تجربتي مع حبوب سد الشهيه + الحل الطبيعي والأمثل

[Dress Me Up]

الله يعطج الصحة والعافيه ومشكوره على نقل تجربتج الرائعه ،، وفعلا الماي هــو أساس كل شي ** حتى أصالة نصري سمعتها في العراب تقوول من كثر ماتشرب ماي قربت تصير نبع ماي ** بس الله يهدينا ** ويخلينا نكثر من الماي ** لأنه نوعي استغفر الله تلوع جبدي من الماي وغصب أشربه ** وتخيلوا حتى لو أشرب ربع قلاص ماي تكفيني يوم كامل ما أعطش واعوضها عصاير وشاي **

بس ناوية هالسنة أغير من طبايعي ،، وأحب الماي **​

 

[ii DareeN ii]

خوش طريقة مشكورة وصحية يبيلة بالدوام وبالبيت

 

[AFRoDiT]

والله يا بنات ماكو أحسن من التوازن الصحي في الأكل ..

يعني بالعقل ..
الريجيم الي ينزلج عشرتعش كيلو في اسبوع ولاشهر ,هذا الي نزلتيه كله بيرجع زوود عنه

جدام عيونا نشوف الناس الي تضعف وتحافظ سنيييييين على وزنها .. شلون؟! معقوله عايشين طول عمرهم على جدول؟!!!

كل الي يسوونه ..
1-مراقبة الكميه
2-مراقبة النوعيه


يعني ..
يوم الي آكل عيش ع الغدا اتعشا من غير خبز ..خاصه الي تمتنها النشويات مثلي
عدي قفشات العيش الي تاكلينها .. مسكي قفشتج مثلي واخذي من القنجه<<ياثقل كلمة قنجه .. عدي 1 2 3 4 5 6 7
لاتكثرين و عودي نفسج على هالكميه لاتاكلين أكثر .. وماراح تحسين برغبة انج تبين اكثر اذا انتي مكثره من الماي الضحا

انا عن نفسي لغيت البطاط من حياتي والشبس والماش بوتيتووو كللللله لغيته ..

كثري من الماي .. بس لايكون عقب الوجبه بـ أقل من ساعه ولا قبل الوجبه بـ أقل من ساعه
تبين تفهميني اكثر!! .. ييبي قلاص ماي وقطي فيه قطعة خبز ولا حبة عيش .. شوفي شلون تنتفخ<<جذي يصير بمعدتج اذا شربتي الماي ع الأكل أو بوقت قريب من الأكل ..


حطي بطل ماي عندج بالسياره .. وانتي رايحه الدوام حطي ببالج ان هذا لازم يخلص بالطريج

عقب الغدا بساعه تذكري الماي وحطي دولكه يمج و تسلي فيها .. مو تشربينهم ورا بعض تغثين عمرج


وبس ترى والله سهله ..

مع تمنياتي لكم بالصحه والعافيه و دوام الرشاقه

 

[mn.mn]

خوش طريقة يعطيج العافية بس شنو كان نظامج مع رجيم ولا لأ

وشكثر نزلتي ؟

 

[جوجو.]

والله عدل كلامج وكله صح وانا اشرب قلاص واحد وألحين بشرب 5 قلاصات مع اني واحد ومااقدر اكمله بس بجرب طريقتج الحلوه

وانا من قبل اقول الحبوب ماتنفع

 

[شيخه***البنات]

ماشاءالله علييج و الله يتمم علييج طريقه الدوولكه اعجبتني لان انا تمر عليي ساعات الله باليوم

كلش ماشرب ماااي .. و اذا كثرت شفتي بطل الماي ابراج هذا اشرب منه شووي بس باليوم :|

عسى ربي يتمم عليج و توصلين حق الوزن المثالي بصحه و عافيه ..

حبيت اسإلج شكثر استمريتي على هالطريقه وحسيتي انج ضعفتي ؟؟

ومشكوره و يعطيج العافيه ..

 

[om_3esa]

عاد انا اللي مادري عن الماي لا وساعات احطلي لي بغيت انام بطل يعني بشرب يتم يومين ابمكانه:dddds: بس انشالله بحاول اتذكر واشوف والله يوفقج وتوصلين للوزن اللي تبينه بصحه وعافيه ياااارب

 

[غلاي غير]

الماي حلو وزين بس تكرمين شكثر كنتي تروحين للحمام لان اذا شربت اكثر من 4 كلاسات باليوم انام بالحمام من كثر ما اروحله تعتقدين العيب فيني


مشكوره على عرض تجربتج

 

[OM-A6YAB]

 

[Om-Bashaar]

الله يعطيج العافيه حبيبتي وفعلا انا دكتور التغذيه نصحني بقلاصين ماي قبل الوجبات وعلى الريج

 

[*عيشي حياتج*]

الله يعطييج العافيه على المعلووومه الحلوووه
وانا ان شاء الله راح اجربها واعطططيج خبر

 

[لولي**]

طريقتج مجرببببه
وبصراحه انا فاتدتني من زمان اسويها ولما قريت مضوعج حبيت ااكد كلامج عشان البنات يسونها

 

[كرسبي كريم]

مشكوره علي النصيحه الحلوه
وصج مع كل رجيم لزم تشربين من 6 الي 8 كواب ماء

 

[مخروووشة]

موفقة

جزاج الله خير

 

[AFRoDiT]

بنات الي تبي تنزل بسرعه تقدر تطبقها مع جدول ريجيمها الخاص فيها ..

هذي الطريقه تعتبر عامل مساعد
يساعدج على تطبيق ريجيمج بشكل صحي ومن غير معاناة عذاب اليوع


انا عن نفسي مو ماشيه على جدول معين
لأن هدفي مو نزول وزني بسرعه
هدفي الأول تحسين نظام حياتي من ناحية النوم والغذاء
وسبحان الله ماراح تحسون بدور الماي في تنظيم كل هذا الا لما تجربوووون


قللت كمية أكلي .. مثل ماقلتلكم اكل عيش عادي بس مو اكثر من 7 قفشات ومع سلطه أو شوربه بتشبعييييييييييين
عشاي احاول اخفف كثر مااقدر .. من العشا الموجود اخذ كميه قليله .. وساعات لما اكون شاربه ماي وايد مااشتهي العشا اصلاً
ونومي منتظم بعد .. يعني نعسانه مالي خلق الاكل اروح انام


مااشوف نفسي اروح الحمام وايد بشكل يضايق أو يفشل.. بالعكس العمليه هذي انتظمت عندي بعد ماكانت مخربطه وايد

دورت على كل الطرق السهله والسريعه لنزول الوزن .. سويت بحث عن كل انواع العمليات والشفط بعد الاحباط الشديد الي عشته

شرب الماي خفف من احباطي رغم اني مانزلت الوزن المطلوب وعدل وااايد من نفسيتي
وانا حالياً راضيه لو أنزل 5 كيلوو بـ سنه كامله , ماعندي مانع .. دام الاحباط بعيد عني و وزني ينزل بصحه وعافيه
من غير احباط من غير دوخه و هبوط من غير اكتئاب و من غير ترهل أهم شي ..

كنت بسوي شفط .. بس الشفط بدون شد بيصير ترهل
واذا شديت معناها آثار جراحه بجسمي ..
واذا لقيت طريقه متطوره من غير آثار ..شنو فايدة العمليه اذا انا نظام غذائي غلط؟؟
العمليه بتغير جسمي بس ويمكن بتعدل نفسيتي لما اشوف نفسي رشيقه و احاول احافظ على النتيجه الي دفعت مبلغ كبير عشانها ..

بس بظل مو معوده نفسي ع الماي؟ وبتظل صحتي تعبانه؟ وعقب مااتعود على شكلي وجسمي الرشيق بعد العمليه مااضمن نفسي ماارد اخربط

سووو ..
قررت اغير من نفسي اول
واقتنعت بقاعده , ان النظام الغذائي=صحه ... مو هبود و دوخه وكآبه



لووووووووووووول أدري قرقت وايد
بس حبيت افيدكم بتجربه حيه بعيد عن دراسات الدكاتره

وانشالله بحاول اعود نفسي ع التمارين الرياضيه بالتدريج بعد ما اخفف من وزني شوي

 

[AFRoDiT]

بناااااااااااااااات انا معدتي تعودت ع الاكل القليل

و صرت من نفسي مااشتهي اتعشا واكتفي بالسلطه ..

صرت أحس اني خفيفه .. هـ الكلمات عمري ماكنت اقولها (مومشتهيه آكل - بسي شبعت - ...)
صرت اقولهم وايد وايد واااااااااااااااااايد .. والله يابنات شعور حلو لما تنسد نفسج من غير حبوب وصداع
ماكو شهيه .. مع شعور بالنشاط و خفة الجسم ..

حتى نفسيتي تغيرت .. اهلي يقولولي من شرب الماي صاير دمج خفيف لوووووووووووووول الماي خفف دمي وانا مادري

لأني أحبكم أبي الكل يجرب "شرب الماء لسد الشهيه" بلا حبوب بلا صداع بلا عوار راس


وبالتوفيق للجميع

 

[كويتيه_غاويه]

خوش موضوع حبوبه

للرفع فديتج

 

[ظلال القرآن]

مشكوره على نقل التجربه

اول ما بديت اشرب ماي تلوع جبدي الصبح بس عقب تعودت

 

[Q8stylle]

يسلمووووووووووووووو

 

[كويتيه متغربه]

مشكوره وفعلا الماي مجرب بس عيبه رايحه وراده على الحمام