تجمع الحقوقيات ( حياكم يالزميلات )

[السمبتيك]

والله اختي ناديه الواسطات الحين دشت بكلشي مو بس بالوظايف

عاد تصدقين سمعت ان البورصه تبي قانونيين
حاولت اتاكد من المعلومه بس مااعرف احد هناك

ياليت الي تعرف تفيدنا

 

[نادية_]

السمبتيك جم معاش القانونين بالبورصه؟؟

وجم كادرهم هناك

 

[قهوه ساده]

السمبتيك
لاوالله مو مسويه ربط بنطر الدور والله كريم
محد سمع شي عن البورصه بس اعتقد والله كالباقيات واااااسطه

 

[قهوه ساده]

قانونيه قوليلنا عن مكانج

 

[السمبتيك]

والله انا مااعرف جم معاشاتهم بالبورصه

بس الي اعرفه ان مكانهم زين حق القانونيين

الي تعرف احد بالبورصه خل تسال لنا

 

[قـانـونـيـة]

أول شي إحنا تابعين للأمانة العامة لمجلس الوزراء لكن دوامنا في برج الشرق ( نفس العمارة إلي فيها مطعم البلد ) رواتبنا مثل الوزارات عادية اللهم عندنا بدل تمثيل بس طالعيلنا طلعة يقولون ما يصير تجمعون بين البدل والكادر..!!
شغلنا مرتبط بمجلس الأمة وجلساته مثل ( الأسئلة البرلمانية - الإقتراحات بقوانين - العرائض والشكاوي - الإستجوابات ) يعني إذا ما في جلسات ماكو شغل وأساساً إحنا شغلنا خفيف كلش يعني بالأسبوع إييج الشغل مرتين أوثلاث( وهالشي موعاجبني) ..

الإيجابيات : المكان هادي واايد ، عدد الموظفين قليل بالنسبة لباقي الوزارات ، الشغل خفيف

السلبيات: ماكو عدالة في التقييم يعني تنصدمين إلي يداوم وإلي ما يداوم كلهم أعمال ممتازة شلون ما أدري ، الشغل إداري أكثر منه قانوني يعني كله على الجهاز ( إدخال - تصوير ) - ما يعطونا البدل على أساس إنه إحنا ناخذ كادر - كل شغلهم وترقياتهم واسطات..
عشان جذي أنا ودي أطلع أبي مكان الشغل فيه يناسب تخصصي وما يساووني باللي نايميين في بيوتهم ، بس صابرة لأن هالدوام أحسن من قعدة البيت
وعلى فكرة التوظيف فيه ما يكون عن طريق الديوان لازم واسطة

 

[السمبتيك]

لكل مكلن له سلبياته وله ايجابياته
المهم ان الواحد يكون مرتاح ابمكانه

الله يوفقج ان شالله

 

[نادية_]

ااااااااااااااب

انا للحين ناطرة وامري لله

 

[ام عيالي]

انه ملاحظه ان مافي قانونيات ايدشون المواضيع الخصصه اذالك مادري يمكن مايدشون هالقسم مادري بس اتمنا يدشون وتعم الفايده بين زميلات المهنه

 

[السمبتيك]

اي حدهم

ان شالله نتساعد عشان تعم الفايده
انا سويت ربك حق الماليه ورقمي 1
بس الصراحه مو متشجعه
يمكن اذا قبلوني مااروح

والحين مقيده بجمعية المحامين وانزل المحكمه
يعني نضيع وقت بدال البطاله

 

[ام عيالي]

يعطيج العافيه حبيبتي

 

[برائـة طفلـة]

قووووة بنات شخباركم
انا قانونية مثلكم
تخرجت سنة 2010
اشتغل في شركة يعني ( قطاع خاص )
باحثة قانوينة
طبيعة شغلي مثل دراستي وعندي بعد جم شغلة خاااارجة عن شهادتي ودراستي
مرتاحة وبنفس الوقت ودي أطلع ابي اشتغل بمكان احسن من جذي
واذا بغيت اسجل في الديوان لازم استغيل من الشركة وناوية اسويها
والله ولي التوفيق ​

 

[ام عيالي]

حبيبتي الصراحه الشغل بالحكومه احسن واظمن بي المشكله الاماكن الزينه حتا بمعاشاتها يبيله فيتامين واو

 

[السمبتيك]

برائة طفله
خلينا نستفيد

باي شركه تشتغلين
ولي الساعه جم دوامكم ؟
وشنو السلبيات والايجابيات بمكانج
وشلون قدمتي على هالشركه ؟؟

ادري واايد اسئله
بس عشان الكل يستفيد

 

[ام عيالي]

اب
رفع للإفاده
جنه القانونيات بالمنتدا ما يبون يدخلون هالقسم

 

[قهوه ساده]

ماكو اخبار عن الكوادر؟؟؟

 

[قهوه ساده]

المفروض يسوون نظام للتوظيف من قبل الدراسه
يعني انا ادش جامعه والا كليه ادرس اعرف وين بتوظف واظمن وظيفتي
وماله داعي كل جم يوم متعاقدين مع عماله وعيال الكويت يقعدون بالسنه والسنتين عالاقل
واطا ملاحظين اكثر شي احنا الحقوقيين
ماتدخلين قسم الا جم واحد كويتي مداومين والباااااجي كلهم مصريين
وحتى نظام الشغل صاير بمعرفتهم وعلى كيفهم
واذا رحت للكويتي ردك للمصري
هذا الي لاحظته مادري شرايكم

 

[السمبتيك]

الكادر وما ادراك ما الكادر

مااتوقع بيزيدونه
لو بيزيدونه جان من بعد الاضراب سيده وعدونا مثل ماوعدوا غيرنا

هذه المشكله لازم يكوتون كل اماكن الشغل
ويلتزمون بقانون الخدمه المدنيه
لو سووا جذي ماراح تلقين كويتي عاطل عن العمل
بس للاسف الكويت ماعندها خطط مستقبليه سليمه
بس مع هذا الحمدالله ترى تخصصنا احسن من غيرنا
اذا تبين تشتغين الاسبوع الياي تقدرين
قيدي بجمعية المحامين ونزلي المحكمه
على الاقل مؤقت بس لم تلقين الوظيفه الي تبينها
مابغيتي في وزارات صج ان الوزارات ماترضي طموحنا ولا ترضي غرورنا
بس تقدرين
روحي سالي الديوان شنو الي في شاغر بتقولج
وبتحطج سيده بهالوزاره *

 

[السمبتيك]

بنات
ترى فيفا للاتصالاا فاتحه وطالبه تخصص قانون

http://careers.viva.com.kw/ar/job-search-results/

 

[قهوه ساده]

اب
اب
اب