تجمع أمهات الصف ثانية الابتدائي 2012-2013

[مطلقه وأفتخر]

اي صج ابي بالطو للعلوم بس تكون خامته حلوه مابي مال النصر خامته حيل خفيفه!
وشنو اجهز بعد امبيييه احس جنها اول مره اجهز!!

 

[فجر 1]

مطلقه متشغلى بالج بالبالطو السنه الى طافت مشريه احلى خامه جان تجينى مضيعه ..
رحت الصف ولا القى البنات كلهم ناسين بالطوهم .. مقطوطين فى الصف .. عادى شرى اى شىء ..
لما يرحو الصفوف الكبيره شريلها احلى شىء ..

 

[أم@الحلوين]

شلونكم أمهاات

من وين تشترون بالطوا علوم خامته زينه وما يوبر؟
لأن مال النصر الرياضي مو شي

 

[أم@الحلوين]

فجر

انا عيالي اسم الله عليهم بس تخلص حصة العلوم على طول يحطونه بالجنطه ما يقطونه وفعلا لمن دشيت الصف بالهده شفت اليهالوو قاطين بالطواتهم عالارض

 

[أم@الحلوين]

سفرجل
شلونج
الحال من بعضه الله يسهل ويعدي علينا بالسلامه يارب

 

[manoooram]

مطلقه وأفتخر
يعطيج العافيه يا قلبي شكلي بشتري للعربي 4 والانجليزي 1 بو أربع أسطر نفسج وباخذلي 2 زياده
ونشوف طلباتهم لي بعدين شنو بعد
الله يعينا وبالطو العلوم بشوف مؤيد المير اذا عندهم باخذ لها مره وحده

أم الحلوين هلا وغلا تمام انتي شلونج ؟
انزين وثوب الاسلاميه من وين بتاخذون لبناتكم ؟

 

[الدنيا لحظه**]

بنات لاتنسوم لبس الصلاه

 

[manoooram]

ثوب الاسلاميه لووووووووول يعني ثوب الصلاة

 

[الصابرة المحتسبة]

السلام عليكم

وتقبل الله طاعتكم

ومبروووك الإفتتاح الجديد وعساها سنة خير ونجاح لعيالنا

تفضلوا
كويتيات كل شي يخص الصف الثاني ابتدائي-الفصل الأول

 

[manoooram]

الصابره المحتسبة منا ومنج صالح الأعمال
مشكورة يا قلبي على اللنك ما قصرتي

 

[اطياب طيبه.أم عبدالله]

الله يعيننا
هالسنه عندي ثانيه وثالثه وثانيه روضه وحضانه

ما ادري اشلون بلحق عليهم اسم الله عليهم

بلشت اليوم فرز الاغراض القديمه وماحصلت شي يسوا وبييب ان شاء الله شغلي كله يديد

ما تعرفون مكان غير مجمع الايوب حق ملابس المدارس ؟

 

[الصابرة المحتسبة]

العفو حبيبتي مانورام ما سويت شي

ام عبدالله عسى ربي يبارك فيهم

الحين كل مكان يبيعون ملابس المدرسة ماتعطلين ماشاء الله
سنتر بوينت الاسواق المعلم وغيره والحين ارض المعارض مشرف

 

[aroosalshemal]

يا هلا ومس هلا


بآمهات ثانيه ابتدائي


قبل لابدء حبيت اشكر الصابره المحتسبه واقولها جزاج الله خير


وثانيا انا تقريبا خلصت لبنتي بس باقي ملابس الرياضه لاني مو عارفه لون الفانيله

وشكلي بسويها تفصال بمحلات الرياضه

والنفنوف اخذته من فاشن مل منزلين موديلات صراحه روعه ،، الحين مومثل اول ما نعرف الا الايوب او مؤيد المير او الاوقاف

ليجينا للصج الحين اكثر المحلات روعه موديلاتها
العام اخذتلها من مؤيد المير قسم بالله غسلتين ووبرت الخامه ضاق خلقي

الجوتي من سنتر بوينت والدفاتر والقرطاسيه شكلت من اجيان والمحاميد

الله يعينا هالسنه طاحت رجولي خلصنا تكاليف العيد والحين المدرسه عندي ٤ بالابتدائي و٢ بالمتوسط وباقي بناتي اللي بالثانوي بحاول اخلصهم اخر الاسبوع

والله انهد حيلي من الصرف ومن المدابج معاهم الدنيا مصاريف ماتخليج تخشين شيئ للزمن

يا الله العافيه

 

[كارلوفي فاري]

انا هالسنه غيييير عن كل سنه خخخخخ رحت سوق شعبي وخمييييت المرايل والجوارب والقرطاسيه والجواتي عزكم الله وملابس الصلاة وبالطو العلوم كللل شي ماعدا ملابس الرياضه لين يحددون. حسابي طلع ٢٦٧ دينارًطبعا بناتي اسم الله عليهم ثلاث ابتدائي وحده روضه وكل وحده ها مريولين
كل سنه اغراض المدارس تكلفني قريييب ٦٠٠ لانه كل اشتري من الايوب وسنتر بوينت ومكتبة السنافر. بس هالسنه الميزانيه هلكانه بعد سفر ورمضان وعيد فقلت هالسنه توفيير
بقالي بس اشتري لهم مذراات جمعية المعلمييين انصح كل ام تشتريهم. الله يعين كل مرحله تكلفني قريب ١١ دينار

 

[كارلوفي فاري]

على فكره اللي اسالوا عن اثواب الصلاة. انا السنه اللي فاتت ايام الفسق شريت لبناتي دلاغاتهم واثواب الصلاة من محل هييياويين. موجود بالايوب. وبالبيرق تحت. اثواب الصلاة سبشل يختلفون عن الاسواق الشعبيه انه فيهم قيطان لونه وردي على الحواف. كاان حيل حلو ومميز لبناتي
وعلى فكره هالسنه تشكيلة الدفاتر والجناااط حيييل حلوه. حصلتهم بسوق العائله بفحيحيل حتى جناط ولادي حق متوسط بالعاده مااحصل لكن عندهم اشياء حلوووه
واسفه على الاطاله

 

[manoooram]

صباح الخير

كارلوفي فاري و aroosalshemal و أطياب طيبه. أم عبدالله

الله يعطيكم العافيه أمهات ويخليكم لعيالهم يارب صج مصرف وميزانيه الله يعينا يارب
وهذا غير طلبات المدارس اللي ما تخلص

كارلوفي فاري
موجودين أثواب الصلاة بمحل هياوين ؟. صج ؟
وبشوف المذكرات اللي قلتي عنها تاخذينها من جمعية المعلمين نفسها ولا المكتبات ؟؟

أطياب طيبه. أم عبدالله
أنا نفانيف بنتي آخذهم من مؤيد المير صج كد ومد ما شالله وقصتهم حلوة مرتبه

 

[سفرجل]

شلونكم أمهاات

من وين تشترون بالطوا علوم خامته زينه وما يوبر؟
لأن مال النصر الرياضي مو شي

انا اخذ من بهاسين بحولي صوب دوار صادف جنه

 

[سيدة الذوق]

مرحبا .}

كل عام وانتم بخير .. هالسنة ماشريت شي ان شالله ببدي من باجر .. المراييل مالنا غير الايوب مالي خلق افتر .. العام فصلت لها وحيل كلفني

بالنسبة للدراسة للاسف بنتي نست كل شي حتي الكتابة والاحرف

 

[الوردة المكنونة]

يعطيكم العافيه بنات
وشكرا اكل اللي سأل عني والحمدالله انا ولدت

 

[manoooram]

أهلين سيدة الذوق
انا بنتي جذي شكلها نست ماكو الا أراجع لها هاليومين حبيبتي