~~ تجمع الي معتصمين وبيغيبون عيالهم ~~

[mr000]

ميخالف بدليات من ضيقة الخلق للأصف=للأسف

 

[● мσOŋ ●]

السلام عليكم بنات
والله انا صخنت وحالتي حاله من المحاتاة
بنتي بمدرسه امريكيه ودوامها يوم الاثنين واسم الله عليها بالصف الثامن ومتفوقه شسوي بعمري ؟؟؟
ماراح اخليها تروح انا مو لاقيتها بالشارع والله ماعندي غيرها اطالع الله ثم اطالعها
الله الحافظ والمرض لو الله كاتبه على البني آدم بيجيه حتى لو هو بقاع الارض
بس بعد مانقدر نحذفهم بهالمدارس لاتطعيم لا تعقيم لاتجهيز ولا شي !
لا والله ماني موديتها الا لما اشوف بعيني بالجريده [ وصل لقاح التطعيم ل مرض انفلونزا الخنازير ] بطعمها واوديها
غير جذي ماراح اخليها تروح والله لو مو بس متفوقه ! لو هي عبقرية زمانها بخليها وخلي شهادات التربيه حقهم عاد من زين المدارس والا من زين الاستعدادات الصحيه اللي بالمستشفيات عشان نقول مرضه وتعدي على خير تتعالج وخلاص!
الناس قاعده تموت والتربيه للحين ماقررت التأجيل
استغفر الله من كل ذنب
ربي يحفظكم اجمعين والله خير الحافظين

 

[كنووز]

انا للحين مغيبة اللي عندي...وفعلا مقهووووووووووووووووووورة على دراستها مو ذنب الطفل تضيع منه دروس

بس هذا القرار الاقرب للعقل والضمير حاليا


والله اعلم

 

[البيداء_77]

انا بعد ما راح اخلي ولدي يداوم اول شي لين نشوف شبيصير

 

[mr000]

والله آنا حاسه بالذنب اني قاعده اودي ولدي المدرسه وخاصه أنه أكتشفوا بمدرسته حاله والبنت المريضه مداومه كم يوم قبل لايبين عليها المرض بس هي الحمدلله مو بنفس المرحله اللي فيها ولدي هو بالمتوسط بس هم والله خايفه ومحتاره ومادري شسوي أخاف اغيبه وتفوته دروس وهم اخاف لاسمح الله يتعادى من احد وتالي اتحسف!الله يستر ويحفظهم من المرض

 

[اميره بذاتي]

الله يسامحهم ليش ما اجلوووا الدراسه
احناجميع مدرسينا وافدين والاغلبيه من مصر تو راجعين من السفر
مصر فيها خنازير وفيها المرض متنشر
انا ولد عمتي ربي تستر عليه جاء من مصر فيه المرض
حمدلله لحق عمره اول ما وصل طلب فحص عن الانفلونزه طلع فيه مع ان ما كانت مبينه الاعراض
الشهاده والدراسه تتعوض اما الولد والعمر ما يتعوض والصحه اهم شي بلا دراسه ونحط ايدنا على قلوبنا نحاتيهم
دير بالكم على عيالكم الله يحفظنا ويحفظهم ويحفظ جميع المسلمين من الامراض

 

[No0oNh]

الله الحافظ بنات ,, لا تحاتون وغيبو عيالكم احنا مو لاقيين عيالنا بالشارع ,, الي عيالها بالابتدائي خل تغيبهم والي كبار شوي خل يلبسون كمامات ويدامون بعد شنسوي ,, الله يهدي الوزاره الي قراراتها كلها فاشله ,,

 

[leza_q8]

السلام عليكم ورحمة الله وبركاته ..

انا بنتي ثانيه ابتدائي ومدرستها داوموا من 1/9/2009 اهي واخوها بس ما وديتهم بصراحه خايفه عليهم من المرض واعيالي فيهم تنك وربوا وانا بعد خايفه عليهم وايد وبنفس الوقت اخاف تفوتها السنه

رحت المسوصف ومستشفى مبارك اخذ لهم مرضيه بسبب خالتهم ومرضهم بس ما رضوا كلش والمصيبه الاكبر رحت يبت لهم من خاص ما قبلتهم مدرستها ناظرتهم تقول قرار من وزارة التربيه ان ما تقبل اي مرضيه الا من الساريه

بالله هذا حجي ينطرون اعيالنا يروحون الساريه الله يحف جميع اعيال المسلمين


والله جدي محتاره اضل مغيبتهم وتروح عليهم السنه والله

مادري محتارحه وانا هما حامل بالشهر 7 واخاف من العدوه

يا رب ترحمنى برحمتك

 

[mr000]

سلام أمهات اشلونكم....أختي ليزا حياج الله عيالج بأي مدرسه؟الله يحفظهم ان شاءالله ماعليهم ألا العافيه! والله بنت أخوي هم بالأبتدائي بمدرسة الكويت الأنجليزيه بسلوى داومت من يومين ماغيبها بس هم يحاتيها وخايف عليها يقول الصوره اللي حاطينها بالجريده اللي الفراشات يعقمون أيد اليهال هذي بس أول يوم حق تصوير الجرايد وثاني يوم ماكو هالشي بس هم شارين لها معقم وكلينكسات ديتول وموصينها طول اليوم تستخدمهم بس هم هذا مايمنع العدوى لوفي أحد مريض لاسمح الله!!

 

[mr000]

آمهات وينكم اليوم فوز كراميلا ريمان سارا قمر لاهين بالقرقيعان والزواره؟ اشلون عيالكم مع القرقيعان عسى استانسوا؟

 

[mr000]

آسفه أمهات حطيت آخر مشاركه عندكم علبالي عند ربعي بتجمع العالميه الأمريكيه!!سوري سوري

 

[حلم الطفولة]

ماعليه مروووو الصيام مسوي سواياه معاج

 

[No0oNh]

ها بنات شلونكم ,, شنو آخر قراراتكم ؟

 

[براكي]

انا ولدي مدرسه خاصه موراضين اوقف قيده هل الكورس بس انا مالي شغل بسحبه اخاف على ولدي

والحكومه لازم يلغون الكورس وسون بعدين سنه دمج مثل سنه الغزو

 

[No0oNh]

الله يستر اذا بنننطر قراراتهم الفاشله بنخسر عيالنا .. نغيبهم وخلاص ,,

 

[مشموشته]

انا ولدي حبيبيبيدش اوللى روضه ... شكلي بنطر اشوف شيصير و اذا ما تعدل الوضع وحالات وفاه الله يستر و يحفظ عيالنا على قولت اختي المشاركه تروح سنه ولا يروح عمره كله فديت عمره

الله يحمي المسلمين اجمعين

 

[روحي تحب]

واي مت من القهر اختي ليزا قالولج التربيه موراضيه الا بمرضيه من الساريه حق هالسوالف زاهبيين بالقرارات ويلتزمون فيها حق شئ ثاني موعارفين يعقمون ولاعارفين ياجلون الدراسه حسبي الله ونعم الوكيل فيهم والله ذنب هاليهال اللي مرضوا برقبتهم ترى

وآنا بنفس الحاله بعد محتاره ولدي بالخليج وجريد5 وبنتي بجريد1 يعني صعبه علي اخليهم يداومون واغامر بصحة عيالي لا والله الزم ماعلي اهم وبنشوف آخرتها ياربي سترك على عيالنا وعيال امة محمد يارب

 

[أورااااااد]

انا ولدي بالكويت انجلش سكول

وابتدت الدراسة من اسبوع واكثروللحين ماوديت ولدي وهو بغريد 4

وهذا ولدي وحيدي مو بايعته خليجهزون المدرسة صحيا اول وبعدين اخليه يداوم

الزم ماعلي سلامة عيالي ولا المدارس الخاصة ما تبي الا الفلوس وهذا همها
اقول خلكم على قلب واحد ومردها الوزرة تاجل الخاص

يعني الحين في شهر 10 راح يدومون العام مااااااااااا اعتقد لان الخطر اهو شهر 10 و 11 وقت الصفري ووقت الانفلوتزا الموسمية

فما بالك اذا ام الخنازير

الله يرفع عنا ولا يبلانا

 

[روحي تحب]

وااااي يالقهر اللي يسمع كلام الغرير الحين قريت الخبر بجريدة الراي يطالب بتعويض من الحكومه استنادا للقانون والله قهر يقول انه الاهالي ماراح يدفعون الفلوس والمدارس الخاصه تحاتي من وين يدفعون المعاشات علشان جذيه خايفين ياجلون الدراسه والله مستعدين ندفعبس اهم شئ سلامة عيالنا خوا قلنا اجلوا ماقلنا كنسلوا الدراسه بالمره والله قهر صج قهر