تجربتي مع بالون المعده

إنضم
4 فبراير 2011
المشاركات
238
مستوى التفاعل
0
النقاط
0
الإقامة
kuwait
صباح الخير لاحلى منتدى بالعالم كله

اول شي احب اقوله ان هالمنتدى فتح عيني على اشياء كثيره وشجعني على اشياء اكثر

تجربتي مع البالون ابتدات بعد ماقريت الكثير من المواضيع هنا بالمنتتدى ووقتها كانت خارج الكويت الحبيب وتشجعت على العمليه لان وزني وصل حدود قياسيه وهو 113 كيلو والمفروض يكون 80 عالاكثر بنظري لاني مااحب اكون كثير نحيفه
عملت بحث عن الموضوع واخترت دكتور بالسعوديه لانه وقتها كنت هناك لظروف معينه وراجعت الدكتور ووافق على العمليه على اساس انها تكون ثاني يوم
فعلا صمت من بالليل ورحت عملت العمليه وخلال العمليه كان معاي شخص من اهلي حضر العمليه كلها.. وتمت بنجاح مع معاناه لمده اول اسبوع الغثيان والترجيع لكن الهدف خلاني استمر واتحمل كل شي
الغثيان استمر معاي لمده 3 شهور وانا اي شي اكله ارجعه على طول ماكان فيه اي شي يجلس بمعدتي تخيلوا احيانا حتى الماي والحليب
طبعا لما جاء الشهر الرابع من العمليه وملاحظتي للتغيرات بجسمي بدات عندي بعض الالام بالمعده مو طبيعيه والم بالكتف
راجعت مستشفى حكومي قال لي انتي عندك شد عضلي وقلت اوكي انتوا ادرى باللي انا فيه واعطوني ابرتين على امل اني اتحسن بس للاسف ماكو فايده
اليوم اللي بعده راجعت مستشفى خاص قالوا لي نفس الكلام شد عضلي واخذت ابرتين غيرهم وماراح الالم وكل ماله يزيد لدرجه اني اصرخ من الالم ومااقدر اوقف على حيلي
اليوم اللي بعده راجعت الدكتور اللي عمل لي العمليه وقال لي انه انا بخير ومافيني الا العافيه واني نزلت 25 كيلو من وزني وشي حلو وكذا ومع الوناسه تناسيت الالم وقلت يمكن فعلا شد عضلي وبياخذ وقته وبيروح
رجعت البيت وطبعا وقت صيام واخر يومين من رمضان .. دخل المغرب تفطرت ومن بعد الافطار الله لايوريكم اللي صار فيني ..
وصلت لمرحله اذا انسدحت على السرير اصرخ من الالم .. وانتوا بكرامه التواليت مااقدر استعمله من الالم .. اوجاع مو طبيعيه حتى ملابسي مااقدر ابدلها ...
دخل علي الصبح وانا شبه ميته .. صحى ولد اختي شافني على هذي الحاله شغل السياره ووداني على طول المستشفى اللي انا عملت فيه العمليه ودخلوني الطواريء وطبعا ماكان فيه احد بالمستشفى لان اجازه العيد تبلش بكرة خلاص وماعندي الا الطواريء..
المهم فحوصات وفحوصات وكل شي سليم عندهم ماعدا كريات الدم البيضاء عندي جدا عاليه يعني فيه التهاب
دخلوني قسم الاشعه ومارحمتني وهي تصورني اعتقد المستشفى كلهم سمعوا صراخي من الالم لاني مااقدر اوقف مستقيمه لازم اكون منحنيه والاشعه لازم اوقف مستقيمه .. وطلعت نتيجه الاشعه عندي ثقب بالمعده .. والحل الوحيد التدخل الجراحي .. انصدمت الناس باجر عيد وانا بالعمليات وعمليه انتي مو مستعده لها ولازم تدخلين الان يعني الدنيا لفت فيني .. وقررت اخش العمليات لان الالم لايطاق
قالوا لي خلال ساعتين عمليتك .. استعديت للعمليه.. ودخلت ومن بعدها صحيت وانا عندي انبوب بالانف واصل للحلق.. وانبوبين في البطن .. والم فظيع لايطاق..
قالوا لي انهم عملوا لي تنظيف للمعده .. كان عندي التهاب شديد بالمعده عمل لي الثقب ورفع الحجاب الحاجز من مكانه لهالسبب انا ماكنت اقدر اتنفس .. ومنعوا عني الاكل والشرب لمده 6 ايام .. وكله عن طريق المغذيات ..

اسال الدكتور طيب ايش اللي صاير .. يقول لي احنا لاحظنا في تصبغ في المعده.. واحنا مدخلين المنظار ماحسينا انه في بالون لان المعده مو منتفخه .. اللي فهمته ان البالون سرب بمعدتي او شي مثل كذا..

تحملت على نفسي .. طبعا اسبوع كامل وانا على هالحال بالمستشفى واعاني من الم عمليه المنظار والحر بالمستشفى لان الظاهر تكيفهم عطلان والملل .. وجاء اليوم اللي انتهت فيه اجازه العيد وجاء الدكتور اللي عمل لي عمليه البالون ويقهرني بتصرفاته البارده ايه اللي حصل ومن هالحجي اللي يبط الكبد .. ارسلني اعمل سونار وساعه لغايه الدكتورة قدرت تطلع البالون وكل مرة بحجم لدرجه اني شكيت انه في شي صاير عشان يغطون عالموضوع ..

خلصت سونار دخلوني غرفه العمليات على طول على اساس انهم بيطلعون البالون من المعده .. وانا على الكرسي المتحرك يحركوني بكيفهم ولا كان لي كلمه بالموضوع ..
خلصوا عمليه تطليع البالون .. وقعدت ابكي من القهر والوجع والتعب والمعاناه اللي انا مريت فيها .. وودني على غرفتي ارتحت كثير وخفت الالام ونفسيتي شوي تحسنت ولكن شعري اللي كان يطيح لان لاشراب ولا اكل ولا شي غير المغذيات ويوميا 3 ابر مضاد حيوي لعبت بحسبه جسمي ووصلوا لمرحله انهم يعطوني ابره بالبطن يقولون عشان ماتجيني جلطه لاني مااتحرك كثير ..

بعدها بثلاث ايام يحاولون يحطون المغذي بجسمي ولكن لاحياه لمن تنادي خلاص جسمي ماعاد فيه عروق يحطون الابره فيها كلها اختفت لاني نشفت الجسم محتاج ماااي .. وسمحوا لي وقتها اني اشرب عصير تفاااح ومع الوقت بديت اشرب ماااي وعصير تفااح ثم حولوا للشوربه .. وشوي شوي بديت اتحسن وخلال هالعمليه والمعاناه خسرت 10 كيلوو من وزني ويمكن 6 كيلو شعر لان نص شعر راسي طاح

وتحسنت كثير وبديت اقدر اتحرك واتكلم وجاء اخر يوم اريد احد يفهمني وش اللي صار بس للاسف كلام الدكاتره كان متضارب كل واحد يحاول يغطي عالثاني ويحمي المستشفى

وبالنهايه طلعت بسلامه ووصلت للوزن اللي انا اريده تقريبا ولكن بعد معاناه شديده والم ومعاناه نفسيه اكثر من اي شي ..:eh_s(11):


بصراحه اللي ابي اوصله انه مافي عمليه ميه بالميه امان وكل شي وراه معاناه.. والدكاتره اللي موجودين عندنا بالخليج بشكل عام اكثرهم فاشلين الا من رحم ربي .. واعتذر منكم على الاطاله ولكن حبيت اوصل لكم تجربتي ومعاناتي ... :eh_s(2):

وراح تبدا معاناه قريبا لاني بصراحه مااتوب الحين بيجي وقت اصلاح اللي اخترب وترهل وتدمر من عمليه البالون ومالحقها .. يعني معاناه ارجع شعري اللي شبه تدمر.. ارجع بشرتي المنهاره.. اشيل الترهلات اللي صارت بكل مكان ... :yaaaaaarb:
 

نبض الغلآ

New member
إنضم
25 فبراير 2009
المشاركات
602
مستوى التفاعل
0
النقاط
0
الحمدلله على سلاامتج ,,بس معاانااه من قلب الباالووون محد يمدحه مااكوو مثل التكميم التكميم هو الحل الافضل الحمدلله انا مسويتها لي 6 اياام بس الحمدلله الالم اول ثلااث اياام بس,,اللهم لك الحمد

والحمدلله على سلاامتج حبووبه,,وبالتوفيق
 
إنضم
4 فبراير 2011
المشاركات
238
مستوى التفاعل
0
النقاط
0
الإقامة
kuwait
الحمدلله على سلاامتج ,,بس معاانااه من قلب الباالووون محد يمدحه مااكوو مثل التكميم التكميم هو الحل الافضل الحمدلله انا مسويتها لي 6 اياام بس الحمدلله الالم اول ثلااث اياام بس,,اللهم لك الحمد

والحمدلله على سلاامتج حبووبه,,وبالتوفيق


الله يسلمج بس للاسف اللي سمعته عن التكميم انه لازم التزام بالادويه لفتره طويله وله اثار جانبيه مع الوقت وكذا وتعرفين صعبه يقصون جزء من جسمج وتمنيت لو اني سويته بس للاسف صار اللي صار

تصدقين بردتي قلبي بالرد توقعت ماكو احد بيرد علي على كثر المشاهدات وان شاء الله توصلين للوزن اللي تبينه وانتي بصحه وسلامه وركزي عالفيتامينات والكالسيوم وكل هالامور :eh_s(17):
 

الريم30

New member
إنضم
19 فبراير 2007
المشاركات
732
مستوى التفاعل
0
النقاط
0
العمر
47
الف الحمدالله علي سلامتجً انا مسويهً تكميم والحمداللهً جني مسويهً رجيم اجباري بس مافي ترجيع بس لوعت جبد بعد لاكل البالون كلش مو تمام اختي سوته بغت تموت ومانزلتً. وايد. اهم شي سلامتجً يالغاليهً
 

vooom

New member
إنضم
10 مايو 2008
المشاركات
1,592
مستوى التفاعل
0
النقاط
0
الحمدلله على سلامتج وماتشوفين شر
 

leb-heart

New member
إنضم
14 نوفمبر 2009
المشاركات
45
مستوى التفاعل
0
النقاط
0
الحمدالله على سلامتج انا صارلي 9 ايام من عملية التكميم والحمدالله اول ثلاثة ايام تعب خفيف وبعدها خلاص مو حاسة فيه الحين
وماتشوفين شر اختي
 

Judy . abbot

New member
إنضم
15 سبتمبر 2011
المشاركات
1,998
مستوى التفاعل
0
النقاط
0
حبيبتي الحمدالله علي سلامتج
والبالوون معروفه انها مو زينه محد قام يسويها وايد لها اضرار
الحين الكل يسوي تكميم وانا اعرف شكثرر مسرين تكميم ومنو قالج تاخذين ادويه طول عمرج
الي ياخذون ادويه طول عمرهم اهما التحوييل
ومدام وصلتي الحين ٨٠ الحمدالله
وانشالله تضعفين بصحه وعافيه ومن غيرر هالعمليااات
 

sheraZia_Q8

New member
إنضم
16 أبريل 2010
المشاركات
1,979
مستوى التفاعل
0
النقاط
0
والله انغمت قلبي من سالفتج
لا حول ولا قوه الا بالله العلي العظيم
الف حمدلله على سلامتج
 

لولا فؤاد

New member
إنضم
19 مارس 2017
المشاركات
15
مستوى التفاعل
0
النقاط
0
من اهم مميزات بالون المعدة بانه يتم من خلال منظار الجهاز الهضمى عن طريق ادخال البالون من الفم إلى المعدة ثم نفخ البالون في المعدة وتغادر المريض المستشفي في نفس اليوم ويفقد المريض الوزن بصورة تدريجية سريعة
 
إنضم
27 يوليو 2008
المشاركات
1,834
مستوى التفاعل
0
النقاط
0
الحمد لله على سلامتج حبيبتي والله ما انصحكم بالبالون كل اللي سووه اتعبت معدتهم قولوا الحمد لله على الصحة