تجمع الي يشتغلون بالبنك الاهلي المتحد ((الشرق الاوسط))

[بنت_ابوها]

البنك فاصلين الشباب عن البنات او مع بعض نفس الوطني؟

 

[GUST Grad]

البنك فاصلين الشباب عن البنات او مع بعض نفس الوطني؟

الأهلي المتحد مختلط بوبيان والدولي نفس الشي مختلط بس بيت التمويل يفصلون.

 

[bnt_7waa]

اكثر بنك قدمت عليه


يمكن قدمت 3 مرات بس المشكله ولا مره دقو

وقاعده اشوف وايد افرع يديده مستغربه منهم !

 

[opera]

انا صارلي شهر مقدمه تقريبا بالفرع الرئيسي قدمت اوراقي

وللحين ما دقو

 

[GUST Grad]

السلام عليكم ..

بالمناسبة لمن إتصلوا علي بعد شهرين تقريبا من تقديمي قالتلي إنه طالبين جامعيين بس للأفرع .. بس أنا كنتبت المقالة بالإنجليزي وايد زين فقالولي عن الوظيفة الشاغرة في الفرع الرئيسي ..

يعني البنوك يبيلهم قلب .. والله إني أحاتي إشقالو جنه خطبة مو وظيفة

 

[3washa al-m]

enzen m7d y3aref 3an aldblom?

 

[oum^zozo]

يطلبون معدل معين و لا لآ؟

 

[^^ROSE^^]

ميمي مو الا معدل وايد عالي مو نفس الحكومة يدققون
لان يسوون امتحان ان قدمتي فيه زين يفضلونج عالباجي
وانتي ان شاء الله ماعليج خوف

 

[atooosha]

بنات انا امس رحتلهم وقدمت

اللي قدموا هاليومين ياريت اذا دقوا عليكم تبلغونا


بنات ادعو لي الله يكتبلي النصيب بهالوظيفه ولكم بالمثل

 

[q8ia7]

السلام عليكم ..​

أنا قدمت أون لاين على فرع البنك في لندن ومحد رد علي على أساس إني بكمل ماجستير العصر وأشتغل الصبح بس للأسف فيزة الطالب فيها 20 ساعة عمل في الأسبوع فما يصير أشتغل ​

التقديم على البنك الأهلي المتحد يم البلوكات في الدور الثاني ومطلوب:
( صورة من الشهادة / صورة شخصية / شهادة ميلاد / جواز / جنسية / وخريجين الجامعات الخاصة شهادة معادلة مجلس الجامعات الخاصة)​

رقم البنك: 1802000 وطلبي البدالة 0 ويحولونج لل HR​

أنا إتصلو علي بعد شهرين من التقديم ( من غير واسطة ) أول شي إمتحان بالكمبيوتر شوي صعب فيه وايد تحليل وذكاء في أسإلة لازم ترسمين عشان تطلع الإجابة ومحدودة في وقت . ويعطونج ورقة تكتبين فيها فقرة بمعدل 7 جمل بالإنجليزي عن نفسج أو ليش تبين تشتغلين بالبنك؟
طبعا من الأفضل تكتبين شنو ودج إتضيفين للبنك و القسم اللي حابة تتوظفين فيه كتبي شنو القيمة اللي بتقدمينها للقسم اللي حابة اتكونين فيه.​

ملاحظة: الإمتحان في باللغة العربية أو الانجليزي .. ( للأسف حسبالي بيختبرون عربيتي ما أدري إنه في إنجليزي ووقتي كله راح إني أسأل عن معاني الكلمات ;q وأهم كلمة " المرادف" علمني ياها موظف يعني التشابه :q أنا ما سويت وايد زين لأنه بالعربي بس تفاجأت لمن قالولي درجاتج زينة !!​

يطلبونج لمقابلتين: المقابلة الأولى مع موظفة في الموارد البشرية.​

- تكلمي عن نفسج ( إسمج / هواياتج / نشاطاتج / دوراة ماخذتهم ).
- ليش حابة تكونين في العمل المصرفي.
- إذا صارت في مشكلة خلال العمل شلون تحلينها .. هل تحلينها بينج وبين الموظف أو ترفعينها للمدير.​

يشوفون النقص ويحطونج وإذا شافوج مميزة وشغوفة للعمل يحطونج في الفرع الرئيسي (إدارة) طبعا أفضل بواااااايد من الفروع.
إذا قبلت فيج وأعجبو فيج ال HR يتم ترشيح إسمج للمقابلة مع مدير القسم اللي فيه وظيفة شاغرة.​

المقابلة الثانية كانت مع مديرة القسم:
- أهم شي أول ما شافتني قالتلي ( ويهج سمح ;q ).
- نفس الشي تسالج ليش حابة العمل المصرفي.
- قدمتي على أماكن غيرنا ؟.
- بيشرحون لج عن طبيعة القسم والعمل ونفس ما قالت وحدة من الخوات كوني مرنة ومتقبلة وبيني لهم إنج حابة إتكونين عنصر مؤثر في المكان واتشكلين قيمة مضافة.
- الدوام من 7:30 - 3:30 .​

أول ما يوافقون عليج القسم ويوقعون معناته إنقبلتي ..​

الراتب في الفرع الرئيسي للجامعيين حديثين التخرج 525 ودعم العمالة أتوقع 430 والتأمينات يخصمون 50​

أتمنى اتكونون استفدتو من مشاركتي .. والله يوفق الجميع ​

اي مشالله استفدنا حيل قلتي وايد شغلات مهمه حبيبتي مشكووووره وايد ..
بس بغيت اسألج

يليت تحددين شنو الشغلات اللي كانت بالانقلش وبالعربي
يعني انتي قلتي الامتحان فيه انقلش وفيه عربي
انزين المقابلات شلون ؟ كلها انقلش ؟

ويعطيج العافيه والله يوفقنا كلنا انشالله :eh_s(17):

 

[GUST Grad]

اي مشالله استفدنا حيل قلتي وايد شغلات مهمه حبيبتي مشكووووره وايد ..
بس بغيت اسألج

يليت تحددين شنو الشغلات اللي كانت بالانقلش وبالعربي
يعني انتي قلتي الامتحان فيه انقلش وفيه عربي
انزين المقابلات شلون ؟ كلها انقلش ؟

ويعطيج العافيه والله يوفقنا كلنا انشالله :eh_s(17):

حبيبتي العفو

الإمتحان في الكبيوتر واحد نفس الأسإلة في نسخة عربية أو إنجليزي .. إنتي قوليلهم الأسهل لج

المقابلة مع ال hr كانت عربي بس لأني أحسن بالإنجليزي فكانت تسألني بالإنجليزي ومشت بالإنجليزي بس أتوقع إنها تسألج جم سؤال بالإنجليزي عشان إتشوف مستواج ..

المقابلة مع الإدارة بالعربي



آمين يا رب وموفة إن شاء الله

 

[q8ia7]

^^^^


اممممم جذي السالفه

ماقصرتي حبيبتي

وااي وايد مرتاحه حق هالبنك لما رحت قدمت يحلوووها البنت اللي قدمت لها اوراقي وايد بشوشه ونفسيتها حلوه

وحبيت المبنى مشالله احس واي ودي باجر باجر باجر يدقووون

بس انا قالت لي الحين يبون نص دوام من 7:30 لي 12:30 .. يعني حتى المعاش يكون نص معاشهم او مادري هذا اللي فهمته .. بس هم راضيه لووول انا حتى بينت لها اني ميته عالمكان ..

انا امنية حياتي المبنى الرئيسي عشان عالاقل استفيد من تخصصي ما اكون درست عالفاضي .. مع ان الافرع المعاش يصير اكثر مع البونصات والبدلات وجذي .. و اهي اصلا قالت لي الاحتياج الحين حق الافرع ..

بس تهقين يعني عقب ممكن فيه امل اذا توظفت "انشالله" يعني لما يشوفوني شاده حيلي واشتغل بضمير .. اقدر اقدم على نقل ؟

 

[GUST Grad]

حبيبتي q8ia7 إن شاء الله ربي يرزقج ويبلغلج مرادج ويرزقج من سابع سمة .. أحس فيج وشكثر شفقانة للمكان .. صح المكان مريح وفرصة إثبات الوجود والترقية متاحة بشكل كبير خصوصا إن البنك قاعد يتطور وناوين إن ينصبغ صبغة إسلامية

صح اللي موجودة وايد حبوبة .. الشغل في الأفرع روتيني والخبرة مقتصرة على العمل المعاملات المصرفية ودقة والله لا يقوله خصم من الراتب إذا صار شي غلط وكراف بشكل مو طبيعي هذا غير الحظ السعيد في أي فرع إداومين ..

قبل ما تدشين الفروع في دورة تاخذينها تقريبا 3 أشهر .، نقلج من الفروع لي الرئيسي صعععععب حيييييييل لأنه أساسا محتاجين بالفروع خصوصا إنهم قاعدين يفتحون فروع أكثر فباختصار ( بتتدبسين ) وأهمه دافعينلج للدورة التدريبية .. موظفة من ال HR في بنك إسلامي ثاني قالتلي بنفسها إذا دشيتي الفروع والعمل المصرفي إستحالة تنقلين إلا بواسطة تكون رئيس مجلس إدارة و ولد خالتي شفتين يبي ينتقل قالوله قدم إستقالتك وقدم من يديد ://

 

[q8ia7]

^^^^^^^

وي حسرتنا ! شاستقالته مسكين .. لهالدرجه صعب النقل للرئيسي :/

اي الظاهر حيل صعبه هم اهي قالت لي يبون افرع اهما مو الرئيسي يلا اهم خل يدقون ونرضى انشالله باللي الله يكتبه الحمدلله على كل حال ..

انا انشالله خل يدقون علي بس انشاالله .. بشوف بقول حق ابوي يمكن يعرف احد مني مناك ...

حبيبتي ياحلو دعوتج مشكوووووووووره الله يرزقنا كلنا ويوفقنا ياربي .. وعلى قولتج انا بعد اللي شجعني انه اسلامي .. كانت عندي واسطه قويه فبنك مو اسلامي قويه حيل يعني 100% اقدر اشتغل بس مارضيت عشان سالفة الحرام والحلال وانشالله الله يعوضني ..

مشكوووووره على ردج وانشالله انتي بعد ربي يوفقج بوظيفتج اليديده ويهنيج فيها

 

[GUST Grad]

q8ia7 العفو ما سويت شي

إدعيلي يقبلوني قالولي بيتصلون أول رمضان إن شاء الله خير ..

عمرو خالد يقول: ( نحن تجار نوايا ) .. من الحين جددي نيتج واحتسبي عملج في هالمكان إنج تنصرين منهج رب العالمين وترفعين من قيمة الإقتصاد الإسلامي مو بس بالكويت إن شاء بالعالم كله .. 8 ساعات عمل في البنك مو شويه .. إحتسبي إنه وقتج أهوه زكاة علمج .. البنك الأهلي المتحد شعارهم .. ( شعرية وحسن معاملة ) .. يا رب نقدر إنطبق هالشعار في نفسنا عشان نقدر إنطبقه إذا انقبلنا في البنك


إحنا دايما ندعي ( يا رب إن كان وجودي في المكان خير لي تيسره لي ) وننسى نكمل الدعاء ( وإن كان وجودي شر لي يا رب إنك تصرفهم عني ) .. أتمنى يكون عندنا الرضا والثقة باختيار الله سبحانه وتعالى لنا لأنه أهوه الوحيد ( المدبر ) ..

الله يبارك فيج وينفع فيج العباد والبلاد ياااا رب

​

 

[3washa al-m]

اب اب الي تعرف عن الدبلوم ... و الله يوفقكم الي مقدمين ان شاء الله

 

[^^ROSE^^]

وعليه ردوا على عواشه عيزت وهي تسأل
شوفي عواشه انا اللي اعرفه الدبلوم اقل من الجامعي بالراتب الاساسي 100 دينار او اقل شوي
يعني الاساسي لج مو اقل من 400 زيدي عليه دعم العماله

 

[GUST Grad]

حياتي عواشة والله ما عندي خبر عن الدبلوم كلش

بس اللي اعرفه إن بيت التمويل يفضل للفروع دبلوم عشان رواتبم أقل من الجامعي ..

بالتوفيق

 

[elcadi]

الــــلــــه يـــوفـــــقـــــكــــــم​

 

[q8ia7]

Gust grad حبيبتي والله مشكووووره

و الله كريم انشالله .. انا عبالي خلاص توظفتي .. بس يلا انشالله مابقى شي على رمضان ويدقوووون وناسه الله يوفقج ويرزقج انشالله هالوظيفه ويرزق كل البنات اللي ناطرين