تجمع أولياء أمور مدرسة التكامل(صباح السالم)للعام الدراسي2009-2010

[mamanoonaa]

السلام عليكم بنات بليز ابي مساعده انا بنقل بنتي من مدرستها الانجليزيه الي التكامل اهيا بقريد 7 ودي اعرف كل شي عن المدرسه من حيث اهتمام المدرسين والمنهج وتوزيع الدرجات وبنتي الثانيه بالكي جي اتمنى انكم اتفيدوني باسرع وقت لو سمحتو

 

[jolie_q8]

واي انا اليوم بغى يصير فيني انهيار عصبي من الواجباااااات ترى 7 خلصنا وبادين الساعه اربع وااااي

وهذا احنا بالبدايه

انا اليوم عطونا كتاب العربي مع اوراق عمل كان مسويهم بالصف

ورقة الاسلاميه مالت الاسبوع الثاني ,,

وباجر بروح اكلم ابله العربي الصبح

وسلامتكم

 

[رفرف]

شلونكم بنات ؟؟

مناره ..
انا لو منج احتر بس يتروالي دام زينة وحنونة اهم شي ووارد الغلط اهم شي انج نبهتيها


وعلى الماث انا عندي طريقة بالجمع يمكن تفيدكم احس بنتي وااايد استفادت منها ..
بالاول كنت اقولها ااخذي الرقم الكبير وحطيه بمخج والصغير باصابعج .. يعني مثلا 5+2 ال5 بمخها و2 باصابعها .. تقول 5 عن اللي بمخها .. وتشيل واحد من ايدها يعني تحطه بمخها وتكمل تعد 6 .. وتشيل واحد من اصابعها وترد تحطه بمخها وتكمل عد صارو 7 .. لي خلصو اللي بيدها يعني وصلت للناتج ..
الحين قامت ما تستخدم اصابعها وايد الا اذا العدد شوي كبير يعني 3 او 4 بس اي عدد زائد 1 او 2 او مرات 3 ماتحتاج اصابعها بالحسبة ..


جولي ..
الله يعينكم ع الواجبات .. احنا الحمدلله تأقلمنا على الواجبات فوقه فوقه لأن التلفزيون والالعاب كلها ممنوعة لين تخلص فقامت تخلص بسرعة ..


تايقر ..
بعد عمري انا اليوم خارج منطقة التغطية صدااااااااع وصايمة وزين قاعدة اشوف جدامي تفطرت وقطيت عمري واتنافض والله فطرت ع الادوية فسوري اذا مو مركزة اليوم اخاف صرتي بويهي وماشفتج ترا اسويها والنظر الله بالخير ..
ويحلييييييييييييييييلها مس فرح كلش ما شفتها من تخرجت صبوية عاد صبوي تقول انا لي رحت صف الميوزيك اطل عليها بس اهيه ما تشوفني وليلحينها مصرة ان مس نافيدا طيبة وحبوبة بس مس فرح اتحبها اكثر وحدة بالدنيا ..
وتعالي تايقر شنو سالفة الفني مني ؟؟ اليوم تقول التيجر عطتها وحدة شفتها بمقلمتها وشرحتلي السالفة بس كلمات متقاطعة مافهمت شي غير ان اللي ايمع 5 فني مني يقدر يشتري هدية من التريجر بوكس ..


بنات انا عندي ظرف الخميس وراح اضطر اغيبها 90% .. عنددكم خبر يعيدون السبيلينغ تيست لها ولا لازم تقرير طبي ؟؟

 

[Miss_Tiger79]

جولي ورفرف
اليوم وانا اطبع صور حفلة التخرج والا فيها صورة فهودي وصوره صبويه
بحتفظ فيهم للذكرى عادي
والا تبون نسخ عليهم



جولي
امبييييييييييه من صجج
الله يعينج والله
عيل انا لين ال4 او 4.5 وخلاص عقبها لازم قهوه
اذا لين 7 لازم اشرب شي اقوى

رفرف
سلامات انشالله
لا ما كنت قبالج كنت صوب الكراسي
الله يعينج
وطريقتج استخدمها وطريقة الاصابع وترى طريقتج اسهل واخيه الي نفعت لانه انا استخدمها بعد

و((الفني مني )) هذا كل ما يصير الجلاب مال الطالب على الاخضر مال الاشاره لين اخر اليوم تعطيه (الهني مني ) وعقب ما ايمعونهم تعطيهم الهديه على كثر ما يمع يعني لو يمعت وايد تاخذ هديه كبيره ولو يمعت بس وحده تاخذ اصغر هديه

واتوقع على التيست عادي تأجله لين الاحد اهيه قالت لو حسيت الياهل مو مرتاح بهاليوم أأجله لين الاحد بس انتي حطيلها نوت او كلميها

 

[manarah]

اشلونكم بنات ..
مامانونا انا ولدي بقريد 1 يعني توني بالبدايه وماقر افيدج بالمستويات الاعلى وبالنسبه للكي جي .. الكي جي 1 ماداوموا يعني سألي المدرسه اذا يقبلون الحين والا لا مع اني اتوقع لأ ...

رفرف حلوه طريقتج مالت الجمع يزاج الله خير وبجربها وياه .. انا عزوز اليوم اللي يكون عنده ميوزك لازم يرد من المدرسه ويقوللي اليوم شفت مس فرح واهو متشقق يحليلها هالابله مادري ليش ماخلوها تدرس اعيالنا بقريد 1 بعد ..... احنا اليوم نحل الهووم وورك من 4 لي 6 العربي عطوهم الكتاب ولازم يحلون منه 5 أوراق وهذا غير ورقه العمل اللي فيها نسخ كلمه بيضاء وولدي بالصف مو امقصر كاتبلي امل فراشه بيضاء بخط ايهبل جان امحيه واخليه يكتبه مره ثانيه يعني العربي خذا كل وقتنا بس احنا عاد لازم بريكات بين كل هووم ورك والثاني يطق كره وانا احسب له الاقوال واذا كون 5 اقوال يرد يكتب الهوم ورك ماقول الا الله يعينا اليهال يبيلهم قلب

 

[jolie_q8]

تايقر :اي والله شفتي شلون ,,الحين ماسكني صداع ,, مادري شسوي

رفرف انا مانعه كلشي ,, بس اذا خلصو مبجر اخليهم
بس انا اسوي واجبات حق اثنين اسم الله عليهم ويعتبرون اثنينهم تأسيس ما اقدر اخليهم على هواهم

واللي بثانيه,, بصراحة الواجبات قاعده تصعب شوي شوي ,, علشان جذيه ماقدر اخليه بروحه ,, ابيه يكون متمكن من الياي

 

[jolie_q8]

رفرف : باجر كلمي التيشر وقوليها انا بنتج راح تغيب عن التست وان شاءالله تعيده لها الاحد مثل ماقالت مس تايقر

وما تشوفون شر

 

[Miss_Tiger79]

جولي
يالله ميخالف تتعودين
اسمالله عليهم لازم مجابل الحين

 

[كويتيه ذربه]

اشلونكم

جولي الله يعيناعلى التيست هالاسبوع احس الكلمات طويله

 

[كويتيه ذربه]

جولي طريقه الهوم ورك بقريد ون اريح يحفظون 5 كلمات وبعدين 5 الثانين مو مع بعض الحين الكلمات اصعب وبس 3 ايام يكتبونهم قبل 4 ايام والاربعاء مراجعه للتيست

 

[نواره الحلوة]

أمهات قريد2 ما لاحظتوا إن مستوى العربي والإسلامية أقل من قريد 1 يعني ولدي أول كان ايي من المدرسة حافظ الآيه وما أحتاج أعور قلبي وأحفظه بس أراجع ويكون حافظها من المدرسة ألحين لما سمعتله سورة العاديات كان يخربط وايد والعربي نفس الشئ مع الإملاء ما أشوفهم ينسخون الدرس أو جمل من الدرس في الكراسة ولا يقرون الدرس وايد وأتعب معاه على ما يحفظ للإملاء مع انه بالقراءة والكتابة بالعربي وايد زين لأنه طول العطلة وهو يحاول يقرا الجرايد عشتو فتحسن مستواه

ماأدري بس ولدي وإلا انتوا ملاحظين هالشيء بعد ؟؟؟؟؟؟

 

[كويتيه ذربه]

نواره والله حتى انا لاحظت نفس الشغله استغفر الله العاديات هذا ثاني اسبوع وللحين تخربط
والعربي نفس الشي الله يعين باجر الاملاء

 

[jolie_q8]

قوه بنات

انا ولدي ينسخ العربي يوميا

بورقه الواجب ,, كاتبين لكم نسخوهم اليوم الاول الجمله الاولى والثانيه 3 مرات

الثالثة 3 مرات

واليوم الدرس كامل نسخه مرتين

ومع هذا توني مليته ,, الدرس ويغلط بكلمه مبكرا << كتبها مبكرن

انا خلاص استسلمت

بخليهم ينامون وباجر يصير خير


والعاديات بقو الثلاث ايات الاخير ما حفظهم راحفظه بالويك اند خلص بانزينا

 

[mamanoonaa]

السلام عليكم اشدعوه بنات ماكو احد يقدر يفيدني بالنسبه حق قريد 7
والخوات الي عيالهم بالكي جي اتحسون ان المدرسه اتنمي مهارات الياهل ؟

 

[كويتيه ذربه]

هلا والله مامانونا وعليكم السلام
والله للاسف مااقدر افيدج بالنسبه لقريد 7 انا عندي بقريد تو
وبالنسبه للكي جي تاسيسهم حلو وتنمي مهارات الياهل
انتي مري المدرسه وشوفي المدرسه احسن

 

[jolie_q8]

السلام عليكم اشدعوه بنات ماكو احد يقدر يفيدني بالنسبه حق قريد 7
والخوات الي عيالهم بالكي جي اتحسون ان المدرسه اتنمي مهارات الياهل ؟

وعليكم السلام

الكي جي ,, على حسب المدرسه ,, يفرق من صف لي صف

حاولي تختارين مدرسه زينه ,,

وg7 ما عندي فكره

 

[manarah]

السلام عليكم ..
مامانونا بالنسبه لي الكي جي التأسيس فيها ممتاز وهم مثل ماقالت جولي انتي سألي عن المدرسه الزينه مع ان اللي شفته بالكيجي ان كل مدرساتهم حبوبين وحلوين بس هم التدريس يفرق ..

امهات قريد 2 ماقدر اقول غير قلبي معاكم ودعواتي لكم ولي ... جولي انتي دايما اتذكرج اذاولدي ينني واقول الله يعينها اللي عندها قريد 1 و2 مع بعض اسم الله عليهم يعني انا ولدي ماخد كلللل وقتي لازم حركات دعاله وتنهوص عشان نحل الهوم وورك .

 

[كويتيه ذربه]

مناره اشلونج
واشلون ريولج الحين

 

[manarah]

هلا كويتيه شخبارج .. ريولي الحمدلله احسن بس ليلحين ماجربت امشي عليها انطر اخر موعد للطبيب وانشالله خير .... تسلمين عالسؤال ما قصرتي

 

[كويتيه ذربه]

ديري بالج على ريلج لاتمشين عليها الا لمن يقول لج الدكتور
واول ماتمشين لازم اصادفج بالمدرسه

تخيلي كل ماشفت وحده بالمدرسه اقول اكيد هذه وحده من بنات المنتدى