تجمع أولياء أمور مدرسة التكامل(صباح السالم)للعام الدراسي2009-2010

[manarah]

ذربة
اي كبوس الهمبرجر اينن كان وحتى اللي مسويه على حيوانات كان حلوووو قلت المرة الياية بنسوي هاند ميد انشالله جنه احلى


مناره
ااااااااااااه يالريبورت .. اهوه مو سيئ يعني نفس مستوى الريبورت اللي قبله يعتبر وايد زين الحمدلله .. بس الاشياء اللي شدينا حيلنا فيها تحسنت .. ما مداني افرح لأن الاشياء اللي كنا ممتازين فيها نزلت .. قلت اكيد مليون بالمية مخبصة بالتيستس .. بس ماني معورة قلبي اكثر اللي علينا سويناه ..

صاجه رفرف حتى انا والله قررت ما احرق عمري يعني واجبات ونحلها ونقعد اقل شي ساعتين يوميا فاحنا تعبنا وهم اليهال اتعبوا وما في مجال تضغطين عاليهال اكثر من جذي واللي اييونه اييبونه كلها قريد 1 مو ثانويه عامه

 

[manarah]

ممكن سؤال اشلون المدرسه زينه ولا لاء تنصحوني فيه ؟؟
واشلون على الاسعار

المدرسه زينه وتاسيسهم ممتاز بس عاد احنا اعيالنا بالكي جي وقريد 1 و2 يعني ما عندنا فكره عن المراحل الثانيه ... الاسعار تلقينها بسايت المدرسه www.atakamul.edu.kw

 

[Miss_Tiger79]

هلا مناره

الحفله استانست فيها ... وكانت صج حلوه

والريبورت (على قولة رفرف) آآآآآآآآآههه
احنا مستانسين ونبي نتريق بره والا وانا بالبيت غيرت ملابسي وقلت بشوف الريبورت والا اتفاجأ صج صج ضاق خلقي واحس صكت فيني الدنيا
وطبعا سيييييييييييييده رحت المدرسه
وكلمت ابلته والا توريني الامتحانات والا اغلااااااط وايد وكلها من الاستعيال بالحل
وتقولي ان ينشغل وايد بالصف وما ينتبه شنو ابي منهم فما يحل عدل

وطبعا رديت البيت ... وبس قعدت بجيتلي شويه
لان صج حسيت بخيبة أمل كبييييره
احس كل تعبي ما منه فايده
ليييييييش ؟؟؟؟

الله يهديه انشالله

وعطله سعيده لنا ولكم انشالله

 

[رفرف]

تايقر ..

الله يعينج انا مع التزفيت هم ريقتهم وغديتهم بره وما خليت شي بخاطرهم لأن حرام وايد يتعبون خلاص على قولة مناره احنا تعبنا واهمه تعبو مردهم يكبرون ويعرفون مصلحتهم ..
انا ماقولج هديهم ولا تدرسين واييبون اللي اييبونه .. بس احنا قاعدين نسوي اللي علينا .. انا بنتي تنسخ كلمات الانقلش كللللها كل يوم مرة حق الهوموورك و5 مرات حقي انا ومرات اكثر .. ومع هذا اتييب 7 او 8 .. اهيه مو قاعدة تركز وهي تحل بالصف ولا واهيه تنسخ بالبيت مادري مخها مشغول بشنو .. بس شسوي اكثر ؟ نسخ ماقدر اكثر من جذي تكسر خاطري .. كاتبة الكلمات على كل بورد بالبيت (ترى انا محولة بيتي مدرسة عندنا بدار الالعاب 7 بوردات غير البطاقات اللي على الثلاجة .. على جذي المفروض 10 وهي بغمضة بكل تيست بس انا اللي بيدي سويته وهي اللي بيدها سوته ماقدر احل عنها بالصف ..
قيسي على هالشي العربي والماث والريدينغ اللي نقراه مليون مرة تالي سأليها سؤال تطلعلج الاجابة من مخباتها .. بالكلاس وورد لما اشوف اوراق الريدينغ استخف .. اقرالها القطعة واسألها السؤال تجاوب صح .. انزين ليش كاتبة غلط مادري ..
خلاص انا استسلمت .. بكمل على نفس المستوى بالتدريس بس ماني معورة قلبي بالريبورت ولاني مكلمة المس لأني مليون مرة كلمتها بنتي اللي مو قاعدة تركز حتى المس شستسويلها تقولي اهيه ممتازة وتعرف كل شي وهاردووركر بس مادري ليش تغلط وما تركز بالحل تكتب اي شي بسرعة ..
ولا بضيق خلق بنتي لأنها صج صج قاعدة تدرس وتكتب وشادة حيلها بالبيت امس كانت حدها مستانسة بالحفلة قلت ماني مخربة وناستها على الريبورت بس وريتها الاشياء اللي ممتازة فيها ومدحتها ووريتها الاشياء اللي لا تعليق وقلت لها انتي كنتي احسن ونبي نشد حيلنا علشان الريبورت كله يصير a .. ورحنا السوق شرت لها هدية خل تفرح شوية بالعطلة

 

[Miss_Tiger79]

رفرف
انا ما راح اقلل المستوي بتدريسهم
بس ماتدرين انا شكثر اتعب بتدريسهم واسمالله عليهم اثنين
تري هم النسخ عندنا ونحطلهم ماث حتي من القديم واليديد واحطلهم باراغراف واساله وكل هذا زين
بس بالمدرسه شي ثاني
امس قالي يمه الي يمي اهمه يسولفون معاي مو انا
لاني كل يوم اقول نفس الحجي عبود حط بالك شنو تقول المس ولا تتكلم بالصف

انا انشالله بكافاه علي الشي الزين بس بخليه يحس شويه بالغلط
والله كريم انشالله
الله يهديهم يا رب

 

[Miss_Tiger79]

رفرف
انا ما راح اقلل المستوي بتدريسهم
بس ماتدرين انا شكثر اتعب بتدريسهم واسمالله عليهم اثنين
تري هم النسخ عندنا ونحطلهم ماث حتي من القديم واليديد واحطلهم باراغراف واساله وكل هذا زين
بس بالمدرسه شي ثاني
امس قالي يمه الي يمي اهمه يسولفون معاي مو انا
لاني كل يوم اقول نفس الحجي عبود حط بالك شنو تقول المس ولا تتكلم بالصف

انا انشالله بكافاه علي الشي الزين بس بخليه يحس شويه بالغلط
والله كريم انشالله
الله يهديهم يا رب

 

[كويتيه ذربه]

اشلونكم امهات
اشلون الحفله ؟ بشروا

انا من امس احباط بنتي مهببه درجاتها كلش ماتوقعتها
حصلت زف مو طبيعي وامس قعدنا بالبيت وماطلعنا والسبه هي احس حتى ولدي انظلم قعد بالبيت عشانها
هي حست بالذنب بس الابو رفع من معنواياتها شوي وقال لها انا بروح حق المس واشوف ليش درجاتج جذي

طبعا شنو كاتبين تحت انها ممتازه بس اللي مخرب عليها انها بطيئه وماتلحق تخلص يعني تعرف
والاحلى انها تسولف وماتنتبه بالصف
من كثر ماصرخت صدعت واخر شي كسرت خاطري قالت خلاص ماراح اكلم احد حتى بالبريك بقعد مكاني ومابي العب مع احد
ضميري انبني قلت باجر اطلعها واشتري لها لعبه

 

[manarah]

ههههه والله ضحكتوني كلنا نفس الحاله نزف وبعدين يحوشنا تأنيب ضمير .. رفرف ومس تايقر ترى انا مشكله ولدي ما تفرق عن اعيالكم يعني بالبيت نحل وننسخ واعصر مخي واطلع اسئله حق الريدنغ من تحت الارض واسويله تيست حق الريدنغ والماث ويحل كل شي اوكي اللي اقول خلااص درجه كامله انشالله وبعدين اشوف الريبورت من التقادير اكتشف ان ما ياب درجات كامله مره اقول ودي اشيك درجاته مع التيشتر ومره اقول ماله داعي لان اكيد اهو غلطان بالتيست اهي ما تحط درجات من مخها ... اعيالنا ترى ليلحين صغار وما يعرفون اهميه التيست والله اشدراهم علبالهم حاله حال الكلاس وورك بعدهم يهال مو مستوعبين ان هذا اللي يأثر على تقاديرهم بالنهايه ... وهم ولدي طبعاالتركيز لكم عليه شوي يعني حتى المس تقول وايد يلهى ,اي شي يشتت انتباهه ولازم تنبهه ويرد يسمعها ..... عموما احنا بنظل ندرس وانشالله عالريبورت الاخير نشوف نتايج احسن من جذي .

كويتيه ذربه .. صج شي يحر اذا كانت عارفه كل شي بس البطء مو مخليها تجاري اللي وياها والسوالف والحجي عندنا وعندكم خير .. الله يهديهم .

 

[كويتيه ذربه]

والله مناره انا ادرسها من الساعه 3 الى 7 يوميا بدون راحه واحفظ وانسخ اخر شي انقهر من الدرجات
بس هم تكسر خاطري مناهجهم صعبه
وكل واجب احط له مده معينه اعودها على الوقت
بس خلاص مابي احرق اعصابي
انا ادرسها واحفظها وان شاءالله تييب درجات احسن

 

[ام _خلودي]

قوه امهات

شلونكم مع الاجازه

انا الاسبوع الاطاف نصه مغيبه بنتى فمادرى شنو صاير بالمدرسه

زين الا ابوها حن على علشان اوديهاا يوم الخميس وخذينا الريبورت

 

[manarah]

ام خلودي الكي جي ماكو احداث يديده .. واشلون الريبورت انشالله مستواها افضل .

 

[Miss_Tiger79]

مناره
ذربه
رفرف

الله يعينا انشالله
مناره كلامج نفس كلام رفيجتي تقولي حرام عليج طبعا عقب ما شافتني انحبطت تقولي تري عيالنا صغار وتري لو مستواهم هذا وحطيناهم بالحكومه بيصيرون متفوقين
وانشالله علي الكورس الياي بتشوفين شلون يتغر

 

[حلم الطفولة]

السلام عليكم ... شلون الغالين ؟؟

 

[manarah]

هلا حلم الطفوله الحمدلله احنا بخير وامعطلين الحين سبرنغ بريك ... رااااااااحه نفسيه

 

[um 3li]

شلونكم مع الاجازة بنات

والله وناسة قاعده على الراحة اليوم ورايحة الدوام مو سباق مع الزمن عشان الحق على البصمه ويا الحق ويا ما الحق :ada:

بنات عطوا ولدي شهادة تقديرية لأن بهالفترة ماشاء الله عليه ماغاب الحمدلله الحمدلله :klhfl:

عاد عطوه الشهادة الخميس ولا الجمعة يستمرض و ترتفع درجة حرارته :eh_s(16):

بس الحمدلله انه بالعطلة مو ايام المدارس

يالله بنات فاصل ونواصل

او على قولة محمد المنصور بريك وناكل كيك :bye22:

 

[um 3li]

انا حدي متفرغه
بنات باب التسجيل مفتوح حق كي جي تو
ويصير احول ولدي من اولى روضه حكومة لي ثانيه روضه خاص بالتكامل ؟

حبيبتي مابي اضيق خلقج بس التحويل عندهم شوي صعب اذا بنص المرحلة لأن الأولوية حق طلبة المدرسة الي بكي جي 1 وبيروحون كي جي 2

بنت خالتي تبي تطلع بنتها من ال universal الي بحولي و تدخلها التكامل و سوولها اختبار ونجحت بس قالولها نحطها على ال waiting اذا صار في شواغر نقبلها

ومسكينه شكثر واسطات حاطه بس ما قبلوها

 

[كوكو لاتي]

هاي بنات شلونكم مع العطله




اما انا ولدي ختم العطله اليوم بشنو تتوقعوووون ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟













صار في جدري :eh_s(22):



واااااي ضايق خلقي حديييييييييييييييييييييييي




بس تعالوا متى دوامهم الاحد ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

 

[manarah]

كوكو لاتي ما يشوف شر ولدج مسكين نطر العطله تخلص شكله وده يعطل أكثر ... يللا الله كاتب بعد شتسوين نقولج باجر المنهج انشالله ودرسيه بالبيت والدوام باجر

بناااااات ما تدرون لبس السباحه للصبيان اشلون ؟ يعني انلبسهم بس شورت والا طقم كامل اللي يكون شورت وبلوزه .. انا شريتله من مذركير الطقم اللي يصير بلوزه وشورت بس ابوه يقول ما يعتقد يخلونهم ينزلون الحوض ببلوزه .. احد عنده فكره يفيدني واللي يعافيكم .

 

[ام _خلودي]

ام خلودي الكي جي ماكو احداث يديده .. واشلون الريبورت انشالله مستواها افضل .

اييي الحمدالله وووووايد احسن

 

[ام _خلودي]

كوكو لاتي

مايشووف شر ان شاء الله هذا العدوه منتشره بالمدرسه

انا بنتى حاشها ونقلت العدوه لاخووها حبيبي راح اختبار القبول

واهو معنقز يكسر الخاطر وانختمت سالفه العقنقز بولدى الصغير كثر ماكنت

حريصه وعزلت اخوانه عنه هم ماكو فايده حاشه حبيبي عمره 45 يوم


مناره

الكى جى عندهم سباحه ؟؟