تجربتي مع حبوب سد الشهيه + الحل الطبيعي والأمثل

[mrs_sugar]

خل اقول لكم تجربتي مع الماي

طبعا مثل ما قالوا البنات عن سد الشهية و تصفية البشرة

بس بقول لكم شلون عودت روحي على شرب الماي

اول شي الصبح قبل الدوام امر عالمطبخ اشرب لي قلاصين ماي دافي مو بارد علشان لا يعور بطني

و اخذ معاي بطل ماي السيارة اخلصه قبل لا اوصل الدوام

تخيلوا انه تصير الساعة 10 ولا 11 و انا مو يوعانة ولا افكر بالأكل

و عقب اخذ لي سلطة و معاها بطل ماي

و على الطلعة من الدوام هم اخذ لي بطل اخلصه بالطريج ليما البيت

اتسلى بالزحمة

و بالبيت كلما مريت المطبخ خذيت لي قلاص

و اي طلعة بطل الماي صرت اشيله مع موبايلي و جنطتي

و الحمدلله صرت ما اقدر استغني عن الماي

و الفال لكم

 

[AFRoDiT]

هياااااااااااااااا مس شوقار ..

والله حتى انا تشجعت معاج زياده و زياده

استمري حبيبتي .. لاتخلين شي يخليج تقطعين


قوليلنا من متى مبلشه و شكثر صارلج؟؟
وشنو التغيرات الي لاحظتيها على جسمج و نفسيتج؟؟


الفال للجميع

 

[myaaaw]

احم احم مياو وصلت :082502bye_prv: <<< معاها قلاص ماي لووووول
انا لازم امرعلى كل صفحة اطبقها
وانا ماشية على رجيم من كيفي وامس امبلشة
تخيلو قبل الريوق بنص ساعة كوب ما مغلي خاااااالي مع ليمونه عاصرتها شنو تتوقعون صار :cxxxp:
كتيته بالمغسلة لووووووووول ماقدرت اكمله

جان امي تقولي لا تاخذينه بس امشي على رجيمج

عاد انا ابي اشرب ماي قولو ليش
لانه ما اشرب الا قلاص واحد اول ما اقوم من النوم عشان دوا الغدة الدرقية :tongue22:

وادري هالشي مو زين

فا من باجر انشالله اول ما اقوم قلاصين ماي وبعدها الريوق والظهر بعد الصلاة قلاص ماي وقبل الغدا بساعة قلاص ماي
وعلى صلاة المغرب قلاص وقبل وجبة العشا بساعة قلاص ماي وبعدها بساعة
وبما اني اسهر لي الصبح فبحطلي دولكة ماي على قولة اختي afrodit :eh_s(6): يمي وما انام الا مشطبتها _03BA:


مشكوورة وايد عالنصيحة وانشالله مطبقتها من باجر واعطيج النتايج بعد اسبوع

 

[AFRoDiT]

عفيه ع الشاطره قطيوه :d

كل يوم سهري معاي وانا وياج نزقزق ماي و نحش لوووووووووووووووول

حبيبتي شدي حيلج
بس ديريبالج لا يصير قريب من وقت الاكل لا قبل ولا بعد .. لازم مو اقل من ساعه عشان لا يتفخ كرشج


قواج الله

بانتظار نتايجج

 

[بس على شانه]

مشكورررررررررره ياحلوه

 

[AFRoDiT]

up
up
up

 

[** باربي **]

هلا والله افروديت ضحكتيني صار دمج خفيف من الماي هههههههههههههههههههههه
امبيه انا ناسيه الماي بحياتي
بس سالفتج انه وقت الكابه تاكلين انا جذي حتى لو شبعانه اكل واكل اذا عصبت
بس صدقين خوش موضوع يعطينا الامل خاصه جملتج النظام الغذائي صحه مو كابه
تسلم ايدج يالغلا

 

[AFRoDiT]

بعد عمري والله توته

حسستيني انج قريتي حتى مابين السطور واستفدتي

وصدقيني دام انج مثلي


جربي هاليومين و واصليني بتجربتج

 

[شوكلاته حلوة]

يعطيكم العافية
بجربه و بقولكم انشالله
مشكلتي اني على الاكل ما استغني عن الماي
ويمكن هذا السبب اللي تافخ بطني

 

[AFRoDiT]

شوكو.. صدقيني مو اكثر مني

انا كنت اشرب الماي ورا كل لقمه بشكل ملحووووظ الي امي تتنرفز مني ..

بس من صرت اشرب ماي وايد على ريجي و قبل الاكل صرت انساه وقت الوجبه



جربي و بشرينا



اسعدني مرورج

 

[GAP^^الكبيرة]

مشكوره لذكر تجربتج
قاعده اقرا واشرب ماي

 

[احلى قصيد]

الماي بس عيبه كثرة التردد عالحمام وخصوصا إذا برع البيت ياويلي

وانا لين انسي اشرب ماي يصير معاي حصى بالكلي وعوار وابر ودوخة راخ

 

[خاشووقه]

صاجه
ويعطيج العافيه
والله يتمم عليج

 

[ظٍل الياسمين]

والله ما يبيلها بس مشكلتي النسيان .

انشاءالله من بارج ببتدي فيها يبا ليش باجر من الحين ز. قبل العشا ..

مشكوووره حبيبتي ..

لي عوده بتجربتي .

 

[AFRoDiT]

بانتظار نتايج تجاربكم خواتي


اسعدني مروركم كلكم

 

[برد الشمال]

انا اذا شربت ماي وايد راسي يعورني بعدين من زين ماي الكويت وماي الجمعية يسبب حصوات على المدى البعيد احنا لو عندنا نهر كان بدعنا

 

[nadoo]

يعطيج الف عافيه

 

[Super Natural]

مشكوره حبيبتي على النصيحه و فعلا الماي مهم وايد خصوصاً للرجيم
ان شاء الله بكثر من شرب الماي عشان يسدني عن الأكل و يارب اييب نتيجه و ينزل الوزن
سؤال: متى نشرب ماى بليل قبل لا انام؟ يعنى حدي لي جم ساعه بين آخر قلاص ماي و النوم ؟
سمعت ان شرب الماي قبل النوم يتفخ البطن .. شي جذي

 

[HELPFULL]

السلام عليكم
صاجه والله مهم وايد للجسم وفوايده ما تنعد

العلاج بالماء.
"وخلقنا من الماء كل شيء حي"

قام الاتحاد الياباني للأمراض بنشر التجربة التالية للعلاج بالماء حيث بلغت نتائج نجاحه حسب إفادة الاتحاد 100% بالنسبة للأمراض القديمة والعصرية التاليه:

الصداع والضغط الدم وفقر الدم ( الأنيميا ) وداء المفاصل والشلل وسرعة خفقان القلب.
الصرع والسمنة السعال التهاب الحلق والربو والسل التهاب السحايا وأي مرض آخر يتصل بالمسالك البولية.
فرط الحموضة والتهاب غشاء المعدة والدوسنتاريا والإمساك.
أي مرض يتصل بالعين والأذن والحنجرة.
عدم انتظام الدورة الشهرية عند المرأة.

طريقة العلاج :-
استيقظ مبكراً صباح كل يوم وتناول (4) كاسات ماء سعة كل منها(160ملم) على معدة فارغة ولا تتناول
أي نوع من الطعام أو السوائل قبل مضي 45 دقيقة.
لا تتناول أي طعام أو شراب خلال الساعتين التاليتين لكل وجبة (الفطور ، الغداء ***العشاء).
قد يواجه المرضى والمسنون صعوبة في البداية في شرب (4) كاسات ماء في وقت واحد.
لذا يمكنهم أن يتناولوا أقل من ذلك على أن يعملوا على زيادة الكمية تدريجياً
إلى أن يتمكنوا من شرب الكمية المقترحة في غضون فترة زمنية قصيرة .
وقد أثبت نتائج العلاج بالماء الشفاء من الأمراض التالية في المدة المبينة مع كل منها:
داء السكري 30 يوماً.
ارتفاع ضغط الدم 30 يوماً.
مشاكل المعدة10 أيام.
السرطان 9شهور.
السل 6أشهر.
الإمساك 10أيام.

ينبغي على الذين يشكون من التهاب المفاصل أن يكرروا هذه التجربة 3 مرات
يومياً في الأسبوع الأول ثم يخففونه إلى مرة في واحدة في الصباح وقد يميلون في الأيام القليلة
الأولى إلى التبول لأكثر من لمعتاد لكن لن يكون لذلك أية مضاعفات جانبية.
منقول للافادة

اقول قولي هذا واستغفر الله لي ولكم ​

 

[@@ورد الجوري@@]

يسلمووووووووووووو عسوله
الله يعطيك العافية
وكلامك 100% صحححححححححح