تجمع امهاات 2007 خلونا نستفيد من بعض

[عشق]

شيومه انا بنتي مرات تنام 8 بس نص ساعه وتقغد وتظل سهرانه للساع 12 انا اطفر فقمت انومها الساعه 9 او 10 علشان ترتاح للصبح

 

[أم حيدر]

عشق - ترى حتى انا هذي حالتي ما انومه الا 10 او 10 ونص اذا نام 8 عز الله غينت خير ما برد بنام لل1.

ملاك - مس تايقر - شيومة - خلكم على سودو كريم وعلى حفاظات ليبرو وعمركم ما راح تشوفون الالتهاب انشالله... وفي شغلة ثانية لما تشترون حفاظات ليبرو تلاقون نوع مكتوب عليه لوشن فري وااااااايد حلو.

سارة ستايل شلونج ؟ :eh_s(8): حبيبتي لا تستعجلين على ولدج .. انا دكتور ولدي ( د. مدثر حافظ ) بانترناشبونال كلينك قال نطري يطبق ال 4 شهور وبعدين بلشي معاه واذا انشالله صار 4 شهور ذكريني اقولج تبدين معاه بشنو.

وسومة نظامهم سليم 100% بس انا اس 26 سوا امساك مو طبيعي حق وليدي اول مانولد

 

[عشق]

ههههههههههه توني اقرا ردي كله بدليات

صج نومت الياهل خايسه وبنتي ماخذه طبعي مستحيل تنام بالازعاج لازم هدووء

واذا قعد سمعي البجي ساعه ومعافر على ما يرد ينام

 

[ساره ستايل]

ملاك : نفس كلام امي .. كلله تقول لي : احنا اشلون ربيناكم وكبرناكم؟؟
وانتوا كلله تخافون تعطونهم اي شي

مس تايقر : زين سويتي غيرتي الحفاظات.. انا بعد من جربتهم حق ولدي الصغير بو 3 اشهر وانا اسب البامبرز و الدارلنغز اللي لعوزوني ولعوزوا اعيالي

شيومة : نصيحه من القلب لي القلب .. جربي ليبرو وماراح تتحسفين بالمره

ام حيدر : مشكوووره حبوبة عالملعلومة .. لا خلى ولا عدم

 

[ShaYoMa]

صباح الخير اشلونكم

سؤال

اشلون النوم معاكم ؟؟ ولا نفس حالتي كل 4 ساعات النونو يقعدكم!؟!

عشق امس الله لا يوارييج خليته يسهر قمت العبه واهو حده ما يبي يسوي

شي معاي اول جم دقيقة كان اوكى بعديين عطاني بجيا الي بس يا عمري يبي

ينام باي طريقة والساعة كانت توها 8:30

طبعا رد قعد الساعة 1 و الساعة 5:30

شسوي بنات انا الحين اجازة بس ابي اعوده ينام عشان لما اداوم ما اتعب معاه

اتهقون نظام الاكل الي قاعده اعطييه مو ماشي معاه؟

(الصبح قعد 5 عطيته حليبته عادي مع فارليز بعدين 8 عصير

الغدا عطيته سيريلاك بعدين شرب حليب من غير فارليز (بس ما كمل حليبته العادة 150 بس هالمره شرب 60 )ونام نص ساعة رد قعد

بعدين عطيته اشويه كاسترد بالفانيليا مال الفارليز الجاهز

بعدين الساعة 8:30 عطيته حليب مع فارليز بس هم ما كمل 150 بس شرب 100 )

وسلامتكم , ادري طولت عليكم بس ما ادري احس جني مو قاعدة اعطيه اكل عدل او يمكن في شي ثاني لازم اسويه؟!


وانشاءالله اليوم راح اغير الحفاظات

ودي اشتري خلاط صغير عشان اخليه بس حقه من ويين؟

 

[miss fabulosity]

قوه يالامهات اشلونكم انا اليوم رحت حق الدكتور تدرون انه انصدم من المهاد
يقول احنا الالمان مانمهد لانى للحين امهد بنتى واذا فليت المهاد دق ويهها وتبجى وتعالى عاد ردى نوميها معاناه عاد قالى شيلى المهاد ماله داعى قلت له اليهال مايصير فيه شى قام يضحك وقالى لى لا طبعا
بالنسبه لجدول الاكل اهما الالمان يوكلون عيالهم اول الايام مثل ماقلتلكم خضره علشان لى دخلت الفواكهه بعدين جود متعود على طعم الخضره والكميه اول الايام 3 قفاش وتزيد مع اللايام وتكملونه بالحليب وكل مازادت عدد القفاش قللى الرضعه الين توصلين بس الوجبه وهذى الوجبه تكون الغدا والكيه فى النهايه 200 غرام يعنى تقريبا حجم القرشه العوده مالت اكل البيبى وسلامتكم وانشوف الشهر الياى شنو بيعطينا

 

[ShaYoMa]

اشلونكم امهات شخباركم ؟

 

[ســــــــــما]

الف مبروك منورة

انا كنت اتابع مواضيعج وردودج في قسم الحمل والولاده

انا ما بيني وبينج وايد

ولدي الحين عمره 3 شهور و12 يوم

ولما كمل الشهرين ونص تقريبا ياالله صرت انام بليل

اتقولين بنتج تشاهق انا ولدي يتعصر حيل وايد كنت اخترع وحتى لو يكون نايم ما كنت اقدر انام لان يخرعني ويها يصير احححمر خخخ بس الحين خف وايد والحمدلله صرت انام قبل من كثر الغازات مسيكين يبجي بجي مو طبييييعي وانا من ماي الغريب ليما الينسون ليما حبة الحلوه .. حتى ادويه عطيته حق الغازات .. الحين فيه عازات بس الحمدلله اهون وايد من قبل ..

بالنسبة للحليب انا ارضعه من حليبي بس لما اكون طالعه استثقل سالفة اني انعزل عن الناس واقعد ارضعه فأعطيه صناعي .. حليب ماركة ابتاميل كونفورت 1 الطبيب وصفلياه حق الغازات ..

بالنسبة لماركة الحفاظات فهي بامبرز والحمدلله مرتاحتلهم .. قبل كان ولدي كله شسمونه لونها احمر عنده وساعات اتجرح وحاولت اغير الحفاظ ما ارتحت الا حق بامبرز ومن كريم لي كريم ما فاد معاه الا سيباميد عجيييييييييييب جنه سحر سبحان الله ..

وحق السبوح كل منتجات جونسون ..

الحمدلله على سلامتج ومشكوره على الموضوع الروعه عشان نفيد ونستفيد

 

[رقي]

منوره حبيبتي الف مبروك

ماحطيتي اعلان انج ولدتي بالمنتدا

انا وايد ادور اخبارج

الحمدلله عالسلامه
وعسا الله يبلغكم برها انشالله

 

[ســــــــــما]

شيومه حاولي ما ترضعين ولدج بليل قطعي الحليبه بالمره عشان يتعود ان بليل حق النوم

 

[ســــــــــما]

وسومه ليلحين اتمهدين

انا من زمااان ما امهده

الا اذا كل شوي يتفزز بليل مخترع امبلا اهنيه امهده عشان يطخ وينام
بس مو اكثر

 

[كيت كات]

اهلين امهات
ممكن انا وياكم
انا حبيب ماما عمره9 ايام
وحليبه ابتاميل حسب وصف الدكتور ماله
وحفاظاته دارلنق ومادري جنها تطلع ريحة وتسرب
جني بغيرها لي هاجزلاني شفت المستشفى تستخدمه
وانا امي عطته ينسون وسكر نبات وباذن الله ناوية اعطيه كراويه

 

[منورة الكويتية]

كملوووا بنات
للرفع

 

[أم حيدر]

سما / خلج من البامبرز وجربي حفاظات ليبرو وادعيلي.

شيومة / جم عمر ولدج؟ انا ولدي توه يالله هدى شوي عمره 7 شهور ونص وللحين يقوم بالليل يرضع رضعه. سألت الدكتور قالي كل ياهل تختلف طبيعته عن الثاني ورضعة الليل مهمة لا تقطعينها .. بالنسبة حق النظام الغذائي حق ولدج قوليلي جم عمره عشان اقولج شتسوين

 

[أم حيدر]

ام بدوري / حمدلله على سلامتج والله يخلي ما عطاج.

انا من كثر ما مدحت حفاظات ليبرو البنات بالمنتدى راح يبدون يشكون اني مندوبتهم حبيبتي جربي حفاظات ليبرو وادعيلي رووعععععععععععة قبل مع بامبرز كانت الريحة عزج الله 10 امتار وكل شوي قايم باللي يبجي بس لما استعملت ليبرووووو صراحة فرق.

 

[أم حيدر]

بنات عندي سؤال

يقول الرأي الطبي بأن السكر والملح مو زين حق الياهل قبل عمر السنه لأن الكليتين قبل هالعمر ماتفرز الانزيمات اللازمة علشان تصرف السكر والملح.

السؤال : يصير اعطي وليدي روب مع فواكه الكاسات الصغيرة ؟ او كريم كراميل الكاسات الصغيرة؟

 

[ShaYoMa]

صباح الخير اشلونكم حبيباتي

أم حيدر انا عمر ولدي 5 شهور اذا عندج نظام نقذيني

وعلى الملح او السكر اتصدقين خالتي ام ريلي اتقول يوم كانت بانجلترا كل شي عطت اعيالها بدت اتاكلهم من 3 شهور تقول حتى البودنغ الجاهز عطيتهم كل شي كانت اتذوقهم منه واتقولي كنت احطلهم ملح اشويه وكانت تعطيهم دجاج ولحم....

بس انا ما ادري اخاف اسوي نفسها

 

[أم حيدر]

هلا شيومة صباح الخيرات

سكتي انا اخس منج اخاف اعطي الياهل اي شي .. بس يبت كتاب اسمة تغذية الطفل من الاربع شهور حتى 5 سنين ( من سلسلة الفراشة ) وماشية عليه وايد حلو.
شوفي حبوبة .. ابدي معاه ملوبا تلاقين بالجمعية عندهم من 4 شهور تقريبا عندهم 3 انواع رز بالحليب والقمح ورز بالفواكه ورز بالخضار.

انا اول شي بديت اوكله حق وليدي هذا طبعا استمريت معاه حول الاسبوعن .. بعدين بديت بالفواكه .. آخذ عرموطه واحطها بجهاز البخار 10 دقايق وبعدين احطها بالخلاط ماله babychief تلاقينه عند الغانم واحط وياه 3 قفاش ملوبا وماي حار واضربه واعطيه.. او بدال العرموط تفاح وشوي شوي قمت اخلطله الاثنين.

عندج حق عمره بابايا وافوكادو هم اوكي وراح يحب البابايا ... حاولي تشترين هالكتاب وايد بيساعدج.

 

[ShaYoMa]

أم حيدر مشكورة يا حياتي بس من وين هالكتاب

هذا الخلاط وايد حلو جني بروح اشتريه .... انا عندي براون

 

[أم حيدر]

شيومة هذا الخلاط اللي انتي حاطة صورته عود .. ينفع حق استخدامج انتي يعني حق البصل ويضرب الشوربة يسويها ناعمه .. وايد حلو وعملي عندي ياه وشريت حق امي واحد بعد .

بس اللي انا حاطتلج صورته .. ينفع حق البيبي .. صغيرون وفي وياه 3 قراش زجاج حق الاكل علشان تحطينه بالثلاجه اذا تبين. ومثل ما قلتلج تلاقينه عند الغانم.