تجمع أولياء أمور مدرسة التكامل(صباح السالم)للعام الدراسي2009-2010

[رفرف]

مناره

والله مادري شلبسها حق الكريزي هات اختي تقول عندها شغلات جذي .. وانا عندي من ديزني بس مو كريزي كنت ناسية مال ديزني خلاص شكلي بلبسها اياه على اذون ميني ماوس بس ابيض وفيه طرحة وكراون صغير بس عز الطلب ..

والديفيدي بشوف اطلبه لها انشالله باجر او هاليومين احسن لأني نساية تالي انسى
وشهالسالفة من صجهم يعني ممنوع كاميرات ؟؟
والقصة شطوووولها بس الحمدلله تقراها تمام الله الهادي بس عاد خل اقنعها تقرا .. .واي طويلة .. عيني تعورني .. راسي يعورني .. واخرتها تزوغل تشقح جم صفحة .. وارد اتلها اخليها تقراهم .. وما نخلص الا بطلعة الروح

 

[كويتيه ذربه]

الحمدلله بخير وصارلي يومين ماصادفتج بعد لان اللي عندي اسم الله عليهم والف الحمدلله يطلعون امبجر وما قمنا نسكر الباب هاليومين الله يتمم علينا .

هلا والله
دوووم الحمدلله
انا لازم اقفل الباب وراي تدرين بنتي لازم اخر وحده تطلع

 

[manarah]

رفرف .. ممنوع الكاميرات هذا وين مكتوب لان احنا ليلحين ما وصلتنا ورقه الديفيدي .. بس عالكاميرات انتي روحي امبجر عشان تقعدين جدام وتصورين بمكانج مع اني ما اعتقد ان الناس بتلتزم من غير كاميرات ... والهات اللي عندكم تمام خوش شي وهذا الكريزي .. انا امس رحت محل الالعاب كان في بالي شي بسويه حق الكريزي بس ما حصلت الاغراض اللي ابيها ولا كبوس نفس اللي ابي جان اكنسل المشروع وطرشت اختي ايكيا يابتلي هات على كيكه كنت شايفتهم من قبل وخلصنا الموضوع . ... اليوم بيسوون بروفه للحفله شفت صفكم كاشخين وكلهم فراش يهبلووون يحليلهم والله يتمم الحفله على خير انشالله .

 

[Miss_Tiger79]

مناره
امس دزولنا ورقه حق فلوس الدي في دي مال الحفله
والاملاء توقعته الاربعا لان الحفله الخميس بس اشوه الكلمات زينه
والقصه طبعا جنه انا الي اقراها مو اهوه كل شوي اعدله الكلمه ... عشان جذي كاتبين يقرونها مرتين
والله كريم انشالله

 

[بشوشه]

هلا و غلا بالامهات الحلوات
من زماااااااااااااااااااااااااااااااااان عنكم شخباركم

حبيت اطمنكم على حال الدراسه الحمدالله واااااااااااااااايد تعدل الوضع ما شاء الله
لكن خلاص انا تعودت بعد على الروتين و التدريس و اعصابي صارت ثللللللللللللللللللج مع الايام


الكريزي هات ساااااااااااااااااااااااالفه لان ما عطونا وقت نفكر و نخطط بسرعه بسرعه بسرعه و المشكله كل ما طلعتله فكره او كبوس يقولي لا مال يهال ( يا كبييييييييييييييييير ) ان شاء الله ربي يحفظ عياااااااااااااااالكم و يرفعووووووووون راسكم يا رب يا كريم

سلام حار ل :
مناره
مس تايجر
رفرف
و اختي ام سلماني

 

[jolie_q8]

مشكورين الله يبارك بعمركم وعيالكم يارب

ام حسون : عظم الله اجركم

حفله ولدي الساعه 11 ,, وما دزولي شي عن الكريزي هات بس ولدي اللي بثانيه قالي ,,

صفه ما يدزون اوراق مادري ليش !

 

[كويتيه ذربه]

السلام عليكم اشلونكم
نسيت وين ضيعت ورقه الكريزي هات
طبعا للحين ماشرينا شي
بس بسالكم شنو يلبسون لبس المدرسه؟؟؟

 

[Miss_Tiger79]

رفرف
اي زين الكبوس الي قلتي عنه
حتي كبوسنا من دزني وعلي قووووفيييي
والكاميرا بييبها اهيه تقعد عالكرسي قبلي


بشوشه
اهلييييييين. انتي وينج
اليوم قلت حق ولدج يسلم عليج. قالج ؟؟
keep in tuch

 

[Miss_Tiger79]

ذربه
اي لبس المدرسه

 

[كويتيه ذربه]

اشوه قلتيلي مس تايجر لانها مصره بدله

 

[رفرف]

ذربة كبوسكم ماشالله يشوق

انا بنتي كيفت عليه لأني كنت خاشته وهي تحب هسوالف بس هم ما رضت تلبس تخاف يضحكون عليها تالي اشوه تايقر والمس مدحوه قالولها حلو وشحلاته اقتنعت .. حطيتلها تاج بالجنطة قلت لها ان مليتي من الكبوس خشيه ولبسي التاج اشوه لبسته ولا جان كشه اليوم

 

[um 3li]

حبايبي امهات الكي جي 1 عااااااااااااااااااااااااااااااااااااااااااااااااااجـــــــــــــــــــــــــــــــــــــــــــــــــــــــــــــــل

امس بطابور الصباح ولا الأبله المصرية الي ويها متروس مكياج تصرخ على ياهل وتقوله ( حـــمــــوتــــــــــــك ) يعني اذبحك بالكويتي

انا عيوني طلعوا جذي

وعلى طول رحت عند مسؤولة الكي جي واشتكيت عليها

شفيها هذي تبي تعقد اليهال علينا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ :eh_s(16):

انا صراحه ما ارضى لا على ولدي ولا على عيال غيري :friends:

والي حاش ولد الناس اكيد في يوم راح يحوش ولدي

بس الي تشوف الأبله هذي تصرخ مره ثانية عفيه اشتكوا عليها عشان يوقفونها عند حدها

والله يخليلكم عيالكم ياااااااااااااااااااااااااااااارب

 

[Miss_Tiger79]

ام علي
صج؟؟؟؟؟؟؟؟؟؟؟؟
زين سويتي والله فيها

رفرف
شفتي اليوم كنت بسباق مع الزمن واشوه لحقت على البصمه على آآآآآآآآآخر دقيقه

 

[كويتيه ذربه]

ذربة كبوسكم ماشالله يشوق

انا بنتي كيفت عليه لأني كنت خاشته وهي تحب هسوالف بس هم ما رضت تلبس تخاف يضحكون عليها تالي اشوه تايقر والمس مدحوه قالولها حلو وشحلاته اقتنعت .. حطيتلها تاج بالجنطة قلت لها ان مليتي من الكبوس خشيه ولبسي التاج اشوه لبسته ولا جان كشه اليوم

رفرف
عاد انا سويته الساعه 10 بالليل لمن فقدت الامل حطيت لها كذا كبوس وهيا مو مقتنعه تلبسهم
عاد سويت هذا عالسريع
هيا تقول عجب المس صورته وايد

ياحلوها بنتج حرام عليج مو كشه
في ياهل بصف بنتج كبوسه حلو شفته الصبح على همبرجر

 

[كويتيه ذربه]

ام علي
زين سويتي فيها

 

[داريني]

انا حدي متفرغه
بنات باب التسجيل مفتوح حق كي جي تو
ويصير احول ولدي من اولى روضه حكومة لي ثانيه روضه خاص بالتكامل ؟

 

[سفرجل]

ممكن سؤال اشلون المدرسه زينه ولا لاء تنصحوني فيه ؟؟
واشلون على الاسعار

 

[manarah]

اشلونكم بنات ..
وينكم مالكم حس !! اشلون الحفله عسى استانستوا فيها .. احنا حفلتنا حلوه والله وفقره العربي وايد تعبانين عليها واليهال لبسهم ايونس بس صفنا احنا لبسنا كئيب شوي كلهم يا اسود يا بني واشوه في جم واحد ازرق لان شخصياتهم جذي ...
اشلون الريبورتات انشالله مرتاحين منها ؟ احنا الريبورت الحمدلله اوكي يعني في درجات متعدله وفي نازل شوي بس اكيد امخبص بالتيستات ..

يللا نشوفكم على خير انشالله بعد اسبوع اتمنالكم عطله حلوه

 

[manarah]

انا حدي متفرغه
بنات باب التسجيل مفتوح حق كي جي تو
ويصير احول ولدي من اولى روضه حكومة لي ثانيه روضه خاص بالتكامل ؟

بالنسبه لباب التسجيل مفتوح والا لأ ما عندي فكره .. وللتحويل من حكومه لي خاص انا بنت اخوي اولى روضه كانت حكومه وبعدين قبلوها اهم بثانيه روضه بس امتحنوها بالاحرف وانها تعرف تكتب اسمها بس هذا الحجي قبل 3 سنين الحين ما ادري .

 

[رفرف]

ذربة
اي كبوس الهمبرجر اينن كان وحتى اللي مسويه على حيوانات كان حلوووو قلت المرة الياية بنسوي هاند ميد انشالله جنه احلى


مناره
ااااااااااااه يالريبورت .. اهوه مو سيئ يعني نفس مستوى الريبورت اللي قبله يعتبر وايد زين الحمدلله .. بس الاشياء اللي شدينا حيلنا فيها تحسنت .. ما مداني افرح لأن الاشياء اللي كنا ممتازين فيها نزلت .. قلت اكيد مليون بالمية مخبصة بالتيستس .. بس ماني معورة قلبي اكثر اللي علينا سويناه ..