تبون اتعرفون شنو الشغلة اللي لما هديتها ارتحت ؟ دشو وتعرفون @@ !!

[ms_fyoOnka]

^_^

هذا اول مشاركة لي في منتداكم المميز ..

وانا حبيت اشاركم بــشي ..

انا من بديت اصلي السـنن وبعد صلاة الفجر لازم اقرا صفحتين من القران و اقرا اذكار الصباح والمساء .. أحـــس انـي وااايد ارتحت .. و تركت الاغاني والحمدلله والله يثبتني ياااارب ..

والحين ان شاءالله ناويه ابدا احفظ القران ادعووولي بالتوفيق ..
​

 

[أحب بابا جابر]

الله يوفقج فيونكا
ويثبتج

 

[عاشقة الدوحة]

سبحان الله

 

[طموحه بزياده]

انا الحمدلله ترتكت سماع الاغاني تدريجيا لي صار نهائي لكن مرات استغفر الله يفصلون خواتي وعيالهم يرقصون ع اغنيه واقوم ارقص وياهم

بس نيتي اني مابي اسمع اغاني وكرهتها اصلا


والحمدلله قدرت احافظ ع صلاة الفجر واحارب الرغبه الشديده بالنوم طبعا بالبدايه كان اكو صعوبه كبيررره درجه تأزمت نفسيا شلون بحافظ ع صلاة الفجر طول عمري؟

طبعا ما انكر ان مرات واهو نادرا انام عن صلاة الفجر بس غالبا اهتم واستشعر اهميه ثلاة الفجر واقوم غصب عن الشيطان


اممممم

وحاليا قررت قرار صارم وعسى الله يوفقني ان اترك قص حواجبي واكتفي بالتشقير وان شا الله يارب اتركه للأبد بس احس صعبه


عاد اانا لي قصيت حواجبي اطلع اهبل لان حواجبي عراض وكثيفه

 

[عبالي حبيبي]

اناسعيده بقيام الليل

تركت الاغاني من زمان الاماندر اسال الله المغفره

اسمع للبقره يوميا

اقرا الكهف كل جمعه

تركت نمص الحواجب

واقرا سورة يس والملك قبل انام

استغفر الاف المرات واسبح

احافظ على الاذكار

وتبون اهم شي يحسسني براحه

صلاة الفجر بوقتها يومي كله مرتاحه

اتعس يوم الي تطوفني فيه صلاة الفجر

والله ماكتبته الالنحفز بعضنا البعض

اللهم طهرني من الرياء والسمعه

وشكرا

 

[caramella <3]

الاستغفار و ذكر الله بكل الاوقات
و ربي يثبتني اني ما ارجع اسمع اغاني
و صلاة الفجر اذا طافتني انقمت طووووول اليوم
و الصلاة في وقتها

 

[M!Ss Un!VerSe]

النوافل تغير النفسيه 180 درجه
وتخليج تخشعين للصلاة اكثر
البقره لمن اقراها احس اني قوويه واقدر اسوي كل شي
اذكار الصباح اذا نسيتها الصبح احس اني مو متفائله
ويمر يومي بدون انجاز*واحس بشي غلط ..

 

[اشكرك ربي]

انا عن نفسي تركت الناس مالي خص باحد لا اتكلم فيهم واذا احد تكلم اقول مالي خص باحد بالمعنى الاصح تركت النميمه معني ما كنت نمامه لكن تعرفين احنا الحريم نحب نعلق هذي لابسة وهذي قالت ,, واحب احسن الظن بالناس والللله بشكل مو طبيعي وهااا احتسب الاجر اقول يارب ان كانو بيظروني فابعدم عني وان سوو هالشي بدوم قصد فاغفر لهم ,,

 

[Sweet Angle]

هلا ياقلبي

ماشاء الله على البنات .. عسى ربي ايثبتكم يارب :**

انا الحمدالله من سنييييييين و انا تركت وقررت انه عمري ماراح انمص حواجبي عمممممري والحمدالله الله ثبتني :***

هديت الاغاني فترة طويييييييلة .. وحسيت براحه عجييييييييييييييييييييييييييييييييييبه
ماراح اقدر اوصفها ..

ادعولي عسى ربي يثبتني بسالفة الاغاني لاني متذبذبه وكل شي يشجعج على انج تسمعين اغنية
وحولج الاماكن حاطين اغاني والقلب يضعف
عشان جذي ادعولي خواتي ...

و جزاج الله خير ياقلبي :***