تجمع أولياء أمور مدرسة التكامل(صباح السالم)للعام الدراسي2009-2010

[كويتيه ذربه]

ماتشوفون شر والله يعينج :eh_s(22):

الشر ماييج مشكوره حبيبتي

 

[كويتيه ذربه]

رفرف ومس تايقر ومناره
الشر ماييكم ومشكووورين

 

[نواره الحلوة]

صباح الخير بنوتات

ما تدرون متى راخ يعطونهم الريبورتات ؟؟؟؟

 

[كويتيه ذربه]

صباح النور
نص شهر 11 اتوقع 17\11

 

[بشوشه]

كويتيه ذربه ما يشوف شر ولدج انشالله وطمنينا عليه ..

رفرف اخاف المس مضيعه ! يعني من قبل جم يوم تمدحها واليوم محتاجه الهووم وورك كلوب وزين سويتي طرشتيلها ايميل وصح يعني بهالساعه شنو بتستفيد البنت بس تعب زياده ؟ انا بعد ولدي قالتلي المس يحتاج مور براكتس فور ريدنغ مع ان ولدي اسم الله عليه يقرا وانا بروحي اعرف مستواه بالقراءه المهم يوم ثاني قالتلي الاسستنت يلخبط بالجمع والطرح قلتلها اوكي ادري بس ليش انكم توكم بادين فيه وانا قاعده ادرسه ماث زياده بالبيت فسألتها عن الريدنغ قلتلها اشلونه جان تقوللي ممتاز ... وليييييه حددوا الحين يبيله تقويه والا ممتاز ... بصراحه قمت احاتي الريبورت من الحين يعني مادري شنو تقييمهم للياهل وشنو المستوى اللي يبونه بالضبط .

مس تايقر شخبارج واشلون الشباب اللي عندج

السلام هليكم جميعا
الوضع عندي مستقر بس اكتشفت ان الولد قاعد يحفظ الكلمات مو الاحرف على شان جذي يخوره بالاملاء
و العربي ااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااه
ها كافي انشالله تكونون فهمتو قصدي هههههههههههههههههههههه (تعبت و ما ابي اشرح عشان ما اتذكر و انقهر )
اليوم بس قاعده اغنيله اغنية راشد اه منك منقهر و هو يقولي ليش يما ؟؟؟؟؟؟ يا قلبي الطفوله
انا سجلت ولدي بالهوموررك كلب بس 3 ايام ؟ انا عبالي كل يوم توقهت حدي امس تاخرت عليه الفقير
ها مناره ما داومتي عشان اشوفج ؟؟؟؟؟؟؟؟؟

 

[بشوشه]

نسيت اقولكم طلع عدد اللي مسجلين بالهومورك كلب 5 فقط
و الولد صار يرجع البيت 4 ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
و تخيلو هذي قعدته من 6 و نص يعني لازم ولدي يصير فيلسوف زمانه بالدراسه

 

[jolie_q8]

آنا بسجل معاكم حضور ، آنا بناتي وحده منهم بجريد 3 و الصغيره كي جي 2 و هالسنه بدت معاناتي مع المدرسه ، و باجر بروح لهم و بطلع كل اللي كنت كاتمته لمدة 4 سنين من عمري و عمر بناتي بهالمدرسه ، بصراحه سنه عن سنه المدرسه قاعده تصير ماديه و المدرسين الجدد مو على المستوى و الطلبه ضايعين ، تخيلوا العام كنت مدخله بنتي القاعده الحلبيه و ما شاء الله خطها كان فظيع و قراءتها ولا أحسن و انصدمت بجريد 2 انه أبلتها العربي هيييييييييييييله و طبعا ما يحتاج أزيد اللي يعرفها يعرف مستواها الزفت و بنتي الضحيه الخط كلما له و يسوء و القراءه كلها غلط و الإملاء غلط و لا و تصلحلها على الغلط بعد ، يوم رحت أكلمها ردت علي بنفسيه و سوتني الغلطانه و سبحان الله صارت خبيرة تغذيه و تقولي يمكن تراجع بنتج بسبب وزنها ، بالذمه هذا كلام مدرسه عاقله و تربويه بعد ؟؟؟

و المصيبه هالسنه بنتي اللي بكي جي 2 كانت من الطلبه ال 5 المميزين بكلاسها كي جي ون و معروف عن المدرسه انها ما تحط الطلبه المميزين عند أي مدرسه يحطونهم عند أحسن مدرسه بكي جي 2 علشان ينمون مواهبهم و هذا اللي قالولي اياه قبل العطله الكبيره و اعتمدت على كلامهم و تفاجأت هالسنه ان بنتي و الطلبه ال4 المتميزين حاطينهم عند أسوأ مدرسات كي جي تو تخيلو مدرستها القديمه قامت تبجي و انهارت لما درت ( و من كلامها فهمت انه الواسطات و المحسوبيات كانت شغاله على ودنه ) ، و بنتي الكبيره اللي بجريد 3 من أول يوم بدو فيه دراسه و اهمه ينططون كلاسهم من مدرسه لي مدرسه لما اتيي مدرستهم اليديده و يا ريتها ما يت ، الكلاس متأخر وايد عن باجي الكلاسات و الهوم ووركات قاعده تعطيهم اياها بشكل عشوائي و ما تجمعهم منهم بعد ما يخلصون ، ما تدري عن ال h.w diary و ما قاعده تتابع مع الطلبه اذا قاعدين يكتبون النوتس في الدياري ولا لأ حتى التعليق اللي أحطلها اياه ما تدري عنه ، و الرياضيات حدث و لا حرج قاعده اتييبلي اياه بنتي البيت و آنا أدرسها اياه من أول و يديد و صرت أروح حق مدرسين الرياضيات بعايلتنا يدرسوني دروسها و آنا أدرسها اياهم ، آآآآآآآآآآآآآه و لي الحين ما خلصنا ، اللي قهرني اليوم بزود انه بنتي باجر عندها quiz بس مو مكتوب بالدياري بشنو ولا من وين لي وين ( اشلون أحلها هذي؟؟ ) متخيلين اني درستها كل شي أدري طولت عليكم بس لأني باجر بروحلهم ( يا طاقه يا مطقوقه ) و حبيت أفضفض ما لقيت غيركم ممكن يفهم علي ​

والله رايج هذا وايد فادني ,, بصراحه لانه السنه اليايه ولدي راح يروح ثالثه ,, ولازم من الحين اشوف له مدرسه ممتازه

ولا تستكين على الاخطاء ,, وفعله هيله مالت العربي ,, وايد فاهيه ,, انا لاحظتها ادرس ولدي اي باولى

وشنو اسم مدرسه بنتج الي بثالثه؟ علشان نحط عليها اكس من الحين

 

[نواره الحلوة]

بنات آنا لاحظت بالمدرسة شي إن اللي أولياء أمورهم يروحون ويردون ويداحرون المدرسين يحسبون حسابهم واللي يكشتون مايدرون عن هوا داره
انتوا وياي والا لأ ؟؟؟

 

[كوكو لاتي]

بنات انا اليوم دقيت على المدرسه وسألتهم عن دوام الكي جي 1 قالولي 8-11 عندكم خبر؟؟؟؟؟؟؟؟؟؟؟؟؟؟

 

[manarah]

السلام عليكم جميعا ..
اول شي كوكولاتي صججججججج دوام الكيجي 1 جدموه لي 8-11 والله اذا صج تكونين بشرتيني احلى بشاره يريت والله بس محد بلغنا بدق انشالله عالمدرسه باجر واسألهم ..

بشوشه اشلونج .. ايه داومت بس اليوم وباجر مرضي راسي يدور ومن الصبح وانا بالمستشفى تحاليل وليلحين مادري ليش هالدوره انا اقول يمكن ارهاق وقلة نوم (عيل شكورايحه الطبيب) وانشالله اذا داومت اشوفج .. بس وايد والله الصغير يرد بالأربع انزين اذا يرد بالاربع وكل الهوم وورك محلوله هناك جذي تمام ...

رفرف ردت عليج التيشر والا ليلحين ..

Om7o7o .. مو خوش بشاره ان هيله مو زينه لانها تدرس ولدي الحين بقريد 1 وسالفت المدرسين اليدد هذي انا غاصه فيها الحين يعني ولدي نقلوه من صف ابله زينه وقديمه بالتدريس لي صف وحده يديده اول مره تدرس وماازااااالت ليليحن مضيعه والله يستر وتخيلي نقلوه بعد بدايه المدرسه باسبوعين وعذرهم ان ماداومنا برمضان يعني اقص ايدي اذا ماكان النقل هذا عشان يحطون احد ثاني بداله والا ليش اكتشفوا ان الصف فيه وايد بعد اسبوعين من الدوام ؟!! ورحت وتهاوشت قبلج مع براين بس ما استفدت شي ... انزين اشصارعليج اليوم كلمتيهم ؟

كويتيه ذربه اشلون ولدج انشالله احسن .
نواره الحلوه انا وياج بهالموضوع .

مس تايقر مختفيه ... ممممم عسى مو من التدريس بس

 

[نواره الحلوة]

كوكولاتي
الله يبشرج بالخير والله صج خوش بشاره وأخيراً بداوم ولدي الصغير والله كاسر خاطري من حالة الفراغ اللي عايشها

 

[بشوشه]

لا يا قلبي مو كل الهومورك يحلونه العربي و الاسلاميه بالبيت
و طبعا لازم ادرس حق امتحان الاربعاء يعني وراي وراي التدريس
اصلن اليوم اهلي تطنزو علي لمن قالو بس لاني ما حظرت معاهم استقبال عشان قاعده ادرس اضغطوووووووووووووووووووووني
عقبالهم عشان يجربون

 

[كويتيه ذربه]

هلا والله مناره
مشكوره حياتي على السؤال
للحين بالمستشفى بس الحمدلله احسن

 

[بشوشه]

لا لا لا لا

ليش الموضوع بالصفحه الثانيه مو قبول

 

[manarah]

اشلونكم بنااات ...

امهات الكي جي 1 الخبر طلع صحيح ... واليهال بيداومون يوم 8-11 انشالله الف الحمدلله لك ياربي بتخلص الحرب اللي عندي بالبيت ...

بشوشه .. ايه والله انعزلنا عن العالم انا كل من يشوفني يقوللي لا من صجكم تدرسون كل هالوقت !! اهم ما يدرون المشكله مو بالواجب المشكله بعيالنا على ما يتقبلون ايسوونه .

كويتيه اشلون ولدج .. اهو اشفيه عسى ماشر

 

[نواره الحلوة]

اشلونكم بنااات ...

امهات الكي جي 1 الخبر طلع صحيح ... واليهال بيداومون يوم 8-11 انشالله الف الحمدلله لك ياربي بتخلص الحرب اللي عندي بالبيت ...

اهي بس حرب تعالي شوفي اللي عندي يقعد على كتاب اخوه وهو يسوي الهوموورك من كثر ضيقة الخلق

 

[manarah]

اهي بس حرب تعالي شوفي اللي عندي يقعد على كتاب اخوه وهو يسوي الهوموورك من كثر ضيقة الخلق

والله انا نواره خايفه لا واحد يذبح الثاني من ضيقت الخلق يعني بنتي كانت مسكينه ما تطق اخوها اللي اصغر منها كله عندها اهو صغير واهي لازم تحبه بس الحين خلاااص طفح الكيل عندها وقامت تكفخه وبنفس الوقت اتقوله الله يسامحك اشلوون مادري :080402ask_prv:

 

[jolie_q8]

صباح الخير

بنات اللي عندهم ثانيه ,, شلون عيالكم ؟ واشلون درجاتهم ,, اليوم جيكت على درجات ولدي ,, بصراحه انصدمت مو خوش درجات

عاد انا ولدي بالماث ممتاز وقلت حق ابلته انه وايد زين بالمات ليش جذيه درجاته قالت مادري هذي الدرجات اللي خذها بالتقيمات الاسبوعيه

انتو شلون عيالكم؟ واشلونهم مع سورة البينه ,, انا ولدي مخه سكر مايبي يحفظها

وزميلاتي اللي عيالهم باولى ,, شلونكم واشلون العربي

انا ابلته الفاهيه ,, ولا ادزلي درجاته ولاشي ,, بس قاعده اتابعه يوميا ,, بالانجلش الحمدلله زين

وقاعده احس بغلطتي اني ما دخلتهم بالعطله (القاعده الحليه ولا تحفيظ قرآن) جان افتكيت

 

[نواره الحلوة]

جولي
اشلون عرفتي درجاته؟؟؟ احنا بس انعرف درجات السبيلنغ تست لأنها اترجعه واياه بالويك اند والعربي الإملاء بس باجي الدرجات ما انعرفهم

 

[jolie_q8]

من ابلته بكشف الدرجات اللي عندها كنت بسأل جم ياب بالسبلنغ لانه مايابه معاه الاسبوع اللي طاف ,,

جان تقولي كل الدرجات