تجربتي مع شفط الدهون عند عادل قطينه

[vooom]

يالله نفنوف ناطرين العمليه بالتفصيل الممل
والحمدلله على سلامتج

 

[ii DareeN ii]

الحمدالله على السلامة الله يتمم عليج

 

[ناني سيكرتس]

الله يقومج بالسلامه, ناطره تجربتج على نار ..

 

[نفنوف 85]

السلام عليكم و رحمة الله و بركاته


شلونكم بنات


اليوم الصبح رحت العيادة و سويت عمليه الشفط حق كرشتي كلها بس من غير الخواصر

الدكتور يقول الخواصر اسويهم مع الظهر انشالله الاسبوع الياي


مدة العمليه ساعه و نص

البنج كان موضعي نفس المرة اللي فاتت

بدايه دخلت و قعد الدكتور يرسم بالقلم على بطني الاماكن اللي راح يشفطها

نفس المرة اللي فاتت بدا بوضع السوائل داخل بطني

(( حق اللي ما تابعو الموضوع من الاول , السوائل عبارة عن مخدر يغطي المكان اللي بيشفطه ))

طبعا الالم كان مو طبيعي :lkmnkl:

تخيلو ,, بخمس دقايق انتفخ بطني صار بالضبط جني وحدة حامل بالشهر الثامن او التاسع بعد

و انا ابجي ,, و الدكتور يقولي لا تقصين علي بالبجي

ترا حتى لو بجيتي ماراح اوقف

انتي الحين قاعد تفكرين بالعوار و انا قاعد افكر بالنتيجه

بس عموما ترى الدكتور خفيف دم و يقعد يسولف معاج و يهديج و يضحكج

تخيلو و اهوا قاعد يسوي العمليه دخلت علينا زوجته الكنديه -- حدها حبوبه -- انا كنت حزتها مبطلة حلجي بس مسكرة اسناني ( تعبير يدل على العوار )

جان يقولها الدكتور شوفيها ما تحس بالالم ,, حتى شوفي ظحكتها ماليه ويهها

انا هني قعدت اضحك من صج :dddds:

المهم عقب ما حط السوائل خلاني ارتاح شوي و عقبها بدا بعمليه الشفط

عموما العوار كان تقدرين تتحملينه ,, يعني تحسين بضغط بس لما ايي حق اطراف المكان اللي حددة هني تحسين بالعوار الصجي (( نفس المرة اللي فاتت العوار بالاطراف ))

عقب ما خلصت عطاني الدكتور حبوب مسكنه و قالي اخذهم حبتين كل 6 ساعات

بس الحين قطيتهم و خذيتن بانادول

صح ان الحبوب تسكن الالم بس تدوخ و تلوع الجبد تحسين جنج تبي ترجعين و انتو بكرامه و تسبب صداع

حاليا انا لابسه الكورسيه و منسدحه ماقدر اقعد من العوار احس بطني كلها كدمات قويه جدا جدا جدا و تذبح




على فكرة ترى قبل شوي دخت على امي و بغى يغمى علي

يمكن لاني مو ماكله شي و انا فيني فقر دم



بنات بلز ادعولي اني اقوم بالسلامه و تطلع النتيجه حلوة :yaaaaaarb:

 

[ناني سيكرتس]

واي الله يقومج بالسلامه, بصراحه انت شجاعه حيل ماشاء الله عليج..

بس ها موتتزوجين وترجعين تاكلين, حرام على هالعوار وهالمصاريف الي قاطتهم على روحج..

بسالج هالدكتور عنده جهاز الليبو سمارت, الجهاز الي يشفط باليزر..؟

 

[mimo_o84]

الف الحمدالله على السلامه

 

[mimo_o84]

انزين حبيبتي الدكتور اشقال عن البنج العام قال عنه امن ولا لا لاني ودي اسويه كله مره و حده و اخلص خرعتيني من البنج الموضعي بس كله اقول اخاف اموت مثا احمد الرومي الله يغفر له و يرحمه تكفين عطيني التفاصيل شقال الدكتور عن البنج العام و انشالله انشوف الجسم عاد لازم تحطين صوره النتايج النهائيه حت لو تغطين زيهج

 

[xxx]

حمدالله على السلامه

وان شاءالله تشوفين نتيجة حلوة

 

[moooon]

ماتشوفين شر

 

[barbreeta]

بعد قلبي مشكوره والله يقومج بالسلامه انشالله

 

[نفنوف 85]

السلام عليكم


بنات انا الحين صارلي يوم و نص من سويت العمليه

امس كنت وااااااااااايد تعبانه بس اليوم الحمدلله وايد احسن

الانتفاخ خف عن امس الحمدلله بس ليلحين منتخفه

بالنسبه للآلام فهي نفس المرة اللي فاتت آلام كدمات في كل بطني خصوصا الجزء السفلي من البطن بس عموما الحمدلله وايد خف عن امس


انشالله الاسبوع الياي بروح اشيل الغرز و اسوي شفط خق خصري مع ظهري


الله يعيني ,,, بمر بالعوار مرة ثانيه :cxxxp:








mimo_o84


حبيبتي اصلا الدكتور يايد البنج العام و اهوا آمن و ارخص اصلا

بس انا على قولتهم مجبر اخاك لا بطر

امي تخاف من البنج العام و مو راضيه اسويه الا بموضعي ,,, و لا جان سويته بعام و خلصت من زمان





ناني سيكرتس


مشكورة حبيبتي

و لا تحاتين انشالله بودع المتن للابد


والله مادري عن الجهاز اللي قلتي عنه بس ما اتوقع ان عندهم

 

[نفنوف 85]

السلام عليكم

شلونكم بناااااااااات

انا اليوم صارلي 4 ايام من سويت العمليه و الحمدلله ما احس بشي و امارس حياتي طبيعي

ليلحين عندي بعض التورم بس النتيجه بدت تبين و الكورشه يوم عن يوم تصغر الحمدلله

حتى لبسي بدا يفرق علي

 

[ii DareeN ii]

الحمدالله على سلامتج اختي ان شاء الله تشوفين احلى نتيجة

 

[vooom]

يالله مبروك حبيبتي والفال لي واودع المتن قطيعه يعله يروح ولا يرد

 

[$غرامي الكاكاو$]

الحمدالله على السلامه
والصراحه شجعتيني وانا اليوم ما راح انام ابي اكمل واسهر وادق على العياده واخذ موعد لازم الكرش هذي تروحححح بس ابي اسأل العوار ما يتحمل كلش ملش وله شلون رديلي خبر لان زوجي يبي بعد يسوي حق كرشته <<<< شفتي الصراحه ما بقي يعترف يوم قلت له قصتج تشجع واعترف ان عنده كرش

 

[moooon]

ماتشوفين شر

بس بغيت اسلج :؟؟

الحين كل شي سويتيه له سعره والا الزند والظهر ب 750 والكرش ب مبلغ وغيره وغيره

اذا كل شغله بمبلغ وقدره جذيه حده خساير ..يعني بجم يطلع عليج كل جسمج ؟؟؟؟

واذا بس الكرش والمعدة اقصد الخصر بجم ؟؟؟؟؟؟؟؟؟؟؟؟

ومشكورة

 

[صدى الاشواق]

الحمدلله على سلامتج ياقلبي
بس حبيت اسالج


جم كيلو شال من بطنج؟؟؟؟؟

وبجم سوالج اياها

 

[توت عنكبوت]

حمدالله على السلامه

 

[نفنوف 85]

السلام عليكم


صدى الاشواق و moooon


حبايبي مشكورين على مروركم

اهوا سوالي الزند مع الجزء العلوي من الظهر ب 600 و الكورسيه ماله ب 50 يعني 650

البطن ب 400 مع الكورسيه ب 50 يعني 450

و الاسبوع الياي انشالله بسوي الجزء السفلي من الظهر مع الخواصر ب 400


يعني الاجمالي 1500


بس بصراحه تسوى ,, زنزدي وااااااااااايد فرقت علي اصلا جني انسانه ثانيه

بطني الحين خف وااااايد و فرق علي الحمدلله بس ليلحين متورم شوي ف و النتيجه ماراح تبين الا بعد شهر



اهوا شال من البطن كيلو و نص و الزنود مع الجزء العلوي من الظهر كيلو و نص

يعني لغايه الحين شايل مني 3 كيلو (( نعمة الحمدلله ))

و مادري شكثر بيشيل من الخواصر و باقي الظهر ؟؟؟


ادعولي ان الله يعيني على العوار و اصير حلوة بعيون ريلي




*^*بنوته بطعم التوته*^*


هلا حبيبتي

بصراحه حده يعور بس اول 5 او 7 دقايق لما يدخل السوائل فيني

و بعدين السوائل تخدر المكان

و اذا تبين تفاصيل اكثر عن العوار شوفي انا موضحته بالردود



بس ترى العوار بس حزة العمليه و من ثالث يوم مافيني الا العافيه و طالعه اتمشى


اصلا من ثالث يوم و انا كل يوم اطلع ماقعدت بالبيت (( حدها صايعه :dddds: ))

 

[غلطة حياتي]

وااااااااااااااااااااااااي يربي الواحد يضطر يسوي هالأشياء في سبيل الرشاقه الله يعينج حبيبتي ويشفيج