تجمع الامل

[جارة القمر]

ذكريات


بعد عمري

تري هالعوار عادي

بس ارتاحي حبيبتي

وأنسدحي علي ظهرج




والله يفرح قلبج بشوفة البيبي بحضنج يارب


وموفقه حبيبتي

 

[-Bello-]

السلام عليكم.. قوه اشلونك .. الشهر اللي طاف نفسيتي كانت الحمدالله حدها اوكي بس هالشهر يظاهر مع ضغط الجامعه ورمضان حدي كله متضايقه ودي بس ابجي وكنت امقرره اسوي وايد اشياء ابهالرمضان كان ودي اتعبد ربي عدل هالشهر لانه رمضان اللي طاف كله مريضه وهالمره كله مشكوووووووله بالجامعه مليت ومادري ليش كله احس بغلقه وابي ابجي مادري كووووووووووووومة اشياء مليقه على قلبي وموعارفه شفيني ادعولي ... والله نفسيتي وايد اي شي

 

[جارة القمر]

البنوته
هلا حبيبتي

تعوذي من ابليس


هذا الشيطان يسوسلج


أتصدقين أنا علشان عندي ضغوطات بالدوام وشوي بالبيت صج النفسية كلش مو شي

بس سشوي أتعوذ من ابليس

وأتعبد ربي

وأشكره علي هالنعمة اللي أحنا فيه

والله يوفقج

ويقويج علي الدراسة حبيبتي

 

[LaSt WoMeN]

السلام عليكم و رحمة الله و بركاته ​

حبيت اطل على الحلوات .. شخبار كم​

ذكريات .. الله يهون عليج ان شاء الله و يتمم عليج​

زيتونة .. آمين يا رب ​

البنوتة .. ليه كده يا حبيبتي .. الدنيا ما تسوى الكدر .. صج زحمة رمضان تنرفز .. و ضغط ماشاء الله بس شتسوين بعد .. فكري انها ايام مباركة و تهون عليج ..​

بنات شفتوا مسلسل خالد بن الوليد رضي الله عنه .. ؟​

انا ما كنت اعرف شلون انتهت غزوة الخندق و اشلون الكفار وقفوا الحصار و كانت الغلبة للمسلمين .. بس من المسلسل عرفت ..​

ان لما كانوا المشركين في اشد حالات حصارهم للمسلمين ..
و المسلمين مع هذا صابرين و متكلين على الله ..
اصابت المشركين ريح صرصر عاتية ..
قلعتهم من مكانهم ..
و ردوا مدينتهم يجرجرون الخيبة معاهم ..​

اللي صار ان ..​

لاتكال المسلمين على الله سبحانه القادر حق التوكل و ايمانهم الصادق نفعهم بهاليو م..
سلط الله سبحانه هالريح على الكفار اللي ارادوا بعباد الله سوءا و مضرة ..
أكيد .. فالله سبحانه عند حسن ظن عبده به ..​

هاللقطة القصيرة .. أثرت فيني أيما تأثير .. و نبهتني الى المعنى الحقيقي للتوكل على الله سبحانه .. و ياليت في قلوبنا مثل ايمانهم و توكلهم .. أو حتى نصفه ..​

و الله يرزقنا ان شاء الله ​

 

[جارة القمر]

flana

وعليكم السلام

وماشاء الله كلامج وايد حلو

 

[ذكريات]

البنوتة حبيبتي ذكري الله و لا تخلين ضيقة الخلق تتغلب عليج

انا بعد هالايام كله ضايق خلقي و اقول حق اهلي ودي اوقف عن الحياة شوي يعني جذيه يجمدوني او يسوون فيني اي شي و ارد اعيش لما ابي اعيش

بس ملييييييييت و قاعدة احاول اتغير

و صج الدنيا ما تسوى

 

[-Bello-]

جاروونه + فلانه+ذكريات = والله مادري اشفيني شكلي طاقيني عين والله كل تعبانه ودايخه وصداع وضيقه بس الحمدالله قمت كله قاعده اشغل قران وقاعده ارتاحوالحمدالله .. ذكوووره حيااتي طولي بالج وخلي رنج دعاء العفاسي مال الهم والحزن اللهم انا عبيدك بنوا عبيدك بنوا بنوا ايماءك نواصينا بيدك عدل فيني قضاءك ..نسالك بكل اسم هو لك سميت به نفسك....

 

[¤§ زيتونة §¤]

مساء الحب
مساء الورد
مساء الخير

عليكم حبايبي



وحشتوووني واشتقت لسوالفكم الحلووووووووووووووة

والله يفرحكم كلكم يا رب وتشوفون عيالكم وعيال عيالكم يا رب

 

[bnt_kwt]

قوه يا بنياااااااات
اشلونكم وشخباركم شالدنيا فيكم انشالله بخير واحسن حال البنوته وذكرياااااااااات لالالالا مو هذا اللي ابيه منكم انبي النفسيه حدها مرتاحه

ذكريات حبيبتي انتي نفسيتج تعبانه لانها قاعده تتغير هرموناتج تغييرات الحمل بس هم نبي نفسيتج زينه علشان البيبي مافي شي يسوا الزعل والضيقه وخاصه وانه انتي الحمدلله الله رزقج وكلها اشهر وتشوفيني نور عينج بحضنج عسالله يتمم عليج

البنووووته حياتي لالالا اهم شي النفسيه بالموضوع كله
ارقي نفسج واقري جووود تهدا اعصاااااااابج وما عليج الا العافيه انشالله وياربي ما يخلص شهر ارمضان الا واسمع خبر حملج قولي امين

فلانه حبيبتي شخبارج طيبه انشالله ؟

الزيتونه حبيبتي شالدنيا فيج اشلونج انشالله بخير

جااااااااارونه قلبي اشلووووونج وشخبارج طمنيني عنج وعن احوالج

انا تمام الحمدلله بخير دام ني اشوفكم بخير ومتفائله برحمه الله واااااايد ويا بنات مافي شي بعيد على رب العالمين ممكن كل شي يصير بيوم وليله وربي على كل شي قااااادر

 

[bnt_kwt]

النويره وينها جنه مالها حس ولا خبر

ومورجان بعد ما يندرى اشلونها مع الحماااال

 

[-Bello-]

هلا فيج زيتونه .. تو مانور المكان ...عكري بنت الكويت انشاءالله الله يرزقج بالذريه ويهنيج ويريح بالج ويرزقنا وياج

 

[LaSt WoMeN]

السلااااااااااااام عليكم و رحمة الله و بركاته


ترى انا اتعمد اقول السلام كامل
لأنه يشمل رحمة الله و بركاته و أتمنى انهم ينزلون علينا كلنا ..

البنوتة و ذكريات .. اتمنى يكون المود تعدل الحين

ليش ما تغيرون روتينكم كسروا الملل ..
شربوا لمونااده تروء المزاج ..
و الا ترسي البانيو مااي و تنقعي فيه لين تطخين ..
انا اذا ضاق خلقي سويت جذي ..

و تذكري " ألا بذكر الله تطمئن القلوب "


جارونة :

بعد عمري .. مشكورة من ذوقج :eh_s(22):


بنت الكويت :

هلا عمري .. والله بخير الحمدلله ..
انتي شلونج ؟ بشري
اليوم قرقيعان كلهم متيمعين و انا ما رحت ..
احس اني محتاجة هدوء و راحة و استجمام



الله يرزقكم يا رب و يفرج همومكم و يجازي صبركم خير
و يغدق عليك من واسع كرمه .. آمين يا رب ..

 

[¤§ زيتونة §¤]

صباح الخير بالليل يا حلوين ولا حلوات اللي تبونه عادي كيفكم ههههههههههههههههه



شخباركم

ذكريات شخبار حمالج ديري بالج على روحج وطرشيلي جهاز الرياضة اللي عندج خو انتي ما تبينه جم شهر هههههههههههههههههههه



بنت الكويت يقلبي انتي
انا اخباري تمام والف الحمدلله
وودي اوزع عليكم قرقيعان بنتي والله



الله يفرحكم يا رب وتشوفون عيالكم يدامكم

 

[¤§ زيتونة §¤]

صباح الخير بالليل يا حلوين ولا حلوات اللي تبونه عادي كيفكم ههههههههههههههههه



شخباركم

ذكريات شخبار حمالج ديري بالج على روحج وطرشيلي جهاز الرياضة اللي عندج خو انتي ما تبينه جم شهر هههههههههههههههههههه



بنت الكويت يقلبي انتي
انا اخباري تمام والف الحمدلله
وودي اوزع عليكم قرقيعان بنتي والله



الله يفرحكم يا رب وتشوفون عيالكم يدامكم

 

[bnt_kwt]

حبيبتي زيتونه ما قصرتي يا عمري خيرج سابج

فلانه وعليكم السلام ورحمه الله وبركاته
وما قصرتي يا حياتي على كل الي تسوينه معانا
والله يعطيج الف عافيه ويوفقج دنيا واخره امين يارب


البنوته حبيبتي ما تستاهلين الا كل خير طيبه وحبيبه وربي بعطيج على قد نيتج

والله يرزقنا كلنا انشالله

 

[-Bello-]

انشاءالله بنت الكويت الله يريح بالج... زيتونه بعد عمري انتي .. انا ما اقوووول لأ لووووول يله وين قرقيعاني ... لا اتغشمر مشكوووره واصله بدوووون شي ياحبي اتفاءل لما اشوووفج كاتبه عندنا بالتجمع

 

[¤§ زيتونة §¤]

صباح الورد يا احلى بنات





شلونكم عساكم بالف خير يا رب





بنتي تسلم عليكم وذبحتني قاعدة عندي تطقطق عالماوس تبي تاخذها فديتها تبي تسلم عليكم الظاهر وتقول لكم ترى انا ييت حق امي بعد انتظار طويل ويمكن اكثر منكم




والله تجمعكم احلى قسم عندي وودي ارابط فيه وانصب خيمتي لكن يكفي قلبي يدعي لكم ووياكم



يا رب يرزق كل المحرومين ويبرد على قلوبهم

 

[جارة القمر]

bnt_kwt

هلا حبيبتي


أنا بخير يا قلبي

انتي شخبارج

وباقي البنات الحلويييييييييين

شخباركم


زيتونه الله يخليه لج يارب

 

[ذكريات]

زيتونة منو قالج انه عندي جهاز رياضة اي فتان :eh_s(13):

انا بعطيج اياه بس تعالي اخذيه

و الله مسويته علاقة معلقة عليه شيلاتي هههههههههههه

 

[bnt_kwt]

يا بنات قولوا لي شسوي بعمري
الدوره متأخره علي اكثر من اسبوع
وما ابي احلل لانه الشهر اللي طاف بعد تأخرت نفس الشي وااااايد وما انزلت الا لما اخذت حبوب بروفيرا
ياربي من ضعفت النتظمت معاي الدوره بس صارلها شهرين تتأخر
انا مستانسه انها متأخره علشان اصوم ارمضان كامل حتى لو مو حامل ماني ماخذه شي ينزلها الا لما يخلص ارمضان

وما ابي احلل والله تعقدت من التحليل والتدقر وبصراحه مو حاسه باي اعراض يعني ما عندي احساس الحمل كلش كلش وانا واثقه اني مو حامل لانه مافي اي اعراض غريبه علي شوروا علي يا بنات شسوي بهالدوره
ترا والله لاعت جبدي منها