تجمع((المراجعات عند فوزية القطان))

[Coffee-Girl]

الله يعينج عليها وهل هل بالهدايا لخالتج عشان ترضا عليج

 

[كويتيه مذهله 87]

خخخخخ
رضت ولا لأ هذي كتبت ربها يعني مستعيلا علي ولدها تبي تشوف أعياله تري ريلي مومن كبرا توا كمل 21 لاحق عليه

 

[ضيم الليالي]

تو الناس كويتيه اصبري لاتسويت انابيب الحين
جم صار لج متزوجه؟
وبعدين بنات انا باسئلكم.....انا احمل بس مايثبت ويطيح ...حتى المثبتات ماتنفع!!
تعتقدون عندها علاج؟ سمعتو انها عالجت مثل حالتي؟

 

[كويتيه مذهله 87]

ضيم حبيبتي صارلي 2 ونص والله كريم
وحالتج يسمونها الاجهاض المتكرر وكل عياده تعالجج
والله يبعد عنج الاجهاض

 

[بندوله مصدعه]

يارب ما يمر رمضان الجاي الا احلى بيبي بحضنكم

قولوا امـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــين​

 

[om al ghaleen]

مع اني الحمدالله مو متأخره بالحمل ولاافكر احمل

بس والله هالدكتوره لو اتكلم عنها من الحين لي باجر مااخلص من جزاها

هذا بفضل الله ثم فضلها

عالجت عندها ببدايه زواجي ولي الحين اعالج عندها ولاافكر اغير هالدكتوره (( فوزيه ))

الله يرزق كل محروم ياارب وادعوا لي الله يشافيني

 

[om al ghaleen]

خل اقولكم أول ماتزوجت تأخرت بالحمل وكل مااروح عياده واخرها د مهجه البدر قالت لي طالعين عندج كيس عند المبيض بس مو مشكله راح تحملين يعني ماعطتني علاج محدد

وانا طنشت قلت دام مافيه خطوره مو ضروري اعالج ~

بعد شهر ياني عوار والله ماانام الليل كلمت امي ودلتني ع د فوزيه القطان

من طرف بنت عمتي الله يرحمها رحت لها اول زياره

طبعا معامله راقيه وذربه وهالانسانه تدش القلب سحان الله

قالت لي لازم اسوي لج صونار علشان اعرف شنو فيج بالضبط

أول ماحطت الصونار ماكملت ولا تقولي عندج كيسين ع المبيض اليمين

وضروري نشيلهم بعمله منظار لانهم كبار وماينفع بالابر

وانا كنت متأخره وايد يعني لو يوم واحد جان انفجر مبيضي اليمين

بس الحمدالله سوتها لي بالسلام ونجحت وماشاء الله بعد شهر حملت ببجري

بس توفى بعد 6 شهور .. من حمالي والسبب الماي نشف في بطني واضطريت

انزل البيبي بالصباح ~

كملت الاربعين ورحت فوزيه القطان قلت لها بحمل لاني وايد تأثرت وتعلقت بللي توفى

أخذت 3 كورسات معاها كلوميد وأبر تفجير والحمدالله بالمره الثالثه حملت

كنت أخذ حبيتين كلوميد وابره وحده

وكنت اسوي صونار عندها كل شهر لاني تعقدت انه ينشف الماي صار معاي التهابات وعالجتني وقت الحمل

تميت بمستشفى الصباح تقريبا شهرين من السادس لي السابع بس كنت اطلع ع فترات

لين الشهر الثامن رحت اسوي لها صونار ولاتقولي لازم تروحين الولاده الحين البيبي ملتف عليه الحبل السري

عطتني ورقه حق الولاده وصوناري ودخلوني الولاده ومن حس حظي اني اخر الثامن عطوني طلق صناعي

وقعدت تقريبا 12 ساعه يلا ولدت بالسلامه عاد وقتها الولد اول مايبته وييه ازرق لانه مخنوق من الحبل السري

الحمدالله لحقت عليه

ومااشاء الله طلعت من الاربعين حملت ببنتي وكان حملها سهالات بس لمن ولدتها وقت الخياط خيطتني وحده مبتدئه والله قعدت اصرخ اكثر من الولاده

كملت الشهرين ولي الحين الخياط يعورني مو معقوله قلت ماكو الا فوزيه القطان ~

فحصتني ولا تقولي طالعه لج لحمه زايده بالرحم ولازم اكويها قلت لها توكلي على الله

سوتها بالعياده عندها والحمدالله من بعدها ماراجعت عندها لان كل اموري تسهلت

بتاريخ 9 \ 9 حسيت بعوار على جنبي اليسار وكانت علي الدوره من تاريخ 28 \ 8

ماتحملت العوار قلت حق زوجي ودني اقرب مستشفى رحت السلام

دخلت الطورائ وفحصتني دكتوره هنديه اقولها عوااااااار تقولي عادي هذا من النزيف

قلت لها سويلي صونار وبالغصب اقتنعت ولاتقولي مدام مافيه شي

انا قلت يمكن صح هذا عوار النزيف عطوني ابره مسكن مع حبوب

ويوم عن يوم العوار يزيد والله من غير مبالغه من زووده جنبي اليسار ينشل علي

بتاريخ 13 \ 9 أختي كانت مسويه عمليه كوي عند فوزه القطان وشجعتني اني اروح افحص عندها

قالت لي امي رووحي وتوكلي الله مالج الافوزيه القطان وفعلا رحت لها ودخلت حاله طارئه

لاني وقتها ماكنت اتنفس من العوار

دخلتني بسرعه وسألتني أسئله قالت خل اسوي لج صونار داخلي

بعد ماسوت لي ولاتقولي (( عندج حمل خارج الرحم ))

طبعا انصدمت الدوره تنزل وحامل شلوون " ان الله على كل شي قدير

قالت لي ضروري تسوين عمليه الحين وقتها الساعه 11 بالليل قلت مايصير الصبح

قالت لي مافي مجال لان احتمال ينفجر عندج انبوب الحمل

واهي خيرتني بأي مستشفى قلت لها حياه رويال رحت هناك وبعد ربع ساعه اهي واصله المستشفى هدتني وقالت ان شاء الله ماكو الا كل خير بس انتي لاتخافين


دخلت غرفه العمليات وطلعت وانا تعبانه نفسيا وجسديا بس حيل ارفعت معنوياتي

قالت لزوجي انه نزلنا الياهل وعمره 4 شهور وشلنا انبوب الحمل اليسار لانه وايد متضرر

الحمدالله على كل حال ~

أول امس تعبت وايد ونقلتني الاسعاف المستشفى والدكتوره أحضرت شخصياا لي سوت لي صونار وقالت لي هذا من التفكير لاتفكرين والحمدالله انج قمتي بالسلامه هذا اهم شي وكل شي الله يعووضه بس خليج متطمنه ~

رجعت البيت وانا متأمله واايد وان شاء الله راح اكمل علاجي عندها على طوول

واليوم ان شاء الله مراجعتي عندها علشان بتشيل غرز الخياطه وتعطيني أول علاج لي

\\


ادري هذرت وايد بس هذي مسيرتي مع الدكتوره المبدعه فوزيه القطان

 

[كويتيه مذهله 87]

واي بعد قلبي عبوره
شفنا الويل أنا وياج الله يصبر والدتنا والله ولابعد بنفس الوقت بس نصيحه أستمري معاها وكل مراجعه روحي والله يكتب فيه الخير



0

 

[om al ghaleen]

اي والله حبيبتي الله ياارب يبرد قلبج الطيب يالغاليه ويرزقج بأقرب وقت ويرزق كل محرومه

اليوم رحت لها الحمدالله طمنتني وايد وريحتني وعطتني سي دي العمليه علشان توريني شنو سووت بالمنظار

والحمدالله على كل حال

 

[كويتيه مذهله 87]

حبيبتي والله
سلامات وماتشوفين شر
وخشي السي دي إن شالله أقوم بالسلامه وأشوفه *_^

 

[انادي]

سلام انا ما اراجع عند د فوزيه بس احب اطمن عليكم و ما عليج الا العافيه يا عبير ويرزقج يا كويتيه مذهله يارب و يرزق كل محرومه و يرزقني انا الصراحه اراجع عند د معصومه مقصيد يا لله انا متاخره علي اربع ايام الدوره و سويت تحليل هرموني طلع مافي حمل او صفر واي ناطره باجر احر من الجمر عشان اجوف شلسالفه ما تتوقعون انه ممكن اعيد التحليل ويطلع حمل واي ابي ارسي على بحر يانه تنزل بموعدها ولا تاملني واي اليوم قاعد ابجي الله كريم ميخالف فضفضت

 

[كويتيه مذهله 87]

أنادي حبيبتي عيدي التحليل بعد يومين وطلبي رقمي راح يبين أذا فيه حمل
وأذا مافيه لاسمح الله سوي تحاليل علشان تعرفين سبب تأخرها

 

[انادي]

اصلا انا مسويه الرقمي طلع 0.0

 

[انادي]

الله كريم انا على العموم خذة موعد من معصومه ياجر يارب تسويلي سونار وتقولي حامل هههههههههه اتامل يا الله انا مره حملت ووبعد عشرة ايام نزل الحمل كان الحمل اضعيف او لي يومج ما حملت كنت حامل بسبوعين الله كريم

 

[كويتيه مذهله 87]

الله كريم
الله يعطيج إلي أبالج

 

[انادي]

ويعطيج انت يا كويتيه مذهله بحق هل ايام الفضيله يارب

 

[كويتيه مذهله 87]

مشكوره حبيبتي

 

[q8ya-barby19]

السلااام

شلوونكم حبيبات قلبي

انا كنت اعالج سنه كامله عند دكتور فاشل ماعنده غير الكلوميد والابره التفجيريه ذبحني اهوه حسام كمال بالشفا واخر شهر سوالي تلقيح صناعي ماصار حمل والحمدلله على كل حال عقبها قعدت شهرين راحه والشهر هاذا استخرت ورحت لعيادة الدكتوره فوزيه بعد مامدحتولي اياها ورحت لشيماء خوش وحده نفسيتها روعه وتسمعني مومثل الباجي وسوتلي تحاليل الحمدلله كل شي سليم وريلي فيه دوالي بس بسيط مايحتاج عمليه والحين توني ماخذه موعد عند فوزيه وان شاء الله خير

لووووووووووووول طولت عليكم

 

[om al ghaleen]

حبيبتي والله
سلامات وماتشوفين شر
وخشي السي دي إن شالله أقوم بالسلامه وأشوفه *_^

افا عليج ان شاء الله تقومين بالسلامه وتشوفينه يوم الجمعه
ماطلبتي شي حببيتي

سلام انا ما اراجع عند د فوزيه بس احب اطمن عليكم و ما عليج الا العافيه يا عبير ويرزقج يا كويتيه مذهله يارب و يرزق كل محرومه و يرزقني انا الصراحه اراجع عند د معصومه مقصيد يا لله انا متاخره علي اربع ايام الدوره و سويت تحليل هرموني طلع مافي حمل او صفر واي ناطره باجر احر من الجمر عشان اجوف شلسالفه ما تتوقعون انه ممكن اعيد التحليل ويطلع حمل واي ابي ارسي على بحر يانه تنزل بموعدها ولا تاملني واي اليوم قاعد ابجي الله كريم ميخالف فضفضت

الله يعافيج حبيبتي وان شاء الله تبشرينا بحمالج قولي امين
شوفي انتي صبري شوويه يمكن الهرمونات ضعيفه نطريها تترتفع
تدرين انا في بنتي مابين اني حامل الا بالثالث سويت 3 تحاليل اثنين دم وواحد تكرمين بول
عرفت انتي حامل من الصونار
انتي تصبري ولاتضيقين خلقج ترى النفسيه تلعب دور توكلي على الله سهليها وتسهل
وان شاء الله تبشرينا بالذريه الصالحه

 

[om al ghaleen]

السلااام

شلوونكم حبيبات قلبي

انا كنت اعالج سنه كامله عند دكتور فاشل ماعنده غير الكلوميد والابره التفجيريه ذبحني اهوه حسام كمال بالشفا واخر شهر سوالي تلقيح صناعي ماصار حمل والحمدلله على كل حال عقبها قعدت شهرين راحه والشهر هاذا استخرت ورحت لعيادة الدكتوره فوزيه بعد مامدحتولي اياها ورحت لشيماء خوش وحده نفسيتها روعه وتسمعني مومثل الباجي وسوتلي تحاليل الحمدلله كل شي سليم وريلي فيه دوالي بس بسيط مايحتاج عمليه والحين توني ماخذه موعد عند فوزيه وان شاء الله خير

لووووووووووووول طولت عليكم

وعليكم السلام هلا ~

زين ماسويتي والله صج زحمه عندها بس تستاهل احد ينطرها ع الاقل تطلعين بنتجيه

امس رحت لها وانا متضايقه قالت لي عادي مارسي حياتج الطبيعيه من اليوم لا تقولين لنا مريضه ولا مااقدر اسوي شي

ودكتوره حياه رويال قالت لي لا تسوين شي الا بعد 3 شهور << قمه الاحباط