حبوبة اذا حاطه ببالج تتوظفين مؤقت لين يرشحونج الديوان او مكان ثاني ترى مايصير
حتى البارت تايم يدش اسمهم بالتأمينات واذا دش ينشال اسمج من ديوان الخدمه
والاماكن اللي ينزلون اعلانات مثل النفط وديوان المحاسبه راح يطلبون منج وقت التقديم ورقه من التأمينات تثبت انج ما اشتغلتي عقب التخرج
فديري بالج اذا تبين تشتغلين بالحكومة لاتشتغلين ولا حتى بارت تايم
هلا حبيبتي
مو انتي ماتدرين شنو حالتي اللي خلتني افكر ارضى بالبارت تايم
انا متخرجه من الجامعه قبل سنه بس ما طلع اسمي الا بوزارات كلش مو زينه وما تناسبني .. و الهيئات والمؤسسات والوزارات القويه ما تطلب تخصصي .. حتى لما ينزلون الاعلانات محد يطلب تخصصي .. فماكو فايده .. يا اما ارضى بوزارة طايحة حظ "من ناحية ماكو شغل وبس حش واكل وفراغ ومعاش عالفاضي" وهم بعد من ناحية معاش ضعيف ..
بس انا مو كل همي بالمعاش
انا يهمني اشتغل احلل معاشي واداوم مو بس عشان آكل واحش .. ولا عشان اروح اداوم بوزاره ومايكون لي مكتب ومكان يضيق الخلق .... كل هالاشياء تهمني اكثر من المعاش .. عشان جذي انا رضيت بمعاش البارت تايم "مؤقتا" ولوووول اهم شي اقول اني رضيت بمعاش البارت تايم جني ضمنت الوظيفه بالبنك اكسر الخاطر
بس هم كل ساع احد يحيرني ويقوللي نفس كلامج ..
بس انا عارفه تخصصي وعارفه الترشيح اللي بيرشحني الديوان ..
الصحه - الشؤون - التربيه "اداريه او اخصائيه مانعين التدريس عن تخصصي"
وكل هالوزارات تخصصي ماله كادر .. والشؤون اماكن تضيق الخلق وتعور القلب او اماكن اهلي مايقبلون اشتغل فيها او مثل ماقلتلج نظام ماكو شغل وماكو مكتب مثل العالم .... والصحه تخصصي بنات جامعيات حاطينهم يقصون كروت يعني حدا نو كومينت .. والتربيه مثل ماقلتلج ماكو كادر و نفس طريقة الشؤون..
فليش يعني ما افكر بالخاص ؟
حتى لو بارت تايم .. صج المعاش بيكون (بحدود ال600 اتوقع) بس اذا اثبتت نفسي على قولتهم احتمال كبير اتثبت واشتغل فل تايم .. والبنت اللي خذت اوراقي قالت انا اشتغلت بهالطريقه
وبعد بزيد نقطه ان ديوان المحاسبه وشركات النفط والمؤسسات ولا مره طلبت تخصصي باعلاناتها ولا راح تطلبه .. لول تخصصي "علم نفس" غلطة حياتي
انتي شرايج شتنصحيني عقب ماقلت قصة حياتي :d ؟
