تجمع امهاات 2007 خلونا نستفيد من بعض

[Miss_Tiger79]

خلاص رفرف ماكو الا ادخلين حليب صناعي مع رضعتج لها عشانج انتي لانه مو زين جذي تقعدين يعني مره صناعي ومره طبيعي على ما يلتأم الجرح
حرام عليج نفسج
والله كريم انشالله

وسومة هالالمان من المشي والحركة مو إحنا من يصير عمرنا 30 مابقى ركبه ومفاصل وظهر ومالج خلق تمشين وماكو شي ما يعورج

عاد اتصدقين هذاك اليوم يقولي اخوي انه عندهم مدرب بالنادي أجنبي طبعا مرته ولدت يوم الجمعه ويوم الثلاثه يايتلهم النادي ويه ولدها مادري ليش
ويقولهم مدربهم الكويتي اي شوفو هذوله الناس مو الكويتيه اربعين يوم ما تتحرك وشوفو هذوله ماشالله عليهم

 

[miss fabulosity]

رفرف انا مع مس تيقر رحمى روحج شوى ودخلى الصناعى بعد شتسوين
مس تيقر احنا من الحين سكارييب الله يعين هذى من اول ولاده بعدين شبيصير فينا
منوره وينج من زمان ماتبينين واشلون الاموره
ام حيدر وينج ماتبينين عسى المانع خير انشاء الله
ونفيشه بعد غاطه وينها ماتبين

 

[malak_alroo7]

هلا والله بنات شلونكم؟
بنات والله ما تدرون اشكثر استانس على يمعتنا هذه يعطيج العافيه منوره على هالموضوع ..

مس توتو خلاص كله بسميج جذي عيل

وسومه اييييي صاجه ما شاء الله عليهم الاجانب يهتمون بصحتهم اهم شئ عندهم المشئ و الجيم تدرين الانجليز يموتون على المشى و ما يركبون السياره الا اذا المكان صج بعيد ,,
يعني احنا هنى بالكويت ما ينفع نسوي جذي..
اولا بسبة الجو ما نتحمل نمشي لنا خطوتين و ثانيا اذا بتروحين الجمعيه مشى حتى لو كانت 5 دقايق عن البيت الناس بيتجون و على بو انه عيب ليش مادري؟ و اصلا ما راح يخلونج بحالج!

يازينهم هناك مالهم شغل بحد

رفرف .. الله يعينج و يصبرج ان شاء الله

keeka بعد مادري وينها ؟

 

[miss fabulosity]

هذى مشكلتنا ياملاك احنا يالعرب والخليجيين بالاخص بس نهتم بالمظاهر وهذا حط وهذى سوت بس عمرنا بيروح بسبه هالتفاهات يالله شنسوى مخنا مقفل ولا راح نتطور

 

[منورة الكويتية]

هلا بنااات
يعطيكم العافيه كلكم

والله انا حايسه بسبة البروجكتاات تعرفون اخر الكورس الظغط كبير وعقب اسبوع الفاينل ادعولي حبايبي








ابشركم نوير بنت منير قلبت كلولولولوللوش

 

[منورة الكويتية]

اي وشربتها اليوم عصير برتقال مخفف لوووووووووول لاا طالعونها بعد جبدي وتعابير ويهها شلون تكشعر بس مبين عجبها بس ماشربتها وايد اقل من رقم

 

[Miss_Tiger79]

يختي اسمالله عليها نويره
وعليها بالعافيه
والله يعينج وتخرجين بممتاز بعد

اى والله صاجين وين البنات
نفيشه وكيكه ونندوشه

 

[Miss_Tiger79]

يختي اسمالله عليها نويره
وعليها بالعافيه
والله يعينج وتخرجين بممتاز بعد

اى والله صاجين وين البنات
نفيشه وكيكه ونندوشه وأم فروحه

 

[malak_alroo7]

هههههههههه اي والله وسومه

منوره مبرووووووووووووووووووووووووك كلولولووووش انا حدي استانست لما نوارتي اقلبت بعد

بنوتات نوره صايره مليقه شوي ههههههه
بهذلتنى كل ما ازور احد تسويلي سالفه ما تسكت اسم الله عليها بس تبجى

 

[كيت كات]

اسم الله على البناااااااااااااااااااااااااااااات ياحلوووهم
يالله ان شاء الله بطتي السودة يقلب بعد شهر
شالسالفه ترا حدهم غاطين البنات...الا بسال متى اعطي حمودي بسكوت يقولون لي على 3 شهور في شي اعطيه شنو؟؟؟؟ ابوه ماذيني متى تعطينه متى تعطينه؟؟

 

[Miss_Tiger79]

وي حتى انا يا ملاك الروح حتى بنتي كللللللللللللللللللللش ما تبي احد حتى اختي من تاخذها طقتها بجوه وتظيق خلقي عند الناس وما تبي احد كللللللللللش غيري انا ويداتها وخدمي وبس واذا قرصتيها من خدودها شوفي البجي والصراخ

 

[malak_alroo7]

تقرصون خدودها مس توتو و ما تبونها تبجي هاااااااااا ههههههههههههههههه .. لا النونه مو متعوده على احد بس انا و ابوها و لا تحب ابوها اكثر منى هالعياره هههههههههه

 

[malak_alroo7]

كيت كات

مادري يمكن فارليز؟؟ انا لين الحين ما عطيتها اهو اصلا من 6 اشهر بس البنات يحطون شويه مو بسكوته كامله مع الحليب

ازين بنات صج الياهل يتعود عليه و ما يشرب الحليب الا معاه؟؟

 

[رفرف]

شلونكم بنات ؟؟؟

منورة مبروك القلبة يختي حلات الياهل لما يتقلب انا كنت احط حق صبوية شرشف على كبر الأرض واخليها تتقلب لين تقول بس هاذي لعبتها المفضلة ...

انا اليوم بديت اعطي مسوكة حليب صناعي ..
ومسكينة مارضت تشرب الا عقب بجي وصرااااخ ..
وبعدين رجعت نصه الظاهر ثقيل عليها ...

انتو اي نوع تعطون عيالكم ؟؟
انا عطيتها بيبيلاك ...

 

[keeka]

هلو هلو امهات شلونكم عساكم بخير ادري قاطه عنكم بس والله حوسه بهالدنيا وولدي العود اسم الله عليه امتحانات وكندوشه ذابحتني ويا عسارة النوم اسم الله عليها بجي وصياح وحاله عشان تنام وعلى طاري الاجانب صاجيين انا لما كنت بالغربه اشزيني واهي ماكو بس والله جونا ما يساعد كلش انا هناك على طول مشي حتى لما ولدت بس اسبوعيين قعدت وعقبها على طول طلعه ومشي ورد جسمي بسرعه والحين ماكو اكل وقعده

 

[keeka]

رفرف الله يعينج ماعليه تتعود ان شاء الله وسدرج ان شاء الله يخف ترا في يهال يتقبلوون انواع مو شرط احد جربه يتقبلونه بس ان ااقول سيميلاك

 

[nandoshia]

مرحباااااااا ، اشلونكم ياحلوين ، اشتقت لكم ولسوالفكم ، شكر كبير للي سالت عني بس والله لويه مع اليهال .
شالاخبار ؟؟ مبروك للحلوات اللي قلبوا والفال للي عندي .
الحلوه بنتي تبي الرزه كله قعدوني مابي انسدح(اذا سدحتها تبجي).
بالنسبه للاكل مابديت بعد ناطره تدش الرابع بس بلشت اعطيها ربع بسكوته مع الحليب.
وتحياتي للجميع

 

[Miss_Tiger79]

هلا بنات

رفرف انا انصحج بحليب نان واااااااايد خفيف عالياهل ومتقارب حق حليب الام
انا عيالي كله حليب نان وعقب السنه غين

وكيكه الله يعينج ويسوي ولدج زين بالامتحانات

 

[Miss_Tiger79]

وااااااااي انا باجر تطعيم مناوي وكل ما اتذكر بطني يعورني جنه انا الي بيطعموني مو إهيه

 

[malak_alroo7]

هلا بنات نورتوا

صح وايد اسمع عن حليب نان يقولون زين و خفيف عالياهل

اي صاجه مس تايقر الله يعين!
ان شاءالله تكون ايد السستر خفيييييييفه على مناوي و ما تحس بعوار قولى اميييين