تجمع أولياء أمور مدرسة التكامل(صباح السالم)للعام الدراسي2009-2010

[نواره الحلوة]

كاكاو مارس
حياج الله معانا
والله الكل يمدح مس فرح حق كي جي 2 لأنها هادية بس آنا ولدي حيل خجول وهادي يعني ما عنده حركة زايدة وشطانة فودي بمس اشوي اتلحلحه اشوي واتشجعه وسمعت عن مس كاثي انها خوش وحده

 

[Miss_Tiger79]

كاكاو مارس
هلا فيج
يعني تنصحين بمس جيتا ؟؟؟ انزين شلون تعاملها يعني شديده والا حليوه بس مو شاده بالدراسه؟؟؟
والله حق قريد1 مس نفيدا زينه بس ما اقدر احكم على الباجي لاني ما جربت الا اهيه
وقريد3 في وحده قالتلي عن مس ما ادري شنو اسمها بس اهيه عيوووووز بس واااايد زينه حتى قالتلي بنتها قامت تدرس بروحها من المس لانها علمتهم هالشي

مناره
مس فاطمه اهيه الي كانت السنة الي طافت بقريد1 ؟؟؟؟؟
انا اخترت من الادارة لان لما اسجل اكلم الادارة مره وحده وبعدين ااكد عن مس ساره والحين حق بنتي كلمت بس الادارة ليلحين ما كلمت مس ساره
حطيتها عند مس جاكي لان لورين بتطلع السنه اليايه ... وانا واايد ارتحت معاها


نوارة الحلوه
شوفي مس كارين
انا ولدي بعد شوي هادي والحين واايد مستانس منها الحمدلله

 

[manarah]

والله مس تايقر ماعرفها مس فاطمه بس انا سألت رفيجتي عن قريد 3 وقالتلي عنها .

 

[ام كوكه]

الســـلام علكيم حبيت اسئل المرسه التكامل نظام امريكي ولا بريطاني

 

[كويتيه ذربه]

هلااااااااااااااااااا والله بأمهات التكامل
ابي انضم حق تجمعكم
وعلى طول بدش معاكم بالموضوع :ggdw:
احسن مس حق قريد 2 مس جيتا مثل ما قالو البنات وهي اصلا (coordinator ) مشرفه قريد 2 على كل المسات
وكي جي 2 مس فرح زينة وهادية ما تعصب على الياهال
وعفية بنات ابيكم تساعدوني ابى احسن مس حق قريد 3 وقريد 1

هلا كاكاو انتي منو عندج الحين بقريد تو؟؟؟
انا مفكره اخلي بنتي حق قريد 3 عند مس فاطمه بس للحين ماشفتها

 

[كويتيه ذربه]

مس تايقر ومنارة

انا مرتاحه من مس جيتا بنتي تحبها وايد هيا حنونه ولا مره شفتها تعصب
وبالواجبات دقيقه اشوف بنتي لمن تيي تشوف الهورم ورك تعرف شنو المطلوب منها وانا بس اجيك عليها
وامتحاناتها بيومها
انتوا مروا الصف وشوفوا مس جيتا هيا قريد 2 c
بس المس المساعده مس سلوى عمري ماشفتها تتكلم ولا تحرك نفسها بس بنتي تقول نحبها مايندرى عاد
بس بشكل عام مس جيتا وايد زينه

 

[كاكاو مارس]

منارا
الله يحييج مشكورة ما قصرتي

نوارة الحلوة
الله يحييج مشكورة
حق الكي جي 2 مس فرح وايد زينة وعدل كلامج حتى مس كاثي زينة ومس كارين بعد ومس غادة جربتها لما كانت ادرس كي جي 1 زينة بس هي الحين ادرس كي جي 2 ما ادري شلونها معاهم

مس تايقر - 79
مشكورة على الترحيب ، مس جيتا زينة وهي شديدة مع الشياطين وعندها طولة بال تشرح عدل والحمدالله انا مرتاحه معاها

كويتية ذربة
هلا فيج حبيبتي
انا بنتي عند مس جيتا والحين محتارة ما ادري عند اي مس اخليها في قريد 3
انتي منو عندج عند مس جيتا ؟

ومشكورين على الترحيب الحلو يا امهات التكامل :eh_s(17):

 

[um 3li]

السلام بنات شخباركم

من زمان ما دشيت المنتدى كان عندي دورة

بنات من جربت ال summer course بالتكامل ؟؟؟ شلون صاير وشنو نظامهم ؟؟؟

وحق كي جي 2 اي ابله تنصحوني فيها ؟؟؟ مس كاثي ولا مس كارين ؟؟؟؟

 

[كويتيه ذربه]

منارا
الله يحييج مشكورة ما قصرتي

نوارة الحلوة
الله يحييج مشكورة
حق الكي جي 2 مس فرح وايد زينة وعدل كلامج حتى مس كاثي زينة ومس كارين بعد ومس غادة جربتها لما كانت ادرس كي جي 1 زينة بس هي الحين ادرس كي جي 2 ما ادري شلونها معاهم

مس تايقر - 79
مشكورة على الترحيب ، مس جيتا زينة وهي شديدة مع الشياطين وعندها طولة بال تشرح عدل والحمدالله انا مرتاحه معاها

كويتية ذربة
هلا فيج حبيبتي
انا بنتي عند مس جيتا والحين محتارة ما ادري عند اي مس اخليها في قريد 3
انتي منو عندج عند مس جيتا ؟

ومشكورين على الترحيب الحلو يا امهات التكامل :eh_s(17):

هلا والله اخيراااااا لقيت وحده بنتها مع بنتي
بنتي عند مس جيتا

 

[Miss_Tiger79]

كاكاو مارس
مشكورة حبيبتي
وشكلي بخلي ولدي عندها .... شنو جنسيتها ماتدرين ؟؟؟


ام علي
السمر كورس
يدرسون اليهال على المرحله الي بيروحونها مثل يهيئونه حق هالمرحله بس بشكل fun اكثر

وحق كي جي2 اثنينهم واايد زينين
ولدي الحين عند مس كارين انا اشوفها زينه

 

[ريومه المزيونه]

السلام عليكم

اذا بغيت اسجل ولدي حق اولى ابتدائي يقبلونه على طول وا? فيه مقابله ؟

وابي رقمهم ماعليكم امر رقم التسجيل


وعندي سؤال مهم اهي مدرسة اسلاميه نفس الرساله والرؤيه وا? عاديي

 

[ريومه المزيونه]

شدعوه بنات و? وحده ردت

اي رقمهم بس

 

[manarah]

شدعوه بنات و? وحده ردت

اي رقمهم بس

رقمهم 25522204
ما تعتبر مدرسه اسلاميه الرؤيه اكثر منها بس يعطون ماده التربيه الاسلاميه منهج الحكومه .

 

[كاكاو مارس]

كاكاو مارس
مشكورة حبيبتي
وشكلي بخلي ولدي عندها .... شنو جنسيتها ماتدرين ؟؟؟


هلا والله مس تايقر
جنسيتها بريطانية اسمها مس فرح يوسف و هي بنت فوزية دريع على قولتهم دكتور فوز وياحليلها نفس امها وعلى طول مبتسمة وتضحك ماخذة طبع امها
وسألي عن باجي المدرسات بس من ناحيتي انا اشوفها زينة و وايد تهتم بنفسية الياهال

 

[Miss_Tiger79]

كاكاو مارس
لا قصدي مس جيتا

 

[كاكاو مارس]

كاكاو مارس
لا قصدي مس جيتا

مس جيتا هندية ووايد ممتازة

 

[um 3li]

كاكاو مارس
مشكورة حبيبتي
وشكلي بخلي ولدي عندها .... شنو جنسيتها ماتدرين ؟؟؟


ام علي
السمر كورس
يدرسون اليهال على المرحله الي بيروحونها مثل يهيئونه حق هالمرحله بس بشكل fun اكثر

وحق كي جي2 اثنينهم واايد زينين
ولدي الحين عند مس كارين انا اشوفها زينه

تسلمين حبيبتي Miss_Tiger79

 

[كويتيه ذربه]

اشلووووونكم امهات
باجر الاملاء الله يعيينا

 

[manarah]

كويتيه باجر الاملاء وباجر الماث وباجر الريدنغ تيست .. وااااي والله كرهت يوم الخميس

اقول رفرف ومس تايقر شخباركم مع القصه انا ولدي صارت فيه حاله نفسيه من القصص من تفتحين القصه راسه يعوره ويدوخ ومايقدر يقرى وبالغصب نخلص صفحتين ثلاث وناخذ بريك ونرجع مره ثانيه ... لاااا على ما اخلص القصه والله قلبي امخلص والاحلى انهم يكتبولنا اقروها مرتين .. بالله منين وقت ؟!!
امهات الابتدائي وصلتكم الورقه اللي فيها انهم راح يسوون اختبارت فاينل ... بالله قريد 1 وينهم وين فاينل ؟!!! احد سأل بالموضوع ؟؟

 

[لولوة الدلوعة]

هذا رقم خووش مدرس عربي ثقه وكتير وايد شاطر وطريقته عجيبه وايد يفهم مجربته وهذي رقمه
واسمه أبو محمد
94475443