تجمع أولياء أمور مدرسة التكامل(صباح السالم)للعام الدراسي2009-2010

[رفرف]

شلونكم امهات ؟؟؟

مناره
انا رفعت ايدي عن القصة .. تقراها مرة حق ابوها ومرة بالسيارة واحنا رايحين المدرسة ..
بس هالاسبوع كثر ما حاشني انهيار عصبي كتبت رسالتين وحدة حق المس ووحدة حق ابلة العربي ..
المس لأن في درس بالماث مو فاهمته وانشلع قلبي وانا افهمها ..
والعربي لأنها سبب الانهيار العصبي رسالتها اطول ..
بنتي كانت غايبة الاحد من الاسبوع اللي طاف .. وطول الاسبوع محد فكر يعطيها ورقة واجب العربي .. ولا كتبت شي بالدفتر وانا علبو مراجعة يمكن ما سألت ..
انصدم انها ماخذة الدرس وماخذة املاء !! وهالاسبوع الابلة مجفسة صفحات الدرس كله ويالله حليهم .. فوق الواجبات نحل 3-4 صفحات عربي زيادة باليوم والله والله من ندش البيت لين تنام وهي تحل شيلي منهم وقت الغدا بس !!!!
طرشت لها رسالة قلت لها تكفين يعني ترى مو غلطتنا !! والواجب المتراكم نحله على راحتنا بالويكيند مو كل يوم تقولين حق البنية تحله بليز !! انا بفهم ليش ما يحلون بالحصة مادري !!!!!

 

[manarah]

رفرف العربي ما يمديهم بالحصه لان المعلمه لازم تخلص درسها وانا اعترضت عالعربي من اول السنه عند الابله وقلتلها ان العربي ماخذ وقت وجهد من اليهال يعني واجب الانجليزي نخلصه بسرعه (ايام القصص القصيره ) بس العربي اهو اللي نطول فيه فجوابها كان ان عندهم وايد كتب ولازم يخلصونها ومضطره تسوي جذي .. ومشكله الي صارلكم الاسبوع اللي طاف يعني البنيه اتملت واهي مو دارسه .. طلبي منها تعيدلها الاملاء .. واخذيها نصيحه مني لما تغيب بنتج لازم انتي اللي تراكضين ورا اوراقها والا محد بيسأل عنها ... المدرسات ما يثبتون من الغايب ومنو الحاضر من كثره الطلبه بالصف .

 

[نواره الحلوة]

أمهات قريد 2
بسألكم هالاسبوع اعيالكم خذوا سورة الليل الجزء الثاني صح لأن ولدي يقول ان أبلته سمعتله الجزء الأول والثاني وهم هالاسبوع خذوا الثاني يعني لازم اتسمع له الاسبوع الياي صح !!!! واللي حرني أهو حافظها بس قالها مو حافظ لأن يقول انتي ماراجعتيلي بالبيت !!!! ياسلام عليك

 

[كويتيه ذربه]

نوارة نفس المشكله
امس الابله كاتبتلها لم تحفظ لاتسمعين صراخي
لان ورقه الاسلاميه ماادري وينها يا انا ضيعتها يا هيا ماشفتها كلش
والاخت حافظتها بس تقول انتي ماراجعتيلي قلت لها انا مو حافظه قالتلها خلاص اليوم بتسمعها

 

[Miss_Tiger79]

امهات قريد 2

كل ما اشوف سوالفكم اقول الله يعيني ويعطيني الصبر على التدريس

رفرف
مناره
القصه نخليها اخر شي لما نفضى
ورفرف ترى ورقة العربي الاسبوع الي طاف حتى ولدي ما عطوه بس تعييزت اطلبها وسوينا الواجبات على حسب نظامهم يعني كل يوم ياخذون سطر والاربعا يكتب الدرس كامل والكتاب قسمت الصفحات وحليناهم

 

[كويتيه ذربه]

مس تايجر
لا تحاتسن قريد 2 نفس قريد ون بس العربي كل يوم فقره مو سطر
بس اللي انا خايفه منه يقولون قريد 1 و2 ولا شي عند قريد 3 الله يعيينا ويعطينا الصبر

 

[ipink]

جم اسعارهم ومن اي صف ياخذون؟؟

 

[ipink]

شنو دراستهم عربي ولا انجليزي شنو مناهجحم؟

 

[كاكاو مارس]

شنو دراستهم عربي ولا انجليزي شنو مناهجحم؟

العربي والتربية الاسلامية بالعربي منهج الحكومة وباجي المواد بالانجليزي

 

[نواره الحلوة]

مس تايجر
لا تحاتسن قريد 2 نفس قريد ون بس العربي كل يوم فقره مو سطر
بس اللي انا خايفه منه يقولون قريد 1 و2 ولا شي عند قريد 3 الله يعيينا ويعطينا الصبر

صاجه كويتية حتى مس آن كانت اتقول قريد 3 big jump الله يعينا آنا من ألحين أحاتي اشلون أعلمه جدول الضرب ياوييييييييييلي :23_asmilies-com:

 

[Miss_Tiger79]

نواره
عفيه حبيبتي انتي ولدج عند مس آن
صج مثل ما قالولي واااايد شديده ومافي عندها لعب وغشمره مع اليهال

ودي فيها بس خايفه من شدتها

 

[manarah]

صباح الخير ..

يا جماعة الخير سألتكم عن الفاينل ومحد جاوبني .. وصلتكم الورقه اللي فيها انه الابتدائي كلهم عندهم فاينل ؟ احد سال بالموضوع ؟ والفاينل بشنو ؟ يعني قريد 1 وفاينل هذي يديده !
وايه والله نواره فيدينا واللي يعافيج عن مس ان واشلون شديده ؟؟

 

[رفرف]

مناره
اتوقع نفس التيستس اللي قبل ماكو شي يديد .. بس قريد 4 و 5 اهمه اللي بلجنه ومادري شنو ..
حتى بكيجي كانو ياخذون فاينل تيست لا تخترعين وايد نفس الشي ..

 

[Miss_Tiger79]

مناره
والله مادري

كويتيه ذربه .... نواره

ابي تقولولي عن مس جيتا ومن آن ضروووووري والي يعافيكم
ابي اعرف عنها بشديتها وترتيبها وتعاونها مع اوليلء الامور وجذي
لو سمحتو
لان بحطه عند وحده منهم ان شاءالله ...

 

[um 3li]

صباح الخير

اليوم دقوا علي مدرسة التكامل قالولي ان امتحان كي جي 1 عقب حفلتهم الي ب 13/5

يعني لا تغيبون عيالكم عقب الحفلة

تم قبول النداء

 

[نواره الحلوة]

نواره
عفيه حبيبتي انتي ولدج عند مس آن
صج مثل ما قالولي واااايد شديده ومافي عندها لعب وغشمره مع اليهال

ودي فيها بس خايفه من شدتها

مس تايغر
انتي شنو المهم عندج اللعب والا الدراسة آنا عن نفسي انصح فيها 100 % يكفي ان الياهل يرجع البيت فاهم الدرس عدل ومن النوع اللي تعيد وتزيد بالمعلومة لين يفهمونها اليهال والاملاء يدوب أراجع على السريع لأن يرجع حافظ الكلمات وخصوصاً الماث وايد تركز عليه .... نصيحة اخت مس آن وايد زينة وما أقول شديدة يعني تصرخ وتعاقب واتكفخ لأ اهي شديدة لأنها تحب الصف كله منتبه معاها ما تبي سوالف وضحك وشطانة هاليهالو وصدقيني اهي قادرة اتسيطر على اليهال أكثر من مدرس العربي وهو ريال والمفروض يخافون منه

 

[manarah]

صباح الخير

اليوم دقوا علي مدرسة التكامل قالولي ان امتحان كي جي 1 عقب حفلتهم الي ب 13/5

يعني لا تغيبون عيالكم عقب الحفلة

تم قبول النداء

يزاج الله خير .. وتم القبول

 

[manarah]

نواره مشكوره عالافاده .. واشلون تعاملها وياكم يعني حليوه واهي مدرسه قديمه بالمدرسه ؟ ؟ وتعطي كل ياهل حقه يعني تبلغج باي نقص عنده على طول ؟ نشفنا ريجج بس ميخالف تحملينا .

 

[Miss_Tiger79]

نواره
حبيبتي
والله تسلمين
انا تشجعت احط ولدي عندها
تدرين ليش بعد ابلته قالتلي ان آن وجيتا اوكي ولو ولدها بتحطه عند آن
عشان جذي رديت سألتج مره ثانيه
لان وحده من الامهات قالتلي من كثر ما اهيه شاده ولدها كره المدرسه ...

 

[نواره الحلوة]

نواره مشكوره عالافاده .. واشلون تعاملها وياكم يعني حليوه واهي مدرسه قديمه بالمدرسه ؟ ؟ وتعطي كل ياهل حقه يعني تبلغج باي نقص عنده على طول ؟ نشفنا ريجج بس ميخالف تحملينا .

مناره
والله تآمرون أمر وصراحة الموضوع أحلى ما فيه إن قاعدين نستفيد من بعض وبالنسبة لمتابعة مس آن الصراحة تكتب كل شي بالديلي ديري daily dairy بس مو من النوع اللي اذا شافتج اتقولج شنو مستوى الولد كل يوم بس طريقة تدريسها اتحسين انها خبرة يعني بدرس إعادة التسمية لما توهقت اشلون اشرح حق ولدي سألتها والا مسوية مسألة الماث مثل القصة وسهل على اليهال يفهمونها وعندها طرق تشجيع بعد وايد مفيدة