تجمع أولياء أمور مدرسة التكامل(صباح السالم)للعام الدراسي2009-2010

[manarah]

كوكو لاتي

مايشووف شر ان شاء الله هذا العدوه منتشره بالمدرسه

انا بنتى حاشها ونقلت العدوه لاخووها حبيبي راح اختبار القبول

واهو معنقز يكسر الخاطر وانختمت سالفه العقنقز بولدى الصغير كثر ماكنت

حريصه وعزلت اخوانه عنه هم ماكو فايده حاشه حبيبي عمره 45 يوم


مناره

الكى جى عندهم سباحه ؟؟

لا ما عندهم

 

[um 3li]

Welcome Back

ها بنات شلون عيالكم اليوم الصبح من بعد العطلة ؟؟؟؟

ولدي الحمدلله الحمدلله قام بسرعه ولهان على ربعه مع انه نام متأخر

 

[نواره الحلوة]

السلام عليكم وصبحكم الله بالخير
بنات ولهت عليكم وايد غطيت الاسبوعين اللي طافوا عنكم كان عندي كورس خارجي وخذيت اعيالي معاي ودي أعرف شالأخبار واشلون المدرسة واعيالكم واشسالفة الريبورتات متى عطوهم تكفون وافوني بالأخبار كلها ؟؟؟؟

 

[نواره الحلوة]

كويتية ذربة
شخبار البنوته بغيت اسألج شنو الآية اللي عطوهم بعد سورة الليل ؟؟؟؟

 

[manarah]

نواره شخبارج وحمدالله على السلامه .. الريبورتات عطوهم اخر يوم قبل العطله يوم الخميس .. والكوارتر هذا راح يبدون السباحه بحصه البي إيه .. وبما ان ولدج بقريد 2 بقيت اسالج شنو كنتوا تلبسون حق السباحه : شورت السباحه بس والا طقم كامل شورت وبلوزه ؟

 

[نواره الحلوة]

هلا والله مناره
كانوا الصبيان يلبسون شورت السباحة بس من غير بلوزة وكنت أحرص عليه وأحطله بالجنطة فوطة وجيس نايلون وسليبر سباحة وملابس داخليه لأني ما أرضى يفصخ اللي عليه يلبس فوقهم مايوه السباحة ولي خلص يفصخهم كلهم ويحطهم بالجيس النايلون
بس والله مبجر على السباحة بعد تو الناس عليهم

 

[نواره الحلوة]

مناره
بعرف خذوا قياسات بنتج حق الكستم مال كي جي 1 ولدي كان معاي بالسفر وماخذوا القياسات بس عطيتهم الفلوس

 

[manarah]

مناره
بعرف خذوا قياسات بنتج حق الكستم مال كي جي 1 ولدي كان معاي بالسفر وماخذوا القياسات بس عطيتهم الفلوس

مادري والله نواره ماسألتها .. اسألها واعطيج خبر انشالله .
بالنسبه للسباحه انا ناويه البسه شورت السباحه تحت هدوم البي إيه اهم اصلا كاتبين جذي بالورقه وبحطله الفوطه والهدوم وانشالله ما تصير حوسه

 

[Miss_Tiger79]

هلا بنات

ولكم باك

شخباركم انشالله استانستو
انا الحمدلله استانست بالعطله وريحت شويه

 

[كويتيه ذربه]

كويتية ذربة
شخبار البنوته بغيت اسألج شنو الآية اللي عطوهم بعد سورة الليل ؟؟؟؟

بخير الحمدلله
للحين سوره الليل

 

[كويتيه ذربه]

هلا والله مناره
كانوا الصبيان يلبسون شورت السباحة بس من غير بلوزة وكنت أحرص عليه وأحطله بالجنطة فوطة وجيس نايلون وسليبر سباحة وملابس داخليه لأني ما أرضى يفصخ اللي عليه يلبس فوقهم مايوه السباحة ولي خلص يفصخهم كلهم ويحطهم بالجيس النايلون
بس والله مبجر على السباحة بعد تو الناس عليهم

نواره هالاسبوع بدوا السباحه وعطوهم الجدول قبل الاجازه

 

[كويتيه ذربه]

حمدلله على السلامه نواره

 

[رفرف]

شلونكم امهات ؟؟
الحمدلله على السلامة نوارة ..

انا بنتي اليوم غايبة مريضة انشالله باجر تداوم ..
وانتو ماشالله صبيان سهالة .. انا اللي السباحة هم على قلبي ..
اول شي خلصنا من المايوه شلون بتلبسه ؟؟ قطعة وحدة ان لبسته تحت هدوم البي اي شلون تروح تكرمون الحمام ؟؟
ذربة انقذيني انتي اللي عندج بنية

تايقر اليوم بغيت ادق اسألج عن الهوموورك بس قلت دام بنتي مريضة خلها مريحة اليوم وباجر بنكرفها تحل هومورك اليومين

 

[رفرف]

ام خلودي ...

توني انتبه .. ما تشوفوون شر ..
الصغير شلونه عسى ما حاشه جايد ؟

 

[كويتيه ذربه]

هلا والله رفرف
رفرف انا العام كنت البسها مايوه كامل (قطعه وحده ) تحت ملابس البي اي واحط لها جنطه فيها ملابس داخليه وفوطه ومشط وعطر وحط لها باند او كاب تلبسه بعدين لان اذا طلعت بتروح الصف يكون شعرها مبلل
مع انها تلبس كبوس السباحه
اليوم رحت مذركير دورت مايوه مابي حفر
اخر شي رحت النصر الرياضي
منزلين مايوهات قطعتين حق البنات في حق الصبيان
حق البنات مثل البدي حفر وشورت حلو يغطي جسمها كله اريح وبعدين لو تكرمين بتروح الحمام وقت الدوام ماراح تتاذى
وخذيت لها نظاره كامله على لولو كاتي معاها سداده الخشم
وخذيت كبوس
بس انصجج بالفكره هذه لان انا بنتي العام السباحه قبل الحصه الاخيره طول اليوم كنت احاتيها اشلون بتبدل بس جذي حق تكرمين الحمام اريح وحتى اذا بتفصخه بعدين

 

[ام _خلودي]

صباح الخير

اليوم بنتى غصب اقعدت من النوم

رفرف
الشر ماياج والله حبيبي كان جايد عليه بس الحمدالله عد الموضوع على خير

بنات بغيت اعرف احسن مس لكى حى 1 والكى جى 2
علشان ا احط اعيالى عندهم

 

[manarah]

رفرف ماتشوف شر صبويه والهووم وورك سهاله انشالله اهم شي ان نفس القصه والا بعد شيقرينا قصه ثانيه وتحلطم من اول ويديد .

أم خلودي بنتي الحين عند مس جاكي واشوفها زينه وولدي كان عند مس نيللي وهم كانت حنونه وتهبل وهذا بالنسبه للكي جي 1 ... والكي جي 2 ولدي كان عند مس فرح دشتي واتينن ماشالله حنونه وتعامل حلو معاج ومع الياهل ووايد حليوه معاهم .

 

[رفرف]

ذربه ..
عاد انا توني رايحة النصر مالقيت قطعتين ..
خذيت قطعة وحدة حفر وشورت بس قطعة وحدة ..
قلت لها لي رحتي تكرمون الحمام فصخي تي شيرت البي اي وعباااله وردي لبسيه لي خلصتي ..
ويبيلها جنطة شكبرها على جذي لأن بحط لها روب احسن من الفوطة .. وباقي قش البنات وااااي ..

مناره ..
زين دام الواجب سهاله مسكينة ودها تروح السينما اليوم قلت لها ماظن اذا خلصتي مبجر نروح ..

 

[نواره الحلوة]

رفرف - مناره - كويتية
الله يسلمكم حبايبي
أمس انصدمت من الريبورت .......... وارتفع ضغطي موصج لاعب لعب ولدي

أم خلودي
ولدي بكي جي 1 عند مس بتريشيا اتيينن وايد حليوة واليهال يحبونها وبختار احطه عند مس فرح في كي جي 2

 

[نواره الحلوة]

بنات
نصيحة حرصوا على بناتك لما يلبسون المايووهات خلتكون مسترة لأن الصبيان قاعد يلاحظون كل شي واعيال اليوم امفتحين باللبن السنة اللي طافت ولدي كان يقولي يمه عندنا بنيه ما تستحي مطلعة كرشتها خخخخخ لأنها لابسه المايوه قطعتين