تجمع امهاات 2007 خلونا نستفيد من بعض

[كيت كات]

اهلين ام غمازات ...
منورة وانا خالتي ذابحتني تقول يوميا عطيه كراويه تقول تمتن
وانا اخاف يوميا يضرة خلاص من باجر اخلط واعطيه

 

[منورة الكويتية]

هلا والله وغلاا بام غمازات
احنا بخير يعلج بخير انتي بشرينا عنج وعن النونوه

 

[منورة الكويتية]

كيت كات حبيبتي بالعكس الاعشاب هذي مامنها ضرر
استعملوها الاولين وهذانا مافينا الا العافية لاا تحاتين وايد
بس يابنات الله الله بالماي يعني على الاقل رقمين باليوم عشان تثبت عيون الياهل وماينحول خصوصا اول الاشهر

 

[malak_alroo7]

منوره صج؟
اول مره اسمع هالمعلموه مشكوره حبيبتي بس اشوه انا اعطيها على طول

 

[أم حيدر]

السلااااااااااااام عليكم

اختي ولدت بالسلامة ويابت يوسف حبييييييييييييييبي ماما صغيييييييييير :eh_s(6):

ما دخلت يومين احس طافني وايد وفي امهات يدد بعد ماشالله

دلوعة حمني ::: ملاك الروح :::: عن تجربة كمية الرضعة اللي مكتوبة على قوطي الحليب صح 100 % بس انا اقولج شلون اذا مكتوب مثلا بعمر 4 شهور 180 يقصدون بالاربع شهور يعني آخر الشهر الرابع مو بدايته.

اللي عليج انج تتبعين التعليمات وشوي شوي مع مراعاة ان كل ياهل تختلف قدراته عن الثاني.

منورة كويتية ::: شلومنج حبيبتي ؟ بالنسبة حق رضعة الليل اذا قامت بنوتج بالليل تبي ترضع رضعيها واذا مدت بنومتها خليها لا تزعجينها لان الياهل اذا كان يوعان بيقوم بروحه لا تحاتين

كل البنات اللي استفسروا عن موضوع الاكل :::: الياهل بس يطبق 4 شهور لااااازم تبدون معاه اكل .. وانا طرحت من قبل موضوع كتاب اسمه (تغذية الطفل من الشهر الرابع حتى السنة الخامسة ) من سلسلة الفراشة راح يساعدكم وايد .

بعض انواع الكل اللي ممكن تبدين توكلينها طفلج :

1. ميلوبا تلاقونه بالجمعيات مكتوب عليه من 4 شهور في بالفواكه ، الخضروات ، قمح وحليب ، قمح وعسل.

2. تفاح مهروس

3. عرموط مهروس

4. بابايا او افوكادو

روحو اشترو الكتاب واااااايد بيساعدكم

هدفي الجنة ::: بعطيج نصيحة عيايز مدي فراش عالارض وقطي ولدج عليه وخليه يلعب عالارض بيبجي مرة ومرتين وبعدين يتعود ، الأرض تربي عظام الياهل وتقوي وتهديه وروحي لاند مارك بتلاقين لعبة ب 3 دنانير تقريبا صايرة مثل جسر وفيه 4 نحلات بفترون حطي ولدج تحته وبينشغل غيها

 

[nandoshia]

مرحبا، بنتي حبيبتي مسكر خشمها تكسر الخاطر وديتها المستوصف عطاني لها قطره(ماي وملح) مااحس تسوي شي

 

[أم حيدر]

ناندوشيا - الحال من بعضة - تدرين شتسوين ::: تلاقين بالصيدلية فكس حق البيبيات ماركة بمبي . دهني صدرها وظهرها قبل لا تنام كل يوم

وعسى الله يشافيهم

 

[أم حيدر]

ناندوشيا - الحال من بعضة - تدرين شتسوين ::: تلاقين بالصيدلية فكس حق البيبيات ماركة بمبي . دهني صدرها وظهرها قبل لا تنام كل يوم

وعسى الله يشافيهم

 

[رفرف]

بنات اللي تسأل عن شي يدر الحليب كثري سوائل عن تجربة ..
انا احس حليبي وايد قل وحاشني تكرمون التهاب بالبول فالدكتورة قالتلي شربي عالاقل لتر ونص ماي واحطلكم دولكة ماي اخلصها من الصبح لي الليل ووحدة ثانية حق المساء والسهرة والله ماتوقعت الحليب زاد بس عاد الله يعينكم على تغصب الماي صرت اكرهه ...

انزين السؤال الأزلي شنو احسن علاج للغازات لأني استعمل حبوب حق الالتهاب اهيه اعشاب ماتضر بس مع الرضاعة سوت حق بنتي مغص وغازات وبنتي من امس تصرخ من قمة راسها تعور القلب ولما ارضعها تطخ شوية وتطلع اللي ابطنها بس انا تعبت تخيلو طول اليوم تبي ترضع وجان زين تشربه .. ترجعه كله بس مستغلتني أسوأ استغلال مخليتني انا مصاصتها ...

الحين استعمل لها جاي اعشاب بيبي كالم بس ماحسه نافع معاها واهيه ماتعرررف اشرب بالممية تضحك تكود الماي بحلجها وتشرق فيه مو فاهمة بأنها لازم تبلع أول بأول ...

واللي عندهم عيال اكبر شمسوين مع الغيرة ؟؟ بنتي العودة كاسرة خاطري طول الليل تصرخ وتبجي وتحلم وآخر موديل تقولي آنا بيبية ..
ولما ارضع اختها اتيي تنسدح بحظني بس ليلحين غيرتها مو مؤذية والله يستر من الياي ...

 

[ام غمازات]

اهلين رفرف الف الحمدالله عالسلامه:eh_s(17):
فيه نقط للغازات اسمها Gas اذا انتي ترضعينها من صدرج حطيلها بالمميه الصغيره اقل من رقم واحد ماي وحطي عشر نقط من الدوا وخليها تشربه بالشفا انشالله
انا استخدمته حق بنتي بنفس عمر بنتج ووايد ارتاحت عليه:eh_s(15):

 

[keeka]

اهلا امهات عندي سؤال ادري بأذيكم باسألتي بنوتي جنا عيونها مصوفره شوي مادري امي تقولي لاء يمكن انا من كثر ما اوسوس وابوها يقولي دام ترضع وتكرموون تخرج ماعليها الا العافيه شرايكم اوديها الطبيب ؟

 

[ShaYoMa]

السلام عليكم حبايبي اشلونكم مشتاقتلكم وايد

بروح اقرى الي طافني من اخبار ولي رده انشاءالله

 

[ShaYoMa]

توني خالصه ال 24 صفحة ولدي مو امخليني اقره شي متعسر اليوم ما ادري اشفيه

اشلونكم امهات واشلون النونو معاكم انشاءالله الكل يكون بصحه وعافيه:eh_s(6):
ام حيدر حبيبتي حمدالله على سلامت اختج :eh_s(17):

 

[منورة الكويتية]

اهلا امهات عندي سؤال ادري بأذيكم باسألتي بنوتي جنا عيونها مصوفره شوي مادري امي تقولي لاء يمكن انا من كثر ما اوسوس وابوها يقولي دام ترضع وتكرموون تخرج ماعليها الا العافيه شرايكم اوديها الطبيب ؟

وديهااا زيادة بالتطمن
بس معروف اذا بوصفار عرضيها لشمس اول النهار فصخيها هدومها والجو الحين حار وخليها تعرض للشمس اذا مافادتها ماضرتها ان شاء الله
وسكر النبات زين حق بوصفار
بس اول وتالي وديها تطمني عليها قبل ماتزيد نسبه الصفار لانه نسب في البسيط وفي الاعلى انا من رأيي لاا تسكتين روحي تطمني

 

[منورة الكويتية]

توني خالصه ال 24 صفحة ولدي مو امخليني اقره شي متعسر اليوم ما ادري اشفيه

اشلونكم امهات واشلون النونو معاكم انشاءالله الكل يكون بصحه وعافيه:eh_s(6):
ام حيدر حبيبتي حمدالله على سلامت اختج :eh_s(17):

خخخخخخخ انا عاد غيرت حق نوير وشربتها اعشاب وقطيتها عند ابوها بالصاله لازم اخذ وقت حق نفسي شووي :eh_s(6):

 

[منورة الكويتية]

الف الف الف مبروووووووووووك ماياكم ام حيدر
ويتربى بعز ابوه وامه

 

[malak_alroo7]

بناااات شلونكم و شلون الكتاكيت؟
keeka
حبيبتي روحى الطبيب بس علشان تطمنين اكثر و ان شاء الله ما عليها الا العافيه يارب .. مو احنا ما نرتاح الا اذا وديناهم الطبيب الصراحه هذول فلذه كبدنا يستاااهلووووووووووون

 

[ام غمازات]

اختي keeka
انا بنتي اول ما طلعت من المستشفى وهي لها ثلاث ايام حسيت لونها اصفر وعيونها صفرا وديتها حوادث الاطفال بالصباح ولانه عمرها اقل من 8 ايام حولوني الخدج واول ما شافها الدكتور قال بوصفار من غير فحص حطولها جهاز على جبهتها يقيس نسبه البوصفار وكان مرتفع شوي ويوصل لمرحله الخطر قالي الدكتور كثر ما تقدرين كثفي الرضاعه وما عليج من سوالف الشمس والماي والسكر رضعات مكثفه وبس
وصج لان بنيتي ماكانت ترضع ولاكانت تقوم للرضعه انا كنت اقعدها
وعطاني مواعيد يوم وترك يتابع حالتها والحمدلله مشيت على كلامه وردت نسبه البوصفار للمعدل الطبيعي
ادري هذرت وااااااااااااااااااااااااااايد
بس وديها وتطمني عليها احسن

 

[أم فرووحة]

السلالالالالالالالالالالام عليييييييييكم

وااااو و أخيرا خلصت الستعش الف صفحه..:eh_s(9):

مستخدمين موجودين حالياً يشاهدون الموضوع: 3 (3 أعضاء و0 ضيوف)
منورة الكويتية*, أم فرووحة, غلاالمشتاق

لالالالا ماصدق ام فروحه ويانااااااااااااااااا

واخيرا حنيتي ويتيي
تعالي ترى حدنا مشتاقينلج وعتبانيين عليج حييل وينج كل هالفتررره
وشلووون فروحه طمنينا عنها وعن احوالج

يا بععععععععععد عمري يا منوووووووووور انا اللي حدي مشتاقتلج و مشتاقه حق بنات المنتدى كلهم ..:eh_s(6):

صج ماقصرتي منور على هالتجمع الحلو و على رسايل الخاص ترى رديت عليج بس ادري بتقولين تو الناس هههههههه

ادري استاهل العتب بس شسوي ابهالفروح اميننتني..

بس قلعتي انا السبب من تقول أ رحت شلتها و المشكله ما اقدر اعتمد عالخدامه بالمره لازم كله عيني على فروحه بعدين اقولكم سوالف الخدامه الله لا يبارج فيها شمسويه..

ترى هذا اول رد من شهوووور..لم الحين ما كتبت قصة ولادتي

بس حده عاجبني التجمع و كنت ادخل وايد بس اقرا لأن اعرف روحي ان اذا بديت اكتب لازم استمر لكن فروح مومعطيتني مجال أبي خطه اسويها عشان اقدر ادخل النت نفسكم انتوا شتسوون وين تخلون البيبيات لم تشبكون؟؟؟

 

[منورة الكويتية]

هلا وغلاا والله بام فروحة

توه توه مانور المنتدى

وتوه مانور التجمع

واخيرا اعتقتج فروحه خانووو

والله انا نفسج يام فروحه مستحيل اخلي الخدامه تمسك نوير الا اذا سقت ولاا ماخليها تجيسها

وعادي اشبك لمن اكون مرضعتها ومغيرتلها اخليها يمي الوضع طبيعي ومرات احطها عند ابوها بعد لازم اقعد ارفه عن نفسي شووي

المهم اسعفينا بقصه ولادتج حدي مدي ناطرتها من قبل ما اولد