية


هلا وغلا والله بالغلا بنك
يه يه يه تووه مانور التجمع

بنك ام حيدر نصحتنا بقفشنين ماي مرقدوش تحطينهم بمطارة الماي تقولج تطلع كل الغازات
اوجربي مخلوط يانسون وكراوية وحبه حلووة وماتشوف شر الحلوووة

 

[كيت كات]

فروحه واااااااااااااااااااااي يمه شلون تخلينها عندج يبه اهم مو من اهلنا اهم طالبات عمل احنا نختار اللي تنفعنا وابدى ماعليج بنتج انا اللي عندي حق بيت عجييييييييييبة صارلها سنة طباخة درجة اولى بس للياهل اووووف بعد احنا لابد نحتاجهم لانهم عايشين معانا بعد هم لازم نيب ناس نرتاحلهم شوي وي عاد انا ام الوساويس والله طلبت وحدة ثانية وكاهي وصلت بس الله يستر

 

[منورة الكويتية]

تعالي ام فروحة شني رضاعاتج؟ وشنو تستخدمين حلييب حق فروحه؟

 

[ام غمازات]

اهلين وسهلين بام فروحه تو مانور المنتدى

اهلين بنوووووكه ولكمووووووووو

 

[أم فرووحة]

رفرف دام ان في بيت اهلج و تحت عيونهم ان شاء الله تقدرين تروحين دوامج و انتي مطمنه..

شيومه اظن هذا الجل نفس اللي عندي بس موذاكره اسمه اوصفتلي اياه الدكتوره عفاف الرومي انتي منو اللي قالج عنه؟

منوووووور شفتي شلون اي والله حسبي الله عليها..

و زين تسوين فيها انج مراقبتها..

عاد ما ابي اخرعكم بس عشان تاخذون حذركم في بعض الخدم من طقة اللي عندي اذا قعدت اراقبها تكون توب و تمثيل بتمثيل..و من وراي شي ثاني..

يعني وايد اقولها غسلي ايدج على طول..فلم اكون بالمطبخ تسمع الكلام و لم اطلع و اقعد اراقب من بعيد عادي تمسك الزباله و انتوا بكرامه و بعدها تمسك شي ثاني..

ادعولي ربي يرزقني بوحده زينه ان شاء الله..


كيكه انا لم كنت بالاربعين كل يوم اقول اليوم بقظ اذونها..و بالاخير ماقظيتها الا لم طلعت من بيت اهلي و رحت بيتي بآخر يوم من الاربعين

لا اتاجلين الموضوع روحي باجر في بصيدلية السره خوش صيدلي شاطر..

او اي صيدلية مضمونه لأن اعرف وحده قاظين اذون بنتها غلط كلش صاير القظ بالطرف!!

 

[أم فرووحة]

أهليييين بنات .. حبيت أنضم لكم بما أني من أمهات 2007

بنتي الله يخليها لي مسكينة متأذية من الغازات و أدري إنه شر
لابد منه بس تكسر خاطري .. أتمنى الأيام تمر و تخف عليها
هالغازات عشان تنام عدل مو بنص أو ربع ساعة لأن هالنومة
تخليها دوم مستعسرة و تبجي .. الله يشفيها و يهديها ..

هلا و غلا في بنك شخباااااااااااااارج ؟؟


يا بعد عمري..ليش تقولين شر لا بد منه؟؟

تبين الصراحه أنا أول الايام كنت حدددددددي متأذية من الغازات اللي امخليه بنتي ماتعرف تنام عدل و كله تبجي مع انها راضعه و امغيره لها لكن طلع هالشي من الغازات اللي بالرضاعه..مع اني كنت استخدم بيجون كنت معتقده انها احسن شي..


بعدين الله يعافي اللي دلنا على الرضاعات اللي تسحب الغازات من الحليب و تعطي البيبي حليب صافي من غير غازات..بعدها ألفففف الحمدلله قامت تنام و اهي مرتاحه و صج فرق علي الوضع...:eh_s(15):

حتى مره اذكر كنا رايحين الطبيب والله ما انسى هاليوم..

و كان قبلنا في ام و ابو مع ولدهم الصغير بالاشهر كان يبجي بجي :eh_s(16): وعليه قطع قلبي..قلت مسكين شكله حيل مريض...تدرون شنو قالتلهم الطبيبه!!؟؟

هذا كله غازات تخيلوا!!

يمكن نص ساعه و اهو يبجي متواصل مسكين..:eh_s(11):





منوره هذي صورة الرضاعات

إن شاء الله تكون طالعتلكم..

دققوا شنو في داخلها..

هذا دكتور مخترعها و ماخذ عليها جوائز و براءة اختراع..

مو موجوده بالكويت تنباع برا..

انا شريتها من كاتلوج مختص بكل شي يتعلق بالطفل و الام كله فناتق ريلي يايبلي اياه من ربعه..

اللي تبي الرضاعات اوصي عليهم خل تقولي و من عيوني..

بس بشرط كل ما تستخدمونهم تدعولي

 

[أم فرووحة]

أم غمازاااااات هلا و غلاااااااا بالغالية شلونج و شخباااااارج و شلون النونو؟؟

 

[أم فرووحة]

فروحه واااااااااااااااااااااي يمه شلون تخلينها عندج يبه اهم مو من اهلنا اهم طالبات عمل احنا نختار اللي تنفعنا وابدى ماعليج بنتج انا اللي عندي حق بيت عجييييييييييبة صارلها سنة طباخة درجة اولى بس للياهل اووووف بعد احنا لابد نحتاجهم لانهم عايشين معانا بعد هم لازم نيب ناس نرتاحلهم شوي وي عاد انا ام الوساويس والله طلبت وحدة ثانية وكاهي وصلت بس الله يستر

شفتي شلون كيت كات

الله كريم ان شاء الله بييب وحده غيرها قريب و افتك منها..

الله يتمم على اللي عندج و تطلع الييديه زينه



منوره انا الحليب اللي استخدمته حق فروحه اول ما انولدت اهو سميلاك..مسكينه كان كله بطنها امساك..بعدين قمت استعمل اس 26 و الحمدلله مشى معاها..

و انا سامعه مره ان اذا تبين تغيرين من حليب لي حليب لازم اتقللين الكمية يعني لو مكتوب تعطينها 120 عطيها 90 او 100 عشان مايلخبط معدتها..و تقدرون تتأكدون من المعلومات من الاطبه احسن بعد

 

[منورة الكويتية]

اي ام فروحة قريت مووع مصايب الخدم
وااااي ياربي والله شيئ يحر القلب
والمشكله ننحد عليهم
الله يكفينا شرهم يارب

ام فروحة ماشاء الله صايره خبررره من ورانا حركات بركات

ها تداومين الحين ولا اجازه؟

 

[pink]

يسلموووو بنات على الترحيب

منورة .. حبيبتي ما خليت شي ما حطيته في بلعومها من أدوية و من سوالف
أعشاب حتى قمت أخاف يصير في البنية شي اسم الله عليها ..

أم فرووحة .. يسلمووو حبيبتي بس إذا قصدج على مميات د.براون في بنات
ما فاد مع عيالهم و ظلت الغازات مأذيتهم .. إذا مو إهي الله يعافيج أبي منهم
و راح أدعيلج مع كل رضعة يعني كل ساعتين أو ثلاث لج مني دعوة معتبرة :eh_s(6):
... الله يعينج على خدامتج و سوالف الخدم ما تنتهي ... آنا اللي
عندي استيعابها بطييييء حده أقولها شي و تسوي شي ثاني ماله علاقة و
ساعات ما تسويه لأنها موفاهمة و لا راضية تقول مو فاهمة فتطنش زائد إنها
أم البؤس كله تحاتي عيالها فتخيلوا آنا في الأربعين و نفسيتي زفت و أداري
نفسيتها عشان لا تكأبني زيادة .. اللي مصبرني على كل هذا إنها تحب بنتي
و من وآنا حامل و اهي ناطرة هالبنت لأن عندها ولدين حتى ساعات تقوللي
ماما آنا يبي يعطي أسوية حليب أو ماما أسوية وااايد حلوووة في البداية
كنت أقولها مشكورة بس أمي نبهتني إني أقولها قولي ماشالله بروحها البنية
مو ناقصة كله بجي .. واااي سوالف هالخدم اللي ما تنتهي ..



شكلي بجرب الدوا اللي قالت عنه اختي أم غمازات لأنه هالدوا الوحيد اللي ما
جربته .. مسكينة هالبنوتة صارت حقل تجارب .. يالله كل شي يهون في سبيل
ما تبجي لأنها تعور قلبي مع إن ساعات بجيها يكون عيارة ودلع قامت تحب
الشيل و نتمشى فيها ..

 

[nandoshia]

ارحب بالامهات اللي انظموا لنا بالتجمع ، بقولكم عن الحلوه بنتي قامت تمص صبعها اذا وخرته تبجي مع انه تكون راضعه وشبعانه والله بلشه جربت معاها المصاصه مافاد ماتبيها احد عنده حل ابيها تبطل منه قبل لا تتعود عليه اكثر وتتعلق فيه!!!!. ماادري وراثه والا شنو؟؟ اختها قبلها كانت تمص صبعها بعد ماقطعت عنها المصاصه ومافجت منه الا ليمن كملت سنه ونص شريت لها دوا من الصيدليه خلاها تبطل هالعاده.ماابي اعيد نفس المعاناة

 

[Miss_Tiger79]

اهلين ام فروحه اشلونج وشخبارج
ومبروك البيبي وتتربى بعزج انشالله
واي بنات من زمان ما دشيت المنتدى ما عندي وقت كلش من يصير عندي وقت اقعد العب رياضه ههههه
ومنوره اشلونج
وام غمازات اشلونج
وام حيدر شخبارج
والله ولهانة عليكم وعلى سوالفكم
تدرون صاير فيني ضيقه وكآبة مو طبيعيه

 

[Miss_Tiger79]

اهلين ام فروحه اشلونج وشخبارج
ومبروك البيبي وتتربى بعزج انشالله
واي بنات من زمان ما دشيت المنتدى ما عندي وقت كلش من يصير عندي وقت اقعد العب رياضه ههههه
ومنوره اشلونج
وام غمازات اشلونج
وام حيدر شخبارج
والله ولهانة عليكم وعلى سوالفكم
تدرون صاير فيني ضيقه وكآبة مو طبيعيه

وانا بعد بنتي تمص صبعا اول ما تقعد من النوم اقوم على صوتها لما تمص صبعها