تجمع أولياء أمور مدرسة التكامل(صباح السالم)للعام الدراسي2009-2010

[رفرف]

شلونكم امهات ؟؟

انا يومي كان زين الحمدلله ..
بنتي كتبت واجباتها بسهاله .. وكتغيير شغلت لها ديفيدي فلم برنسس يديد من افلام ديزني حلو جنه اسمه princess protection امهات البنات اللي نفس ستايل بنتي اذا بناتكم يحبون افلام اجنبية ترا حلو ومافيه خرابيط .. المهم شغلته وكل شوي اوقفه اقولها بالله حلي شوي ونكمل والحمدلله تكتب بسرعة وبدون تحلطم علشان تكمل الفلم لين شفناه كله وخلصنا الهومووركات فكككككككككه ...

انتو شلونكم عساكم بخير ؟؟

مناره حتى انا اليوم شفتج داشة مستعيلة وانا مخلية بنتي الصغيرة مع الخدامة بالسيارة ركضة ركضة ما يمدينا نسولف بس هم فرصة سعيدة اني اشووفكم كل جم يوم حتى لو مستعيلين

 

[manarah]

السلام عليكم ...
طبعا انا اليوم يابختي شايفتكم رفرف ومس تايقر وماعليه بتتكرر الشوفات انشالله ... بسألكم اشلونكم مع العربي ؟ يعني مو حاسين انه وايد ضغط عالياهل .. تخيلوا 5 كلمات يديده بالدرس وراح يمتحنون فيه كإملاء يوم الخميس .. واااايد علي اليهال ... يعني اليوم لازم يحفظون كلمه قالت وباجر انا احب واللي عقبه الوان واللي عقبه اختي والخميس يتملون واليهال اصلا يحفظون شكل الكلمه والله احاتي عسى ما كلمه تدخل على الثانيه

 

[رفرف]

مناره اهوه ضغط بس شنسوي اصلا ما قمت اتحلطم على كثرة النسخ لأن يالله غصب يحفظون هالمنهج التعيس ..

طبعا انا اكثر وحدة اتحلطم واكثر وحدة معارضة لأني طول عمري كنت اخذ فل ماركس بالعربي وامي كانت مدرسة ورئيسة قسم عربي وادري ان هالمنهج فاشل والحين تحسفت قد شعر راسي ليش ما دخلتها القاعدة الحلبية لأن تأسيسهم صح (شيصير لو طورو المناهج بنفس طريقة القاعدة الحلبية يعني ؟؟ لازم يطلعون بمنهج مادري شلون صاير؟؟)

بس والله مو قاعدة اشد عليها .. المرة اللي فاتت ذبحت البنية وانا افرق لها بين أشارت وإسراء .. وحدة همزتها فوق وحدة تحت !! وحدة سين بدون نقط وحدة شين بنقط !! وحدة الراء بروحها وحدة الراء متوسطة .. تعقدت البنية .. اخرتها هم غلطت فيها .. وهي ضاق خلقها تقولي ماما قاعدة احاول اتذكر !! شسوي بعد المفروض تعرف الحروف علشان تعرف تكتب شنو الهدف من اني احفظها رسم الكلمة بدون ما تفهم !!
الحين قلت بالطقاق .. مو قاعدة امليها عربي كللللش غير الواجب .. وبدخلها بالعطلة قاعدة حلبية أصلح ما أفسدته مناهج الحكومة .. وبس انا تعبت

(طبعا منارة انتي فتحتي قريحتي للتحلطم وهيضتي شجوني بموضوع العربي وانا مو ناقصة بعد ههههه)

 

[عمار يا كويت]

مرحبا بنات .......انا عيالي كباربجريد5 و7 مافي وحدة اتحلطم معاها عيالها مع عيالي اشوف عيالكم صغار بجريد 1و2
مع ان عندي بنتي بجريد1بس من كثر ما احاتي الكبار ما اهتم لها حيل
تصدقون ولدي باجر علية كويز سوشيال مو عارف شي والله حرررة:rgewrg:

 

[manarah]

رفرف من صباح الله خير وانا اتحلطم مع بنات الدوام على منهج العربي والقاعده الحلبيه هذي فكرت فيها واكيد اذا الولد طلع من اولى ما يعرف الاحرف لازم نأسسه بالعطله انشالله .

عمار ياكويت حياج الله ويانا وماعليه انشالله تلقين احد تتحلطمين وياه على اعيالج الكبار الله يخليهم بس بنتج اللي بقريد 1 منو ابلتها ؟

 

[بشوشه]

السلام عليكم جميعا
تسجيل حظووووووووووووووور

 

[نواره الحلوة]

صباح الخير بنات
اشلونكم اليوم وتكفون لاتدقوني سلف على العربي محد كثري يشكي الضيم والله مع انه ولدي ممتاز بالقراءة وحتى اسم الله عليه يحاول يقرا من الجريدة العناوين بروحه بس عندي الخط تعبان وهوه ما يهتم يعني عادي عنده إذا الكلمة غلط يكتب فوقها ما يمسحها معور قلبي على هالسالفة لدرجة ماتدرين شنو كاتب لما قلت حق خالتي مدرسة لغة عربية قالتلي الصبيان كله جذي مايهتمون بالترتيب وآنا طفارتي هالشي وعيزت وآنا أمسح وأخليه يكتب مرة ثانية

 

[عمار يا كويت]

cمنارة بنتي عند مس جودي 1

 

[manarah]

عمار ياكويت انا ولدي بعد عند مس جودي وناااااسه اخيرا لقيت احد بصفنا

 

[كويتيه ذربه]

اشلووووووووووونكم

 

[رفرف]

شلونكم ؟؟

انا حااااايسه واي اليوم عندنا اليوم نسخ عربي وورقة عمل وصفحتين بالكتاب وصفحة الماث متروسة ..
واحنا ابيت اهلي عندنا زوارة فطور وابي نخلص قبل المغرب شكله مالي امل قلت احط شي بويهي البس ماكو فايدة شكلي ام مكروووفة ..

امس كان الحافز فلم ديزني .. اليوم احط لها اغنية بالللابتوب وترقص لها شوي وتكمل واجباتها ..

 

[manarah]

السلام عليكم ... شخباركم بنات ...

رفرف انتي وصبويه ابداااع ما بعده ابداع ... هههه امس افلام واليوم رقص البنيه على ما تخلص قريد 1 اللي اهي عندها خبره بمجالات اخرى .. ما عليه انتوا ترقصون واحنا نطق كره والله مستعده انا ارقص بس اهو يخلص الهوم وورك من غير نشفت ريج ... انا لاعت جبدي من الماث والعربي ( اشباقي بعد ) الولد صار عنده خلطبيطه بين الجمع والطرح والعربي ماني متكلمه عنه بس الله يستر من الاملاء .

كويتيه شخبارج واشلون بنتج بقريد 2 عساها متوفقه بس

 

[كويتيه ذربه]

مناره والله بنتي المسكينه جم يوم مادرستها
ولدي بالمستشفى وانا عنده

 

[نواره الحلوة]

السلام عليكم ... شخباركم بنات ...

رفرف انتي وصبويه ابداااع ما بعده ابداع ... هههه امس افلام واليوم رقص البنيه على ما تخلص قريد 1 اللي اهي عندها خبره بمجالات اخرى .. ما عليه انتوا ترقصون واحنا نطق كره والله مستعده انا ارقص بس اهو يخلص الهوم وورك من غير نشفت ريج ... انا لاعت جبدي من الماث والعربي ( اشباقي بعد ) الولد صار عنده خلطبيطه بين الجمع والطرح والعربي ماني متكلمه عنه بس الله يستر من الاملاء .

كويتيه شخبارج واشلون بنتج بقريد 2 عساها متوفقه بس

ضحكتوني يمال العافية
عيل شوفوا ابداعات ولدي درس العربي حاطين :
في حديقة الحيوان أسود و قرود وطيور جميلة وهو مصمم يكتب فيله وشواذي وصخول بالله اشهالحاله لووووول
امس من كثر مايتني حاله نفسية دهنت شعري وقعدت على مانخلص الهوموورك

 

[نواره الحلوة]

مناره والله بنتي المسكينه جم يوم مادرستها
ولدي بالمستشفى وانا عنده

ماتشوفون شر والله يعينج :eh_s(22):

 

[رفرف]

ذربة ..

ما تشوفون شر سلامات ما يشوف شر وليدج ..


مناره ..
لا ماعليج اهيه عندها خبره بمجالات أخرى من زمان اشوه ما طلعت علي .. لهلوبة البنية ههههه


نواره ..
هههههههه يحليله ولدج يبا خل يكتب عن خاطره ابداعات قولي حق التيجر هذا موضوع التعبير مالنا بعد شنو ..


امس ضاق خلقي شوي .. المس مطرشة مع صبوية ورقة الhomework club وحاطة عليها نوت ان سجلي صبا لأنها تحتاج متابعة بالريدينغ والرايتينغ سكيلز .. وانا طبعا ضد الفكرة جملة وتفصيلا اذا ما كانت البنت فعلا فعلا مستواها ضعيف ومحتاجة واهي الحمدلله مستواها مو ضعيف !!
وضد اني ادخل بنتي نادي تعليمي ورا المدرسة او اييب لها مدرسين لأن بس حرام كافي عليها جذي .. البنية ما تلعب ولا تطلع ولا يمديها تسوي شي اقوم ادخلها نادي بعد ؟؟
عاد طرشت ايميل شطووووله للمس وليلحين ما ردت علي .. قلت لها اذا ضعيفة بشي قوليلي مو كل ما اسألج عنها اتمدحينها ! وانا ماراح ادخلها اذا ما كانت فعلا ضعيفه .ومحتاجة تقوية وانا ادري ابنتي مووووو ضعيفة . اما اذا ايدها مو قوية بالكتابة فالبنية داشة المدرسة صغيرة وزين منها اصلا خطها حلو ومرتبه بس بطييييئة عادي يعني .. والقراءة ماشالله عليها انا متابعتها وتقرا قصص خارجية غير الكتب ملوت المدرسة كلللل يوم شبيسوون لها بهالساعة اكثر يعني ؟؟

وبعدين حتى لو تحل الهوموورك عندهم بنص ساعة .. وتحله بالبيت عندي ب 4 ساعات انا راضية اجابلها !! نفسيا مو زين لها اهلكها جذي !!

 

[Miss_Tiger79]

كويتيه ذربه
ما تشوفون شر انشالله وسلامته وليدج

شخباركم بنات

 

[manarah]

كويتيه ذربه ما يشوف شر ولدج انشالله وطمنينا عليه ..

رفرف اخاف المس مضيعه ! يعني من قبل جم يوم تمدحها واليوم محتاجه الهووم وورك كلوب وزين سويتي طرشتيلها ايميل وصح يعني بهالساعه شنو بتستفيد البنت بس تعب زياده ؟ انا بعد ولدي قالتلي المس يحتاج مور براكتس فور ريدنغ مع ان ولدي اسم الله عليه يقرا وانا بروحي اعرف مستواه بالقراءه المهم يوم ثاني قالتلي الاسستنت يلخبط بالجمع والطرح قلتلها اوكي ادري بس ليش انكم توكم بادين فيه وانا قاعده ادرسه ماث زياده بالبيت فسألتها عن الريدنغ قلتلها اشلونه جان تقوللي ممتاز ... وليييييه حددوا الحين يبيله تقويه والا ممتاز ... بصراحه قمت احاتي الريبورت من الحين يعني مادري شنو تقييمهم للياهل وشنو المستوى اللي يبونه بالضبط .

مس تايقر شخبارج واشلون الشباب اللي عندج

 

[رفرف]

اي والله مناره ضيعونا ..

انا اخر مره سألتها واايد مدحتها لي ! حتى قلتلها انزين مو بطيئة بالصف ؟ قالت لا عادي قاعدة تخلص شغلها .. حتى بالريدينغ قاعدة تكتب لها ملاحظات زينة يعني ما قالت تبي متابعة اكثر !! مادري شسالفة الحين ناطرة ردها ..

 

[Om 7oo7oo]

آنا بسجل معاكم حضور ، آنا بناتي وحده منهم بجريد 3 و الصغيره كي جي 2 و هالسنه بدت معاناتي مع المدرسه ، و باجر بروح لهم و بطلع كل اللي كنت كاتمته لمدة 4 سنين من عمري و عمر بناتي بهالمدرسه ، بصراحه سنه عن سنه المدرسه قاعده تصير ماديه و المدرسين الجدد مو على المستوى و الطلبه ضايعين ، تخيلوا العام كنت مدخله بنتي القاعده الحلبيه و ما شاء الله خطها كان فظيع و قراءتها ولا أحسن و انصدمت بجريد 2 انه أبلتها العربي هيييييييييييييله و طبعا ما يحتاج أزيد اللي يعرفها يعرف مستواها الزفت و بنتي الضحيه الخط كلما له و يسوء و القراءه كلها غلط و الإملاء غلط و لا و تصلحلها على الغلط بعد ، يوم رحت أكلمها ردت علي بنفسيه و سوتني الغلطانه و سبحان الله صارت خبيرة تغذيه و تقولي يمكن تراجع بنتج بسبب وزنها ، بالذمه هذا كلام مدرسه عاقله و تربويه بعد ؟؟؟

و المصيبه هالسنه بنتي اللي بكي جي 2 كانت من الطلبه ال 5 المميزين بكلاسها كي جي ون و معروف عن المدرسه انها ما تحط الطلبه المميزين عند أي مدرسه يحطونهم عند أحسن مدرسه بكي جي 2 علشان ينمون مواهبهم و هذا اللي قالولي اياه قبل العطله الكبيره و اعتمدت على كلامهم و تفاجأت هالسنه ان بنتي و الطلبه ال4 المتميزين حاطينهم عند أسوأ مدرسات كي جي تو تخيلو مدرستها القديمه قامت تبجي و انهارت لما درت ( و من كلامها فهمت انه الواسطات و المحسوبيات كانت شغاله على ودنه ) ، و بنتي الكبيره اللي بجريد 3 من أول يوم بدو فيه دراسه و اهمه ينططون كلاسهم من مدرسه لي مدرسه لما اتيي مدرستهم اليديده و يا ريتها ما يت ، الكلاس متأخر وايد عن باجي الكلاسات و الهوم ووركات قاعده تعطيهم اياها بشكل عشوائي و ما تجمعهم منهم بعد ما يخلصون ، ما تدري عن ال H.W Diary و ما قاعده تتابع مع الطلبه اذا قاعدين يكتبون النوتس في الدياري ولا لأ حتى التعليق اللي أحطلها اياه ما تدري عنه ، و الرياضيات حدث و لا حرج قاعده اتييبلي اياه بنتي البيت و آنا أدرسها اياه من أول و يديد و صرت أروح حق مدرسين الرياضيات بعايلتنا يدرسوني دروسها و آنا أدرسها اياهم ، آآآآآآآآآآآآآه و لي الحين ما خلصنا ، اللي قهرني اليوم بزود انه بنتي باجر عندها Quiz بس مو مكتوب بالدياري بشنو ولا من وين لي وين ( اشلون أحلها هذي؟؟ ) متخيلين اني درستها كل شي أدري طولت عليكم بس لأني باجر بروحلهم ( يا طاقه يا مطقوقه ) و حبيت أفضفض ما لقيت غيركم ممكن يفهم علي ​