تجمع أولياء أمور مدرسة التكامل(صباح السالم)للعام الدراسي2009-2010

[Miss_Tiger79]

كويتيه ذربه
assemply
شنو هالماده ؟؟

 

[manarah]

مس تايقر مشكوووووره وما قصرتي

 

[نواره الحلوة]

لا والله نواره مو جامعينهم ويعطونهم مراجعه واليوم ولدي اخذ معاه طلبات المدرسه والحضور نوعا ما زين تقريبا اللي مداومين 8
بس شرايج يداوموون الاسبوع الياي والا لأ والله محتاره لاني اروح صلاة القيام وماخذه اجازه والابو بعد فما ادري محتاره والله اوديه والا اغيبه

شوفي حبيبتي آنا ولدي يصوم فغيبته لأنه أبيه ينام الضحى كله ويقزر عليه اليوم وما يحس بالتعب بس والله ميته على المراجعة بالمدرسة لأن حسيت ان مستواه كلش نازل وناسي كل شي بس شسوي ولما وديته ولقيت بس اشويه اللي يحضرون قلت ابرك له يقعد بالبيت مع اخوه خصوصاً ان نومته معفوسه فوق حدر

 

[ام حسون وفطومه]

مرحبا شلونكم؟انا محد دق عليي قال ان دوام الكي جي1 بشهر12

 

[ام حسون وفطومه]

السلام عليكم ..

ام حسون وفطومه بالنسبه لاختيار المدرسه مادري والله يصير الحين والا لا روح الاسبوع الياي شوفي .. وبالنسبه للأكل لا تحاتين اهي المرسه تطلب منهم ياكلون واليهال يشوفون بعض ويتشجعون ...

كوكو لاتي اعتقد الرسوم لازم تندفع كامله ولا مو حسافه لان اول وتالي انشالله بيداومون ..

نوال انشالله يكون الوضع مطمئن واحنا انشالله بنخليهم يداومون ورا العيد والله يحفظهم

شلونج حبيبتي شخبارج؟انا محد دق عليي قال ان دوام الكي جي1بشهر12وعيزت وانا ادق عليهم محد يشيل

 

[كويتيه ذربه]

كويتيه ذربه
assemply
شنو هالماده ؟؟

والله نسيت وانا بروحي مو ذاك الزود بالانجليزي
بس اتوقع مهارات الحياه- يعني تربيه حياتيه
عاد انشاءالله صح لااتفشل من الترجمه
واذا اقعدت بنتي باجر بسالها عشان ترقع حق امها:eh_s(6):

 

[شانيل نمبر 5]

السلام عليكم ... اشلونكم بنات انشالله بخير ..

الميهاف دقوا علينا المدرسه وقالوا دوام الكي جي 6-12 يعني هالخبر اكيد خلاص ... الحين بنتي شيفهمها ويقولها ماكو دوام واهي كل يوم تسأل متى يصير العيد واروح التكامل.. تبي نفس اخوها بكل شي ... ومن صوب ثاني هالولد شيفهمه ان بس اهو يداوم واخته ليلحين لأ ... ياربي بكل الحالات متوهقين الله يعينا ويعدي هالأزمه على خير انشالله .

شانيل نمبر 5 ما تدرين يمكن حتى لو يديده ممكن انها تكون زينه يعني ولدي بكي جي 2 كانت مدرسته كويتيه ويديده وانا ضاق خلقي وقلت مادري اغير صفه يعني اشلون كويتيه بس شقولج والله طلعت تهبل تهبل تهبل والله يوفقها وين ماكانت خوووش مدرسه يعني تفاءلي .

اللي اسألوا عن مدرسات الكي جي 1 الزينين احنا اللي جربناهم مس جاكي ومس نيلي ومس ايرما وكانوا ويد زينين ونشالله باجي البنات يفيدونكم .

ان شاءالله تكون مدرستها زينه.......
وي حيل ضيقتي خلقي.....الكي جي راح دامون 6-12 :krkrkr:
انا اخاف يصير مستوها ضعيف لما يروح حق الكي جي 2....

اشرايكم بنات........
اجيب له مدرسه بالبيت تعلم اساس اللغه والارقام....لانه ولدي لا مايعرف انخليزي كلششششششش

 

[شانيل نمبر 5]

......................نسيت اسألج مناره؟؟
شلون رجولج؟؟؟

 

[manarah]

السلام عليكم .. شخباركم بنات ..

شانيل نمبر 5 ريولي هذي اهي مجبسه والحركه على بالحسره وملييييييييت من القعده بس الله كيرم وينجبر هالكسر بسرعه امين ..
بالنسبه للروضه والله حتى انا ماني عارفه اشلون بيدرسون هاليهال بكورس واحد بس .. هذا غير الاجازات الاعتياديه اللي بتصير .. الله يعين بس انشالله لازم نسأل المدرسه عن طريقتهم بالتدريس اشلون راح تصير ...

ام حسون وفطومه اذا ما رادوا عليج مري انتي المدرسه احسن منها تشوفين منو ابلته .

 

[strawbarry83]

السلام عليكم بنات اشلوووونكم والله هذا التجمع مفييييد ويخليييينا على تواصل دايم مع اليهال

بنات انا ولدي قريد 1a وطبعا ما وديييته لان مستر براين قال حق ابووووه عاااادي اذا بتغيبه وانا الصرااااحه واااايد متخوفه من الوضع والله الحافظ واصلا صفه ما فيييه الا 6 مدااااومييين,وانا امس سالت الرسبشن عن تاجيييل الابتدااائي قااالتلي ان احتمااال ياجلوووون الدواااام بس احسهم متخوفيييين يقوووولووون الحين عشاااان مايبون اولياء الاموووووور ياخذون رااااحتهم ويسافرووووون خاصة ان اجازة العيد طوييييلة والله اعلم بس حسيييت من كلااامها ان التاجيييل اكيييد بس بيعلنون عنه الاسبوع الياي

 

[كويتيه ذربه]

زين الله يبشرج بالخير انشاءالله يأجلون

 

[نواره الحلوة]

بنات ما قلتولي اشلون مستوى مس باتريشيا لكي جي 1

 

[Miss_Tiger79]

نواره
مادري والله ما جربتها بس اشوف ان الكل يمدحها ويقولون احسن وحده



بنات وينكم

 

[كوكو لاتي]

بنات شلون اكل اليهال في الكي جي تو اهما يعطونهم ولا اهو ياخذ الاكل معاه ؟

 

[نواره الحلوة]

بنات شلون اكل اليهال في الكي جي تو اهما يعطونهم ولا اهو ياخذ الاكل معاه ؟

لا حبيبتي اتودين مع وليدج lunch box اتحطين اكله فيه وهم يحرصون عليج لا اتحطين كاكاو وحلاو وخرابيط بس اكل صحي

 

[nawal_ku]

miss_Tiger
المدرسه الحمدلله مستواها زين وكل اللي فيها مرتاحين منها ومستوى الطلبه حلو..
فما اعتقد ان المدرسه راح تقصر بشي او تخلي الطلبة ينتقلون من مرحله لي مرحله واهم مو فاهمين او مو متأسسين صح
فلا تحاتين انشالله بيكون كل شي اوكي والمدرسه ماراح تفرط بسمعتها صدقيني وانتي بعد شدي حيلج وياه دامه قاعد بالبيت راجعيله ودرسيه شويه .... والله يعين الجميع

 

[ام حسون وفطومه]

مرحبا شلونج شخبارج حبيبتي منو صاحب المدرسة

 

[كويتيه ذربه]

اشلونكم
في احد منكم مر المدرسه اليوم
عشان نعرف للحين يداومون ولا غابوا؟؟؟؟؟؟؟؟؟؟؟؟؟

 

[manarah]

السلام عليكم .. شخباركم بنات انشالله بخير ..
كويتيه ذربه اختي مرت المدرسه اليوم يابت الاوراق اللي اموزعينهم بصف ولدي الفتره اللي طافت وفي دوام عادي .

مس تايقر شخبارج ... سألتي عن assemply .. يعني طابور الصباح وسألت رفيجتي اشلون حاطينه من ضمن المواد بالجدول قالت يوم واحد بالاسبوع يكملون الطابور بالمسرح كل صف من الصفوف يقدم اغنيه او مسرحيه او شي من هالنوع

 

[كويتيه ذربه]

اي مناره
الطابور صح والله فشله ترجمتي غلط
اهما ينزلون المسرح بهاليوم ويعلمونهم الخبرات تحت
ويعطون شهادات كل مره حق كل طفل متميز بمجال معين يا بالماث او باللغه او اي ماده يكون شاطر فيها