تايلند بلاد القذاره

[ام الحوراء زينب]

الله يعينج مالومج رايحه بتايا .................معروفه بتايا بشي هذا ..............والعوايل مايروحون بتايا ..............احلى شي بانكوك وشنغماي وبوكت ......................اما بتايا حق الخراب ومحد يروحلها الا حق الخرابيط ...........غلطانه رايحه ............بس الله يعوض عليج

وشلون تحكمين ان اللي يروح حق الخرابيط بتايا انظف من بوكيت وكلها عوايل خليجيه وعربيه
اللي يبي الوصاخه لو وين كان يلحقها

 

[ZoooQa]

لوووول بعد اكو احد يروح بتايا معروفه حق الخرابيط والشياب حبيبتي روحي بوكيت روحي كوساموي مو بتايه على اولج

بعدين هاللي تقولينه موجود حتى باوربا وكل الدول اللي فيها شرب الناس تشيش فيها بالليل اللهم ياكافي

بس تايلند وبس انا اموت عليها بس حرام شكلج ماعرفتيلها المفروض تسألين بنات مو رياييل


وخيرها بغيرها

 

[سفرجل]

شئ اكيد حبيبتي مارحتي الا لبتايا ومعروفة بالخرابيط
وانا دايما اروح لبوكت وبانكوك وحلووه واايد
وتايلند مو مالت يهال
وتوني راده منها اتيييييييينن

 

[أوركيد]

وي وي وي ...يعني شفتي اباحيه على الهواا مباشره !!!!!!

الله يعينج وينسيج هالسفرة ويعوضج عنها ...

بس ما ادري تايلند لسوق وبضاعة ..نظافه وطبيعة سياحة ماليزيا احلى ولا لو فيكم فيكم تايلند جان رحتوا بوكت ..يقولون حلوة وهاديه ومافيها سوق ؟؟؟

 

[آبـلـہ نـونـو]

حسبي الله عليهم ,,

من عمري ما حبيت لهالدولة

الله يعوضج باللي أحسن منها ..

 

[زهرماريه]

وي وي وي اعوووذ بالله الله يستــر على شبابنا
و معروفـه تايلند حق هالخرابيـط الله يحفظ شبابنا و ريايلنا و يبعدهم

 

[maadaa]

أنا رحت تايلند 4 مرات عادي , صج وصخه و فيها تلوث بس عندي اونس من ماليزيا و شعبها عنده ذمه و ضمير

 

[برونزيه شقرا]

حبيبتي أول شي الحمد على سلامتج
ودي أقولج المفروض قبل لاتسافرون تسوين بحث شاااااااااااااامل عن الدوله
وبعدين باتايا نص منها مشهوووور حق الشباب والخراب وكل شي والجزء الثاني طبيعي حاله حال أي دوله غير مسلمه
وعندج بوكيت وشانغهاي وشانغماي وووايد جزر فيها طيران داخلي بالعكس تايلاند تونننننس حق اللي يعرف لها وآنا واااايد رايحت لها مع ابو العيال وبعدين التفصخ حبيبتي بكل مكان
والله إني رحت منتجع عندنا بالكويت والله إنصدمت من اللبس والمايوهات والأشيااااااااااااااااااااء
مع إني سفور مو متحجبه بس إنصدمت من اللي شفته

 

[om MaRyooM]

الله يهداكم في واحد يروح بتايا !! معرووفة بتايا قمة في الوصاخة والعربدة استغفرالله

شوفي حبوبة .. بكل ديرة في مفاصيخ وفي سكارى خصوصا خليجيييييين ..

يعني انا جم مرة رحت تايلند نشوف وصخين بس عاادي طاف .. لأن نروح الاماكن المعروفة يعني بوكت وبانكوك .. صج ان في قذارة بس احنا شعلينا منهم .. نطلع ونهيص ونستانس .. وعقب العشر طبعا بالفندق لأن تبدي حياة الليل

وعسى الله يعوظج بسفرة أحلى من جذي

 

[78MariMar78]

لا حول ولا قوة الا بالله

 

[ملكة بحجابي]

الحمدلله على سلامتج اختي .. والله يعوضج خير ..

 

[honey lust]

اي حبيبتي ترا اللي تقولين عنه يعتبر وظيفه عندهم شي عادي و يخلي السياحه تزيد عندهم
و انتي الله يهداج جان سألتي عن بتايا قبل ما تروحين معروفه ان فيها هالخرابيط
يالله ما عليه انشالله تعوضينها بسفرات ثانيه

 

[بحرينية حنونة]

وووووووع تايلند لو يعطوني فلوس الدنيا يقولون لي روحي ماروح وع

انه رحت شهر العسل استراليا وبما انه الدرب طويل عاد قلنا بنمر تايلند 3 ايام في الروحة والرجعة بعد 3 ايام عشان نريح من تعب الطياره والله ماتوقعتها بهالوصاخه والقذاره وتمينا كل ايامنا في الفندق ووووووووووع

 

[علايه]

انتي الله اهداج معروفه بتايا ديرة الوصاخه

ليش ما سألتو قبل ما اتروحون

 

[بـنت الـزين]

بالعكس عايلتنا كلها راحت تايلاند ومدحوا لياها وايد حلوة ويرحبون ترحيب حلوو
بس صحيح فيها مفصخة وهذا بس صدقوني في مناطق محترمة وحلوة وايد
ومشكوورة

 

[أم قمبـر]

هاهاهاهاهاهاهاهااي ضحكتيني ماحصلتوا غير بتايا؟؟؟؟؟؟

معروفه بالفساد واللي يبي الفساد يروح لها اعوذبالله ماتنفع للعايلات

الله يهديكم كان رحتوا بانكوك مافيها هذي السوالف غير مناطق معروفها هناكي

رحنا تايلاند مرتين وسكنا في بانكوك ولله الحمد ماشفنا فيها اي شي مع انا مانطلع بالليل نرجع على الساعة 8 مانطول المساء... اكثر ظهرتنا الصبح ... معروفه تايلند فيها مناطق فساد بفساد اعوذبالله

 

[كرامتى تهمنى]

لالا غلطانه اختى تايلند حلوه شوفى انتى وين رايحه وين ساكنه ؟؟والعرات بكل مكان اللى يروح دوله غير الخليج اكيد فيها عرات لاتروحين بعيد شرم الشيخ ولبنان عادى عندهم اللبس وبتايا اصلا حق يوم واحد تتسوقين وتطلعين اللى يبي البارات يدلها وفي شوارع بعد الساعه8 تتحول بارات وعاهرات :gathering: انتى نظمى وقتك ليش تسهرين واللى يروح يتحمل المناظر لان ماعندهم لادين ولا شي بس لا تشملين الدوله انا لسافرت اغض النظر عن المناظر وكل على دينه

 

[kandora]

حبيبتي كل ديره فيها وصااااااخه وبتايا عقب ال 9 بليل لا تطلعووون حق هالاماكن ! بالعكس شحلات مجمعاتها والقعده على البحر.. بانكوك وع بالثلاث ما حبيتها بس فيها مجمعاتها ! اما بوكيت صج صج صج وناااااااااااااااااااااااااااااااسه احلى ايام حياتنا فيها

 

[ذكريات الطفوله]

اختي تايلند أحلى شي فيها انج تشترين و تشترين و تشترين
واذا على طريقة شعبهم بالتعامل كل الدول جذي ابديرتهم شيوخ
عااااااادئ لا تتحسفين

 

[مديرة الكادي]

انصح العوايل اذا بيروحون تايلند ياجرون اماكن بمنتجعات ... لان المنتجعات تكون بعيده عن هالسوالف
مشكوره على الموضوع