تجمع الامل

[Q8tya_GirL]

مشكوره حبيبتي فلانه وماقصرتي

 

[Q8tya_GirL]

البنووته حبيبتي انشالله خير يارب ويتمم عليج

 

[-Bello-]

[فلانه ونويره مشكووورين ياعمري ... وانشاءالله خير .. انا كلمت المره اللي عطتني الاعشاب وقتلها انها تاخرت علي وانه لما حللت طلن نيجاتيف جان تقولي انتي متعوده انها تصير جذي قتلها لا اول مره هالكثر تتاخر علي جان اتقولي سمعي كلام العياييز يحليلها تقولي ماعليه انشاءالله بشارة خير وانه اهي راح تنزل بروحها قالتلي خليها انسيها راح تنزل بروحها والله كريم انا قلت بعد عاشر يووم من الدوره برووح احلل .. بس بيني وبينكم ما اتوقع انه في شي لانه ماكو اي احساس ولا تغير علي مادري الله كريم انشاءالله ويرزقنا ويرزق الكل اانشاءالله [/COLOR][/COLOR]
- بناااااااااااااااااااات محد يدري شي عن زيتونه من زمان ماشفنها فقدناها الله يذكرها بالخير ويرزقها من حيث لاتحتسب ..دايما تقطر علينه ابدعواتها .. الله يخليلها بنيتها

 

[LaSt WoMeN]

الله كريم

 

[جارة القمر]

السلام عليكم


شخباركم

شمسوين

ما في أخبار حلوه اليوم

صح حتي أنا فاقده زيتونه

 

[-Bello-]

بنااااات تكفوووووون بسالكم سؤال ... بذمتككم ماتنبط جبدكم من الي يتليقفووون بس انه يتطمشووون علينه وحتى هاي مايقولووون بس اللي عبالهم انه احنه فرجه والله مرات انقهر يصير بخاطري اتكلم بس انقهر لما اشوووف احد موجود بس قاعدين يقرووون شقاعدين نكتب واااااااااااااااااااي احس ودي افجر فيهم :eh_s(13): :eh_s(14): :eh_s(13):

 

[ذكريات]

هاي بنات

شلونكم ؟؟

انا الحمدلله رجعت الكويت

انتوا شلونكم مع الدوامات ؟؟

 

[جارة القمر]

ذكريات

هلا حبيبتي

والحمد الله علي السلامة

وارتاحي حبيبتي

ودربالج علي نفسج

وطمنينا عليج

ولا تنسين مراجعات الطبيب


====================

البنوته


بعد عمري

ما يخالف

طولي بالج

 

[أم الطيب]

شلونكم بنات شخباركم عساكم بخير

حبيت اقولكم ان الدورة لأول مره من 7 سنوات تتأخر علي 4 ايام وكنت ما أنام الليل من الوناسة وما بي اروح احلل علشان لا انصدم بس امس قعدت على العوار وشفتها مشرفة
والله ماتصدقون شلون كانت نفسيتي تعبانة ، ويمكن ملاحظين اني ما قمت ادش المنتدى من كثر مو انا مكتئبة
الحمدلله على كل حال والله يرزقنا عاجل غير اجل وان شاء ما يخلص رمضان الا واحنا كلنا حوامل ، قولو امين
وادعولي الله يفرجها علي ويصبرني

 

[-Bello-]

حيووووته ذكريات الف الحمدالله على السلامه ياعمري..
جارووونه ياعمري بعد هم ارد واقووول انشاءالله راح اطول بالي:eh_s(6):
ام الطيب ..انتي انسيها وعيشي حياتج طبيعيه ولا كانج ناطرتها وانشاءالله الله يرزقج ويرزقنا ويارب الله يصبرج لانه تستاهلين كل الطيب ..والله كريم انشاءالله

 

[LaSt WoMeN]

ذكريات الحمدلله على السلامة

البنوتة .. لا تضيقين خلقج ما تدرين يمكن بينهم و بين نفسهم يدعون لكم ..
و يمكن اهم نفس وضعكم بس ما يبون يتحجون ..
المهم .. لا يضيق خلقج

أم الطيب يقولون لما تتأخر تبي حمال .. الله كريم ان شاء الله ..
و لا تضيقين خلقج مو زين تتعبين نفسيتج ... كل تأخيرة فيها خيرة ..
دشي سوالف و فرفشة و استانسي ..
و لا تحرمينا منج صج من زمان ما شفناج !

 

[-Bello-]

ليلحين الدوره مايتني واليوم تاسع يوم متأخره علي وسويت تحليل تكرمون (بول) وهم نيجاتيف شسوي ويهي قام يطلع فيه حبوب وما احب حرب الاعصاااب هاذي يله ياتيي يا لا اتيي :eh_s(13): :eh_s(14): يله الله كريم

 

[جارة القمر]

أم الطيب

هلا حبيبتي

أنا بخير

أنتي شخبارج

حبيبتي ما يخالف يمكن صج تأخير الدوره تبي حمال


يارب الله يعطيج علي قد نيتج ونفرح فيج بأقرب وقت بالخبر الحلو أنتي وباقي البنات

الله كريم

ومبارك عليج الشهر



البنوته


أخاف النفسيه مو شي

علشان جذيه الدوه متأخره

بس صبري جم يوم وأن شاء الله تحللين وتطلعين حامل

وتبشرينا

 

[-Bello-]

جاروووووووووونه .. الحمدالله هالشهر حدي كوووول والنفسيه وايد حلوه مستحيل تكوووون من النفسيه .. والله كريم ... ومبااارك عليكم الشهر:eh_s(9):

 

[LaSt WoMeN]

علينا و عليج البنوتة

و عسى الله ما يخيب رجاج يا رب

 

[-Bello-]

مشكوره فلانه :eh_s(7):

 

[LaSt WoMeN]

أذن الظهر و تذكرتكم .. صار في علاقة بين أذان الظهر و بين هالموضوع و البنات الحلوين

امهات المستقبل ان شاء الله

و هاكم مني هدية .. قريته بالمنتدى الاسلامي اذا ما خانتني ذاكرتي​

دعاء قضاء الحوائج

بسم الله الرحمن الرحيم اللهم اني اسالك يا من أقر له بالعبودية كل معبود ,يا من يحمده كل محمود , يا من يفزع اليه كل مجهود , يا من يطلب منه كل مقصود , يا من سائله من فضله غير مردود , يا من بابه لسؤاله غير مسدود , يا من هو غير محصور ولا محدود , يا من عطاؤه غير ممنون ولا منكود , يا من هو لمن دعاه دائما مقصود , يا من رجاء عباده بحبله مشدود , يا من ليس له شبيه ولا مثيل موجود , يا من ليس له والد وليس بمولود , يا من ليس يوصف بقيام ولا بقعود ولا حركة ولا جمود , يا الله يا رحمن يا رحيم يا ودود , يا راحم الشيخ الكبير يعقوب , يا غافر ذنب داود , يا كاشف ضر ايوب , يا منجي ابراهيم من نار النمرود , يا من ليس له شريك ولا معه احد مقصود , يا من لا يخلف الوعد ويعفو عن الموعود , يا من بره ورزقه للعاصين ممدود , يا من هو بر حليم ونعم المقصود , يا من هو ملجأ كل ملهوف ومطرود , يا من أذعن له جميع خلقه بالسجود , يا من ليس ن باب وجوده احد مطرود , يا من ليس عن باب كرمه سائل مفقود , يا من لا يحيف في حكمه ويحلم على الظالم المقصود , ارحم عبدا ظالما مخطئا لم يوف بالعهود انك فعال لما تريد و أنت المقصود , يا الله ( ثلاثا ) يا رب ( ثلاثا ) يا رحمن ( ثلاثا ) يا رحيم ( ثلاثا ) يا ودود ارحمني برحمتك يا ارحم الراحمين يا رب يا معبود .​

اللهم اني اسألك بحرمة هذا الدعاء وعظمته عندك أن تصلي وتسلم على سيدنا محمد وعلى ال سيدنا محمد وأن تغفر لي ولوالدي وللمسلمين أجمعين .​

ثم تسألين الله حاجتك فتقضى باذن الله .


البنوتة .. ولووو ​

​

​

 

[nono78]

البنوته

ان شاء الله حامل يارب

 

[@ دهن العود @]

اللهم انك انت الوهاب الرزاق الكريم الرحمن الرحيم مالك الملك اذا اردت شيئا فإنما تقول كن فيكون ..سبحانك
ربي لا تذرني فردا وأنت خير الوارثين

 

[ألطاف]

مبارك عليكم الشهر

يااارب بلغنا شهرك الكريم ونحن حوامل ياارب يارب نسألك يارحمن يا رحيم

يا معطي يارزاق ياوهاب ان تمن عليي بالحمل الطيب انا واخواتي في الله

وكل محرومة من امة الاسلام الله اني اسالك بما سالك به عبدك زكريا فاعطيته


رب لا تذرني فردا وانت خير الوارثين رب هب لي من الصالحين رب هب لي من لدنك ذرية طيبه صالحه انك سميع الدعاء امين يارب العالمين

بنات خل نجتهد كثر ما نقدر هالشهر بالدعاء والاستغفار وقراءة القران وخصوصا سورة البقره