تتزوج خطيب اختها ؟ ساعدوها

[مرا دلع]

كل شي قسمه ونصيب
بس احسها صعبببه
خليها تستخير واللي فيه الخير الله يكتبه لها ان شاء الله

 

[عسل سل]

لاااتواافق عليه راح تترتب على هالشي مشااكل شكثثثر هم بغنا عنهااا يسكروون هالباب وبس

 

[Patcholli]

البنات ماقصروا ومعاهم بالنصيحه لاتوافق وان شاء الله اييها الي احسن منه

 

[G!RLooNa]

لا ماله داعي يعني ما خلصوا الرياييل!

و اهله فيهم عقده بمخهم الحين ما وافقوا عالكبيره عشانها اكبر من ولدهم شوي و وافقوا عالصغيره!

شوفي لو اهيا كانت خطبه اهل و السلام ممكن لكن اهما كانوا يبون بعض ف ماله داعي كلش كلش اصلا زوارتهم بصير فيها حواجز وايد

 

[جذابه بنت ذيابه]

ابعد عن الشر وغنيلوووه ..!!

 

[برنسيسة2007]

خوفج ماخذها حبا وتعلقا في اختها
انا اعرف واحد جذي والله بالضبط يحب بنت عمه بس اهي اكبر منه بكثير يمكن فوق الثمن سنوات فارق السن وطلبها اهي رفضت نهائيا تحطم وتقدم لاختها لصغيره توقع بتعوضه عن الحب اللي كنه لاختها
صحيح جابت منه اولاد لكن مشاكل ماحبها اكتر من مره تروح بيت اهلها وبالاخير يقول ابي اتزوج عليها

غالبا الرجل ياخذ اختها يتوقع بتطفي نار الحب لكن ةللاسف يكتشف انه يوهم نفسه

فانتي كيفج انتي ادرا باسباب هالرجل اللي تقدملج وانا عرضتلج حاله مرة علي

وبالاخير استخيري رب العباد عالم الغيب
ولكن لازم صلاة الاستخاره الصحيحه الوارده في حديث عن الرسول مو البدع اللي طايحين فيها الناس
والله يوفقج يااارب

 

[نونو العصله]

واهلها ليش رضو الحين


لو منها ارفض
باجر لو شاف اختها
بيحن قلبه
مهما كان في يوم كان يكلمها


الله يعوضها بواحد احسن من هذا
ولا تزعل اختها

 

[غداً القاك]

مدام اختها تزوجت ومرتاحه مع زوجها عادي اهم شي تستخير ويمكن هو من نصيبها الواحد مايدري وين الخيره

 

[DALALEY]

لا حرام مهما كان كانو يحبون بعض حتى لو الاخت قالت حق اختها عادي وافقي عليه تلاقين من ورا قلبها

 

[منقار نمله]

شحادهآ عليه الرججال كثارر . . !

حرام تاخذه واختهاآ عايششهه تتحسس ويمكن تكرهه اختهْآآ

 

[om-s3oodi]

من وجهة نظري
الزواج هذا غلط .. من أكثر من ناحية
أولاً .. حتى لو الأخت تزوجت , هذا بيتم كابوس بالنسبة لها , ومراح ترتاح
ثانياً .. الريّال .. حب الأخت الأولى , و أنرفض , حب الأخت الثانية ووافقوا أهلها !!؟! فيه شي غلط بالموضوع

الرياييل وايد يا حبيبتي ..
الوحدة يوم تبدي حياة زوجية , لازم تحسب حساب كل شيء
لأنه الزواج أستمرارية .. مو علاقة عابرة ..

الله يسهل عليهم يارب .. و يستر عـ اليميع يارب

 

[JOoORY2000]

والله تخسره واحد ولا تخسر اختهااا
وبعدين اذا اخذه شنو يضمن انه اختها ما تحسس وتضايق
ويبن عليها قدام زوجها يمكن يعايرهاا ويطلقهاا بعد

وبصرراااااحه انا اتوقع ومع احترامي بس من منظوري انه
واحد مو اوكي ولا مضبوط
يعني اذا كان يحترم اختها وبينهم علاقه علي الاقل يحفظ الود اللي كان وانتهي
مو يخسبق السالفه ويشبهاا ضووو ويحرق قلب اختهااا فيهااا
الله يستر من هالنوعيه ظاهره طيب والخافي الله اعلم



علي الطاري ذكرتيني بنكته اسمحي لي اقولهاا
في هندي يحب وحدة تزوج اختهااا ..... ليش ؟؟ عشان يشوف حبيبته كل مازار اهل زوجته

واسفه اذا ضايقت احد بكلامي

 

[روانتي 12]

مايبيلها تفككير .. لا تؤؤـآآفق ولا ترـآآ بيفتحح عليهـآآ بـآآب ماراح يتصكر وخاصـةٌ أنها إإختهـآآ .. إبعد عن ششـٌر وغنيله ..^^

 

[أإلع ـشق دلع ـهـأإ]

لآ توآفق

وآحد كآن يحب أختهآ وتحبه ..

بيحن لهآ بعدين بحكم انه تزوج آختهآ بيشوفهآ دآيمآ

 

[نـازك الملائكة]

تبعد عنه صدقيني حتى لو اختها متزوجه بتشيل في خاطرها وبتتذكره كل ماشافته أو شافت اختها
لابد أنه له مكانه لو شوي في قلب اختها حتى لو متزوجه , ويمكن ماخذها عشان يكون قريب من اختها ترى الرجال تفكيرهم غريب

تبعد عن هالزواج والمشاكل وبيجيها اللي احسن منه

 

[بنات حواء2]

الغلط غلط مهمن لقينه له اعذار و رقعناه
المفروض يظل لاختها و مشاعر اختها قيمه عندها
حتى لو اختها تزوجت و راحت بنصيبها

 

[لورا آشلي]

صعبه حييييييييييييييييييييييييل

لان كان بينه وبين اختها علاقه

ما انصح كلش

 

[$ بنت علمي $]

أحسسسن لها ترفض

ولابتخسر أختها


ؤماراح ينفعها الرجال لاخسرت أختها ~

وعسسسئ الله يرزقها بواحد أحسن منه يارب ~

 

[malak12325]

ما بدها تفكير ترفض وخلص وتتزوج واحد اعزب مو متزوج مادام هي لساها بنت بيت

 

[دلوعة أبوهآ]

تتزوج واحد كآن يبي اختها آآ ..؟؟؟؟
ليه خلصوآ الرجآل في الدنيآ ؟؟؟



صراحه هذا لعاب وقاعد يلعب بقلوب النآس يعني أول كان يحب اختها وسبحان الله فجأه انقلب الحب ع الثانيه
شهالقلب اللي كل يوم تتغير فيه وحده ..!


المفروض البنت ماتوافق لاسباب كثير ..