تجمع((المراجعات عند فوزية القطان))

[أحلى حمامة]

اذا توج مسويه التحاليل ما تعيدهم بس اخذي كل اوراقج من ماجدة وديهم عند فوزية

 

[m e m e]

يعطيج العافيه احلى حمامه

 

[*caramel macchiato*]

انا باجر برووح عند فوزية القطان...وهذي اول مرة اروحلها....


بنات اشلونها قوليلي؟؟؟

 

[كويتيه مذهله 87]

تهبل عسل وفاهمه ماشالله عليها وبعطيكم دليلين
أنا يوم الجمعه سويت عندها منظار شالت التكيسات إلي فيني كلهم وأيدها خفيفه وأسلوبها راقي ودايما واقفه فوق راسي ماهدتني ولا دقيقه
وأختي يقلبي من زمان تعاني من عوار صوب المبايض وقت الدوره نزيف حاد راحت السلام خذولها سونار قالولها مافيج شي عما بعينهم
أنا قتلها روحي عند د فوزيه لمن زاد العوار وراحت وخذتلها سونار ولاتشوف جنين عمره 3 تشهر متعلق بقناه فالوب يعني حمل خارج الرحم وسوتلها العمليه أدعولها حالتها النفسيه تعبانه لان الياهل كبير وأنفجر وأضطرت تشيل قناه فالوب
والحمدالله أنقذت حياه أختي للمره الثالثه

 

[*caramel macchiato*]

مشكورة حبيبتي...


انا مسوية تلقيح صناعي 3 مرات من قبل ومانجح.....بس مو عند فوزية



امدحولي اياها وايد....وقالولي شاطرة وودي اجرب....قوليلي اتعرفين ناس وايد احملو بايد الله ثم على ايدها؟؟؟؟

 

[كويتيه مذهله 87]

الصراحه أنا ما أبي أمدحها والأرزاق بيدالله بس هي نوعيتها تعرف علاج الوحده يعني هالشي يصلحلها ولا لأ
أنا عندي أختين عالجوا عندها وحملوا وسأليهم هما عضوات منيه أم لبنوته وعبير وإن شالله أنا ثالثتهم أنتي سويتي 3 مرات تلقيح صناعي راح تنصحج باطفال أنابيب وهمن تعطيج علاج أبر

 

[*caramel macchiato*]

بس انا ولله الحمد سليمة.وحتن ريلي ماشاء الله ولاقوة الا بالله سليم....تتوقعين اتقولي سوي انابيب؟؟؟؟

 

[shjoonaa]

كويتية مذهله الحمدالله على السلامه وانشاءالله تبشرينا قريبا كل يوم ادعيلج والله وادعي للبنات الله يرزقهم

 

[shjoonaa]

بالنسبة لدكتوره فوزية اول شي تبلش بتلقيح صناعي 3 مرات بعدين تسوي طفل انابيب عن تجربة

 

[كويتيه مذهله 87]

حبيبتي شجونا تسلمين يقلبي من طيبج والله
كراميل هي ماراح تقولج بس كل الدكاتره جذي أكثر من محاولتين للتلقيح يلجأون لأطفال أنابيب وأنا أقول التلقيح بالكويت فاشل
بالعكس أذا أنتي وريلج سليمين فرص الحمل بأطفال أنابيب كبيره وتري مو غالي تسويه وأي سؤال أنا حاظره

 

[*caramel macchiato*]

الله كريم....

مايندرة شتقولي....بس انا سامعة مايسوون انابيب الا بعد 6 محاولات متتالية للتلقيح الصناعي؟؟؟؟

 

[كويتيه مذهله 87]

لا مو شرط أنا مسويه تلقيح مره وحده ورحتلها علي أساس بسوي طفل أنبوب قالتلي خل أسويلج تلقيح قتلها لا مابي ببلش سيدا بأطفال أنابيب ورضت بس أمي ما رضت تقول بعدكم صغار
شوفي أختي سوت عندها تلقيخ ونجح من أول مره والحين علاوي عمره 7 سنين بس إلحين مايندري
مثل أول ولا لأ وأن شالله تحملين بدون علاج

 

[*caramel macchiato*]

ايه انا مابي انابيب....ابي تلقيح صناعي....

رفيجتي احملت بالتلقيح الصناعي بعد 3 محاولات مع انها عندها اعيال من قبل واحملت فيهم من غير علاج ولاشي ...بس سوت تلقيح عشان تبي ولد...وماحملت الامن ثالث محاولة سبحان الله....

الله كريم ويرزقنا

 

[كويتيه مذهله 87]

أيه أختي حملت بالبجر تلقيح وعيالها الباجي كلهم بدون علاج

 

[ضيم الليالي]

السلام عليكم
انا بصير معاكم ان شاء الله
انا كنت اراجع عند ماجده وسويت تلقيح ونجح بس ماثبت
بس ماعجبتني معاملتها موشي وحتى لما فحصتني وقالتي ان الجنين ميت كان اسلوبها بارد وماتراعي احساس احد
قسم بالله حقدت عليها

اليوم اول يوم دورة وناويه اخذ موعد عند فوزيه لانهم مادحينها لي

الله يستر

 

[كويتيه مذهله 87]

ضيم الليالي أنا أراجع عندها سنتين ونص هذا معاملتها ما تغيرت أصلا ولا جنها دكتوره جنها رفيجتج عندج هي و د ناهده العلي واي فديتها تعاملج جنج بنتها

 

[*caramel macchiato*]

ماشاء الله يامذهلة صارلج سنتين ونص عند فوزية ....انزين شنو مشكلة تأخر الحمل عندج...ياليت اتفيدينا

 

[كويتيه مذهله 87]

الله يسلمج كل شي تمام أنا وريلي مافينا شي بس توني طلعوا فيني تكيسات ولابعد قالتلي صغار ما يأثرون علي الحمل بس أنا أصريت إلا أكويهم وتوني مسويه عمليه منظار وشلتهم أنا أول ما تزوجت سيدا راجعت عندها علشان دورتي بعد الزواج أنعفست نظمتها لي بس فكرت أحمل من سنه ونص بس الله ماكتب لي لحد إلحين
والحين ببدي معاها علاج الله يكتب فيها الخير

 

[*caramel macchiato*]

خذيتي منشطات.....؟؟؟؟؟


سويتي تلقيح صناعي؟؟؟

 

[كويتيه مذهله 87]

ايه والله
خذيت 4 شهور علاج بس مو ورا بعض خذيت أبر كلوميد وماشالله يستجيب علاجي بس مايصير حمل
وتلقيح ماجربته لان الدكتوره هي أكدت لي أنه فاشل أنا كنت أبي بس ما أقتنعت كلش أذا كملت 22 سنه وماحملت بسوي أطفال أنابيب أدري مستعيله بس شسوي عمتي أم ريلي كلتني