تبين عيالج يصيرون مميزين .. تعالي هني فيدي واستفيدي

[marna]

الموضوع رووووووووووووووووووووووووووووووووووووووووووووعه

 

[-MaYa-]

حلو حلو .. بس ليش الشي الموزين رابطته بالصين ..حرام الصين فيها اشياء زينه

 

[reham123]

البيبسي لوشنو ماتحبه كنت معلمتها اغنيه ان لمن نروح الجمعيه شنو نشتري والبيبسي مو حلو ...الحمدالله عدت على خير سالفة البيبسي ...بنتي نوعها ملوله كل شي اعلمها عليه بعدين تمله وتقولي مابي اسوي جذي اقولها ميخالف اليوم وباجر نسويه مسايستها ..اللبس مخليتها على كيفها اغلب المرات بس مرات بنروح حق ناس لازم لبس رسمي او مشخه مو تي شيرت وجنز فتببج تبي نفنوف يدووور عاد وين ادور لها والعصير ترا هم مو زينه كثرته لان شكر وايد فيه ..اخليها تدفع بالجمعيه واقولها حاولي مايمسك ايدج واذا واحد وراج قريب (يعني لازق) قوليله وخر لو سمحت شوي ..واللي قالوا ان معلمين عيالنا اللي يطقك طقه ان كلش ماااااااااااااااااااا اأيد لان ممكن الطق يعلم العنف والعنف يولد الكراهيه والحقد باليهال ويصيرون اليهال حقودين ..بعدين يسوون جرايم بالمدرسه يشيل وياه سجين وانتي ما تدرين ولا شوكه يعور عيال الناس حرام نعلم عيالنا جذي ...انا اقول اللي يطقك امسك ايده بقوه وقوتك كلها تمسكه ويقول حق الابله او يبتعد عنهم كثر مايقدر .."الام مدرسه ان اعددتها اعددت شعبا طيب الاعراق " فلو كل ام تعلم عيالها الشي الصح المدارس والدوامات صارو بخير وسلامتكم موضوعكم وااااايد حلو

 

[جوان 2020]

انا اطفالي لسى صغاراحاول بولدي عمره اربع سنوات اعلمه يقول بسم الله قبل الاكل ولازم قبل ينام اقوله قصه
وقبل الاكل لازم يغسل وبعده ويفرش اسنانه ابغى اعلمه للقران بس يلخبط بالايات ويجيب كلام من عنده بس بنتي قاهرتني مره دفشه حركات اولاد ابغاها تصير حركاتها ناعمه

 

[عبق البنفسج]

AVE.NJ
بصراحة ما أقدر أفيدج وايد ..
بس برايي قعدي مع الياهل الي يعاني من السمنة ونصحيه انه يقلل أكله ومايشرب بيبسي وماياكل وجبات سريعة ويمشي ويتحرك وايد عشان يضعف ومحد يطنز عليه ..
وبنسبة للشعر قوليله ان شعرك من الله جذي وهما يغارون منك لأن شعرك غير عنهم عشان جذي يطنزون عليك ..
ويريت البنات يفيدونا برايهم

ستانلي
الله يخليج ويسلمج

قطورتي
تسلمين

miss swan
بقولج تجربتي مع بنتي وان شاء الله تفيدج ..
قبل سنة أو أقل بنتي صار فيها نزلة معوية واليوم الي قبله كانت ماكلة من ماكدونالدز المهم نامت بالمستشفى وسألني الدكتور شنوو ماكله فقتله ماكدونالدز وقلت حق الدكتور جدامها الحين هي مريضة وتزوع كلا من الماكدونالدز وعقب قعدت معاها وقتلها ان مطاعم الوجبات السريعة تخلينا نصير مرضى ونزوع دايماً وحرارتنا ترتفع وانتي كيفج اذا تبين تصيرين مريضة اكلي هالأكل واذا تبين تكونين دايماً زينة وبصحة لازم تاكلين من البيت ومن مطاعم نظيفة غير عن مطاعم الوجبات السريعة وعقبها بفترة قصيرة خذوو بالروضة خبرة الخضروات والفواكة وبنتي الي أصغر منها قالتلي الأبلة تقول لا تاكلون من ماكدونالدز وبرجر كنج عشان بطنكم لا يعوركم .. المهم شوي مني وشوي من أبلتهم اقتنعوو ان هالمطاعم موزينة ولي يومج هذا مايحبون يا كلون منها ومرات على غشمرة اقولهم بوديكم ماكدونالدز فيقولوولي لااااااا مانبيه موزززين يعور بطنا
وبنسبة للحلاوو لا تشترينه كلش خير شر مو ضروري تشترينه .. أنا وايد شغلات مضرة ماقمت اشتريها مثل الحلاو الملون والأندومي والنقانق والمرتديلا (هالشغلات مستحيل تدش البيت)
وبنسبة عالاكل بالايد اليسار علميها ان الي ياكل باليسار ياكل معاه الشيطان والله ما يحب الي ياكل باليسار وكل ما شفتيها تاخذ الاكل بايدها اليسار نبهيها عشان تاكل باليمين

لي عودة للرد على بقية العضوات

 

[Mednight Rain]

خووش موضوع لي عودة ان شاء الرحمن مستقبلا

 

[مي الحلوة]

انا الحمد الله معلمة عيالي انهم ما يكذبون ابد..غير جذيه انا ما احبهم يغلطون علي احد..واهم شيئ انهم مايتطنزون علي احد
او يعايرونه..ومعلمتهم انهم ما يشوفون اللي بيد غيرهم..بس ولدي الصغير الله يهديه عمره 3 سنوات ونص..حيل متعبنى
ما يسمع الكلام ولسانه يلقط الكلام اللي مو زين..حيل عجزت فيه..مو مثل اخوانه الله يصلحه..
فعلا روووووعة هالموضوع توني اشوفه..

 

[Q8Buying]

انا معلمة بناتي ان اذن الاذان يكتمون على صوت التلفزيون وقبل لاياكلون لازم البسملة وان كنت نايمة مايزعجوني بس ماذيني بسالفة البس مو كل شي يلبسونة على رايي والاكل مشكلة معاهم وبنتي الي بالروضة ماتنام مبجر تضايقني على مانومها على اني ماخليها تنام الظهر وقعدة المدرسة شي ثاني شلون تتعاملون مع بناتكم شنو رايكم

مرة سمعت بالتلفزيون .. بالنسبة لنومة الطفل ..

يعني .. تقدرين تخلينه يلعب .. ويلون .. وتخلين يومه مشغول ..

يعني مثل ما يقولون: شغليه لا يشغلج !

وآخر اليوم خليه يسبح ... وعطيه كوب حليب دافي ..

وخليه ينام ..


وو ضبطي نومة الطفل .. يعني لا تخلينه ينام وايد العصر وجذيه .. جذيه يشبع نوم ..

وأنصح بقراءة مواضيع تخص: نوم الطفل .. بالإنترنت !


وآنا ما عندي أولاد أو بنات، بس نشارككم بهذا الاقتراح ..
وأبدي إعجابي بموضوعكم ! .. الله يزرقنا ونطبق اللي تقولونه :eh_s(8):

وبالنسبة لإختي صاحبة الموضوع (عبق البنفسج) ..
عفيه عليج .. تربينهم على عادات زينه ..

بس نصيحة تركوا تفسير واقعي للطفل ..
وفسروا له تفاسير حقيقية ..
عشان لا يكتشف بيوم من الإيام إن نقص عليه .. أو أقرانه يعطونه معلومات ..
غير اللي إحنا نعطيه إياه ..

يعني الطفل يفهم ويتعلم منا ..
خلونا نسولف له عن (الألوان الصناعية) وعن الـLabel الغذائي اللي موجود عالمنتجات ..
ونقوله ليش نمتنع عنه ..

وخلونه نوريه أضرار البيبسي العلمية ..

وهذه مداخلة من أختكم الصغيرة .. إدعولها تحضى بعالم الأمومة
وكلامكم يهبّل! يعطيكم ألف ألف عافية ..

 

[HaAaDoOol]

تسلمييييييين ( ماما حبيبتي ) ومشكوره على الكلام الحلوواالنعم فيج والله

 

[OmYousif]

السلام عليكم
موضوع اكثر من رائع جزاكم الله خير

بالنسبة لعيالج تعلمينهم ان الله خلقنا على احسن هيئة و اللي يعيب على شعرج او اي شي ثاني فهم يعيب على خلق الله و هذا ما يجوز و اللي ييعيب يروح النار
هذا ما عندي على عجالة

 

[عبق البنفسج]

سوري كنت وايد مشغولة الأيام الي طافت فما أقدرت أتابع الموضوع ...
نرد لمناقشة باجي العضوات .. :eh_s(7):

marna
مرورج الأروع .. أتمنى اني فدتج

-MaYa-
لا بالعكس أحنا ما ناكل أي أكل صناعة الصين .. بصراحة منتجاتهم تخرع وكذا مرة أقرا عن أطباء ينصحون بالابتعاد عن الأطعمة الصينية المعلبة والحلويات الصينية
والحمد الله كل شي متوفر عندنا فليش ناكل شغلات فيها ألوان صناعية

reham123
سالفة الجمعية وايد اعجبتني بصراحة انا وحدة كنت غافلة عن هالشغلة اعلمها حق بناتي يمكن عشانهم صغار الحين بس مافي مانع اذا علمتهم من الحين ان ايدهم ماتحوش ايد الريال

جوان 2020
ولدج الحين بسن لازم يتعلم فيها وايد شغلات
بنسبة للقرآن ابدي معاه بالسور القصيرة وخليه كل يوم يقول نفس السورة كذا مرة عشان ماينسى ويتلخبط وخليه بليل قبل لا ينام يقرا السورة ..
وبنسبة لبنتج خليها تختلط مع بنات مع عمرها عشان تاخذ منهم صفات البنوتات :ggdw:

Mednight Rain
بانتظار عودتج

مي الحلوة
الله يخليلج عيالج .. حلو لازم كل أم تعلم عيالها انهم مايجذبون والجذب حرام والي يجذب الله مايحبه
بنسبة لولدج قعدي معاه وقوليله ان الحجي الي تقوله موزين والي يقول هالحجي الناس ماتحبه وماتبيه واذا ماتعدل عقب عاقبيه وحرميه من شغلات هو يحبها أو حرميه من الطلعة ومن أماكن يحبها .. وطبقي هالشغلة مرة معاه شوووفيه شلون بيتغير ..

Q8Buying
صح كلامج الأم الي تبي عيالها ينامون مبجر لازم ماتخليهم ينامون العصاري .. وتحاول تشغل وقتهم عشان بليل ينامون مبجر ومايأذونها ..

كويتيه k.w
الله يسلمج حبيبتي

OmYousif
صح كلامج
وناطرين مشاركتج معانا

 

[لورا2008]

الله يعطيج العافيه خوش موضوع ومنكم نستفيد

انا بنتى توها عمرها سنتين انشاء اله لاكبرت شوى بعلمها

 

[نورا الحلوة]

جزاك الله خير

 

[حظ من عنده انا]

انا. ابي. حل


بنتي عصبييه وبس تبجي

وغيووووره تغار من بنات وعيال خواتي

مع اني انا موو غيوره مثلها بس عصبيه اعصب منها تووترني فاعصب



شووو الحل

شنو الحل

 

[حظ من عنده انا]

انا. ابي. حل


بنتي عصبييه وبس تبجي

وغيووووره تغار من بنات وعيال خواتي

مع اني انا موو غيوره مثلها بس عصبيه اعصب منها تووترني فاعصب



شووو الحل

شنو الحل

 

[**وقفة فرس**]

موضوع مميز ومفيد وفعلا إحنا بحاجته خاصة بهالزمن اللي صرنا ننشغل فيه عن عيالنا لظروف الحياة وتأمين المعيشة المناسبة وهالأسباب خارجة عن إرادتنا...
إختكم عندها 3صبيان(8*5*4سنين) الله يصلحهم ويهديهم:yaaaaaarb:وبنت(8شهور) الله يصلحها ويستر حالها:yaaaaaarb:مع ولدي الكبير كنت مضرب مثل في التربية وأسمع المدح يجيني من الناس البعاد قبل القراب وهذا بالأول من فضل ربي سبحانه وتالي من إجتهادي..لكن كان الوضع مختلف بسبب قلة الأطفال المحيطين فيه في البيت وكانت السيطرة عليه أسهل(شنو أخلاق وهدوء وأدب وذكاء ونظافة)وحدة من مدرساته تقوللي يارب ترزقني بولد مثله..والثانية تقول أذيت زوجي من كثر ماأسولف عنه..بس بعد ما جبت الثاني والثالث واحتكاك عيالي بغيرهم صار موضوع السيطرة على تصرفاتهم أصعب وهالشي مضايقني بشكل كبييييييير يعني أتعب وأعلم وأربي وغيري يخرب:eh_s(4):الكبير صار اللبس يتوصخ من لعب الكورة عادي عنده وآنا طفارتي الوصاخة:rgewrg:مو هذي المشكلة..المشكلة بولدي الثاني صوته عالي بشكل جنوني:lkmnkl:أما الثالث اللسان الوصخخخخ وهالشي متعلمه من اللي العيال المهيتين اللي حواليه...
النقطتين اللي فوق أبي لهم حل لأني تعبت وكل شي قاعدة أجربه بس النتايج غير مرضية بالنسبة لي..
هذي سلبيات عيالي واللي محتاجة مساعدتكم وخبرتكم فيها...
نجي للإيجابيات:
1ـ الخوف من الله وإن اللي ربه يغضب عليه يدش جهنم مع الكفار:lololoe:.
2ـ إحتراااام الأم والأب ومهاااابتهم وطااااعتهم علشان الله يرضى عليهم ويدخلون الجنة ويعطيهم ربي كلللل شي يبونه:ggdw:.
3ـ يحبوني أكثر من أي أحد ثاني حتى أبوهم:wqedqw:لأن الرسول عليه الصلاة والسلام وصى بهالشي:eh_s(15):.
4ـ النوم امبجر شي ضروري عندي خاصة وقت المدارس 7.30يكونون بسابع نومه.
5ـ وقت الأذان ـ بداية ونهاية الأكل ـ قبل النوم ـ كل شي له أصوله
6ـ الإعتذار لما الواحد يغلط وإن هالشي ماهو عيب بالعكس أمك راح تحبك وربك بيرضى عليك.
7ـ ماياخذون شي مولهم مهما كااااان إلا بإذن صاحبه.
8ـ مايقاطعون بالكلام.
9ـ مايقطون شي على الأرض سواء ملابس ولا قراطيس وغيره.
10ـ يقدرون اللي بين إيدينهم وإن غيرهم موحاصله اللي عندهم ويحمدون ربهم على هالنعمة.
ومع كل هذا أبي منهم أكثر ما أدري هالمطلب والطموح للمثالية والسعي وراها رغم علمي بعدم الوصول للمثالية شي سلبي ولا إيجابي؟؟؟

لاتنسون نقاط مشكلتي مع عيالي أبي حل:eh_s(4):

 

[جلكسيه اس 3]

ماااااا شاء الله الايجابيات
وايد
و على طاري السلبيات
عشان جذي انا ما اايد
الوحده اتييب اعيالها ورا بعض
يعني خل تاخذ لها فجه بين كل بيبي و بيبي
ان شاء الله البنات يفيدونج

 

[**وقفة فرس**]

سكرتيرة..الحمدلله إن الإيجابيات أكثر وهذا اللي مصبرني..وزوجي دايما يقول عيالج أحسن من غيرهم وأرد عليه بأن فيه اللي أحسن منهم وآنا أبيلهم الأفضل..وبهالعمر سهل تشكلينهم على كيفج بس المشكلة في نوعية الأطفال اللي يحتكون بالعيال..يعني لو بالمدرسة المس راح تقوم بدورها فالتأثير يكون أقل لكن في البيت صعب تسيطرين على الوضع...وعيالي مو ورى بعض ولو يرجع فيني الزمن لطيت منشطات وجبتهم توائم بولدة وحدة وافتكيت..متطلباتهم وحدة ويكبرون مع بعض وكلهم سيييييم سيييييم موكل ما ارتحت من واحد طلعلي الثاني...
والله من امس مو نايمة بسبة ولدي وصوته مزعج يانااااااس مزعج لو يبي ماي قوم الدنيا بصوته وتالي جاني يعتذر بس بعدين يرد ألعن من قبل!!!! والحرمان موجايب نتيجه معاه رغم إن هذي نصيحة إستشارية في التربية قالتلي تبين الطفل يطيعج حرميه من اللي يحبه..حرمته من التلفزيون والآيبود والكل جايب معاه نتيجة إلا هالولد يعقل دقيقة بس مو أكثر..وآنا أدري موبكيفه ومايحب يشوفني متضايقة بس أبيه يبطل هالعادة التحسن معاه طفيييييف وهالشي مأثر على بنتي ونومها:eh_s(11):واللي يحر قلبي إنه بالمدرسة صوته واطي وبحفل التخرج مايفتح حلجه:rgewrg:وابو لسان زفر كنت اطقه على حلجه واقرص شفايفة لأني أخاف يقول هالكلام بمكان عام ويفضحنا..وصارت فينا من قبل ولدي الكبير لما عطته السستر إبرة قالها ياحقيرة:eh_s(1):والناس على بالهم إحنا جذي مايدرون إنا مبليين بناس ماتعرف تربي عيالها لا ويربونهم على الكلام السوقي لأني شفت بعيني دعلة تعلم بنتها تقول لخالتها هالكلمة وماخفي كان أعظم:0bee2e8d89:وولدي لاقطها منهم...

 

[عسوله*تنقط*عسل]

سلام ياعسولات حبيت اشارككم انا كان ولدي عااقل عمره 4سنين كلن يحبه ويحب طبعه فجاة كلن يتضايق من طبعه صاريضربني بالجوتي الله يعزكم قدام الناس ولايضربني بيده ادا مانفدت طلبه ويتفل عل السواق والخدامة وادا نزل تحت علا جدته ولا امي مايسلم ولاناديته طنشني مرةقلت سلم عل امي قال مابي ماحبها ماجابت لي شي يعصب عل اخواني واد قلت بعلم ابوك يخاف مرة اد في بيت امي يسوي يجيب المساحة يمسح البلاط لاقلت لخدامت امي اخدي المكنسة ضربها بالجوتي واد في بيت ابوه لويستعمل مشط ابوه وسمع ابوه دخل الشقة يدخل في الحمام ورا الباب لين يروح ابوه واثر عل اخته 3سنين دخلت الغرفة ظلما اخوفه يطنشني عقاب له يبكي ويصيح خلاص ماسوي شي اول مايطلع يضربني بالجوتي قلت بهدده بابوه احس جت عقدة الخوف من ابوه وبنتي احسن منه بس الله يعزكم تقول لفظ موحلو حاولت اقرصها واقولها ما احبك تقولي اسفة بس اد عصبت من اخوها تقولها وتضايقت من تصرف لهن كل ماشريت لهم لعبة مع الايام يكسرونها شريت لهم دفاترواقلام لعبوا فيها وبعدين شقوها كرهت اشتريلهم وهددته قلت ماراح اشتريلك قالي مراح اكسرها وينسا ويكسرها وما احب اخلي اعيالي اخدهم معي العزايم بس ضايقوني اقولهم اعقلوا يطنشوني واد خليتهم عند الخدامة ولدي يضرب الخدامةويتفل بوجها ابي اروح لامي ؟؟اسفةطولت عليكم بس حلوا مشاكلي مع عيالي.....

 

[عبق البنفسج]

لورا2008
الله يعافيج
أختي ابدي مع بنتج من الحين وبتشوفين انها بتعلم بسرعة

نورا الحلوة
نورتي الموضوع وناطرين مشاركتج

حظ من عنده انا
أذكر مرة كنت أقرى عن الطفل العصبي والعدواني وعن أسباب اكتساب هالعادة وطرق علاجها..
فلي أذكره بنسبة للعصبية ان الطفل يكتسب هالعادة من أمه أو أبوه لأنه يتعلم ويقلدهم
يعني اذا الأبوو كان عصبي في تصرفاته فبيعلم عياله العصبية والأم العصبية تعلم عيالها هالسلوك .. بعكس البيت الي يكونون الأم والأبو هاديين تلقين عيالهم بعد هادين
ويقولج ان حتى التدليل الزايد عن حده يعلم اليهال العصبية والأنانية لأن التدليل ينمي صفات الأنانية لأنه الياهل من كثر الدلال يبي كل شي حق نفسه واذا ماسووله الي يبيه تلقينه يعصب ويزعل لي تييبوله الي يبيه
يعني العلاج بيدج انتي لا تعصبين وخلج هادية وخلووو البيت هادي بتلقين بنتج تصير هادية وتعلم منج ..
الشغلة الثانية شغلي وقتها قسمي يومها الصبح تلوين العصر تلعب المغرب تعلمينها شغلة

بنسبة للغيرة .. ماعندي معلومة عن العلاج بس بقولج شغلات طبقيها وان شاء الله تفيدج
حاولي تحسسين بنتج انها مهمة يعني سولفي معاها بسالفة على قد تفكيرها وخليها تاخذ وتعطي معاج ..
علميها ان لازم نحترم الناس ونعاملهم عدل ومانحط عيونا على شي عندهم
علميها انها لازم ماتشوف شنووو عند الناس بس تحاول انها تصير أحسن منهم ..
مثلاً يتلي فترة كل ما أحط شبابيص بالبيت حق بناتي يشيلونها فقمت أقولهم فلانة (وحدة من بنات العايلة) صايرة حلوة كلا تحط شباصة وبالبيت ماتشيلهم ومن هالحجي .. فعقب كل ما أبي أحط حق بنتي الشباصة تسألني عشان أصير حلوة مثل فلانة أقولها لا بتصير أحلى منها وأحسن منها

وحاولي انج تقربين بينهم بطريقة غير مباشرة مثلا تقولين حق بنتج فلانة تقول انها وايد تحبج ومشتاقتلج وتبي تلعب معاج ..
ومرات ييبي هدية صغيرة حق بنتج وقوليلها هذي الهدية من فلانة

**وقفة فرس**
الله يخليلج عيالج وان شاء الله تفرحين فيهم يارب
الشغلات الي معلمتهم عيالج وايد حلوة وبالعكس برايي لازم يتعلمون أكثر في وايد شغلات للحين ماعلمتيهم وعندج هالموضوع العضوات كفوووو ووفووو تقدرين تستفيدين منهم بشغلات وايدة ..
بنسبة للكلام بصوت عالي والله أنا مثلج عندي ثنتين من بناتي يتكلمون بصوت عالي كلمتهم يتعدلون نفس الوقت وعقب يردون ..
انا الحين متبعة معاهم ان الي تتكلم بصوت عالي هي ريال وان شاء الله تنفع معاهم هالطريقة
بالنسبة للحجي الوصخ .. يعطيج طريقة يديدة جربيها معاه وقوليلنا تجربتج اذا نفعت ولا لأ .. اذا سب زعلي منه ولا تحاجينه واذا حاجاج قوليله لو سمحت انا زعلانة منك ومابي أكلمك إلا اذا تعدلت وماقمت تسب وهم فهميه ان الي يسب يروح النار والله مايحبه

سكرتير مستقبليه
ماله علاقة اذا كانو ورة بعض ولا في فجة بينهم ..
يعني تلقين مرة عندها بس ياهل واحد وهالياهل قليل أدب ولسانه طوييل ومرة ثانية عندها ثلاث أربع يهال يايبتهم ورة بعض بس تلقين اليهال مؤدبين ومحترمين

عسوله*تنقط*عسل
لازم في شي خلاه يتغير هالتغيير المفاجأ وانتي لازم تشوفين وتراجعين نفسج وتشوفين شلي خلاه يتغير عشان يكون سهل عليج تغيرينه ..
يمكن هو قاعد يختلط مع يهال وقاعد يقلدهم يمكن في سبب ثاني ..
قعدي معاه وكلميه بهدوء واذا سواا أي غلط عاقبيه بغرفة بروحه أو حرميه من شغلات يحبها ومن طلعات بس لا تطقينه وتصارخين عليه