تجمع الحقوقيات ( حياكم يالزميلات )

[السمبتيك]

صااااجه اختي الي قاعدين بالبيت اهم يبون اماكن معينه
واحنا ما نقول ان لا يطمحون للافضل
لكن بنفس الوقت الواحد شيسوي اذا الله ماكتب !!!

اختي عشان تنزلين المحكمه
اول شي تقيدين بجمعية المحامين وبعد ماتقيدين
اذا ماعندج مكتب معين الجمعيه تحطج في مكتب
يعني عادي مو شرط تكونين تابعه حق مكتب معين
واذا تعرفين احد تبين تتدربين عنده احسن واحسن بعد

 

[برائـة طفلـة]

أب أب أب أب أب
لعيون خواتي الحقوقيات
​

 

[تفداج روحي]

شكرااا سمبتيك
واااي احس القطاع الخاص احسن بس مادري شنو الشركات القويه

 

[السمبتيك]

القطاع الخاص حق كل التخصصات احسن

عندج النفط
عندج البنوك
عندج المحاماة وهذا افضل مجال لنا بس مادري ليش البنات مستهينيين فيه


مشكلة القطاع الخاص الدوام الطويل
مشكلة حق المتزوجة وعندها عيال
بس الي تحس نفسها تقدر ختروح قطاع خاص احسن لها

 

[تفداج روحي]

والله يا سمبتيك انا حابه وايد مجال المحاماة
بس احس ما اقدر الهى عن ولدي وايد
خصوصا اول الطريج لازم تحطين مجهودج كله عشان تثبتين نفسج عرفتي؟

بس ما ادري محتاره حيل
بشوف اذا الله وفقني بمكان زين والا بشوفلي مكتب

 

[السمبتيك]

صاجه الي عندها عيال صعبه
وخاصه اذا كانوا اليهال صغار

انزين سويتي ربط حق وزارة معينه
ولا مو حاطه مكان معين في بالج

 

[قهوه ساده]

يقولون نهاية الاسبوع في دفعه بتنزل
بس بتويتر ديوان الخدمه ماصرح بس يقول قريب
الله كريم وتنزل اسمائنا بالاماكن الي نبيها

 

[قهوه ساده]

المتحدث باسم نقابة المحامين احمد الكندري يقول باجر في اضراب
لانها انتهت المهله وللحين لاجديد بالنسبه للكادر المسميات
لو واحد من هالي القرار بيدهم ولده والا بنته باحدى هالوزارات جان من زمان زمان جاكم الكادر والزيادات
لكن اماكنهم محفوظه لارح يهمهم فرق معاشات والا بينظرون بموضوعنا
انشالله يطلع بيدهم شي النقابه

 

[تفداج روحي]

لاوالله طافني تسجيل الديوان
ناطره يفتح شهر 11
والله ودي بالخارجيه او شئون القصر او الهيكله

 

[قهوه ساده]

الخارجيه واسطه وانتي مغمضه تمشين
وشئون القصر شكثر اعرف ناس طلع اسمهم فيها وبعضهم رفض يعني بسهوله اتوظفين
والهيكله مادري شنو نظامهم ولا معاشاتهم
ربي يسهل امورج
اذا تعرفين شي عن الهيكله عطينا فكره

 

[تفداج روحي]

هلا والله قهوه ساده
والله ما ادري بس اختي قالتلي ان الهيكاه مكانهم زين ومعاشهم قوي ويعطونهم بونص

 

[تفداج روحي]

بشوفلي واسطه حق الهيكله
افففف جد جد زهقنا شلون جذي؟؟؟ ياربي ديرتنا وما نشتغل الا بواسطه اففف

 

[السمبتيك]

الي اعرفه ان الخارجيه التعيين يصير عن طريقها مو من الديوان
يعني لازم الوزاره تحط اعلان بالجريده وبعدين تقدمين

والله يابنات يمدحون المؤسسه العامه للرعايه السكنيه
مافي وحده فيكم جربت تروح تسال عن هالمكان ؟؟؟

يلا ان شالله ينزلون الاسماء انا مسويه ربط حق الماليه
والله كريم


والله الاضراب احس كللش ماراح ياثر بهالوزرا لازم الي في بالي يصير
واذا صار بتتحسن الاوضاع
بس مااقدر اصرح بلي في بالي بالموقع
اخاف امن الدوله يمسكوني
لووووووول

 

[تفداج روحي]

والله ياسمبتيك المؤسسه العامه للرعايه السكنيه كانو فاتحين قبل فتره قصيييييره وما دريت الا لما طاف موعد التقديم


اقووول خلي افكارج لنفسج ياحياتي دام فيها امن دوله
سلامتج ابدا 


انا اقول قدمي اقتراحج يمكن يطبقونه 

 

[سمو ذاااتي]

انا صارلي سنه من تخرجت والله مو مسالت تعنفق مثل ماتقولين بس حظي مادري شفيه قدمت بكل مكان والوزارات ماتسوي معاشج انتي ودبلوم سيم سيم فرق بسيييط لايذكر

وسالفة مكتب المحاماه نصيحه قيدو بجمعية المحامين ونزلو محاكم انا كنت لاهيه فيها وماخذه وقتي وحتي معلوماتي تسويلها رفرش وحدي حاقده علي ريلي طلعني منها لوووول

 

[قهوه ساده]

الرعايه السكنيه نطرت اعلانهم اخر شي مو طالبين قانون ضاق خلقي
مكانهم حلو ومعاشهم زين
الله كريم

 

[تفداج روحي]

صاااجه
اهو حسافه تشقين سنين وما تلقين تقدير بس بعد الجود من الموجود واحنا نبذل الاسباب وربج يسهل
وعلى طاري المحكمه انا شوي بردت لاني لهيت مع ولدي وعرس حماي لوووويه ماشالله بس عقب العرس ضروري اتحرك اسرع واضبط عمري
والله يوخيتي ما ينفع الانسان غير نفسه بهالزمن راكضي حق عمرج

والله ياقهوه خيره انشالله تلقيلج مكان احسن وانشالله اللي ربج كاتبه لج اخير واحسن 

 

[السمبتيك]

انزين بنات ليش ماتقدمون على الجامعه
ترى المكان احسن من الوزارات
ومعاشاتهم مع خصم التامينات توصل 850 تقريبا
ومكانهم راقي ومرتب
ودوماتهم لوقاتها زينه

قدموا
الي ماقدمت ختقدم
منتو خسرانين شي

 

[تفداج روحي]

مو انا يوخيتي اخاف اقدم هناك ويقطوني بمكان ماله شغل بشهادتي

 

[قهوه ساده]

تفداج روحي الله يسمع منج ويسهل امورنا يارب 
سمبتيك يصير اسجل بمكتب محامي وانطر دوري بالديوان والا اتسجل موظفه؟؟؟