تجمع أمهات الصف ثانية الابتدائي 2012-2013

[سفرجل]

بحط لكم صوور من مشترياتي لولدي حبيبي


بالمحل

والحين اواريكم الاغراض بعد الفرز

اقلام --------انا ماخذه اكثر من كرتونين لانه صج استهلااك ودايما احط له 4-5 اقلام علشان لايتوهق



مقلمتين وحده لاقلامه ووحده حق الالوان الخشبيه اسهل واريح

جنطته انا مااخذ على شخصيه علشان لايصير نفس غيره ويكون مميز

الوان وصمغ لي للتسطير وكارنبه لاول يوم ااكتب فيه اسمه

 

[سفرجل]

الوان خشبيه خذيت لي وله للتسطير
والوان خشبيه خذيت تقريبا 3 بس نوعت لانه هم استهلاك


مسطره لي وله


عاد هالاشياء غرامي استكرز مهما اشتري مااشبع
بس للاسف حق الاصبيان ماافي وايد

هالبرايه حق البيت عجيبه

طوابع وصمغ خذيت كرتون وصمغ الكبير حقي لزوم الصور

 

[سفرجل]

لوحات اخذهم من بو 100


دفاتر للعربي والانجليزي
العربي احب اخذ من غير التسطير لانه احب اسطر وازين له
وخذيت 80 صفحه



براية ومقص وهالكوركتر لي احب الرول انظف واسهل


واخيرا
ملفات وجلاد


في اشياء شريت اكثر من واحد لانه وراي ولاده الله يسهل علي فا قلت اخزن


ادعولي بان الله يسهل علي وعلى كل حوامل يارب

 

[سفرجل]

هالاغراض شريتهم من منطقة غرب مشرف توهم مبطلين الدور الارضي عجييييييييييييب في كل شئ وهدووووووووء ومبطلين لي ساعه 12 بليل
اهو صاير ورا ارض المعارض

اما من ناحية الملابس مااخذله من الايووب
خذيت له من ماركس اند سبنسر
وبالطو العلوم من بهاسين
وتكرمون الجواتي من النصر
اما بنتي اخذ لها من الايوب

 

[manoooram]

الله يعطيج العافيه يا قلبي
ويخليج لعيالج ان شالله

 

[فجر 1]

يعطيكم العافيه بنات
وشكرا اكل اللي سأل عني والحمدالله انا ولدت

حمد لله على سلامتج ياغالية .. بشرى ولد ولا بنت ..​

 

[فجر 1]

سفرجل مشكوره حبيبتى ..
الله يسهل عليج حمالج ولادتج ..

 

[لوزين]

الاستيكرز روعه
من وين؟ عليكم بالعافيه

 

[لوزين]

سفرجل ممكن تحطين صورة بالطو العلوم حابه اشوفه اذا تقدرين

 

[دارسين]

اهلين امهات

ممكن تحطولي رابط شلون احمل صور من الآيباد

حابه اشارككم

 

[كارلوفي فاري]

هلا اختي منوره. بالنسبه لاثواب الصلاة انا شاريتهم السنه اللي فاتت من هياوين فرع الايوب خامتهم حلوه وترا اغلا من مالوت السوق الشعبي اللي يميزهم بس انه لهم حافة شريط قيطان وردي. وبالنسبه للمذكرات موجودين عند مكتبة الاشراف بفحيحيل والفنطاس مالت الجمعيه ومكتبة السنافر باوتااد واستخدمينهم وبتدعيلي ان شالله وخصوصا حق رابعه وخامسه تنفعهم للامتحانات. اكثر من اربع نماذج امتحانات لكل فتره وشاامله كل شي وبالنسبه حق ثانيه هم حلو فيه تمارين واختبارات حق كل مهاره وتدريبات
وعلى طاري هياوين عندهم هيلاهوبات ( بالكويتي طبعا ) شفافه وعليها نقش وكرستاال شحلاتهم كشخه بس غاالي اللبسه ب 3 دنانير شريت حق بناتي وردي شكله حيل حلو وللروضه احمر. لانهم احلى شوي من الابيض

 

[كارلوفي فاري]

ماشالله سفرجل اغراض ولدج شحلااتهم الله يبلغج فيه ويقومج بالسلامه

 

[سفرجل]

مشكورين ماقصرتوا
بالنسبة للبالطو ان شاءالله اصوره لكم واحطه بس معروف بهاسين خامتة حلوه
وبالنسبة للاستكرز شريتهم بغرب مشرف وفي بو 100

 

[سفرجل]

● مدار لتحميل الصور والملفات

هالموقع حلو بس نزلي الصور وكوبي للمنتديات وسوي بست على طول بدون لااتحطين علامة الصور
ماادري فهمتوا علي ولا لا

 

[مطلقه وأفتخر]

الورده الحمدالله على سلامتج ومبروك البيبي

سفرجل اغراضج يشوقون يتهنى فيهم يارب


بنات شخباركم مع التجهيز انا باقيلي شوي واخلص بس احس بكسسل مو طبيعي

وشنو مخططاتكم للتدريس نبي تجمعنا يكون شامل لكل شي عشان نفيد ونستفيد


اي صج سفرجل الله يهون عليج وعلى كل الحوامل وتولدون بسلامه يارب

 

[سفرجل]

مشكوره حبيبتي
كل يوم اعطي ولدي شئ يا احرف او الجمع يعني الي اقدر عليه

 

[كارلوفي فاري]

اي والله يابنات خلوا التجمع علشان اذا امثله او اسئله نناقشها مع بعض

 

[%F&R%]

انا بعد معاكم هالسنه بنتي الكبيره بتروح ثانيه بلشت معاها ايات الاسلاميه والعربي يبتلها مدرس تاسيس بالاسبوع حصتين والرياضيات ببلش معاها من باجر انشالله والاغراض للحين ماشتريت شي

 

[مطلقه وأفتخر]

الايات حيل صعبه الله يسهل عليهم حفظها يارب

وين وصلتوا بالتحفيظ

احنا للحين بالعاديات
والعربي راجعنا مراجعه للي طاف والرياضيات النمط

باجي الانقلش

 

[مطلقه وأفتخر]

بنات في برنامج بالايبود اعتقد اسمه المعلم لمشاري العفاسي اهوا يقول الايه والاطفال يرددون وراه نزلوه لعيالكم يمكن يتشجعون ع الحفظ