تجربتي عشانكم : شفط وشد بطن بالليزر ببنج موضعي عند عاطف علام comeee girLS :D

[طير الحب]

الحمدالله على سلامتج

 

[انوثتي غير وياك]

.....

 

[*الفراولة*]

أنا رحتله قالي لازم بنج كامل
لان بسوي بطني والجوانب 1350 دينار مع اني مافيني وايد دهون
يقول بس لترين
بس حدي خفت واساسا للحين ماعتمدت الموافقه من زوجي
هههههههههه

 

[ام عمر ومريم]

شنو جنسية الدكتور عاطف علام؟؟؟ أظن اهو لبنانى وكان يشتغل فى بيلا كلينك

 

[omsalooom@hotma]

لا مصري وكان يشتغل بمستشفي طيبه

 

[om MaRyooM]

الفراولة
1300 ؟؟؟ واايد صراحة !
المفروظ موعدي اليوم بشوف شيصير معاي واقولكم

 

[omsalooom@hotma]

اختي ام مريوم انتي اي منطقه بتسوين عنده وهل ببنج عام ولا موضعي وكم قالجالاسعار

 

[*الفراولة*]

أذا كانت منطقه وحدة بنج موضعي وبالعيادة

واذا كان منطقتين بنج عام وبمستشفى

وسعره صج وايد بشوف اذا عزمت اقوله يسويلي ديسكاونت ههههههه

 

[وحيدة امى]

يارب لكم العافيه والسلامه للي سوت واللي ناويه الله يقومكم بسلامه

 

[عروسة محتارة]

الحمدلله على سلامتج حبيبتي
ومبروك عليج النيو لوك
والله يحفظج من كل شر انشالله


بس بسألج
دكتورج وين موجود ؟ بأي مستشفى او بأي عياده ؟
و مواعيده شلون متوفره علطول ولا ننطر شهور ؟

و شنو قصدج بالليزر ؟ يعني الانبوبه الطويله اللي يدخلونها ويطلعونها بجسمج ؟ ممكن توضيح بسيط بس لو ماعليج امر

و انا ودي اشفط بطني و زوايدي و زنودي
بس كلهم شوووية مو وايد يعني مافيني وايد
بس مو راضين يتناسقون او يخفون مهما سويت ريجيم
وابي احقنهم بصدري
هالدكتور يحقن الدهون الزايده بالصدر او لا ؟

وانا ابي بنج موضعي مستحييييييل اسوي بنج عام لو شنو يصير
حدي خواافه وماقدر


واسفه اذيتج باسألتي
ومشكورة مقدماااا

 

[نمله معصبه]

حمدلله ع سلامتج ياقلبي انزين الغرز تبين والا خفيفه لاني بسوي ومابي ريلي يدري

 

[om MaRyooM]

شولنج حبي طمنينا عن احوالج


انا رحتله من 3ايام
وقالي ماينفعلج الليزر لأن بطن القيصرية اصلا مترهلة شوي فماينفع ابد
لازم شق .. اللي اهو tummy tuck وهذي مستحيييل اسويها لأنها تذبح و ال recovery مالتها يطول وايد


الله يعوضني

بس يحلاته خووووووووش دكتور يهبل نفسيته عسل وحسيته شاطر
بس استحيت لما كشفت عليه
تمنيت الارض تنشق وتبلعني

 

[عيد الفرح]

باي عياده دكتورج وكم رقم تلفونه

 

[omsalooom@hotma]

عياده بوحمرا كلينك

 

[Rou7y Te7eba]

تهنين باللوك اليديد ان شا ء الله

بس حبيبتي ممكن اعرف وين القى المكان اللي فيه المشد ارخص ؟
لانه ابي واحد ومايسوى اخذه اب ٦٥

 

[*الفراولة*]

ping

 

[freethinker]

باك بنات
انا برد على كل استفسارتكم بس سوري انشغلت بالدوام

وموعدي عنده يوم السبت الصبح انشالله بنطر اشوف شيقولي بالضبط واشووف النتيجه وجذي واكتبلكم كلشي بالتفصيل من عيووني

سامحووني :**

 

[*الفراولة*]

ياريت ما تتأجرين علينا
نبي نعرف اخى اخبارج


ودي اسويها ومتردده

 

[فديته]

حبيبتي فري انا موعدي يوم الثلاثا عنده

وبشوف شنو يقولي

عندي ترهل فضيع عقب التوام ومادري ينفع الليزر ولا لا

 

[freethinker]

تهنين باللوك اليديد ان شا ء الله

بس حبيبتي ممكن اعرف وين القى المكان اللي فيه المشد ارخص ؟
لانه ابي واحد ومايسوى اخذه اب ٦٥

بعطيج رقم وحده الدكتور عطاني رقمها اسمها هبه ! وشركتهم اسمها طارق سي او ! هاذي عندها مشد اب 28 بس مالقيت سايزي لان انا كنت ابي اكس سمول واهيه تبيع ميديوم يمكن تلاقين سايزج

بدزه لج خاص اخاف ماترضى اكتبه عام مادري عرفتي ؟