تجمع أولياء أمور مدرسة التكامل(صباح السالم)للعام الدراسي2009-2010

[نواره الحلوة]

مافي مدرسة كاملة موستحيل لازم في عيوب حتى لبريطانية وغيرها والشاطر شاطر حتى لو يكون بالحكومة وااايد ناس تخرجو من الحكومة وصارو دكاترة غيرها بس احنا ندور الصراحة طريقة التعامل من المدرسات الصراحة لكويتيات بس يصرخون ولا بتحملون اليهال عكس الاجانب انا هذا اول شي ادورة حق بنتي وانا ما اعتمد على المدرسة بعد بنتي بكي جي 1 بس انا شاريتلها كتب الارقام والاحرف بالعربي والانجليزي وقاعده احفظها وادرسها والله يوفق الجميع انشالله

100% صح

 

[نواره الحلوة]

بنات يمكن اليوم والا باجر يعطونهم الريبورتات قبل الاجتماع .... الله يعينا من ألحين تقلب جبدي ويعورني بطني

 

[manarah]

نواره انا والله الليل ما قمت انامه من خرعة الريبورت تقولين ثانويه عامه مو اول ريبورت بقريد 1 .. انشالله خير والله يوفقهم .

 

[ام _خلودي]

هااى بنات

عندى جم استفسار شسالفه الريبورت هذا تقيم ولا شنو
ولو بقيمونهم على شنو خو بنتى كى جى ون وتوهم مبلشين دراسه

شىء ثانى بالنسبه open day
شلون النظام كلش مو فاهمه يعنى اخلى بنتى تروح المدرسه ولالا
لانهم كاتبين ماكو يوم دراسي وبعدين اليوم كنت اطالع الورقه الا على الباب
علشان كل ولى امر يحدد الموعد الايناسبه استغربت 10 دقائق بس
وينفع احط موعد مع ناس غيرى ولالا واهو الموضوع بس 10 دقائق وامشى
ولا بعد راح اقعد ماادرى الا عندها فكره تفيدنى يزاه الله الف خير

 

[كوكو لاتي]

هااى بنات

عندى جم استفسار شسالفه الريبورت هذا تقيم ولا شنو
ولو بقيمونهم على شنو خو بنتى كى جى ون وتوهم مبلشين دراسه

شىء ثانى بالنسبه open day
شلون النظام كلش مو فاهمه يعنى اخلى بنتى تروح المدرسه ولالا
لانهم كاتبين ماكو يوم دراسي وبعدين اليوم كنت اطالع الورقه الا على الباب
علشان كل ولى امر يحدد الموعد الايناسبه استغربت 10 دقائق بس
وينفع احط موعد مع ناس غيرى ولالا واهو الموضوع بس 10 دقائق وامشى
ولا بعد راح اقعد ماادرى الا عندها فكره تفيدنى يزاه الله الف خير

شنو الكي جي عندهم يوم مفتوح متى ؟؟؟؟؟ ومحد قالي انتي اشدراج؟

 

[ام حسون وفطومه]

شنو الكي جي عندهم يوم مفتوح متى ؟؟؟؟؟ ومحد قالي انتي اشدراج؟

يوم الاربعة عندهم اجتماع عطوهم اوراق وعلقو ورقة على الباب الوقدري اللي يناسبج بس ما ادري اذا عندهم ريبورت توهم مداومين؟؟؟

 

[كوكو لاتي]

انا اجتماع صف ولدي الاثنين

 

[نواره الحلوة]

اهم حاطين للكل يوم الأربعاء 25/11/2009 واليهال اللي بكي جي والابتدائي ما يكون عندهم دوام بس أولياء الأمور وكل واحد بوقته اللي محدده مع المدرسة وما أعتقد لكي جي 1 ريبورت لأنهم توهم مداوميين

 

[Baby^Bop]

شسالفة الاجتماع ؟؟؟؟؟!!!!

انا قريت الورقة بس الي فهمته ان الاربعاء ما في دوام

تكفوون بنات كجي ون سي قولولي لان مو انا الي اودي ولدي السكول فما ادري شنو مكتوب بالصف ؟

 

[ام حسون وفطومه]

شسالفة الاجتماع ؟؟؟؟؟!!!!

انا قريت الورقة بس الي فهمته ان الاربعاء ما في دوام

تكفوون بنات كجي ون سي قولولي لان مو انا الي اودي ولدي السكول فما ادري شنو مكتوب بالصف ؟

لا ما تودين اليهال بس انتي ولازم تحددين الوقت اللي بتروحين كل واحد له 10دقايق على ما اعتقد

 

[ام _خلودي]

اهااا
خوش يعنى يوم الاربعاء مااودى بنتى

انزين عيل شنو فائده العشر دقائق يعنى اسال الابله عنهاا

خوانا كل يوم نهايه الدوام اسال المس عنهااا فعندى فكره

عنهاا
واليوم عطوها ورقه عن عطله العيد راح تبلش من من 26/11 الى 5/12
وكاتبين راح يطرشون الريبورت ال كى جى معاهم يوم 24/11
يعنى قبل الاجتمااع

 

[manarah]

الحين صج اكو اجتماع بعد حق كي جي 1 ؟؟ لازم نسأل باجر .. انا اليوم بنتي ما داومت مريضه فانشالله باجر نسأل ... امهات kg 1c باجر عندهم رياضه نلبسهم والا لأ ؟

 

[شموووخ بدويه]

السلام عليكم

شدعوه خواتي ولا وحده ردت علي:krkrkr::krkrkr:

وين اللي عندهم خبره بالمدرسه,,انا ماسجلت بالمنتدى الا عشان اسألكم ,,الله يعافيكم ولدي الحين بقريد1 ,, وحرام ظلمته بمدرسته لانه حيل شاطر وبنتي الحين قريد4,,

يعني تنصحوني بالتكامل او لا

الله يخليكم لاتطنشوني:0bee2e8d89::0bee2e8d89:

 

[كويتيه ذربه]

شموخ انا رديت عليج
قلتلج شوفي المدرسه احسن ودشي الصفوف وبعدين قرري

 

[manarah]

شموخ بدويه ... اذا تبين مستوى انجليزي قوي اوكي دخليه التكامل لأنها قويه من هالناحيه وقبل لا يقبلونه اكيد راح يسووله اختبار وماشالله اذا الولد شاطر لا تحاتين انشالله يقبلونه لاني اللي اعرفه مدارس ثنائيه اللغه تاخذ العلوم والماث بالانجليش يعني مستواه اكيد زين بالانجليزي ... وبالنسبه للبنت هم لا تحاتين اذا اهي من الاساس كانت بمدرسه انجليزيه يعني هم قويه بالانجليزي وانشالله يقبلونها .. بالنسبه للاختلاط التكامل يفصلون البنات عن الصبيان من قريد 4 يعني هم اطمنى من هالناحيه .... والعربي مو بمستوى الانجليزي يعني اللي اعرفهم بالمراحل المتقدمه يعانون من العربي بس مدرسينهم يقدرون هالشي ويدرون لأن هذا شي طبيعي بمدرسه امريكيه يعني اذا هم تبين مستوى العربي يكون بيرفكت لازم انتي تتعبين عليهم من هالناحيه . .. فدتج باللي اعرفه والله يوفق اعيالج وين ما كانوا .

 

[Miss_Tiger79]

انا الحمدلله مرتاحه بالتكامل
لانه كل مدرسه فيها الزين والشين

حتى وحده اعرفها عيالها كانو بالغانم وتوها هالسنه يابتهم التكامل وتقول حتى عيالها مستانسين من المدرسه
وعيالها بقريد4و5


بنات
صج عطلت العيد لين5-12 ؟؟؟؟
انا وصلتني الورقه وماقريتها واليوم ادورها مادري وينها

 

[ام _خلودي]

اي عطله العيد الى 5/12

بس صراحه احس الكى جى ون طايرن بالمهنج

انا للحين بنتى ماحفظت الفاتحه سوره اول اسبوع

والاسبوع الافات الاخلاص وهالاسبوع الفيل

احس وايد ضغط حرام بعدهم صغاار يبلهم وقت

وااااى احس انى مو قادره الحق وياهم اهيا ايات حفظ اهيا كلمات

انجليزى اهيا اغانى انجليزى اهيا احرف واعداد عربي انجليزى

بناات بليز ابي طرروق تدريس ابي الحق مع بنتى ماابيها اتضيع

 

[شموووخ بدويه]

يعطيكم الف عافيه وماقصرتوا,,بالنسبه لولدي هو ممتاز بس اللي ظلمه انه كان بالروضه بالحكومه,, والحين ثنائيه اللغه مو قويه بالانجليزي وموعاجبتني,, حطت له بماده الانجلش b وباقي الموادaتقول ماقدر احط له اكثر من bوهومايعرف يتكلم انجليزي عدل,,انا رحت للتكامل وقالوا نفتح التسجيل 1-مارس ونسوي له امتحان مستوي,,هذا اللي مخوفني اخاف يكون صعب عليه وماينجح,,ماعندكم فكره عن امتحانات عندهم,,

بالنسبه للي عيالهم الحين قريد 1 كم كلمه يعطونكم كل اسبوع,,ولدي يعطونه 5كلمات بس

 

[Baby^Bop]

الحين صج اكو اجتماع بعد حق كي جي 1 ؟؟ لازم نسأل باجر .. انا اليوم بنتي ما داومت مريضه فانشالله باجر نسأل ... امهات kg 1c باجر عندهم رياضه نلبسهم والا لأ ؟

هلا منارة حبيبتي انا بلبسه ان شاء الله متقيدة بالجدول يعني ​

 

[Baby^Bop]

لا ما تودين اليهال بس انتي ولازم تحددين الوقت اللي بتروحين كل واحد له 10دقايق على ما اعتقد

ويييييييييييه ماحددت باجر امرهم ان شاء الله واحدد مشكووورة حبيبتي