تجمع امهاات 2007 خلونا نستفيد من بعض

[منورة الكويتية]

حمدلله على سلامتج مس تايقر وانا بطلع من النفاس الاسبوع الياي ان شاء الله
هلا وغلا بشيومة وحياج الله بينا
وصح كل حليب صناعي فيه غازات بس شنسوي
وعالحفاظات ترى البنات يمدحون ليبرو انا ماجربته بس اكثر من وحده مجربته هني


انزين بنات الحين بنوتتي صار عمرها شهر وشيئ قمت اعطيها 120 ملل عادي ولاا واايد؟ وصايره كل بين رضعه والثانيه 4 ساعات منها اهي يعني تنام وتقوم عقب 4 ساعات تقريبا اما بالليل من ورى ال12 انسوو انها تنام تقعدلي تعطيني وصله بجي ليييمن ال5 او ال4 شالحل!!

ابيها تنام هالفتره عشان اقدر انام لان الحين اداوم وحيل تعبانة من هالسالفه

 

[ارزاق مرزوق]

انصحك تسمين الموضوع يوميات مع بنوتي

 

[عشق]

هااااااااي منوره سوري ما رديت

السيميلاك صج كله رغوه بس دكتورها بالمواساه قال لي لا تغيرينه لها ماشي معاها وبالعكس الحين بطنها وايد زين احسن من اول

وصدقيني الامساك او الاسهال ماله شغل بالحليب كلش

اختي من ابوي يستخدمون لها حليب مادري شنو اسمه بطنها كله امساك

والحفاظات جربت بامبرز صار معاها التهابات على طوول غيرته حق دارلينغز احسن وايد

 

[عشق]

منوره سالفه النوم انسيها الحين الله يكون بعونج انا بنتي ما تعدلت نومتها لما صار عمرها 4 شهور

 

[منورة الكويتية]

ارزاق مرزوق
اسم على مسمى
خخخ

 

[منورة الكويتية]

عشق هلا وغلا فيج
وصح الحليب يفرف من ياهل لي ياهل
وبامبرز ماشيه نوير معاهم ان شاء الله مايعصلق وياها ويسبب لها شيئ

 

[أوشال]

السلام عليكم

الف مبرووك منورة حبيبتي على البنوتة

والله يبلغكم فيها

شوفي انا لي ست شهور كنت ارضعها طبيعي

بس من بعده قعدت ارضعها كيكوز والحمدلله ماشية معاه تمام

واتذكر من صار عمرها اربع اشهور بديت اعطيها سيريلاك وبسكوت بالحليب

وكل شهر ازيد لها شي والحيت تاكل كل شي مفيوح من بطاط وجزر وكوسا

لي العيش والبروتين

المهم

نصيحة بعدي عن المبررررز لالالالالالا تقربين صوبه

بنتي هرين ماشي معاها تمام بس تدرين كل ما تكبر لازم

التبول يزيد عندها لانه تشرب سؤائل اكثر وجذي

يسبب لها طفح جلدي ولوووعه تعالي جربي هالكريم

لالالا هالكريم احسن بس لو تروحين العطار تحصلين كريم روعة

وكل وحدة تقوول شي يووم خذت بنصيحة وحدة وجربت

حفاظات ليبروو libero

عجيبة والله انتي بس كل ما تغيرين لها حطي فازلين

علشان ما يصير عنده احمرار او طفح


والشهقة عادي "بوفهاق" راجعت عيادة الاطفال وكان عمر بنتي اقل من شهر
كله تشاهق قالي الطبيب هذا شي عادي لانه بهالعمر يكون الحجاب الحاجز ضعيف

ووالشهقة بتقل كما كبرت اشووي يووم تختفي نهائيا


وسلامتج

 

[منورة الكويتية]

بعد عمري يا اوشال الله يخلي بنيتج لج
ويطمن بالج مثل ماطمنتيني
وعلى بامبرز شكلي بغيره خرعتووني منه
وبنجرب دارلنق او ليبرو

 

[ShaYoMa]

صباح الخير امهات اشلونكم

عشق معقوله النوم يتعدل من الشهر 4 ... انا للحين ولدي يقعدني كل 4 ساعات عشان رضعته مع ان احطله بالحليب بسكوت فارليز بس ماكو فايدة
ما ادري شسوي معاه

منورة الكويتية عادي عطي بنتج 120 انا كنت اعطي ولدي لما كان في عمر بنتج الله يخليها لج

 

[ام غمازات]

السلام عليكم
شلونج منوره عساج بخير وشلون الصغيرونه الاموره نوره
والله لج وحشه بس شنسوي الدنيا تلاهي وبعد مجابل النتوفه بنتي ماخذ كل وقتي
المهم انا اول شي عطيتها سيميلاك ما مشا معاها اسهال عزكم الله وغازات
غيرت لها وعطيتها نان الحمد لله وايد زين واعطيها بعد نقط للغازات من الصيدليه اسمه Gas وايد ممتاز استخدمه مره بالليل قبل النوم
وحفاظاتها Libero فوق الممتاز


وانشالله اتواصل معاج بيومياتي انا و لولو الصغيره


شااااااااااااااااااااااااااااااااااااااااااو

 

[عشق]

صباح الخير امهات اشلونكم

عشق معقوله النوم يتعدل من الشهر 4 ... انا للحين ولدي يقعدني كل 4 ساعات عشان رضعته مع ان احطله بالحليب بسكوت فارليز بس ماكو فايدة
ما ادري شسوي معاه

منورة الكويتية عادي عطي بنتج 120 انا كنت اعطي ولدي لما كان في عمر بنتج الله يخليها لج

حبوبه انا بنتي اعشيها وبعدين انومها ما اعطيها حليب للفير تقوم تبجي اشوي تشرب حليبها وترد تنام للصبح تقوم تتريق حليب مع بسكوت ماري ومرات سيريلاك
وبعدها الضحى اقول حق الخدامه تمشيها اشوي بالحوش خخخخخخخخخ

 

[عشق]

منوره البامبرز انا قلت نفسج وكنت اول الاشهر استخدمه وبعدها صار فيها التهابات وهم عالجته ومافي فايده لما زادت حالتها وقالوا لي حطي لا نشا وهم حطيت جلدها نشف وتشقق وطلع لها دم وطرت فيها الفير مستشفى مبارك وتبهذلت معاها

صج ترى من شخص لشخص يختلف مو نفس اشي

 

[ShaYoMa]

صباح الخير امهات اشلونكم

اليوم باديه نظام يديد مع حمني

الساعة 8 عطيته عصير (1.5 اونس)... قاعده احاول اخليه يشرب من الكوب لو حتى اشويه بس عشان يتعود بعدين اكمله بالرضعه

الساعة 10:30 عطيته حليب مع فارليز

انشاءالله الغدا بعطيه سيريلاك

والحين بروح الجمعية اشوفله الفارليز الحبوب

 

[أم حيدر]

يالله رحبو فيني يا بنات ...

انا ام حيدور ... وعمره 7 شهور واسبوعين .. حبيبي ماما

وهو صغير رضع 15 يوم من صدري وبعدين عفس الدنيا عصبي وما ينطر عالصدر ... قمت اشفطله ليما نشف الحليب من كثر الشفط .. وقصتي طويييييلة مع الحليب الصناعي استقريت آخر شي على نفولاك آي تي لان كان يعاني من الامساك بس طبق ال 6 شهور على طوووووول ركضة حولتله الحليب قمت اعطيه نان والحمدلله ماشي الحال بس الأخ الكريم عجبه موضوع الأكل ومطلع روحي ما قاعد يشرب حليب الا بطلعة الروح لاااااا ويشرب النص ويقطها :eh_s(15): ريال ولدي

 

[أم حيدر]

بالنسبة للحفاظات ..........ز بدون ادنى تفكير او مقارنة حفاظات ليبرو اروع حفاظات ما ابدلهم مهما يصير وفي نوع ليبرو مكتوب عليه لوشن فري يهبل نااااااااعم

وكريم الحفاظات استعمل سودو كريم ألف حمد وألف شكر لك يارب ولا مرة التهب من يوم ما ولدته .

 

[miss fabulosity]

قوه ياللامهات اشلونكم واشلون الرشاقه من زمان ماقرقت معاكم لانه كان عندى ضيوف من الكويت
المهم انا اشرب بنتى الحين بنتى الله يحفظها 180 مل حليب لانه وايد خفيف وهو s 26 ha
وبما نى عايشه ببرلين قاعده اتبع نظامهم وصج يخافون على عيالهم علشان على قوله الدكتور يصير عندنا جيل المانى قوى وصحى مو نفس الامريكان اهل الهبورغر خخخخخخ حتى ربعنا نفس القصه
والاكل اذا اليهال يرضع صناعى مثل بنتى بال5 يبتدون يوكلونهم واذا طبيعى بال6
وصارلى يومين متبعه الجدول الالمانى حق اليهال والى اهو
3 ايام جزر وبعدين 3 ايام جزر وبطاط وبعدين 3 ايام جزر وبطاط ولحم وتكميلينه بالحليب وكل مازادت بالاكل تقللين بالرضعه واتظل على هالوضع شهر علشان لا تكره طعم الخضره وتتعود عليه وخنشوف شنو راح يعطينى الشهر الى وراه
وسلامتكم

 

[ساره ستايل]

قووووووووووووة امهات

شخباركم
بنات بسألكم :
انا ولدي توا اليوم كمل ال3 اشهر ودش الرابع
اقدر اعطيه من اكل اليهال اللي مكتوب عليها ابتداءا من الشهر الرابع ؟
ولا انطر لما ايكمل الرابع ؟؟

 

[malak_alroo7]

ٍShYoMaهلا اختى.. صباح الورد .. جم عمره حمنى؟ الله يخليه لج ان شاء الله

هلا والله ام حيدر
انا بعد استخدم سودوكريم وايد زين الحمدلله
انا فلت حق ريلى خلاص بستخدم حق نوارتي حفاظات ليبرو من كثر ما يمدحونهم البنات

سارة ستايل
مممممم مادري بس الدراسات الحديثه تقول الافضل نبدي معاهم بالشهر السادس.. بس احنا ما يفيد معانا هالحجي !! انا ودي اصبر بس امى كله تزفنى و تقولي بلا دراسات حديثه بلا بطيخ هههههههههههه

وسومه
صح حتى في بريطانيا جذي نظامهم ..
بس شلون يعنى كل ما ياع البيبي تعطينه من هالاكل؟ و الا مره حليب و مره ياكل؟
لا تنسين تقولينلنا شراح يعطيج الدكتور الشهر الياي
مشكوره اختى

منوره
شلونج و شلون نوره الحلوه؟

 

[Miss_Tiger79]

هلا بنات اشلونكم
انا امس غيرت حفاظات ولدي بوسنتين وخليتهم ليبيرو وصج عجيبيييييييييين
وبغير حفاظات بنتي الصغيره من بامبرز لي ليبيرو لانهم خفاف وجنهم قطن مو مثل بامبرز جنج املبسة الياهل نايلون
وعن الكريم غير كريم سودو لا تستخدمين عجييييييييب وكل تغيير حفاظة وترك حطي من الكريم
تدرون كل يوم متى انام الساعه 7 الصبح اعطي بنتي حق خالتي واروح انام

 

[ShaYoMa]

malak_alroo7 الله يسلمج حبيبتي عمره 4 شهور

أم حيدر الله يخليلج ولدج والسودو كريم صج عجييب انا اول ما يبت حمني صارة فيه حبوب صغيرة راسها ابيض والمكان كل احمر يا بعد عمري جان اتروح خالتي وتشتري الكريم والله يومين مع الغسيل والتنشييف عدل رد كل شي يديد

وسومه والله خووش نظام ... بس قبل الخضروات مو لازم تعطينه سيريلاك او فارليز ولا عادي تبدين معاه بالخضار ؟ اذا اوكي خل ابتدي اعطيه

والله بنات من كثر ما تمدحون ليبيرو شكلي راح اغير الحفاظات من بامبرز الى ليبيرو

عشق ماشيه ورا نصيحتج وراح اخلي حمني ما ينام امبجر العاده ينام الساعة 8:30 او 7 انشاءالله اليوم 9:30 او 10 عشان اتطول نومته وانا انام والله كريم

منوره اشلونج واشلون الصغيرونه معاج؟