تجمع اللي يبون عيالهم ينامون طول الليل

[طيبة83]

^
^
^
عندنا وعندج خير

انا امس رحت موجب الا وحده من اهلنا ولدها اكبر من بنتي بشهرين تقول لازم تعلمينها تنام بروحها خليها بسريرها ودبخي عليها

وانا رجعت يازعم بطبق من الساعه 8 للساعه 11 مافي فايده تنام واحطها في سريرها وتبجي

تالي بس انهرت

يالله يارب اتهدا بنتي وتسخر لي زوجي

 

[Winter Q8]

أنا وايد قريت عن نومة الياهل و اكتشفت ان فيها أسرار محد يتكلم عنها ..
حتى يوم سألت أمي عن السوالف اللي قريتها تقول أدري عيل ليش ما قلتيلي ..
ولدي اسم الله عليه عسر و حنان و بالأربعين كنت أتعذب بتنويمه من 7 الصبح الا 12 بالليل بس صراخ و اذا نام ينام بوربع و نص ساعه حتى نفاسي بوطقه من التعب ..
المهم لما رجعت بيتي قلت لازم في حل مو معقول هذا حالي و انا ماعندي خدامه شلون بدبر عمري ..

المهم اللي قريته و طبقته و شفت تغير الحمدلله و الله يهدي ولدي و يخفف بجي تعب نفسيتي
يقولج ان الياهل ما يفرق بين الليل و النهار و جذي من واجبج تسوين طرق تبينين له الفرق ..

بالنهار بطلي الدرايش و خلي سرير و كرسي الياهل عند الدريشه .. بالنهار سولفي معاه و لاعبيه .. لما ترضعينه تحرشي فيه .. أصلا السوالف مع الياهل تتطور مخه و يصير حليو .. لا تخلينه ينام فترة طويله و يسحبها نومه
لما يصير وقت الليل لا هني يبدا الجد ظلما و هدوء .. مثلاً تبين نومته ساعه 12 بالليل لازم قبلها ما ينام ساعتين أو ثلاث راح يبجي و يعافر و انتي ساحليه لاعبيه غنيله و اذا نام فركي خده خل يقوم و ما انسى اذا الياهل في غازات عطيها قبلها بـ ساعتين ديسفلاتيل علشان يريح بطنه مو ننطر لما يستسعر نعطيه لا قبلها .. المهم 12 الا ربع سبحيه ذيك السبوح الدافي " انصح بمنتجات جونسون اللافندر انا الكبيرة تهديني شلون هالنتفه " .. المهم عقب السبوح مسجيه بزيت جونسون باالافندر " المساج لمدة 15 دقيقة يوميايزيد التواصل مع الام و طفلها و يطور نموه العقلي بضعفين عن اقرانه "و ركزي على بطنه علشان تطلع الغازات و ريوله و ظهره و انا احط بعد على صلعته فديت صلعته و البسه بيجاما دافيه و راهيه يرتاح فيها .. المهم رضعه الليل خليها أدفى من رضعه النهار و أسكر الليتات و أشربه بدون سوالف و لا تواصل لا خلاص عزلنا .. اشربه و انومه بايدي و احطه بفراشه " انا ما عودت ولدي انه ينام عندي اصلا ما اعرف و لا ابوه يعرف احد ينام عنده وولدي صار مثلنا من الاربعين انومه بسريره او بسلة موسى يم راسي و اذا نومته عندي يبجي و يرافس " بعد ما احطه بفراشه طبيعي راح يقوم بس اكون عنده احط له المصاصة جم مرة و اذا كمل اشيله و اذا نام ارد انومه بفراشه بس و اهو اساسا نعسان لاني ما نومته قبلها ..و لازم الياهل ماخذ كفايته من الرضعات بالنهار علشان يقدر ينام بالليل مو معقول نايم طول النهار و ما يشرب حليبته تبونه ينام بالليل و لا يقوم .. المهم لا تعطينه رضعه بعد الساعه 12 و عطيه بداله ماي أو أعشاب و خليه ينام و جبريه على النومه و طولي بالج و لا تنهارين .. المهم معده الياهل ما تستحمل 6 ساعات بدون رضعه اكيد راح يقوم مرة بالليل عطيه رضعته بنفس الطريقة هدوء مو تسولفين و تلعبين معاه تطيرين النومه راح ينام ان شاءالله او يطول شوي مو مشكلة .. و بس هذا اللي عرفته و قلته من باب عدم كتم العلم .. و صج انا مو كل مرة اسبحه قبل لا ينام بس ملتزمة بتغيير هدومه و المساج و الكريم و البودر .. و لازم ارد البيت قبل موعد نومته علشان لا تخترب ..

 

[Winter Q8]

طيبة عودي بنوتج على فراشها ما يصير ع الحضن لمتى انا حتى المهاد ما امهده اخاف يتعود وانا ابتلش .. على الاقل بالنهار خليها تنام فيه حاولي ..
انا جذي لما غيرت سرير ولدي ماكان يبي ينام فيه تغير عليه المكان فقمت و شلت الشراشف القديمة و خليتها بفراشه اليديد و شوي شوي لين تعود ..
انتي سوي جذي حطي تحتها شي من هدومج فيه ريحتج علشان اذا قامت بالليل تشمه و ترد تنام ..

عيال اختي ما كانوا ينامون بالنهار و خصوصا بالزوارة الا على عالكرة تلاقينها ببوتري بارن و سنتربوينت تحسس الياهل جنه بالحضن جربيها شخسرانة و حطيها بدارها لكبرت تقعد عليها

و ولدي اسم الله عليه شريت له هالكرسي لنومة النهار احطه و يفتر فيه مرات ينفع و مرات لاا بس شسوي

 

[Q8_QT]

آنا ولدي اسم الله عليه واااايد مؤذيني بنومه
يوم كان بالنفاس شحليلها نومته بس اسم الله عليه من كمل 7 شهور صار واحد ثاني ونومته عسسسسسرة الله وكيلكم الحين عمره 5 سنين اذية لااااااازم يقوم بالليل في البداية كان ينام عندي بس بفراشه وكان يقوم على الاقل مرة مرتين ويوم وديته غرفته قام يبدع اول الليل شحليله ينام ومن تصير الساعة 2 الفير يشتغل الفيلم وكل شوي يايني الدار لي الصبح جربت معاه وااايد اشياء شغلت قرآن بداره جربت انام وياه لي الفير وبعدين اروح داري ماكو فايدة يلحقني من اقوم واروح داري شوي إلا اهو فوق راسي صار فيني فوبيا منه اسم الله عليه يدش داري بدون ماأحس فيه ويوقف على راسي ليما اقوم واشوفه ولي سألته شفيك يمه يقولي بقولج تصبحين على خير ويروح داره وآنا مبطلة عيوني من الخرعة لأن اكون بعز نومي واهو يتسحب ويوقف عند راسي ومايتكلم ليما احس فيه واقوم
حالتنا حالة وياه تالي شقمت اسوي اهو غرفته لازقة بغرفتي فقمت اقفل الباب وإذا يه بيدخل يشوف الباب مقفول يطق الباب فاقوم ابطل له الباب ولا هالتخرع والصرقعة تالي الليل ومع الوقت ماقمت ابطل الباب احاجي من ورا الباب اشوفه شيبي تصدقون الظاهر شاف إن ماكو فايدة قام ينام الحين لي الصبح ونااااادر مايقوم وآنا قبل لا انام اطل عليه ولي قمت الفير اصلي هم اجيك عليه فبصراحة الحين وايد اهون من قبل بس صج تعبني واااايد الله يحفظه ويخليلكم عيالكم يارب

 

[طيبة83]

يا مسا السهر

بنتي من الساعه 8 لي 2 علي حضني احطها في سريرها تبجي

الساعه 2 خلا تعبت خليتها في سريرها قامت تعافر من الصياح وخلاص ما تبي ترجع تنام

واكلمها احين تصد عني ما تبيني

ياربي والله تعبت متحمله حمل فوق طاقتي

 

[طيبة83]

طيبة عودي بنوتج على فراشها ما يصير ع الحضن لمتى انا حتى المهاد ما امهده اخاف يتعود وانا ابتلش .. على الاقل بالنهار خليها تنام فيه حاولي ..

والله يختي انا عيزت المشكله اني ارضع بنتي

وانا الوحييييده في عايلتنا اللي ترضع وكل من مستغرب من صجج ترضعين؟! والله الناس تحسد علي مال علي شي مو علي رضاعه

وبنتي صارت ما تبي تنام الا ع حظني متي ما بغت تمص وترجع تنام حاولت اعطيها مصاصه ما تبي ميمه ما تبي

ولا تقولين ما تشبع الحمدلله وزنها طبيعي

بس هي تبي اللمه والحضن ليل نهار

والمشكله ما صار عندي وقت لريلي وهوا قام يتضايق من هل شي

واللي يحر ان اهلي كلهم معاه

ما يصير تهملينه ما يصير مادري شنو وانتي عودتي بنتج وانتي نا علمتيها علي الميمه وفطميها ومن هل كلام اللي ما يخلص

يعني انا تعبانه ومرهقه واخصل كلام يقث

طيب انا اذا غلطانه شاسوي اشلون اعودها

تظل تبجي ما تنام

اخاف الياهل اتعقد

مادري احس اذا اجقرها في الليل ثاني يوم تصير عصبيه بس تبجي وما تبيني ما تضحك لي

وما ابي اخسر زوجي

والله اني احتكرت ولا اروح ولا اطلع توني بس هل شهر داومت

حتي عرس اخوي مارحت

واقول معليش بنتي اولي

بس تعبت مانام

اروح الدوام جني تحت الماي جني في عالم ثاني 3 ايام ما نمت

 

[Melazlaza]

وااااي قلبي قام يعورني تذكرت السهر
صج عذاب والله اتذكر كنت اقول الحين اذا بجى ماني قايمتله وما اقدر ارد اقوم واشيله ينني قمت ابجي ونفسية زيروووو
بس من عدا الست اشهر ركد وبدا ينام شوي عالاقل انام اربع ساعات
اصلا انا كنت اتمنى انام ساعتين بس كنت ادعي والله اتذكر الفير اطل من الدريشة واقول يارب يارب طالبتك ابي انام ساعتين بس مابي شي من الدنيا بس انام ساعتين
لوووول الحين قمت اتذكر واضحك
بس المصيبة وين بننحاش من السهر
انا حامل ويايني الضيييييم والله من دريت اني حامل وانا احاتي وافكر واتذكر النفسية التعبانة والسهر والهالات الملكية الي تحت عيني
عاد بنات الي تطيح على شي قوي ونتيجته مضمونة بنومة الياهل ختقولنا

 

[فورلا2]

الله يعطيك الف عافيه ياليتي سمعت لكلام هذا قبل لايكبر ولدي لكن باذن الله اطبقه في اخوانه مستقبلا تعبت كثير منه الله يهديه مايبي غير حظني

 

[بدوية بملامح كشميرية 86]

انا ولدي عمره سنه ونص اسم الله. عليه

ياذيني بالليل كل شوي يقعد ويصيييح

 

[طيبة83]

القيلولة

تاثر قيلولة البيبي على نومته في الليل؛ فكل ما نام البيبي عدل وارتاح في النهار بيكون اسهل عليه ان ينام بالليل وما يكون "منهك" مثل ما قلنا قبل

النومه اللي تقل مدتها عن ساعه يسمونها "catnap" يعني نومه القطوه هل نومه ما تعتبر قيلوله لان دوره نوم البيبي ما يمديها تكتمل فيها وهل نومه ممكن تريح البيبي شوي بس بتاثر علي نومته بالليل لانه مامداه يرتاح عدل فيها

كم قيلوله يحتاج الطفل؟

العمر........................عدد القيلولات.................... مجموع مدة القيلوله
4شهور .................... 3 قيلولات.................... 4-6 ساعات
6 شهور..................... قيلولتين ..................... 3-4 ساعات
9شهور .................... قيلولتين ...................... ساعتين ونص-4 ساعات
سنة ........................ قيلوله او قيلولتين ........... 2-3 ساعات
سنتين.................... قيلولهء............................1-2 ساعات
3 سنوات .................. قيلوله .................... ساعة ونص - ساعة

في اي وقت ينام البيبي بالنهار؟

توقيت القيلوله وايد مهم لان في اوقات معينه تناسب الساعه البيولوجيه للاطفال وهي:

الضحا + الظهر + العصر للاطفال الي يحتاجون 3 قيلولات

الضحا + الظهر للاطفال الي يحتاجون قيلولتين

الظهر للاطفال اللي يحتاجون

 

[PuPa^^SWeeT]

جبتها عالجرح وجنك مادريييييييييييييت



ياقلبي



الكبيرة عندي تنام عادي


بس الصغييرة اتنام اول وحدة و بسرعة


وبعديين تقعد من النووم كل شوي و ماترتاح الا لما اتننام 3 الفير



مادري ليش

 

[kuwaitya_zoGaa]

بنات يزاكم الله كل خير وبميزان حسناتكم كلكم على هالمعلومات المفيدة
بس بغيت اعرف بالانفاس شلون تكون نومة الياهل ؟؟ وكل اشكثر اشربه حليب ؟؟؟

 

[Winter Q8]

بنات يزاكم الله كل خير وبميزان حسناتكم كلكم على هالمعلومات المفيدة
بس بغيت اعرف بالانفاس شلون تكون نومة الياهل ؟؟ وكل اشكثر اشربه حليب ؟؟؟

بالنسبة حق ولدي بالنفاس كل ساعتــين إلى 3 ساعات يشرب حليب بمقدار 60 مل ( حليبه سيميلاك ) و يرد ينام و يقعد على هالحال هذا أول الأيام .. عقب 15 يوم مرات ما كان يشبع فكنت أسويله 120 مل عقبها بـ أسبوع 120 على طول بنفس الطريقة كل ساعتيـن .. و هم بـ عمر 15 يوم بدا يستخف و صراخ و بجي و ماادري شسالفته ينام شوي و يرد يقعد .. كل يوم أبجي و حتى بطلعه النفاس ريلي كان عازمني على فندق و ما بغيت أروح من عسارته خفت محد يستحمله .. و بالنسبة لنومة الليل ينام 12 يقعد 2 ينام يقعد 4 ينام يقعد 6 ..

و من البداية اشتري دوا حق الغازات لانها تعذب الياهل مسكين .. انا ولدي تطلع عروق راسه و يقلب اسود .. انا استخدم غاز بامبي و ديسيفلاتل .. و بالنسبة للاعشاب اكتشفت توني انها تعسر ولدي زيادة ما ناسبته

نصيحة نصيحة طبقي كلامي شلون تسوين روتين حق البيبي ( من السبوح و المساج والمميه الدافية علشان يفرق بين الليل و النهار عوديه ينام بسريره بالليل و بسله موسى بالنهار ) و ترتاحين و تدعين لي انا محد علمني ..

 

[kuwaitya_zoGaa]

حياتي ماقصرتي ويزاج الله كل خير
ان شاء الله بطبق كل اللى قلتيه :***

 

[المكسيكيه]

هل ولدج أو بنتج ما ينام الليل؟

هل ولدج أو بنتج يتفزز في الليل؟

هل ولدج أو بنتج عنده مشاكل في النوم؟

هل تحلمين تنامين 5 أو 7 أو 9 ساعات متواصلة بدون محد يقعدج؟

هل تحسين ان ودج تشقين هدومج بالليل أو تقطين روحج من الدريشه؟

هل ريلج يتحلطم عليج في الليل بسبب ولدج أو بنتج؟

هل ريلج هج من غرفتج بسبب ولدج أو بنتج؟


















اذا تمت الاجابة على نعم بأي من الاسئلة السابقة، فحياج معانا في تجمع اللي يبون عيالهم ينامون طول الليل :eh_s(16):




مكان للفضفضة


تبادل الخبرات


وان شاء الله بنزل معلومات جمعتها من بعض الكتب أو المواقع واللي اتمنى تفيدني وتفيدكم

هههههههههههههههههههههههههههههههاي جميع الاسالنه نعم مافي لا ههههههههههههههههه:eh_s(11):

 

[المكسيكيه]

فوووووووووووق

 

[المكسيكيه]

للرفع

 

[جذابه بنت ذيابه]

روعه الموضوع