صباح الخير لاحلى منتدى بالعالم كله
اول شي احب اقوله ان هالمنتدى فتح عيني على اشياء كثيره وشجعني على اشياء اكثر
تجربتي مع البالون ابتدات بعد ماقريت الكثير من المواضيع هنا بالمنتتدى ووقتها كانت خارج الكويت الحبيب وتشجعت على العمليه لان وزني وصل حدود قياسيه وهو 113 كيلو والمفروض يكون 80 عالاكثر بنظري لاني مااحب اكون كثير نحيفه
عملت بحث عن الموضوع واخترت دكتور بالسعوديه لانه وقتها كنت هناك لظروف معينه وراجعت الدكتور ووافق على العمليه على اساس انها تكون ثاني يوم
فعلا صمت من بالليل ورحت عملت العمليه وخلال العمليه كان معاي شخص من اهلي حضر العمليه كلها.. وتمت بنجاح مع معاناه لمده اول اسبوع الغثيان والترجيع لكن الهدف خلاني استمر واتحمل كل شي
الغثيان استمر معاي لمده 3 شهور وانا اي شي اكله ارجعه على طول ماكان فيه اي شي يجلس بمعدتي تخيلوا احيانا حتى الماي والحليب
طبعا لما جاء الشهر الرابع من العمليه وملاحظتي للتغيرات بجسمي بدات عندي بعض الالام بالمعده مو طبيعيه والم بالكتف
راجعت مستشفى حكومي قال لي انتي عندك شد عضلي وقلت اوكي انتوا ادرى باللي انا فيه واعطوني ابرتين على امل اني اتحسن بس للاسف ماكو فايده
اليوم اللي بعده راجعت مستشفى خاص قالوا لي نفس الكلام شد عضلي واخذت ابرتين غيرهم وماراح الالم وكل ماله يزيد لدرجه اني اصرخ من الالم ومااقدر اوقف على حيلي
اليوم اللي بعده راجعت الدكتور اللي عمل لي العمليه وقال لي انه انا بخير ومافيني الا العافيه واني نزلت 25 كيلو من وزني وشي حلو وكذا ومع الوناسه تناسيت الالم وقلت يمكن فعلا شد عضلي وبياخذ وقته وبيروح
رجعت البيت وطبعا وقت صيام واخر يومين من رمضان .. دخل المغرب تفطرت ومن بعد الافطار الله لايوريكم اللي صار فيني ..
وصلت لمرحله اذا انسدحت على السرير اصرخ من الالم .. وانتوا بكرامه التواليت مااقدر استعمله من الالم .. اوجاع مو طبيعيه حتى ملابسي مااقدر ابدلها ...
دخل علي الصبح وانا شبه ميته .. صحى ولد اختي شافني على هذي الحاله شغل السياره ووداني على طول المستشفى اللي انا عملت فيه العمليه ودخلوني الطواريء وطبعا ماكان فيه احد بالمستشفى لان اجازه العيد تبلش بكرة خلاص وماعندي الا الطواريء..
المهم فحوصات وفحوصات وكل شي سليم عندهم ماعدا كريات الدم البيضاء عندي جدا عاليه يعني فيه التهاب
دخلوني قسم الاشعه ومارحمتني وهي تصورني اعتقد المستشفى كلهم سمعوا صراخي من الالم لاني مااقدر اوقف مستقيمه لازم اكون منحنيه والاشعه لازم اوقف مستقيمه .. وطلعت نتيجه الاشعه عندي ثقب بالمعده .. والحل الوحيد التدخل الجراحي .. انصدمت الناس باجر عيد وانا بالعمليات وعمليه انتي مو مستعده لها ولازم تدخلين الان يعني الدنيا لفت فيني .. وقررت اخش العمليات لان الالم لايطاق
قالوا لي خلال ساعتين عمليتك .. استعديت للعمليه.. ودخلت ومن بعدها صحيت وانا عندي انبوب بالانف واصل للحلق.. وانبوبين في البطن .. والم فظيع لايطاق..
قالوا لي انهم عملوا لي تنظيف للمعده .. كان عندي التهاب شديد بالمعده عمل لي الثقب ورفع الحجاب الحاجز من مكانه لهالسبب انا ماكنت اقدر اتنفس .. ومنعوا عني الاكل والشرب لمده 6 ايام .. وكله عن طريق المغذيات ..
اسال الدكتور طيب ايش اللي صاير .. يقول لي احنا لاحظنا في تصبغ في المعده.. واحنا مدخلين المنظار ماحسينا انه في بالون لان المعده مو منتفخه .. اللي فهمته ان البالون سرب بمعدتي او شي مثل كذا..
تحملت على نفسي .. طبعا اسبوع كامل وانا على هالحال بالمستشفى واعاني من الم عمليه المنظار والحر بالمستشفى لان الظاهر تكيفهم عطلان والملل .. وجاء اليوم اللي انتهت فيه اجازه العيد وجاء الدكتور اللي عمل لي عمليه البالون ويقهرني بتصرفاته البارده ايه اللي حصل ومن هالحجي اللي يبط الكبد .. ارسلني اعمل سونار وساعه لغايه الدكتورة قدرت تطلع البالون وكل مرة بحجم لدرجه اني شكيت انه في شي صاير عشان يغطون عالموضوع ..
خلصت سونار دخلوني غرفه العمليات على طول على اساس انهم بيطلعون البالون من المعده .. وانا على الكرسي المتحرك يحركوني بكيفهم ولا كان لي كلمه بالموضوع ..
خلصوا عمليه تطليع البالون .. وقعدت ابكي من القهر والوجع والتعب والمعاناه اللي انا مريت فيها .. وودني على غرفتي ارتحت كثير وخفت الالام ونفسيتي شوي تحسنت ولكن شعري اللي كان يطيح لان لاشراب ولا اكل ولا شي غير المغذيات ويوميا 3 ابر مضاد حيوي لعبت بحسبه جسمي ووصلوا لمرحله انهم يعطوني ابره بالبطن يقولون عشان ماتجيني جلطه لاني مااتحرك كثير ..
بعدها بثلاث ايام يحاولون يحطون المغذي بجسمي ولكن لاحياه لمن تنادي خلاص جسمي ماعاد فيه عروق يحطون الابره فيها كلها اختفت لاني نشفت الجسم محتاج ماااي .. وسمحوا لي وقتها اني اشرب عصير تفاااح ومع الوقت بديت اشرب ماااي وعصير تفااح ثم حولوا للشوربه .. وشوي شوي بديت اتحسن وخلال هالعمليه والمعاناه خسرت 10 كيلوو من وزني ويمكن 6 كيلو شعر لان نص شعر راسي طاح
وتحسنت كثير وبديت اقدر اتحرك واتكلم وجاء اخر يوم اريد احد يفهمني وش اللي صار بس للاسف كلام الدكاتره كان متضارب كل واحد يحاول يغطي عالثاني ويحمي المستشفى
وبالنهايه طلعت بسلامه ووصلت للوزن اللي انا اريده تقريبا ولكن بعد معاناه شديده والم ومعاناه نفسيه اكثر من اي شي ..:eh_s(11):
بصراحه اللي ابي اوصله انه مافي عمليه ميه بالميه امان وكل شي وراه معاناه.. والدكاتره اللي موجودين عندنا بالخليج بشكل عام اكثرهم فاشلين الا من رحم ربي .. واعتذر منكم على الاطاله ولكن حبيت اوصل لكم تجربتي ومعاناتي ... :eh_s(2):
وراح تبدا معاناه قريبا لاني بصراحه مااتوب الحين بيجي وقت اصلاح اللي اخترب وترهل وتدمر من عمليه البالون ومالحقها .. يعني معاناه ارجع شعري اللي شبه تدمر.. ارجع بشرتي المنهاره.. اشيل الترهلات اللي صارت بكل مكان ... :yaaaaaarb:
اول شي احب اقوله ان هالمنتدى فتح عيني على اشياء كثيره وشجعني على اشياء اكثر
تجربتي مع البالون ابتدات بعد ماقريت الكثير من المواضيع هنا بالمنتتدى ووقتها كانت خارج الكويت الحبيب وتشجعت على العمليه لان وزني وصل حدود قياسيه وهو 113 كيلو والمفروض يكون 80 عالاكثر بنظري لاني مااحب اكون كثير نحيفه
عملت بحث عن الموضوع واخترت دكتور بالسعوديه لانه وقتها كنت هناك لظروف معينه وراجعت الدكتور ووافق على العمليه على اساس انها تكون ثاني يوم
فعلا صمت من بالليل ورحت عملت العمليه وخلال العمليه كان معاي شخص من اهلي حضر العمليه كلها.. وتمت بنجاح مع معاناه لمده اول اسبوع الغثيان والترجيع لكن الهدف خلاني استمر واتحمل كل شي
الغثيان استمر معاي لمده 3 شهور وانا اي شي اكله ارجعه على طول ماكان فيه اي شي يجلس بمعدتي تخيلوا احيانا حتى الماي والحليب
طبعا لما جاء الشهر الرابع من العمليه وملاحظتي للتغيرات بجسمي بدات عندي بعض الالام بالمعده مو طبيعيه والم بالكتف
راجعت مستشفى حكومي قال لي انتي عندك شد عضلي وقلت اوكي انتوا ادرى باللي انا فيه واعطوني ابرتين على امل اني اتحسن بس للاسف ماكو فايده
اليوم اللي بعده راجعت مستشفى خاص قالوا لي نفس الكلام شد عضلي واخذت ابرتين غيرهم وماراح الالم وكل ماله يزيد لدرجه اني اصرخ من الالم ومااقدر اوقف على حيلي
اليوم اللي بعده راجعت الدكتور اللي عمل لي العمليه وقال لي انه انا بخير ومافيني الا العافيه واني نزلت 25 كيلو من وزني وشي حلو وكذا ومع الوناسه تناسيت الالم وقلت يمكن فعلا شد عضلي وبياخذ وقته وبيروح
رجعت البيت وطبعا وقت صيام واخر يومين من رمضان .. دخل المغرب تفطرت ومن بعد الافطار الله لايوريكم اللي صار فيني ..
وصلت لمرحله اذا انسدحت على السرير اصرخ من الالم .. وانتوا بكرامه التواليت مااقدر استعمله من الالم .. اوجاع مو طبيعيه حتى ملابسي مااقدر ابدلها ...
دخل علي الصبح وانا شبه ميته .. صحى ولد اختي شافني على هذي الحاله شغل السياره ووداني على طول المستشفى اللي انا عملت فيه العمليه ودخلوني الطواريء وطبعا ماكان فيه احد بالمستشفى لان اجازه العيد تبلش بكرة خلاص وماعندي الا الطواريء..
المهم فحوصات وفحوصات وكل شي سليم عندهم ماعدا كريات الدم البيضاء عندي جدا عاليه يعني فيه التهاب
دخلوني قسم الاشعه ومارحمتني وهي تصورني اعتقد المستشفى كلهم سمعوا صراخي من الالم لاني مااقدر اوقف مستقيمه لازم اكون منحنيه والاشعه لازم اوقف مستقيمه .. وطلعت نتيجه الاشعه عندي ثقب بالمعده .. والحل الوحيد التدخل الجراحي .. انصدمت الناس باجر عيد وانا بالعمليات وعمليه انتي مو مستعده لها ولازم تدخلين الان يعني الدنيا لفت فيني .. وقررت اخش العمليات لان الالم لايطاق
قالوا لي خلال ساعتين عمليتك .. استعديت للعمليه.. ودخلت ومن بعدها صحيت وانا عندي انبوب بالانف واصل للحلق.. وانبوبين في البطن .. والم فظيع لايطاق..
قالوا لي انهم عملوا لي تنظيف للمعده .. كان عندي التهاب شديد بالمعده عمل لي الثقب ورفع الحجاب الحاجز من مكانه لهالسبب انا ماكنت اقدر اتنفس .. ومنعوا عني الاكل والشرب لمده 6 ايام .. وكله عن طريق المغذيات ..
اسال الدكتور طيب ايش اللي صاير .. يقول لي احنا لاحظنا في تصبغ في المعده.. واحنا مدخلين المنظار ماحسينا انه في بالون لان المعده مو منتفخه .. اللي فهمته ان البالون سرب بمعدتي او شي مثل كذا..
تحملت على نفسي .. طبعا اسبوع كامل وانا على هالحال بالمستشفى واعاني من الم عمليه المنظار والحر بالمستشفى لان الظاهر تكيفهم عطلان والملل .. وجاء اليوم اللي انتهت فيه اجازه العيد وجاء الدكتور اللي عمل لي عمليه البالون ويقهرني بتصرفاته البارده ايه اللي حصل ومن هالحجي اللي يبط الكبد .. ارسلني اعمل سونار وساعه لغايه الدكتورة قدرت تطلع البالون وكل مرة بحجم لدرجه اني شكيت انه في شي صاير عشان يغطون عالموضوع ..
خلصت سونار دخلوني غرفه العمليات على طول على اساس انهم بيطلعون البالون من المعده .. وانا على الكرسي المتحرك يحركوني بكيفهم ولا كان لي كلمه بالموضوع ..
خلصوا عمليه تطليع البالون .. وقعدت ابكي من القهر والوجع والتعب والمعاناه اللي انا مريت فيها .. وودني على غرفتي ارتحت كثير وخفت الالام ونفسيتي شوي تحسنت ولكن شعري اللي كان يطيح لان لاشراب ولا اكل ولا شي غير المغذيات ويوميا 3 ابر مضاد حيوي لعبت بحسبه جسمي ووصلوا لمرحله انهم يعطوني ابره بالبطن يقولون عشان ماتجيني جلطه لاني مااتحرك كثير ..
بعدها بثلاث ايام يحاولون يحطون المغذي بجسمي ولكن لاحياه لمن تنادي خلاص جسمي ماعاد فيه عروق يحطون الابره فيها كلها اختفت لاني نشفت الجسم محتاج ماااي .. وسمحوا لي وقتها اني اشرب عصير تفاااح ومع الوقت بديت اشرب ماااي وعصير تفااح ثم حولوا للشوربه .. وشوي شوي بديت اتحسن وخلال هالعمليه والمعاناه خسرت 10 كيلوو من وزني ويمكن 6 كيلو شعر لان نص شعر راسي طاح
وتحسنت كثير وبديت اقدر اتحرك واتكلم وجاء اخر يوم اريد احد يفهمني وش اللي صار بس للاسف كلام الدكاتره كان متضارب كل واحد يحاول يغطي عالثاني ويحمي المستشفى
وبالنهايه طلعت بسلامه ووصلت للوزن اللي انا اريده تقريبا ولكن بعد معاناه شديده والم ومعاناه نفسيه اكثر من اي شي ..:eh_s(11):
بصراحه اللي ابي اوصله انه مافي عمليه ميه بالميه امان وكل شي وراه معاناه.. والدكاتره اللي موجودين عندنا بالخليج بشكل عام اكثرهم فاشلين الا من رحم ربي .. واعتذر منكم على الاطاله ولكن حبيت اوصل لكم تجربتي ومعاناتي ... :eh_s(2):
وراح تبدا معاناه قريبا لاني بصراحه مااتوب الحين بيجي وقت اصلاح اللي اخترب وترهل وتدمر من عمليه البالون ومالحقها .. يعني معاناه ارجع شعري اللي شبه تدمر.. ارجع بشرتي المنهاره.. اشيل الترهلات اللي صارت بكل مكان ... :yaaaaaarb:
