تجمع امهاات 2007 خلونا نستفيد من بعض

[أم حيدر]

نسيت اقولج انا الكتاب حصلته بمكتبة سي ان ان بحولي واذا ما لقيتيه هناك الله يعينج اخذيه من مكتبة جرير بس من هناك اكيد بيكون اغلى

 

[جروح تبتسم]

السلام عليكم

شلونكم بنات انا توني يديده على الملف توني والده ( توني 3شهور)
توني شايفه عمري وداشه النت كلن النك لي وخذته رفيجتي توني مرتااحه واخذته المهم

بنات انا الحين باجازة امومه شلون اذا بقص اجازتي وبداوم لاني ملييييييييت وبنتي اسم الله عيها نومها منظم وامي ماتقصر

وسؤال ثاني :
شنو الحل مع المغص بنتي تتسلط علي بليل

 

[أم حيدر]

هلا جروح وحياج الله معانا

بالنسبة للاجازة انا اداوم قطاع خاص فماقدر افيدج

بس بالنسبة للمغص .. كل يوم قبل نص ساعة من موعد نومها اخذيها الغرفة وشبي ليت خافت ودفي شوية زيت زيتون ودلكي بطنها باتجاه عقارب الساعة بحركة دائرية خفيفة وبعدين دفيلج فوطة صغيرة وحطيها على بطنها ولفيها.

ثاني شغلة واللي انصح فيها كل البنات .. عسى الله يجزيها الف خير بنت خالة ريلي دلتني عليها .. ماي المرقدوش شربيها قفشة استكانة قبل لا تنام او سوي مثلي انا احط بمطارة الماي الحار مالت حليبته قفشتين كوب من ماي المرقدوش.. ماشالله ما تضل فبطنه عزج الله اي غازات ولا اي مغص الحمدلله.

وقوليلي شيصير وياج.

 

[ShaYoMa]

ام حيدر انشاءالله بروح اليوم حولي الغانم والمكتبة ادور الكتاب

البنات امدحولي كتاب اسمه الطفل السليم مع الدكتوره ريم

 

[ShaYoMa]

جروح تبتسم حياج الله معانا حبيبتي

اذا تبين تقطعين اجازة الامومة سوي كتاب حق ادارتج وعطيهم
بس جنه لازم يكون بخط اليد او لأ استفسراي من قسم الاجازات من وزارتكم احسن

المغص انا كنت اسويله حبة حلوه

وفي دهن ريحته جنه حبة حلوه زوجي كان عنده مؤتمر باندونيسيا جان يقولولا عنه وايد زين حق المواليد ،ادهنه واسدحه على بطنه اتشوفينا يرتاح حبيبي ويعطج موسيقى اتهبل

 

[ShaYoMa]

هذي صورة الزيت

 

[عشق]

هاي يا امهااااااات 2007 اشلونكم

انا قمت اعطي بنتي كل شي بس اشوي اشوي

مثل حليب ككاو عطيتها مره وحده بس علشان لا تتعود عليه

مرات اعطيها من اكلي اللي اكله

كريم كراميل ومهلبيه

 

[عشق]

بنات اليوم وصلني ملابس من امريكا حق بنت رفيجتي شكلي بعد بطلب حق بنتي

رحت اشتري لها ملابس ما لقيت شي حلوووووووووو السوق يلوع الجبد حقي وحق بنتي

 

[ShaYoMa]

عشق جم عمر بنوتج الله يخليها لج انشاءالله

 

[عشق]

عمرها الله يسلمج ويخليها لي ان شاء الله

6 شهور

 

[أم حيدر]

عشق لاااااااااااااااااااااااااا تعطينها حليب ككاو توها صغيرة ... بعدي عن شي اسمه حليب بقري ترى راح تتعب معدتها

شيومة هم هالكتاب حلو بس الكتاب اللي عندي وااااايد أحسن

 

[ShaYoMa]

السلام عليكم يا امهات اشلونكم

عشق الله يخليها لج انشاءالله

بس مو جنها توه على حليب ككاو ولا عادي؟

 

[أوشال]

هلا شيومة صباح الخيرات

سكتي انا اخس منج اخاف اعطي الياهل اي شي .. بس يبت كتاب اسمة تغذية الطفل من الاربع شهور حتى 5 سنين ( من سلسلة الفراشة ) وماشية عليه وايد حلو.
شوفي حبوبة .. ابدي معاه ملوبا تلاقين بالجمعية عندهم من 4 شهور تقريبا عندهم 3 انواع رز بالحليب والقمح ورز بالفواكه ورز بالخضار.

انا اول شي بديت اوكله حق وليدي هذا طبعا استمريت معاه حول الاسبوعن .. بعدين بديت بالفواكه .. آخذ عرموطه واحطها بجهاز البخار 10 دقايق وبعدين احطها بالخلاط ماله babychief تلاقينه عند الغانم واحط وياه 3 قفاش ملوبا وماي حار واضربه واعطيه.. او بدال العرموط تفاح وشوي شوي قمت اخلطله الاثنين.

عندج حق عمره بابايا وافوكادو هم اوكي وراح يحب البابايا ... حاولي تشترين هالكتاب وايد بيساعدج.

ام حيدر منوووين شريتي هالكتاب ؟؟

 

[منورة الكويتية]

شلوونكم بنات

زماان عنكم

شاغلتني نوير والدراسه واحس نفسي متقطعه مليون قطعه

بنات انا الحين كلش كلش مانام صايره الله يهديها تتسلط بالليل بجي بجي لين الفير يالله تنام ابي حل يخليها تنام هالفترره عشان ترتاح وتريحني جربت اليانسون والحبه الحلوه والكراوية وهم جربت ماي غريب ومافاااد شالحل معاها

والي كانت تدرس وعندها ياهل شلون كانت تنظم وقتها لاني احسني حيل ضايعه

 

[miss fabulosity]

هلا والله يالامهات اشلونكم وشخباركم من زمان ماسولفت معاكم
منوره الحال من بعضه والله وبنتى اسم الله عليها 5 شهروللحين ماكو نوم بالليل وحالتى كسيفه بين بسبوسه وبين البيت وبين الطباخ واااااااااااى صج لى يت الساعه 3 العصر الا البطاريه خالصه يالله اقدر اروح النادى لا ومالى خلق
صج ممكن اسم الكتاب يابنات ووين القاه علشان اقول حق اهلى يطرشونه لى من الديره انا الحين ماشيه على كتاب ريم قنواتى

 

[ShaYoMa]

هلا امهات اشلونكم

ام حيدر اشتريت الخلاط :eh_s(6):

ولقيت الكتاب بجرير بس شاكه انا اهو لان مو مكتوب عليه من 4 شهور الى 5 سنين

وهذي صورته قوليلي اهو ولا لأ

 

[أم حيدر]

اوشال / الكتاب اسمة تغذية الطفل من 4 شهور الى 5 سنين وهو من سلسلة الفراشة . اشتريته من مكتبة سي ان ان بحولي قبل 3 شهور وسعره 6 دنانير.

منورة / لج وحشة حطيتي الموضوع وانحشتي .. حبيبتي حاولي عقب 6 المغرب ما تخلين بنتج تنام اول فترة بتتعبين بعدين بتتعود على الروتين وتلاقينها عقب الست ما تنام وعلى الساعة 10 تنام انشالله.. صارلي فترة مطبقة هالموضوع مع ولدي قلت قعدته باليل وااااااايد عن قبل.

وسومة / نفس ردي حق منورة + انا ادخل كل اليوم الساعة 9 ونص الغرفة واطفي الليت واشب ليت صغير واقعد العب معاه عشان ترتخي اعصابه ويهدى من الظلمة ما تصير الساعة 10 الا هو مستسلم طبعا في ايام عالمية استثنائية ما تنفع هالسالفة فيها خصوصا ان قاعد يسنن الحين.

شيومة / مبروك الخلاط عجيب صح ؟ حبيبتي مو هذا الكتاب اللي عندي

 

[ShaYoMa]

ام حيدر لا اتقوليييييييين ماكو الا اروح حولي وادوره

 

[أم حيدر]

جربي مكتبة سي ان ان انشالله تحصلينه

 

[ShaYoMa]

الحين بروح ...... انشاءالله القاه