تتزوج خطيب اختها ؟ ساعدوها

[شقـــرديه]

السلام عليكم بنات
حبيت استشيركم بموضوع رفيجتي محتاره شتسوي وحبيت اخذ راي كل وحده فيكم
رفيجتي عندها اخت اكبر منها انعجب فيها واحد بالشغل لكن اصغر منها بجم سنه حبو بعض وكان بيتقدم لها لكن اهله ماوافقو بعد محاولات واايد وتركو بعض
ورفيجتي اصغر منها كانت دووم تحل مشاكلهم وتساعدهم لكن بعد ماافترقو تزوجت اختها واهو تزوج وطلق والحين انعجب باختها اللي اهي رفيجتي ويبي يتقدم يتزوجها وقال لاهله ووافقو

بس اهي رفضت من البدايه لان كان خطيب اختها وخافت اختها اتحسس وتتضايق بس اهو افنعها ان يمكن يكون اهو نصيبها واختها تزوجت وراحت بيت ريلها بس اهي محتاره تقول حتى خايفه باجر تصير مشاكل وخصوصا حيل مع اختها
فياليت تفييدونها
:bbbiu:

 

[أم الفناتك]

ابعد عن الشر وغنيله وشلها بواحد مطلق وبييها اللي احسن منه انا اشوف ان اكيد بتتضايق اختها واختي اولى من الريل الريل بداله الف لكن الاخت منو يعوضها

 

[- BambeNo -]

تصلي استخاره وتشاور الأخت سبحان الله يمكن نسته
بعد ماتزوجت وصار عندها كأي واحد عآدي..

 

[أحلــى عرووووس]

اعرف وحده نفس قصة ربيعتج سبحان الله
هي وافقت عليه وتزوجوو ولكن ابدا مارتاحت معاه وبعد معاناه تطلقوا

 

[قمر كويتي]

غريبه زين ليش الاهل وافقوا حق الثانية وماوافقوا على الاولى ؟
وشمعنه يعني اختها والاخت ماتدري ان هذا كان يحب اختها واهي مايدري انها اخت الي يحبها
مافي بالديرة غير هالولد لو اقولج الرفض كان من اختها مو مشكله بس اختها كانت تبيه ماله داعي يعني خوفج يصير مشاكل
واهي بالاخير كيفها خل تصلي استخاره والي الله كاتبه بصير

 

[زهرة الفردوس]

مالها غير الاستخاره
وهذا نصيب

 

[دلع العتبان]

هذا ماكو غير هالعايله يناسبهم استغفر الله شنو خلصت الاوادم من الديره يرجع ويجي عليهم خلاص يااامي خذ من هالوايل ميه عايله حواليك

بس انا اقولج شكله محد راضي فيه قال خل رجع لهم ولا شنو الحكمه ياخذ اختها ؟؟

او شي ثاني فيه ناس تفكيرهم على قدهم ياخذ اختها يتذكر فيها حبيبته الي هيه اختها ؟؟


لا يبه خل ترفضه خير شر باجر اختها تكرها لو شنو يصير ربي يرزقها احسن منه ​

 

[قموشه21]

صدقيني بتصير مشاكل وحتي لو اختها وافقت علي الزواج بيحز بخاطرها وتتذكر كل شي وتشيل علي اختها واهو شنو يلعب بالاوادم يحب اختها وبعدها يحب وحده ويتزوج وعقب يطلق وعقب يفكر باخت حبيبته..؟؟

شالسالفة شنو لاقيهم لعبه .. لا انا اقول خل ترفض مو تقولين نصيبها والله كتب ومادري شنو..

صدقيني اختها بتشيل عليها .. واهو يمشي ويطلق ورفيجتج ماراح ترتاح.. بالاخير خل اتفكرر عدل عدل ومن كل النواحي..

وبالنهايه الراي رايهــأأ

 

[حسينه حلوه]

يعني ريل اختها ما يعرف السالفه ولو دري شنو موقفه ممكن يقول انه خذاها عشان يكون قريب من زوجتي وتصيرمشاكل *الاحسن تسأل اختها او تبعد احسن لها*

 

[المرتاحة]

صراحه مادري

بس لو انا بنحط بنفس الموقف ماراح ارضى .. مافي في البلد غير هالولد؟!!

من رايي انها تبتعد عنه.. اشتبي فيه..مادري نفسيا احس صعبه اتقبل اللي خطب اختي ويالتها خطبه بس ..كانوا يحبون بعض بعد ..لالالا ما اتقبل كلش

.. بعدين اهو ليش طلق؟؟

 

[شقـــرديه]

مادري والله بس اللي اعرفه رفضو الاولى لان اكبر منه بسنتين اما ارفيجتي لا صغيره يعني مناسبه له
ولان اهو شايفهم خوش ناس لان طليقته الله يستر عليها ماكنت مؤدبه ولسانها طويل وععندها اللهم نفسي ماتهتم حق الامور الزوجيه فقايل لها مابي اغامر مره ثانيه دام اني اعرفج وعارف اخلاقج

 

[Queenleo]

لا والله ماوافق
شكوو اييب عله واحطها على قلب اختي
واذا ريلها عرف ان كان يبيها وماصار نصيب!!
بيتصيد على ادنات الدوان على سلام او كلمه
الدنيا ترس رياييل ماكو الا هذا

 

[منيرة خالد]

الاحسن تتركه ولا تقبل بالزواج فيه لأنه راح يفتح عليها باب للمشاكل والحياة الزوجيه راحه وامن وامان وهالشي مار اح تحس فيه ولا تعيشه

 

[قموشه21]

بعدين بتصير يمعات ومناسبات ومو حلوة اتشوف خطيبها مع اختها.. وهمن زوجها راح يدري ان هذا كان خطيب زوجته

بتصير سوالف جماعيه وضحك وصعب يتلاقون وياخذون راحتهم بالحجي..

خل تقصر الششر وترفض الدنيا متروسة ..

 

[Miss^NeozZ]

اممممممممممم .. اختها شنو وضعها ! مرتاحه مع زوجها ؟
ليلحين تحب خطيبها الاولي ؟

ختسوي استخاره .. والله يكتب اللي فيه الخير

 

[شقـــرديه]

توها متزوجه من اشهر وللحين ماستقرت حياتها انا قلت لها نفس ردكم
بس قالت بنتطر تستقر زواج اختها وتشوف بس كلامكم صح ومعاكم حق
راح اراويها كلامكم واهي كيفها

 

[اميره1980]

طبعا ترفضه
خل تتخيل ان تزوجته و بعد الزواج قاعدين مع بعض كلهم و اختها و ريلها يتذكرون ايام حبهم شنو موقفها؟؟
اشلها بالمشاكل وواحد يمشي و يحب
مره الاولى و مره الثانية و خوات بعد استغفر الله

 

[anwaroo]

شلهاا بعواار الراااس وشتبي بوااحد مطلق واهيا مايعيبها شي
انا اقول ختشوفلها احد ثاني وتوخر عن المشاكل

 

[Unusual]

يابنتي اللحين البنات اذا خطب بنت عمها او بنت خالها قبلها ،،
وبعد مارفضت جاء وخطبها والله ماتوااافق ع قولتهم تووه يشوفني ..

شخصياااا مااوافق .. مااحب انحط في مواقف بعد الزواااج .. مع اختي وزوجي ..

عاااد هي كيفها .. واذا مصرة خليها تستخير ربها مرة و 2 و 3

 

[عشقك وطن]

مدري بس احس الموضوع مايطمن

اولا حب اختها ؛ بعدين تزوج وطلق ؛ وبعدين انعجب بأخت حبيبته حييل قويه

اساسا لو حس بميول ناحيتها المفروض من نفسه يقبض مشاعره احتراما للحب الاول هذا اذا كان حقيقي

الموضوع الثاني انه مطلق وهالشي بعد لازم تنتبه عليه


والله يوفقها