تجمع أولياء أمور مدرسة التكامل(صباح السالم)للعام الدراسي2009-2010

[manarah]

كويتيه حاله انج كل ما تشوفين وحده تقولين هذي من المنتدى صارت فيني عادي بس احنا يبيلنا على يوم انشالله كلنا انتيمع وجها لوجه .. انا رفرف شفتها العام لان بنتها كانت بصف ولدي وعرفتها بالسبورت دي وعرفتها بنفسي .. ومس تايقر يحلوها والله طلبت منها شغله وبعد عمري ما قصرت واحرجتني بطيبها وشفتها ( سوري رفرف ومس تايقر حشيت فيكم بس بالخير والله )... انتي عاد اول يوم الله يكتبه لي واروح اودي ولدي المدرسه اواعدج باذن الله واتعرف عليج ..

 

[رفرف]

شلونكم بنات ؟؟؟

تايقر سوري دايخة انا توني رديت قريت كلامج واستوعبت اني مو راده على موضوع الصور ..
حلالج الصورة حبيبتي بس ياريت تطرشين لي نسخة لرسالة خاصة خل اخزنها عندي أن صور التخرج كلعا انمسحت بالغلط وقعدت ايمع مني ومناك ورفيج ريلي يزاه الله خير مصور بنتي خوش صور فعوضت شويه .. طرشيلي واكون ممنوووونة


جولي ..
الله يعينج ع المرحلتين .. ترا احسن تعودينهم اهمه يحلون بروحهم ما يعتمدون عليج بس تكونين يمهم تساعدينهم لأن اسمالله عليهم لي اعتمدو عليج مشكلة بالمراحل الياية اصعب ما تلحقين .. انا قاعدة احاول اعودها تحل مثلا صفحة الماث اذا كانت سهلة وانا ادش اصلي ولي رديت اجيك او اخليها تنسخ وانا اروح اقضيلي شغلة لأن تعودت كلما تكتب كلمة توريني وتبيني اعلق عليها وما نخلص جذي يمر اليوم كله وهي ما كتبت شي ..

انا غيبتها اليوم لأن امس كان عرس اختي الله يوفقها يارب وكلمت المس قالتلي اوكي تعطيها السبيلينغ تيست الاحد وليلحين ما بلشنا تدريس ولا حل الواجبات اللي طافتنا الله يعينا باجر انشالله ..


باقي البنات عذروني مادري رديت على منو وخليت منو ..

اي تذكرت مامانونا ..
قريد7 الصراحة ماعرف احد فيها ليلحين بس الكيجي اي تأسيسهم وايد زين انا اقارنه بطلبة الابتدائي الحكومة الصراحة كيجي2 اقوى من ثانية ابتدائي بالحكومة وخااااصة بالانجليزي ..


ذربة ..
انا لو تشوفيني بتعرفيني جنه مكتوب على راسي رفرف منتدى كويتيات ههههه كل الامهات يعرفون بنتي وبالتالي يعرفوني ترا صج بسرعة انصاد

 

[نواره الحلوة]

رفرف
بالمبارك عرس اخيتج وتتهنى ان شاء الله وعسى الله يوفقها

 

[رفرف]

الله يبارك بعمرج نوارة والفال لبناتكم كلهم

 

[manarah]

مبروك رفرف زواج اختج والله يهنيها يارب .. تفرحين بصبويه انشالله

 

[Miss_Tiger79]

رفرف
انشالله بشوف شلون احطها بلاب توب وادزها لج بس ترى مو واضحه عدل بس لاني شفت بنتج فعرفتها
وبالمبارك عرس اختج والله يوفقها يا رب


واليوم حرني ولدي المس عطته الفني مني وحطه بمخباته وضاع ولما قالها قالتله هذي غلطتك
قتله حرام عليج كلها وحده وتضيعها بعد ....

 

[manarah]

شخباركم بنات ...
انا من امس بقولكم الخبر وأهون بس بقوله عشان تاخذون احتياطاتكم .. المهم اول امس بالليل وصلني خبر ان في صف تسكر بالمدرسه عشان فيه 3 حالات انفونزا وامس الصبح دقيت عالمدرسه بتأكد من الخبر ومحد رد على بس رفيجتي هم اعيالها بالمدرسه اسألت بالاداره وقالولها صح في صف بقريد 4 صار فيه 3 حالات انفلونزا خنازير وسكروا الصف وهذا اجراؤهم اللي بيسونه لما تصير 3 حالات واكثر بالصف ... الحين احنا علينا نزيد من توعيتنا لليهال وحاولوا كل يوم تعطونهم مقوي للمناعه وعصاير طبيعيه وشربوهم ماي زمزم وحصنوهم بالاذكار الصبح قبل روحتهم المدرسه والله يحفظ اعيالي واعيالكم انشالله من كل شر مابيدنا شي نسويه .:0bee2e8d89:

 

[نواره الحلوة]

شخباركم بنات ...
انا من امس بقولكم الخبر وأهون بس بقوله عشان تاخذون احتياطاتكم .. المهم اول امس بالليل وصلني خبر ان في صف تسكر بالمدرسه عشان فيه 3 حالات انفونزا وامس الصبح دقيت عالمدرسه بتأكد من الخبر ومحد رد على بس رفيجتي هم اعيالها بالمدرسه اسألت بالاداره وقالولها صح في صف بقريد 4 صار فيه 3 حالات انفلونزا خنازير وسكروا الصف وهذا اجراؤهم اللي بيسونه لما تصير 3 حالات واكثر بالصف ... الحين احنا علينا نزيد من توعيتنا لليهال وحاولوا كل يوم تعطونهم مقوي للمناعه وعصاير طبيعيه وشربوهم ماي زمزم وحصنوهم بالاذكار الصبح قبل روحتهم المدرسه والله يحفظ اعيالي واعيالكم انشالله من كل شر مابيدنا شي نسويه .:0bee2e8d89:

لاحول ولا قوة الا بالله ...... الله يعينا والله الوحده فينا ماتدري شتسوي بهالوضع و الله خير حافظ

 

[كويتيه ذربه]

شخباركم بنات ...
انا من امس بقولكم الخبر وأهون بس بقوله عشان تاخذون احتياطاتكم .. المهم اول امس بالليل وصلني خبر ان في صف تسكر بالمدرسه عشان فيه 3 حالات انفونزا وامس الصبح دقيت عالمدرسه بتأكد من الخبر ومحد رد على بس رفيجتي هم اعيالها بالمدرسه اسألت بالاداره وقالولها صح في صف بقريد 4 صار فيه 3 حالات انفلونزا خنازير وسكروا الصف وهذا اجراؤهم اللي بيسونه لما تصير 3 حالات واكثر بالصف ... الحين احنا علينا نزيد من توعيتنا لليهال وحاولوا كل يوم تعطونهم مقوي للمناعه وعصاير طبيعيه وشربوهم ماي زمزم وحصنوهم بالاذكار الصبح قبل روحتهم المدرسه والله يحفظ اعيالي واعيالكم انشالله من كل شر مابيدنا شي نسويه .:0bee2e8d89:

هلا والله انتي اشلونج
اي انا شفت الصف اول صف تكرمين عند الحمام
ولما سالت كل مدرس قال شي
واعرف وحده ولدها بهالصف تقول عطوهم ورقه انهم مايدامون 10 ايام ويتابعون الدروس بالنت بموقع المدرسه
طبعا اول ماسمعت جذي على طول رديت البيت سبحت بنتي بسرعه وشربتها ادول من الخرعه

 

[manarah]

والله كويتيه انا اول ما سمعت الخبر وتقريبا كنت متيقنه منه هم كنت ادعي واقول انشالله جذب بس لما تأكدنا من المدرسه صج اخترعت بس بعدين لما فكرت فيها قلت اللي الله كاتبه بيصير والحين المرض منتشر في كل المدارس والحكومه شوفيهم مع انهم توهم مداومين هم لو تقرين مواضيع المنتدى تشوفين كل المدارس ظهرت فيها حالات بس في اللي يقولون وفي اللي يكتمون يعني اعيالنا واحنا معرضين للمرض من اييي مكان مو شرط المدرسه بس ما نقول الا الله يحفظهم انشالله وعلينا نبذل الاسباب ونستودعهم الله خير حافظ .

 

[بشوشه]

السلام خواتي
يا الغاليات
انا ولدي بجريد 1 عند مس نيفيدا
واااااايد متعبني و اهي تقول عنه ان انجليزيته واااااايد اوكي بس بطيء شوي و ما يعرف الاحرف ( عيل شلون طلع من روضتكم )
ساعدووووووووووووووووووووووووووووووووووني شلون اخليه يصير احسن لان صراحه واجباتهم وايد شنخلص الاسلاميه و لا العربي و لا الماث و لا الانجليزي؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
خصوصا ان اهو اصغر من اللي معاه مواليد شهر 3
تكفوووووووووووووووووووووووووون هلب مي يعني تعقدت من الانجليزي
واااااااي شنو يكسر خاطري وايد اوفر عليهم من ال5 ليما 7 و نص و انا ادرس و هم بعد مو عاجبها هالنيفيدا

 

[كويتيه ذربه]

اي صح مناره الله الحافظ
واللي الله كاتبه بيصير
وياااااااااااااااااااارب يحفظ عيالنا من كل داء

 

[رفرف]

وييييه الله يحفظ عيالنا هذاك اليوم بعد صاير ابنت خالتي الله يشفيها حبيبتي يعني وين ماتروحين تلقينه منتشر وعلى قولتج مناره كل المدارس صار فيها وما يقولون بعد شنسوي نحصنهم وندعيلهم وبس ..


بشوشه ..
وقت اللي تكونين فاضية شوي بالويكيند مثلا حاولي تعلمينه على الشي اللي تحسينه ضعيف فيه الاحرف او غيره لأن ايام المدارس صج مايمدي ..

 

[Miss_Tiger79]

مناره
انا كنت متوقعه لانه رفيج ريلي خله عياله يداومون هالاسبوع الي طاف وقالوله الاداره في 3 حالات
وخلاهم يداومون

والله الحافظ انشالله يحفظ عيالنا وعيالم


بشوشه ولدج مع ولدي وبنت رفرف
انتي كل ما قعدتي كتبيه او وريه اللوحه الي فيها الاحرف وعلقيها وسأليه شنو هالحرف وجذي
وبيركز بمخه
اهوه كان عند منو بكي جي2؟؟؟
اتوقع كان لازم يقرا

 

[بشوشه]

كان عند مس فاطمه

صج عيالكم ب جريد 1 اي
عند مس نيفيدا؟؟؟؟؟؟
شرايج فيها احس جنه مستعيلين على الاملاء

 

[بشوشه]

لمن دخل ولدي الجريد 1 حسيت نفسي ام صج صج صج
اقعد معاه وااااايد و لادرسه و نتفاهم اكثر نفس الوقت مستانسه و متنشنه حدييييييييييي جني خايفه من الدراسه اكثر من الولد نفسه مو حابه اسمع من المس الا كل خير عنه اتضايق ادا قالتلي انه ضعيف بشي وااااااااااااااااااااااااااااي يومها اموت من البجي

 

[نواره الحلوة]

بشوشه
ذكرتيني بمأساتي لما كان ولدي بقريد 1 شوفي حبيبتي ترا الوضع عادي بالنسبة لمواليد شهر 2و3 لأن قدراتهم أقل من باجي اليهال اللي معاهم بالصف وراح اتلاحظين ان في فروقات بينهم بس هذا أول السنة بس بعدين راح اتطور مهاراته واتشوفينه لحق مع اللي معاه آنا سألت دكتور في تطور النمو وأكد لي هالشئ حتى اليوم الواحد يفرق بينهم آنا كنت أعاني انه يتعب لما يكتب وايد لأن عضلات ايده ضعيفة وكنت أقارن بينه وبين بنت اختي اللي أكبر منه بس بسبع شهور بس والله الحمد الله بعدين وايد صار أحسن وخطه تعدل وصدقيني حتى مدرسات أولى ابتدائي يلاحظون هالشي خالتي موجهة في التربية وبنتها كانت صغيرونه خلتها تقعد بالروضة سنة زيادة عشان ما تواجه نفس هالمشكلة وآنا لاحظت إن بعد نص السنة تغير كل شي واتذكر ان مدرسته قالتلي انه صارله huge improvement

ودعواتي لج بالتوفيق

 

[رفرف]

بشوشه عندي وعندج خير انا بنتي مواليد شهر 2 تكسر الخاطر احسها عنونة ..
واشوه بنتي الثانية مواليد شهر 3 بس اخره يعني تتأخر سنة ولا اعاني هالمعاناة ..
بس انتي شدي عليه بالتأسيس حرام يضيع التعب لأن مدرستهم قوية يعني حاولي بالبطاقات باللعب بالكمبيوتر عطيه وقت شوي لين يحفظهم ..
حتى الكتابة مو دايما ورقة وقلم عطيه سبورة وطباشير مرة .. ومرة وايت بورد .. ومرة يكتب بالقليتر على اوراق او كروت .. يعني نوعي علشان لا يكره ويمل من الدراسه لا تحسسينه انها دراسة اصلا .. خليه يحاول يقرا قصص واللوحات اللي بالشوارع علشان يتعلم يتهجا ..


وانا بنتي مع ولدج بصف مس نافيدا شوفي كلمات الاملاء بسيطة اغلبها ماخذينها في كيجي2 بس ماكانو يحفظونهم انا كنت احفظها وامليها ..
واهمه شادين عليهم وانا عندي هشي افضل لأن الياهل ذكي كثر ما تعطينه يستوعب وياخذ وهذا تأسيس اذا تأسسو زين ما تحاتينهم بعدين سواء بالعربي او الانجليزي هذا الأساس .. علميه يتهجى الكلمة ويكتبها حتى لو تعطينه كلمة يديدة علميه يسمع صوت الحرف ويكتبه احسن من انج اتحفظه الكلمات مثل ما اهيه ومايعرف تكتب غيرهم ..
الصراحة اذا بتأسسين عدل يبيلج وقت وخلق ومزاج وبال طويل ومسايس .. انا الحين فيني حيل وشبه منقطعة عن الناس بس اقول ما يندرا الباجي بعطيهم هالاهتمام ولا بيقل وبيتوزع بينهم الله يعيننا ..

 

[بشوشه]

يا بعد قلبي ما قصرتو على ردكم على واااااااااااايد طيبتو خاطري
بس مجرد الاحساس ان ولدي وااااااااااااايد تعبان من النقله هذي و قاعد يحاااااااااااااااااول و الله اشوفه شكثر يحاول و تيي المس و تقول انه ضعيف يضيق خلقي خصوص لاني انا كنت A student فما راح ارضى الا ان ولدي يصير احسن مني بعد
و تصدقين اهو انجليزيته تهبل ما شاء الله يعني يعرف كلمات و يتكلم بطلاقه بس بالكتابه لج عليه

رفرف صج بنتج معاه ؟؟؟؟؟؟؟؟
وناااااااااااااسه لازم نشوف بعض ضروووووووووووووووووووووري
بليز بعد بسالج شنو انسب وقت تدرسيتها فيه و كم المده ترى انا احس نفسي ام جديده و الله اول مره اشعر بالامومه و المسؤليه

 

[رفرف]

بشوشة ..
انسب وقت .. اول ما ترجع من المدرسة حتى قبل لا تبدل او تتغدى (لأن بيتنا بعيد وتكمل الاكل اللي بجنطتها بالسيارة واحنا وجبتنا الرئيسية على الساعة 5 لما ابوها يرجع) على طول نبلش نكتب وتكون فريش وتبي تخلص وتفتك لأن ماكو تلفزيون ولا العاب ولا شي لين نخلص والله مانطول وايد يعني ساعة او ساعة ونص بدون فترات راحة طبعا هالحجي الحين .. قبل كانت وايد معتمدة علي ما تكتب عدل الا لي صرت فوق راسها واقولها اييي صح كملي صغري الألف كبري الفاء كتبي ع الخط .. الحين اقولها كتبي هالسطر وانا افتح فولدر ثاني اشوف شفيه فنخلص بسرعة واحسن علموهم يعتمدون على روحهم لأنكم تتعبون بعدين بالمراحل الياية .. اعرف وحدة بناتها ثنوي وليلحين تلخص لهم وتدرسهم .. مو زين جذي المفروض دوركم بس متابعة الواجبات + تركيز المعلومات اللي ياخذونها بالمدرسة وهذا بس في مرحلة التأسيس

تالي لي خلصت اتشغل تلفزيون تلعب كمبيوتر تلعب بالحوش او مرات اطلعهم يعني اكافئها ..
يوم اللي تتمطط وتتدلع نتاخر طبعا اقولها خلاص صار مافي وقت تلعبين وايد تحتر فصارت تخلص بسرعة مع كم هااااائل من التشجيع والتمدح علشان تخلص