تبون اتعرفون شنو الشغلة اللي لما هديتها ارتحت ؟ دشو وتعرفون @@ !!

[أحب بابا جابر]

+





















السلام عليكم ورحمة الله وبركاته

شنو الشي الزين اللي سويتيه والتزمتي فيه ( طاعة - نافلة - تقرب من الله ) وحسيتي انه سوا فرق وياج وحسن حياتج ؟
وشنو الشي اللي مو زين وتركتيه وحسيتي عقب تركه براحة وتحسنت امورج وحياتج ؟ مثال ( الحش الاغاني ... الخ )

بنات نبي تجاربكم منها تذكير وتنبيه وتشجيع وتوعية عشان اللي طايحة بغلط الحين ومعومسها واهي مو منتبهة تنتبه وتتركه
واللي طايفتها طاعة مفيدة لها تتشجع عشان تسويها
ونخلي هالموضوع مرجع لقصصكم وتجاربكم ؟
وانا بقول تجربتي
:d

 

[أحب بابا جابر]

معقولة محد عنده شي مجربه !

 

[brettey]

شوفي للامانه القران والصلاه والدعاء والاستغفار وقيام الليل يريحون وانا وايد قاعده اتقرب من ربي بهالاشياء
بس عن نفسي مو قادره اخشع بصلاتي من كم المصايب والهموم اقرا قران واستغفر وادعي بس ماكو احس قمته وضيقه بصدري افكر متى بتنفرج ومتى برتاح وايد هالاشياء تشغل تفكيري خصوصا اني من مصيبه لي وحده اكبر منها كلش مو حاسه بالامان ولا براحه البال
الله كريم ابي بس تنفرج عشان اقدر اصلي واقرا قران وانا مرتاح بالي ماكو شي يشغلني لان حتى صلاتي كلش مو بخشوع من كثر التفكير
قاعده احاول ابتعد عن الحش قد ما اقدر والله كريم

 

[سميتك الغلا كله]

اممم شي لمآ سويته ارتحت صلاة السنه .. آآه بس رآحه مو طبيعيه ..
والآستغفآر ..

 

[آلمآآآسه]

بارك الله فيح على موضوعج الطيب


انا الحمدلله تركت الاغاني ومن بعدها حسيت برااااااااحه اللهم لك الحمد والشكر

تركت نمص الحواجب ولله الحمد =)

عودت نفسي اصلى الوتر واحفظ سورتين من سور القراءن الكريم كل يوم او يوم ورا يوم

 

[حبيبة أهلها]

جزاكِـ الله خيرا اختي الغاليهـ ...~

​

 

[عويتقة]

شوفي انا اقولك انا من يوم بديت قيام الليل والاستغفار بالاسحار وقراءة القران وبحاول اتقرب من الله استغفر لذنوبي الكتييييييرة وبحاول اثوب مهنم مشان ربي يرضى عني وما يغضب علي حسيييت برااااااحة نفسية مو معقوللللللة وحتا الاغاني ما بقيت اسمع اغاني مثل قبل يعني مو 100/100 بس بحاول قددد ما اقدر اني ما اسمع الاغاني اه وكما سورة البقرة بقسمها على مرتين في اليوم وحتتا اني بحااااول استغفر الف مرة في اليوم والطريقة وااايد سهلو انا استغفر 200 مرة بعد كل صلاة وما يمر اليوم الا وانا مكملة الف وكما اذكار الصباح والمساء يعني ما اخلي شي اسمعو الا واطبقه ويااارب لا تحرمنا من حبك لنا ياااارب بنات ادعولي اتزوج

 

[عويتقة]

نسيت اقولكم اني تركت النمص ولله الحمد 4 شهور ما لمست حواجبي

 

[عاشقة الدوحة]

الله يوفقنا جميع. ..
انا بفضل الله قررت رمضان اللي فات انه يكون غير عن كل رمضان
يعني قبل ما ندخل رمضان بديت استعد. ..

المهم ان الله الحمدلله وفقني. .. .. والله أكرمني وايد ويمكن في نعم وايد مو منتبهة لها. . بس أحلى شي ان بعد رمضان الله وفقني بترك شي ما كنت عارفة شلون اتركه. . الحمدلله ان الله يسر لي هالامر. . وفقني للهداية لاني كنت للاسف في غفلة. . ووفقني في دراستي الحمدلله. .

اللي أبي أقوله يا بنات. . لو عندج مثلا معصية مب قادرة تتركينها او طاعة مب قادرة تسوينها. ( لو كنتي صادقة ).. ادعي الله يوفقج في هالشي وييسره لج
وصدقيني الله بيعينج. ..

 

[Habooon]

اللي أبي أقوله يا بنات. . لو عندج مثلا معصية مب قادرة تتركينها او طاعة مب قادرة تسوينها. ( لو كنتي صادقة ).. ادعي الله يوفقج في هالشي وييسره لج
وصدقيني الله بيعينج. ..

حبيييت كلااامج :eh_s(17):

انا الحمدلله واايد تغيرت حياتي عقب ما حافظت على صلاتي و السنن و صلاة قيم الليل لدرجة ان قيام بالنسبه لي قمت احسه فرض و اذا مره يوم ما قمت الليل يضيق خلقي حييييل

و قراءة القران راحة مو طبيعيه و حاليا قاعده احاول اختم القران

الستغفار من 500 لي 1000 مره باليوم , الصلام عالرسول 500 مره باليوم
و احاول اقول بعض الاذكار
حافظت على اذكار الصباح والمساء
اتحرى اوقات استجابة الدعاء و ادعي من قلبي

ابتعدنت عن الاغاني يعني ساعات اذا في برنامج او شي بالتلفزيون اسمع بس ان بشكل عام وااايد خففت حتى بسيارتي قطيت كل السيديات

الحين بحاول التزم شوي بلبسي لاني احسه ضيج شوي , و عندي ذنب مو قادره اتركه :bbbiu::eh_s(16):

بدعي ربي ليل و نهار علشان يعينني على تركه

بس الحمدلله واايد حياتي تغيرت عقب كل هالشغلات اللي اسويهم حتى انا نفسيا صرت احسن قبل كنت وايد عصبية الحين حيييييل هدييت و مو اي شي ينرفزني , الله يثبتنا و يهدينا كلنا
فعلا التقرب من الله له راحه مو طبيعيه

 

[Habooon]

امبي كله بدليات سوري لوول

 

[أحب بابا جابر]

ماشالله عليكم ملتزمين صح


حبيت التفاعل :eh_s(9):
كملو بعد عشان انا اقول شعندي :eh_s(22):

 

[أحب بابا جابر]

الشي اللي استثقله صج اهوه السنن اللي ورا كل صلاة
احسها ثقيلة علي وعمري ما اتخيل نفسي اصليها كاملة يوميا !!!!

الله يهديني على ايدكم

 

[عويتقة]

ماشاء الله تبارك الرحمان يا الله بنات لا يوقف

 

[أحب بابا جابر]

استغفر الله العظيم الذي لا اله الا هو الحي القيوم واتوب اليه

 

[عاشقة الدوحة]

هبون الله يثبتنا وياج امين
اختي.. أحب بابا جابر انا بنصحج وان شالله التوفيق من الله
احنا كلنا نحب نسوي اي شغلة نلقى وراها فايدة
والأجر اللي من عند الله احلى أجر
هذا مب كلام نظري. . تخيلي بيوم القيامة الناس حسناتهم أكثر وفي أعى الدرجات وانتي اقل منهم درجة. . الانسان دوم يحب يكون في كل شي الأحسن والأفضل

ومن الأمور اللي تقربنا لله أكثر السنن الراتبة
انا ابيج تبحثين وتقرين عن فضلها. . صدقيني راح تحبينها وما تتركينيها

ترى الصحابة كانو يطبقون السنن لانها سنة عن الرسول
واحنا نترك أمور لأنها سنة. . للأسف. . الله يسامحنا يا رب


هذا الكلام مب بس لج لكل وحدة لاني اعتبركم مثل خواتي


جزاكم الله خير

 

[أحب بابا جابر]

عاشقة الدوحة
مشكورة !!
تأثرت بكلامج
يا رب اني اقدر اصليها
صج النصيحة بأسلوب حلو تأثر
مشكورة مرة 2

 

[تلفزيون قطر]

بقولج تجربتي ...

انا كنت اصلي بس اسمع اغاني وما اقرا قران الا نادرا
وهم بعد مرات اترك الصلاوات وما احافظ ع صلاواتي بوقتها
كنت لاهيه بهالدنيا وكنت بعيده عن ربي
صار موقف قوي قوي حيل فقدت الامان والاطمنان والراحه عقبهاا تغيرت واااااااااااااااااايد
قمت احافظ على الصلاه بوقتها واصلي الوتر والضحى وقيام الليل ومرات اصلي جي شكر لله
تركت الاغاني وقمت اقرا قران واستغفر واسبح وحفظت كل الادعيه مثلا اذ دشيت الحمام وطلعت او دشيت البيت
او طلعت اكل واشرب دايما اذكر ربي وهم بعد اذكار الصباح والمساء والرقيه الشرعيه ما اتركهم
قمت اقرا مواضيع دينيه عشان اتقرب من ربي اكثر
الحمدالله صرت احسن بواايد واحس بهدوء وامان وراحة بال
الله يثبتني ان شاء الله ويهديني اكثر واكثر
انا اجوف انه اساس البلا في حياتي الاغاني لاني 24 ساعه السماعه باذني بكل مكان
حتى قبل لا انام بدال لا اقرا اذكار نوم اسمع اغاني استغفر الله
يلا الحمدالله كبرت وتغيرت وان شاء الله اتغير للاحسن بعد
الحياه بالقرب من الله راحه وامان واطمنان وهدوء مب طبيعي واهم شي ونااسه
الحمدالله
الحمدالله
الحمدالله

 

[أحب بابا جابر]

الحمدلله
الاغاني انا اسمعها استغفر الله صعبة اهدها وانا جذي لاهية وغافلة
الله يهدينا

 

[معزوفة عشق&]

انا تركت الاغاني والزمت الاستغفار وسبحان الله راحه ولا بعدها راححه
حياكم في موضوعي
http://www.q8yat.com/t1004007.html