تجمع اللي يبون عيالهم ينامون طول الليل

[جنون أنثى]

الله يعطيج العافية وايد حلوة المعلومات اللي كتبتيها و حيل واضحة
متابعينج حبيبتي

 

[AVE.NJ]

صج انه مشكلتي ولدي ماينام الا بالهدوء
واذا طلعت ماينام ويقعد يحن طول الزواره
تخيلو انه ارد بس علشان نومة ولدي
بس نومة الليل الحمدالله ماعندي مشكله لانه هدوء فينام لين الصبح مايقعد

 

[ma3boocha]

معاج معاج

الحمدالله اني مو معوده عيالي عالمصاصه
ما احبها صج

 

[نور الدنيا 88]

معبوجة انا اعطيه صراحة
يحن مايسكت مااقدر صراحة

 

[om 7moood85]

معبوجه ترا مو زين تخلين البيبي في سريره وتحطين فوطه تحت الممية
بنت عمي كانت تسوي نفسج لين بنات صار فيها التهاب بأذنها

 

[طيبة83]

هلا بنات

انا بنتي امس نامت الساعه ٧ وقعدت ٨ ما تبي ترجع تنام عطيتها ابوها ونمت عنهم

نور الدنيا عل اقل المصاصه امرها هين لين قحص في الليل طيها في حلجه ويرجع ينام

بس لاتعودنه علي الحضن والرضاعه

 

[dantella]

معبوجه ترا مو زين تخلين البيبي في سريره وتحطين فوطه تحت الممية
بنت عمي كانت تسوي نفسج لين بنات صار فيها التهاب بأذنها

انا دايم اسوي هالشغله حق ولدي ولا صار معاه شي
ليش يصير التهاب؟

 

[يا كويتنا]

بنات


ابقولكم تجربتي ويا اعيالي


ولدي الكبير

عزر فيني تعزر الا ينام بحضني

من احطه علفراشي جنه مقروووص

وبعدها عرفت انه خوااف ويبيني بس المه والحين اسم الله عليه كبر


بنتي الكبيره

اتنام واتقوم مادري عنها اسم الله عليها بس ترضع واتنام وما تبجي الا لمن تمرض


والباجي غير

اول شهرين تزحر وتقلب ونووم بالغصب

ولازم مهدئات

مثل ماي غريب كمون ينسون

وبعد شهرين لازم اقعده من الساااعه عشر ليي الوحده تعذيبب موو وبعدها اغيرله وارضعه وانومه


واولدي الحين لاني انفاس للحين

فطول النهار نااايم ولي جت الساعه اثعش قعد وهاات يا سهر


ومدري شسوي لي طلعت الاربعين

صج الامومه مو سهله عسالله لا يحرمنا الاجر

 

[Om_Ksha]

الله يعين تجاربي ماتخلص
وسواد تحت عيوني فيلم

 

[ma3boocha]

ام حمووود

انا عيالي الاثنين الكبار الحمدالله ماصار فيهم شي من طريقتي اني اعطيهم المميه و اهما بالفراش


ولدي الثالث مثل ما قلتي ياله التهاب بالاذن قوووووووووي اللي عطوووه ابر مضاد يالله طاااب


عاد هذا الرابع انا اقولج شنو طريقتي معاه


هذا اول واحد ارضعه من صدري فأرضعه بالليل خصوصا قبل ما ينام بهالطريقه

اللي اهيا عاليمين

و الفير لما يقوم ما اشيله من مكانه لا اسندله المميه و يرضع و ينام
و طووووووول اليوم يا على صدري يرضع عادي مثل الطريقتين اللي بالنص واللي عاليسار او اذا مميه لا اكون شايلته


فماخذه حذري مو مثل اول

صج عداهم الشر الاول و الثاني
بس انقرصت من الثالث



والله الحافظ

 

[بربيره]

ذكرتوني ببنتي يوم كانت بالاشهر ما كانت تناااااام والله العظيم كنت ابجي وياها وايد يتعب البيبي بهالعمر

وصاجين بنات الياهل اذا تعود عالشيل راح يهلكج عشان جذي انا هم ما عودتها عالشيل

وانا الي زاد الطيب بله ان يوم الي بنتي تنام انا كنت اقعد ما انام يا اسولف يا اشبك فلما تقعد كنت استخف

ولا كنت ارضا امي تاخذها مني < البجر غير اخر شي لما امي شافت اني طفيت و طاقتي خنست خذتها غصب ونمت نومه ما بعدها نومه

لما وصلت 4 او 5 شهور نومتها تحسنت حيل بس قبل تعذيييييب وكنت اعطيها ماي غريب ترتاح شوي بس هم تقعد

و هالمره وايد اشيل هم نومة البيبي بليل بعد جم شهر راح ابسط بتجمعكم لان بييني بيبي يديد والله اشيل هم نومة الياهل اكثر من اي شي ثاني لانه تعب تعب تعب تعب و يعطيج العافيه عالموضوع صاجه ودج تقطين نفسج من الدريشه لوووول*

 

[نور الدنيا 88]

امممم ولدي يجن و يحن
و اللحين صوته رايح مادري من البجي مادري من شنو صراحة
فتخيلوا بجيته يعور القلب
لانه تعبان قاعدو احطه بحظني

 

[ma3boocha]

نور حياتي جان وديتيه الطبيب


سبحان الله يمكن ممصوع يمكن بلاعيمه تعوره يمكن فيه شي
خووو مووو خسرااانه شي خووو

 

[Zaina-al-zaina]

الله يعين الامهااات

 

[ma3boocha]

اب



اب





اب

 

[طيبة83]

جنون انثى........حياج الله

AVE......... حتى انا بنتي متعلمه على الهدوء مستحيل تنام برع، والمشكله خلاص يصير هل شي من طبعهم ما نقدر نغيره، البيبي الثاني ان شاْ الله بحط يمه قرآن لما ينام عشان يتعود على الصوت

معبوجه............. وااااااااايد زين استمري على الرضاعه وان شاْ الله بتشوفين مناعته احسن من اخوانه، وزين تسويين نوميه في الليل يمج واذا بجا رضعيه بس ديري بال عليه لا تنقلبين صوبه او تغطين وييه باللحاف بالغلط

نور الدنيا........... دام ياخذ المصاصه بس خليه عشان يهدا وينام انا بنتي ما تبيها، وفي نوع زين ما يخرب الاسنان، واذا وايد يبجي يمكن فيه COLIC شي كانه مغص اقري عنه من النت
جربي حطي مهاده بالجفافه او فوق الدفايه لما يصير دافي مب حار حاسبي وتالي مهديه عدل ان شاء الله بيرتاح

ام حمود donatella......... مادري بس احس الرضاعة والبيبي نايم على ظهره مب زين يمكن يشرق او يدخل الحليب بقناة الذن عشان جذي تلتهب

يا كويتنا............... والله ياهل عن ياهل يفرق في يهال الله يحفظهم ينامون طول الليل من عمرهم شهرين و3 شهور، الله يعينا بس


ام كشة......... الله يعينج، اشلونها بنتج لكبيره عسا اعتدلت نومتها؟

بربريه.................. اي الصياح والاكتئاب لازم اول الايام، الله يعينج اذا عندج بنت يمكن تغار من البيبي

زينة الزينة.......... امييييييين

 

[أم سم سوم]

أب أب أب أنا بنتي جذي بعد ماتنام عمرها ألحين 1 سنه ووايد تقعد بليل تستعسر علي
فأنا معاكم غلبا وغالبا​

 

[طيبة83]

كم ساعة من النوم يحتاج الاطقال؟

الجدول اللي تحت يوضخ جم ساعة نوم يحتاج الطقل

وهل جدول يوضح الوضع المعتاد فمن الممكن ان يحتاج البيبي وقت اكثر او اقل بس البيبي اللي ينام وفت اقل بوايد يكون "منهك" والطفل المنهك يكون عادي ما يبين انه تعبان بس يلاحظ عليه ان يبجي كثير ويصارخ ومرات ما يبي ينام لانه يكون كثيير تعبان وما يعرف يتام

العمر النوم الليلي النوم النهاري إجمالي أوقات النوم
الشهر الأول 8 ساعات ونصف 7 ساعات (ثلاث قيلولات) 15 ساعة ونصف
الشهر الثالث 10 ساعات 5 ساعات (ثلاث قيلولات) 15 ساعة
الشهر السادس 11 ساعة 3 ساعات وربع (قيلولتان) 14 ساعة وربع
الشهر التاسع 11 ساعة 3 ساعات (قيلولتان) 14 ساعة
الشهر الثاني عشر 11 ساعة وربع ساعتان ونصف (قيلولتان) 13 ساعة وثلاثة أرباع
الشهر الثامن عشر 11 ساعة وربع ساعتان وربع (قيلولة واحدة) 13 ساعة ونصف
في عمر السنتين 11 ساعة ساعتان (قيلولة واحدة) 13 ساعة
في عمر الثلاث سنوات 10 ساعات ونصف ساعة ونصف (قيلولة واحدة) 12 ساعة

 

[طيبة83]

^
^
^
اكتب وبنتي في حظني

سوري ع الاخطاء الاملائية

 

[jawaa]

بنات انا ولدي عمره ١٠ اشهر ماينام الظهاري بالكثير مرات خمس دقايق او عشر او ربع ساعه وبالليل يقوم من ٣ الى اربع مرات يكوم يبجي اشربه الحليب ويرد ينام ودي يسحبها نومه وغير هذا لما احطه على سريره ماينام مجرد مانزله يقوم لازم ينام وفي احد يمه سواء انا او الخدامه لان انا فصلته عندي بس ماكو فااايده شسوي