~~ تجمع الي معتصمين وبيغيبون عيالهم ~~

[mr000]

المدارس الخاصه بس أجلوا مرحلة الحضانه والروضه اليوم ولدي داوم هو بالمتوسطه بس يقول فيه نسبة غياب واضحه و خاصة بالأبتدائي

 

[الرزينه]

وين المشكله اذا اجلوا الدراسه شهر والا شهرين
والله انا بغيب عيالي واللي يصير يصير ماني مستغنيه عنهم

 

[No0oNh]

للرفع ,..

 

[mr000]

شنو آخر الأخبار صج بيأجلون الدراسه بس حق الروضه والأبتدائي شهرين ؟ خو الروضه مو مشكله خل يوقفون الدراسه هالسنه كلها موبس شهرين انزين اشلون على عيالنا اللي بالمتوسط!!

 

[No0oNh]

والله مادري حبيبتي ,, بس انا اتوقع اذا كل الاهالي اعتصموا راح يأجلون الدراسه لأن بجذي نحد من المرض مو بس خوفنا على عيالنا لازم نساهم كلنا بالحد من تفشي المرض ولازم وزارة الصحه تعطينا تعليمات شالتخلف الي احنا فيييه لي متى !!!

 

[malekatsabaa]

طبعا انا بعد ويا ان تتاجل الدراسه

بس الغياب مو حل ... ولي متى اقدر اغيب؟؟؟

الله يحفظ عيالنا من شر هالمرض..

 

[cancel]

والله لى اجلو الدراسه مافى كوييتى بيقعد!


بتنترس المجمعاات وتنترس المطااعم ويكثرون المساافرين ولاسوييناا شي!!

خلى االحيااة مااشييه وربى ييكتب الى فيييه الخييير للجمييع

 

[الحراير]

ان شاء الله يأجلونها

 

[كنووز]

شوفوا جريدة الانباء راي سعدون حماد ممتاز

يقترح توزيع المنهج على سيديات وفتح قناة تلفزيونية فيها شرح ومراجعه
والمدرسه عليها تشرف وتقيم

بصراحة خوش راي ...وافضل استخدام للمنهج الالكتروني اللي انصرف عليه كثير

يعني بجذي لاراح ناخر المنهج ولا نمرض العيال ربي يحفظهم

والله كريم

 

[ابلة رسم كتكوته]

انا بغيب بنتي
واشوه انها بمدرستي عشان اعرف الاوضاع

 

[f@rsaq8]

اول شي عيالنا مايو بساهل و لا شريناهم من السنتر ..؟؟ و سنه تضيع بطبيج و لا يضيع العمر كلة ابتدائي نظام ناجح ناجح لو انه مايعرف راسة من كرياسة 2 متوسط ثنوي الله يدراسة الي ذابحين عمارهم حزة الامتحانات درسو..؟؟ الزم ماعلي صحتهم غايبين غايبين الحين ماطلعت شترة هدوم للعيد " واذا لروح بروح الضحى " اروح انعطب بالمدارس ..؟؟! وماياثر تاجل جم شهر واطيح من المناهج شصار . ولا يقولون جاهزية ماجاهزية ترى احنا مو غشيمين بربعنا

 

[كنووز]

شصار عالمدارس الخاصة

للحين معاندين ودوامهم برمضاااان حتى ماكو تاجيل لبعد العيد؟؟؟ كل مدرسه تتصرف بكيفها مدرسه تاجل مع الحكومه ومدرسه تفرض الدوام من باجر؟؟

يا رب تعينا

وضع محير


يعني بصراحة شهر ما راح يقلب الكون لو غابوا لدفع والحد من انتشار المرض
ما تلاحظون ان كل سنه يمطووون بالمنهج اخر شهر؟؟ ويحطون اختبارات وهمية بس عشان يخلونهم يداومون يعني المنهج بغنى عن هالشهر اللي ماذين الناس فيه


والله يكون بالعوووون

 

[جان دارك]

تبون رايي
توكلوا على الله
وإن الله أراد إنهم بيمرضون
راح يمرضون حتى لو نحشتوهم القمر
انا بخليهم يداومون بصراحة
واللي الله كاتبة بيصير

 

[حلم الطفولة]

المدارس الخاصه بس أجلوا مرحلة الحضانه والروضه اليوم ولدي داوم هو بالمتوسطه بس يقول فيه نسبة غياب واضحه و خاصة بالأبتدائي

مروووو حبيبتي الخبر أكيد ؟؟ .. كل المدارس الخاصه وللا بس مدرستكم حبيبتي عطينا الخبر.

 

[كنووز]

في مدارس خاصة حتى الرووووضة ما عطوهم تأجيل الى نوفمبر مثل رياض الحكومة ... الاسبوع الجاي دوامهم

 

[حلوى كويتيه]

لا للمدارس اعتصام:eh_s(14)::eh_s(14)::eh_s(14)::eh_s(14)::eh_s(14)::eh_s(14)::eh_s(14)::eh_s(14)::eh_s(14)::eh_s(14)::eh_s(14)::eh_s(14)::eh_s(14)::eh_s(14)::eh_s(14)::eh_s(14)::eh_s(14)::eh_s(14)

 

[سهرانه ليل ونهار]

بنات المرض خطير وخصوصا للي عنده مشاكل بالجهاز التنفسي
والاخطر لما يقترن مع الانفلونزا العاديه عاد تخيلو زحمه طلبه وتلوث بيئه وحاتنا حاله
الله يعين انا مع الغياب لين يطعمونا التطعيم شهر 10 يني شنو بيصير لو اجلو الدراسه اسبوعين مايبون كيفهم
اهم شي الصحه نغيب لين يطعمونا

 

[كويتيه78]

انا ولدي ثالثه ابتدائي ومدرسه انجليزيه وبصراحه ماوديته هالاسبوع وبشوف شيصير وبنتي روضه هم ماراح اوديها الله يستر عليهم يارب ويحفظهم من المرض بصراحه الوزاره مو مهتمه تنطر لما المرض ينتشر وتصير حالات وفاه بالهبل عشان يوقفون الدراسه كل وحده تمسك عيالها احنا مايبناهم بالهين عشان نضحي فيهم وكيفها الوزاره​

 

[أم عبووووود]

ربي يحفظهم بحفظه والله انا هالموضوع حييييل مأزمني ومادري شسوي مرة افكر اغيبهم ومرة افكر اوديهم والمشكلة عبووودي ربي يحفظه فيه ربو وخايفه عليه واااايد

ان شالله يلقون حل للمرض ومايفتك بعيالنا خصوصا انه انتشر وااايد بالكويت فوق 1000 حاله والوفيات 5 حالات والله شي صعب

 

[mr000]

بنات آنا اليوم وديت ولدي المدرسه وكنت من البارحه سامعه أنه طالعه بمدرستهم حالة انفلونزا الخنازير فرجعت عقب ماوصلته قلت خل أتأكد وللأصف طلع الخبر صج مو أشاعه عندهم طالبه بخامس أكتشفوا فيها المرض!