تجربتي عشانكم : شفط وشد بطن بالليزر ببنج موضعي عند عاطف علام comeee girLS :D

[freethinker]

شولنج حبي طمنينا عن احوالج


انا رحتله من 3ايام
وقالي ماينفعلج الليزر لأن بطن القيصرية اصلا مترهلة شوي فماينفع ابد
لازم شق .. اللي اهو tummy tuck وهذي مستحيييل اسويها لأنها تذبح و ال recovery مالتها يطول وايد


الله يعوضني

بس يحلاته خووووووووش دكتور يهبل نفسيته عسل وحسيته شاطر
بس استحيت لما كشفت عليه
تمنيت الارض تنشق وتبلعني

اي اذا العضلات مترهله وولاده لازم تمي تك ! عاد تدرين انا قتله ابي ميني تمي تك قالي عكسج قال ماينفعج تمي تك !

بخصوص الدكتور قتلج وايد امين وعسل ونفسيته اتينن وغشمرجي !

 

[freethinker]

حمدلله ع سلامتج ياقلبي انزين الغرز تبين والا خفيفه لاني بسوي ومابي ريلي يدري

الله يسلمج

من ناحية الغزر تطمني الحين صارلي اسبوعين وراحو ! بس باجي اثر بسيط وانشالله متوقعه خلال شهر بيختفون لان الي بسرتي اختفت

 

[freethinker]

الحمدلله على سلامتج حبيبتي
ومبروك عليج النيو لوك
والله يحفظج من كل شر انشالله


بس بسألج
دكتورج وين موجود ؟ بأي مستشفى او بأي عياده ؟
و مواعيده شلون متوفره علطول ولا ننطر شهور ؟

و شنو قصدج بالليزر ؟ يعني الانبوبه الطويله اللي يدخلونها ويطلعونها بجسمج ؟ ممكن توضيح بسيط بس لو ماعليج امر

و انا ودي اشفط بطني و زوايدي و زنودي
بس كلهم شوووية مو وايد يعني مافيني وايد
بس مو راضين يتناسقون او يخفون مهما سويت ريجيم
وابي احقنهم بصدري
هالدكتور يحقن الدهون الزايده بالصدر او لا ؟

وانا ابي بنج موضعي مستحييييييل اسوي بنج عام لو شنو يصير
حدي خواافه وماقدر


واسفه اذيتج باسألتي
ومشكورة مقدماااا

شوفي الي قلتيه مستحييل يسووويه بنج موضععي مستحييييييييل انا لاخر لحظه كان داق علي يقولي حخنسويها بمستشفى عارف ماراح اتحمل

اقولج شي ؟ واهوا يسوي العمليه ويشفط انا عيوني تدمع وساكته عرفتي لمن تمسكين نفسه وعيونج كلها دموع ههههههههه نفس البباي ؟؟ اكسر الخاطر بس لان حنيت عليه اني راح اتحمل ومابي اطلع مو قد كلمتي فكنت ماسكه نفسي عالاخر الي اخر شي حسيت انكسر خاطره قالي يعور كدا ؟ يعور كدا ؟ هههههههههه واهوا يشتغل بس ترى صجج اهوا قالي ما ياخذ راحتته بالشفط الموضعي وفعلاا مالومه لان عوار ومايشفط على راحته

فاللي قلتي من الحين اقولج مستحيييل يسويها لج احد ببنج موضعي

وبخصوص الصدر ليش ماتكبيرنه سيلكون ؟ انا سمعت واشوف بره يسونه اب دهون الجسم بس شكله طالع بايخ بالصور ! لان كنت مسويه صدري فباحثه بالسالفه السيلكون يطلع شكله احلىىى


بخصوص الليزر شيي يحرق يدخله داخل جسمج يحرق الفات الي ماطلع بالشفط ويشد الجلد ومايعور

الي يعور اهوا الشفط

 

[freethinker]

أنا رحتله قالي لازم بنج كامل
لان بسوي بطني والجوانب 1350 دينار مع اني مافيني وايد دهون
يقول بس لترين
بس حدي خفت واساسا للحين ماعتمدت الموافقه من زوجي
هههههههههه

هههههههه احسلج بنج كامل والله احسلج عالاقل ارييح وماكو عوار

بس اذا مافيج دهون وايد وتقدرين تشيلينها رياضه انصحج سويها رياضه ! واذا نفسي وزنج شويه ولي وين بنوصل عشان تصير اجسامنا اوكي ؟ مثلا انا وزني 49 تكفى جم اصير عشان بطني يصير سيده ؟ 20 مثلا هههههه

اذا نفس وضعي توكلي على الله وسويها ترى خوش دكتور

 

[freethinker]

مبروك علي نجاح العملية وانا بعد الحمدالله سويتها امس عندممدوح الضاوي في بيلا كلينك وايد اينن شفطت فخوذي
نفس الاعراض اللي قالت عنها اختي صاحبة الموضوع بس انا بالافخوذ بس نصيحه بنات وخرو عن الحرييييم ترا خواره بجراحة التجمييل والله يوفق الكل .

حياتي الحمدلله على سلامتج .. بينت معاج النتيجه النهائيه ولا للحين ؟ انا للحين اكو تورم (((((((((((((((((((( واجيسس بطني حوالين السره اكو شي يابس يقولون هذا تورم :///

 

[freethinker]

الحمدالله على سلامتج ومبروك النتيجه الحلوه حبيبتي بسأل الحين الغرز لما شالهم في اثر يعني يبين ان هالمكان انتي مسويه فيه شي ؟ لان انا طفارتي شي يبين على جسمي اثار عمليه او غرز ولا خياط او شي ثاني انا بسويها من غير لحد يدري لووول يعني اوكي اطلع بنفس اليوم بس يبين علي التعب وجذي من العوار ولا تهقين اقدر اكون طبيعيه ههه وماتدرين بجم الزنود ؟ ومشكوره

لا عادي العوار اول يوم تكرمين يتني دوخه بالحمام وينزل دم من الجرح هذا اصلا دهن بس لونه احمر وريحته ويع ! يعني عادي تقولين عليج الدوره وتعبانه بس اول يوم
ثاني يوم القومه والقعده صعبه بس اقيين جنه عليج الدوره

3 يوم تكونين بالتمام بس انتي نفسيا راح تخافين بالقعده والقومه

والعوار كله وقت النوم لان تنامين على ظهرج ! وللامانه انا ماسألت الدكتور اذا يصير تناامين عادي بس لان خفت انام على بطني وكلمره ابي اسال انسى

من ناحية الغزر لا كلش ماتبين ! انا صارلي اسبوعين ويومين الحين والغرز راحت بلمره بس عرفتي اثر الجرح لمن تنجرح ايدج يروح شوي شوي بعدين يختفي؟ انا الحين بمرحلة الي صار لون الجرح ابيض على اساس يختفي قريبا انشالله

 

[freethinker]

مساج تسوينه لروحج .. م يعور ؟

من وين خذيتي المشدات ؟

لا مايعور لان بس تفقصين وسمعت اكو مساج ثاني اسمه ال بي جي ! باجر موعدي عند دكتوري بسأله متى اقدر ابلش لان قالي لاتبلشين لمن اهوا يقولي
فباجر يفحصني ويعطيني رد متى ابلش اخذ جلسات

المشد خذيته من ميدي كومفرت ومانصحج تاخذين منهم !! نصيحتي اخذي اثنينه واحد قدج والثاني اصغر منج عشان بعد العمليه بيوسع عليج واخذي من مكان ثاني انا مالي اب 65 :/ حده نار وشرار هههههههه

اكو اماكن تاخذي اب 65 مشدين

 

[freethinker]

سويتيها بالعيادة ولا وين ؟؟

ومشكورة على كل هالمعلومات

اي بالعياده

وحياج الله :*

 

[freethinker]

حبيبتي فري انا موعدي يوم الثلاثا عنده

وبشوف شنو يقولي

عندي ترهل فضيع عقب التوام ومادري ينفع الليزر ولا لا

اذا ترهل فظيع من الحين اقولج بيقولج شد عمليه ههههههههههههههههههه الليزر بس حق الفات مو حق الجلد الزايد

حتى بالشد ماحسيته لييهناك الجهاز مايشد عدل ! او بالاحرى للحين ماشفت نتيجه اميه بالميه والدكتور قالي يبيلها وقت وصبر النتيجه لين شهرين بس انا موقادره انطر اوووف (

بس بشرينا شيقولج :*

 

[freethinker]

يارب لك الحمد عساج دايم بخير وعافيه ديري بالج علي نفسج اقري المعوذات عليمكانن العمليه ويارب ماتشوفين شر

حيييياي الله يسلمج ومشكووره عالنصيحه فديتج :*

 

[freethinker]

هاااااااي بنات

سوري عن الانقطاع بس كنت حدي بزي .. ناس تسافر وتروح شاليهات وتان وانا طاحسه بالدوام اووووووووووووف ((((((((((((

عموما ماشالله لا احسدهم هههههههههه


انا بقولكم عن تطورات عمليتي الدكتور قالي خلال اسبوعين بيوسع عليج المشد وفعلا لمن اقعد من النوم يصير اوسع حبتين علي! واشووف نتيجه وفرق والفات راح بس فوق سرتي اكو تورم بسيط مادري اهوا النتيجه النهائيه او لا ومضايقتني شويه فباجر الدكتور يفحصني ويقولي كلشي وايي اقولكم !

بس تدرون البطن منطقه وايد تريكي ( تخدع ) بمجرد ماتكلين تنتفخ وترد تفش تالي فأحسن نتيجة اشوفها اهيه الصبح واعتقد اهيه النتيجة الحقيقيه !

بخصوص ايدي النتيجه وايد واو ! والكل لاحظ ان ايدي صارت احلا

نرد حق الشفط ! العوار راح كله الحمدلله بس مثل ماقتلكم للحين احس لمن اضغط شويه اكو شي يابس وهذا تورم
ومادري بعد شنو اوصف لان مادري شاللي صاير هههههه باجر بروح للدكتور وبشوووف شيقووولي واقولكم

عموما العمليه يبيلها صبر الي مافيها صبر نفسي لاتسويها ههههههههههههههه لان حتن لمن رحت دار الشفا بسال عن مساج ال بي جي دكتورهم قالي صارلج اسبوعين ؟ قتله ايي قالييي نطرري لان هاذي مستحيييييييييييل النتيجه النهائيه

فالكل يقولي نطري بس انا حاشتني لقافه

فنطروني باجر الصبح ع 11 بحطلكم راي الدكتور بموضوعي

 

[فديته]

ان شالله ناطرتج عل احرر من الجمر

ان شالله ترتاحين >> بس لاتستعجلين يبيلها ركاده ادري ودج عل النتايج بسرعه هههه

 

[عروسة محتارة]

مشكورة حبيييبتي ماقصرتي
انا باجر بدق باخذ موعد عنده واشوفه شنو يقولي

انا راضيه لو بس بسويلي بطني بيوم
و خواصري يوم ثاني
هههههههههههههههههه

المهم موضعيييييييييييييييييي

انا اتحمل العوار ومستعده ابجي واصارخ بس ما اقط نفسي ببنج عام يمااااااااااااااا

 

[فديته]

رفع

 

[freethinker]

باااااااااك


توني ييت من الدكتوور قالي ان للحين اكو تورم وان ايله بعد شهر يشووف النتيجة

وقالي اضيييج المشد مالي وبعدد همممممممممممممم

وقالي ان ايدي بعد يبيلها راح تفش شويه

وقالي ابلش رياضه وسباحه وحياتي طبيعيه ولمن قتله رياضه المعده وايد شجعني ! واضح ان الرياضه طبعا تسرع النتايج وتحسنها
يعني من الاخر ماراح اقدر افيدكم الحين نطرو علي بعد شهر ههههههههههههههههههه للحين ماكو نتيجة نهائيه

شكرا عفوا

 

[بطوووطة$بيضة]

الله يقومج بالسلامة
وننطرج عقب شهر حق النتايج

 

[ماريه القبطيه]

ما تعرفين بكم يسوي الزنود ؟

 

[فديته]

مشكوره وماقصرتي

وان شاءالله تعجبج. النتايج

سي يوو

سلام

 

[DALALEY]

هلا بالحب مبروك النيولوك والحمد لله على السلامه يالقاطعه انشالله ادشين علي بألواتساب سويت فورمات وانمسحح كل شي ((((((

 

[omsalooom@hotma]

اختي اشلون الورم خف ولا للحين وفي زراق ولا راح واشلون نتيجه العمليه زينه