تجمع امهاات 2007 خلونا نستفيد من بعض

[Miss_Tiger79]

هلا والله كيت كات
والله متردده مادري فيني حالة بغير نكي (الحمدلله والشكر) ماكو شي نسويه بطاليه
وانا بعد من الصبح اول ما تقوم مناوي اوديها حق خالتي انام عدل لين الظهر وعقب آخذها
الله يعطيها العافيه مسكينه

 

[nandoshia]

صبحكم الله بالخير ، صراحه اخجلتم تواضعنا ، حبيباتي ماتفقدون غالي يارب والمكان منور بأهله.
الكتاب تكلمت عنه ام حيدر من قبل اسمه(تغذيه الطفل من شهره الرابع حتى سنته الخامسه) من سلسله كتب الفراشه شريته من مكتبه Cnn بحولي.
والله الكتاب حلو وسعره 5 د.ك

 

[miss fabulosity]

قوه يالامهات اشلونكم واشلون بيبياتكم عساهم بخير انشاء الله
واخيرا عدنا الى الديار النازيه وبسبوستى طلع لها ضرس صغيرونو واحنا بلجيكا مسكينه تاذت الين طلع والله يعينكم على التسنن

 

[Miss_Tiger79]

هلا وسومة
والحمدلله على سلامتج
ومبروك الظرس وعأبال ما تكتمل ظروسها كلها

واحنا بخير
واشوه انج ييتي عقب هالغبره

 

[malak_alroo7]

اهليييييين بنات
الله يبارك فيكم و عقبال عيالكم اذا بعدهم ما اقلبو

الحمدلله على سلامتج وسووووووومه نورت الكويت

ناندوشيا
مشكووووره حبيبتي و يعطيها العافيه ام حيدر

امواج البحر .. وينشششششششششش؟

 

[Miss_Tiger79]

صباح الخير

 

[رفرف]

قود افترنوووون ...
انا توني اقوم من النوم حتى بنتي ماخذيتها من الحضانة ياني عرض من رفيجتي انها تييبها طبعا ماعندي مانع كلللللش اكبر المخدة

تعالو بنات بسأل الحاجز مال الدري اللي يصير جنه باب يحطونه حق اليهال علشان ما يصعدون وين احصله ؟؟
لأن عندي دري وقاعدة أحاتي مستقبل مسوكة اذا حبت انشالله خطر عليها والدري رخام يعني لازم لازم يتسكر ...

 

[lolo77]

سلالام
شخباركم
والف مبرووك على القلبه والله يخلينا لاعيالنا يارب
والله يعين الامهات اللي يدرسون
انا بديت احط بنتي بالارض ...(ندري من زمان ))
لا اقصد واحطلها الالعاب اللي فوووق
واخليها تلعب

 

[Miss_Tiger79]

هلا رفرف
احسن شي سويلها باب صغير المونيوم اول الدري
لانه انا في بيت حمولتي وانا عيالي اكثر شي فوق عند خالتي فلما كانو صغار سويت فوق عندهم باب المونيوم مثبت يعني يالي واخذو المقاسات وركبوه ولما يكونون اليهال فوق يسكرون الباب وترى الباب مو طويل يعني يوصل لي خصرج اذا كنتي واقفه
حتى لما يكونون بالدرايه ما اتحاتين انشالله
بس صعدت الدري لاء انا ما يطلعون من شقتي لاني كله قافلتها واذا بيصعدون وحده من الخدم وياهم او معاي انا
قتلج قصت باب بيتناههههههه

 

[Miss_Tiger79]

اي والله يا لولو الكل يقولي احسن شي حق الياهل تحطينه على الارض
يقولون الارض تربي

 

[malak_alroo7]

صباح النور و قود افتر نونات و عليكم السلام هههههه

مس تايقر هااا شقررتى على تغيير النك؟ اذا ما بتغيرينا خلاص انا بسميج مس توتو حلو؟؟

رفرف .. فكره مس تايقر حلوه بس اذا تبين اللي تسالين عنه تحصلينهم في ايكيا

لولو .. صح يقولون الارض زينه و تربي مثل ما قالت مس توتو

 

[miss fabulosity]

الله يسلمكم ويعافيكم يامس تيقر وملاك الروح بس انا مارديت الديره انا عايشه ببرلين وكنت مسافره بو 4 ايام بس قلت فرصه دام احنا عايشين باوربا خن انشوف هالدير بس الصراحه عاديه مااشوف فيها زود كلش بس غيرنا شوى عن البلاد النازيه
نرجع حق بسبوستى حدها مستعسره وكلا تبجى من هالتسنن مسكينه ماادرى شسوى ولا حر بعد برلين وماكو تكييف يعنى كسافه الله يعز الديره والسنترال

 

[Miss_Tiger79]

يالله يا وسومه الحمدلله على سلامتج
والله اليوم انقول الله يعافي الي اخترع التكييف هذا يدش الجنه ههه

ملاك الروح لا خلاص ماني مغيرته بس حطيتلي صوره شخصيه كنوع من التغيير
وحلو ترى مس توتو هههههههه

 

[كيت كات]

مساء الخير او صباح الخير
انا هالايام كللللش ما اجابل حمودي من ولدت اختي والحين الوالدة دشت طواريء المستشفى تشيل المرارة ويدتي جلطة كافيكم الشر وانا يا قاطته ببيت اختي ورايحة المستشفى يا مخليته عند ابوه وحمولتي يطولون عليه لمن يكون ويا الخادمة والله احس انه زعلااان...........اييييييييييييه الله كريم

 

[Miss_Tiger79]

الله يعينج كيت كات
ويقوم امج بالسلامة
وأجر وعافيه انشالله
وماتشوفون شر

 

[كيت كات]

مس تايقر تسلمين يالغالية ...وماقصرتي ...
حلوة الصورة الرمزية اللي حاطتها واشوه ماغيرتي الاسم لاني حااااااااابته

 

[Miss_Tiger79]

مشكوره حبيبتي
والله يسلمج

 

[miss fabulosity]

ماتشوفون شر ياكيت كات واشسالفه المراره هالايام كل ماسالت احد قالوليى المراره انا توها قبل جم يوم خالتى شالت المراره مسكينه تاذت من العوار بعد العمليه الله يعين
انا ودى اعرف شى ليش احنا كله تعابا ومرضى وضغط وسكر وهالالمان والاوربيين مافيهم الا العافيه
ذاك اليوم بالجمعيه شفت لى عيووووووووووووووز عمرها 60 شايله كرتون معلبات تبى تصففهم بالارفف واحنا بهالعمر نبى العلاج بالخارج
يالله الله يعين والحمدالله

 

[منورة الكويتية]

مساااااااااااء الخييررات

 

[رفرف]

شلونكم بنات ؟؟؟

وسومه الله يعين بنيتج على التسنين ...
والالمان والاوربيين عموما تصدقين ناس عجيبين غريبين ..
الظاهر من الحركة والجو صحتهم جذي ..
احنا يوم بغينا نصعد حق الشلالات والله تعبت شوي وابجي مابي اكمل تحسين ماكو لياقة كلش واهمه عيايز ذايبين تصعد ركض بعد ...

واي انا صاكة فيني الدنيا تصدقون ليلحين الرضاعة عذاب عندي والله ابجي بصوت بعد افشل بس شسوي ولا في ايييييي تحسن ...